Pangarap

Talumpati ni little ol’ ghost~

“Nasa Diyos ang awa, nasa tao ang gawa.”

Bill Gates, Katy Perry, Walt Disney, Oprah, Pia Wurtzbach. Alam natin
na mga matagumpay na tao ang mga ito. Subalit nagtataka man ba
kayo paano sila naging ganito? Paano ba nila naabot ang kanilang
mga ambisyon? Simple lang iyon: nakuha nila ang inspirasyong iyon
mula sa isang simpleng pangarap.

Mayroong iba’t ibang klase ng pangarap: pangarap sa pag-aaral,

pagkakaibigan, pag-ibig, negosyo, ang magiging buhay natin sa
kinabukasan at iba pa. Magkaiba man ang mga bagay na ito, mayroon
silang parehong layunin: ang makamit ang pangarap na iyon. Subalit
ang pangarap ay mananatiling panaginip kapag hindi tayo kikilos
upang magtagumpay. Kailangan natin pagpawisan ang pangarap na
iyon upang magkatotoo. Ngunit dapat rin natin tandaan na hindi
natin palagi kakampi ang buhay. Minsa’y mararanasan natin talaga
ang masakit na pagkabigo. At doon palagi mawawalan ng pag-asa ang
isang tao. Pero kailangan natin matutong tumayo muli. Paulit-ulit
natin maririnig ito pero ginagawa ba natin kapag nabigo tayo?
Huwag mong ikahiya na bumagsak ka. Ang tunay na kahihiyan ay
kapag ayaw mo na bumangon muli.

Ang buhay ay parang sugal. Dapat tayong magbakasakali para sa mga

pangarap na ibig nating makamit. Walang mawawala sa iyo kung
subukin mo ang mga hamong binibigay sa iyo ng buhay. Huwag rin
kalimutan na gamitin ang mga pagkakamali mo bilang mga aral na
makapagturo sa iyo sa magiging hamon mo sa huli.