4

EPP-ICT
Modyul 8:
Email Email Paano ka Gawin
at Ipadala.
(Nakakagawa ng email-address
at nakapagpapadala ng email)

CO_EPP-ICT4_Modyul8
EPP-ICT Ikaapat na Baitang
Alternative Delivery Mode
Modyul 8 Email Email Paano ka Gawin at Ipadala. (Nakakagawa ng
email-address at nakapagpapadala ng email)
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala
at mga may-akda ang karapatang-aring iyon. Ang anomang gamit maliban sa modyul na ito
ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Marivic B. Abawag
Editor: Jelly M. Flores
Tagasuri: Filip P. Cañas
Tagaguhit: Fatima Preciousa T. Cabug
Tagalapat: Fatima Preciousa T. Cabug
Tagapamahala: Gilbert T. Sadsad, Francisco B. Bulalacao Jr.
Grace U. Rabelas, Ma. Leilani R. Lorico, Christie L. Alvarez
Lita T. Mijares, Salvador T. Pelingon

Inilimbag sa Pilipinas ng ________________________

Department of Education – Region V

Office Address: Regional Site, Rawis, Legazpi City, 4500

Telefax: (052) 482-0046 / (052) 482-0373
E-mail Address: deped.rov@deped.gov.ph
 4
EPP-ICT
Modyul 8:
Email Email Paano ka Gawin
at Ipadala.
(Nakakagawa ng email-address
at nakapagpapadala ng email)
Paunang Salita
Ang Self-Learning Module o SLM na ito ay maingat na inihanda para sa ating mag-
aaral sa kanilang pag-aaral sa tahanan. Binubuo ito ng iba‟t-ibang bahagi na
gagabay sa kanila upang maunawaan ang bawat aralin at malinang ang mga
kasanayang itinakda ng kurikulum.
Ang modyul na ito ay may inilaang Gabay sa Guro/ Tagapagpadaloy na
naglalaman ng mga paalala, pantulong o estratehiyang magagamit ng mga
magulang o kung sinumang gagabay at tutulong sa pag-aaral sa kani-kanilang
tahanan.
Ito ay may kalakip na paunang pagsusulit upang masukat ang nalalaman ng mag-
aaral na may kinalaman sa inihandang aralin. Ito ang magsasabi kung kailangan
niya ng ibayong tulong mula sa tagapagdaloy o sa guro. Mayroon ding pagsusulit
sa bawat pagtatapos ng aralin upang masukat naman ang natutunan. May susi ng
pagwawasto upang makita kung tama o mali ang mga sagot sa bawat gawain at
pagsusulit. Inaasahan namin na magiging matapat ang bawat isa sa paggamit nito.
Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot sa
pagsasanay.
Hinihikayat ang mga mag-aaral na makipag-ugnayan agad sa kanilang guro kung
sila ay makararanas ng suliranin sa pag-unawa sa mga aralin at paggamit ng SLM
na ito.
Sa pamamagitan ng modyul na ito at sa tulong ng ating mga tagapagdaloy, umaasa
kami na matututo ang ating mag-aaral kahit wala sila sa paaralan.

ii
 Alamin

Nasubukan mo na bang magpadala ng liham sa yong

kaibigan? Alam mo ba kung gaano katagal bago ito makarating
sa iyong padadalhan? Noon ang liham ay kailangan pang lagyan
ng selyo at paghuhulog nito sa Post Office. Hanggang ngayon ay
ginagamit pa rin ito ng ilan. Ngunit may mas mabilis kayang
paraan ng pagpapadala ng liham? Alam ko na mas gusto mong
matangap ng iyong padadalhan ang isang liham kung ito ay
makakarating lamang sa loob ng ilang segundo o ilang minuto
.Siguradong magiging mabilis din ang magiging kasagutan dito.
Ito ang pag-aaralan natin sa modyul na ito kung paano tayo
makakapagpadala ng liham sa loob lamang ng ilang segundo.

Sa modyul na ito ay inaasahang matutunan ang mga

sumusunod:
 nabibigyang-kahulugan ang email;
 nakagagawa ng sariling email account o address gamit
ang internet; at
 nakapagpapadala ng mensahe gamit ang sariling email
account o address.

1
CO_EPP-ICT4_Modyul8
 Subukin

Kaya Mo na Ba?

A. Subukan natin kung kaya mo na ang sumusunod na

kaalaman at kasanayan. Lagyan mo ng tsek (/) ang hanay ng
thumbs up na icon kung taglay mo na at ekis (x) ang thumbs
down icon kung hindi pa.

Kasanayan sa Email

1. Pagkakaroon ng email account o address

2. Paggawa ng sariling email account o
address
3. Pagbubukas ng sariling email
4. Pagbasa ng mga mensahe sa sariling email
5. Paggawa ng mga mensahe gamit ang email
at pagpapadala nito sa kinauukulan

B. Isulat ang salitang tinutukoy sa bawat pangungusap sa

pamamagitan ng pagsulat ng nawawalang titik upang mabuo ang
salita.
1. Ito ang hinihinging pangalan tuwing ikaw ay gagamit ng
email.

u s r a e

2
CO_EPP-ICT4_Modyul8
2. Para sa salitang . g v government.

3. Ito ang kumakatawan sa salitang „commercial.‟

. c m

4.Kumakatawan sa salitang . e u education.

5.Para sa salitang . n t „network.‟

3
CO_EPP-ICT4_Modyul8
 ICT: Email Email Paano ka
Lesson Gawin at Ipadala.

8 (Nakakagawa ng email-
address at nakapagpapadala
ng email)

Balikan

Gumawa ng talahanayan at tsart mula sa mga sumusunod na

datos.
Si Karla ay nag-iipon ng kanyang baon upang makabili ng regalo
para sa kanyang Nanay sa kaarawan nito.Gumawa siya ng
listahan ng naiipon nya araw-araw atin itong tingnan at
pagkatapos ay gawan ng table at tsart.
Ang ipon ni Karla
Lunes 5.00 Php
Martes 8.00 Php
Miyerkules 8.00 Php
Huwebes 3.00 Php

4
CO_EPP-ICT4_Modyul8
 Tuklasin

Basahin natin ang isang komik strip.

Sa ibang bansa nagtatrabaho ang asawa ni Nanay Selia. Doon na

ito naghahanapbuhay kung kaya‟t malayo sa kanyang
pamilya.Isang araw napansin ni Nanay Selia na mukhang
malungkot ang anak nito.

Basahin natin ang naging usapan nila.

Nay hindi po masama
ang pakiramdam ko.
Anak,mukha yatang Gusto ko lang po na
malungkot ka mapadalhan si Tatay
masama ba ang ng mensahe para sa
iyong pakiramdam? nalalapit niyang
kaarawan

Source:Fatima Preciousa T.
Cabug,2019 1
Source:Fatima Preciousa T.
Cabug,2019 2

5
CO_EPP-ICT4_Modyul8
 Ganun ba anak, Ano po nay na email?
sige tutulungan
Matatangap niya po ba
kita magpapadala
agad Nay ang mensahe
tayo ng email sa
na gusto kong iparating
Tatay mo.
sa kanya?

Source:Fatima Preciousa T. Source:Fatima Preciousa

Cabug,2019 4 T. Cabug,2019 3

Talaga po Nay?Sige po
Oo naman gusto kong magpadala ng
anak,ilang Segundo email kay Tatay.Salamat
lang ay matatangap po Nay.
na nya ang
mensahe mo.

Source:Fatima Preciousa T. Cabug,2019 6

Source:Fatima Preciousa
T. Cabug,2019 5
6
CO_EPP-ICT4_Modyul8
Sagutin ang mga tanong:
1. Sino-sino ang mga tauhan sa comic strip?
2. Bakit mukhang malungkot ang anak ni Nanay Selia?
3. Ano ang gusting gawin ng anak ni Aling Selia?
4. Ano ang gagawin ni Nanay Selia upang matulungan ang
kanyang anak na makapagpadala ng mensahe sa
kanilang Tatay?
5. Makakatulong kaya ang pagpapadala ng email?
6. Ikaw, marunong ka bang mag-email?

7
CO_EPP-ICT4_Modyul8
 Suriin

Sa tingin mo makakatulong kaya kina Nanay Selia ang

pagpapadala ng email sa kanilang mahal sa buhay?
Ikaw marunong ka bang magpadala ng email?
Sige tuturuan kita.
Ang una nating dapat gawin ay gumawa ng email Adress.
Paano mo ito gagawin?
Bago ka gumawa ng sariling email kailangan mo munang
malaman ang mga bahagi ng email address.

1. Username- Ito ang hinihinging pangalan tuwing ikaw ay

gagamit ng email. Madalas ginagamit dito ang pangalan at
apelyedo.
2. Pangalan ng domain- Ito ang pangalan ng mail server kung
saan maaaring gumawa ng isang account. Halimbawa nito
ang Gmail at Yahoo.

8
CO_EPP-ICT4_Modyul8
 3. Uri ng domain-Ito ay naglalarawan kung sino ang
gumagamit o saan nanggagaling ang domain. Ito ay
nilalagay pagkatapos ng mail server at isang tuldok.
Mga Karaniwang Uri ng Domain at Gamit nito:

.com Kumakatawan sa salitang „commercial‟.

Karaniwang ginagamit ng mga negosyo at
commercial enterprises.
.edu Kumakatawan sa salitang „education.‟ Ito ay
ginagamit ng mga paaralan at unibersidad.
.net Para sa salitang „network.‟ Ginagamit ng mga
internet service providers at web-hosting
companies.
.org Para sa salitang „organization.‟ Karaniwang
ginagamit ng non-profit groups o trade
associations.
.gov Para sa salitang „government‟. Ginagamit ito ng
mga ahensiya ng gobyerno.
.pro Gamit ng mga professionals tulad ng abogado at
doctor.
.info Para sa mga informal sites.‟
.int Kumakatawan sa salitang „international.‟
Ginagamit ito ng mga samahang itinatag ng
kasunduang pandaigdigan.

Sa pagkakataong ito, gagamitin natin ang Gmail sa paggawa ng

account. Libre ito at madaling intindihin at gamitin.
1. Sa iyong computer, gamitin
ang internet at magpunta
sa home page ng Google at
i-type ang www.gmail.com

9
CO_EPP-ICT4_Modyul8
2. Hanapin ang “Create an
Account” button. I-click ito
at i-type ang lahat ng
impormasyong hihingin ng
Gmail upang makapag-sign
up at magkaroon ng
sariling account.

3. Hihingin din nito ang gusto

mong maging username.
Dahil marami nang taong
may account sa
Gmail,titingnan nito kung
wala kang kapareho ng
username at kung maaari
mo pa itong gamitin. Kung
nagamit mo na
ito,magbibigay ito ng mga
suhestiyon ng username na
maaari mong gamitin. Kung
wala itong kapareho,
maaari mong gamitin ang
ibinigay na username.
4. Hihingi din ito ng password
na dapat i-type sa keyboard
sa tuwing gagamitin ang
iyong account.Binubu ito
ng walo (8) o higit pang
kumbinasyon ng mga letra,
numero,o simbolo. Dapat
na laging tandaan ang

10
CO_EPP-ICT4_Modyul8
 iyong password at
panatilihin itong sekreto.
5. Sundin ang iba pang
hakbang na hihingin ng
Gmail. Matapos gawin ang
mga ito, makalilikha ka na
ng sariling account sa
Gmail server.

Dahil meron ka ng email address subukan naman nating mag

e-mail. Tara subukan nating mag-sign in at mag-sign out
1. Simple lang ang pag sign-in
sa iyong Google Account.I-
click lang ang sign-in button
sa kanang sulok sa tuktok
ng anumang serbisyo ng
Google upang tingnan ang
iyong Gmail.
2. Kung madalas kang
gumagamit sa mga internet
café, gamitin ang dalawang
paraan sapag-verify upang
mapanatiling ligtas ang
iyong account. Tiyakin ding
naka-sign out ka bago
umalis sa harap ng
computer.

11
CO_EPP-ICT4_Modyul8
Halika na at magpadala ng Email
1. Para makagawa ng
mensahe sa email,i-click
ang “Compose Mail”

2. I-type ang address ng

account na padadalhan
ng mensahe sa kahon ng
“To:” Siguraduhing tama
ang nai-type na email
address upang maipadala
ito nang maayos at
mabilis.

12
CO_EPP-ICT4_Modyul8
3. I-type ang paksa ng iyong
email sa kahon na
“Subject.”

4. Gamitin ang iyong mouse

at itapat ang cursor sa
puting kahon sa ilalim.
Ito ang tinatawag na
Message Box. Maaari mo
nang i-type ang iyong
mensahe rito.

5. Matapos i-type ang

mensahe, maaari nang i-
click ang “Send”.

13
CO_EPP-ICT4_Modyul8
 Pagyamanin

Kung nasunod mo na ang mga paraan sa paggawa ng email

address maaari ka bang gumawa ng isang maikling mensahe sa
akin para magpatunay na ikaw ay may sapat ng kaalaman sa
pagpapadala ng email?
Magpadala ng email sa guro na naglalaman ng dahilan ng
pagliban sa klase.Ang magiging Subject mo ng iyong email ay
“Excuse Letter”.

14
CO_EPP-ICT4_Modyul8
 Isaisip

Subukang Balikan ang mga pamamaraan ng paggawa ng email

at pagpapadala ng email. Isulat sa patlang ang nawawalang
salita.Pumili ng sagot sa loob ng kahon.

Internet
create an account
sign in button
compose mail
username

1. Sa iyong computer, gamitin ang ___________at magpunta sa

home page ng Google at i-type ang: www.gmail.com
2. Hanapin ang __________ ____ ____________button.
3. Hihingiin dito ang gusto mong gamiting ________.
4. Simple lang ang pag sign-in sa iyong Google Account. I-click
lang ang ______ _____ _________sa kanang sulok sa tuktok
ng anumang serbisyo ng Google upang tingnan ang iyong
Gmail.
5. Para makagawa ng mensahe sa email,i-click ang _______
___________.

15
CO_EPP-ICT4_Modyul8
 Isagawa

Ngayon na may kaalaman ka na sa paggawa ng email address at

pagpapadala ng email address, ating tulungan ang anak ni
Nanay Selia na magpadala ng mensahe sa email para sa kanyang
Tatay sa ibang bansa. Gumawa ng mensahe para sa Tatay na
may kaarawan at ipadala sa aking email address.

16
CO_EPP-ICT4_Modyul8
 Tayahin

Hanapin ang kasagutan sa Kolum B ng mga salitang tinutukoy

sa kolum A. Isulat sa patlang ang titik ng tamang sagot.

A B
______1. Sa bahaging ito inilalagay a. create an
ang paksa ng iyong account
mensahe.
b. compose
______2. Ano ang button na dapat i-
c. subject
click upang makagawa ng
sariling email address? d. username

______3. Ano ang button na dapat i- e. pangalan ng domain

click upang makagawa ng f. uri ng domain
mensahe?
______4. Ito ang hinihinging
pangalan tuwing
ikaw ay gagamit ng
email.
______5. Ito ang pangalan ng mail
server kung saan maaaring
gumawa ng isang account.

17
CO_EPP-ICT4_Modyul8
 Karagdagang Gawain

Gawing Muli!
Ano ba ang mga kapakinabangang naidudulot ng email sa
iyo bilang mag-aaral. Nais ko na magtala ka ng limang (5) mga
kapakinabangan ng paggawa ng email address at pagpapadala ng
email address.Ipadala ito sa aking email address.

Binabati kita at natamo mo ang lahat ng kaalaman sa modyul na

ito.

18
CO_EPP-ICT4_Modyul8
Susi sa Pagwawasto

19
CO_EPP-ICT4_Modyul8
Sanggunian

Eden F. Samadan, Marlon L. Lalaguna, Virgilio L. Laggui, Marilou

E. Marta R. Benisano. 2015.Edukasyong pantahanan at
pangkabuhayan kagamitan ng mag-aaral. Pasig City Philippines
1600: Vibal Group,Inc.

20
CO_EPP-ICT4_Modyul8
Para sa mga katanungan o puna, sumulat o tumawag sa:

Department of Education - Bureau of Learning Resources (DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph