2 MALAKING BAKAL NA HINIHINALANG BAHAGI NG ROCKET DEBRIS NG TSINA,
MAGKASUNOD NA NATAGPUAN SA BAYAN NG CALINTAAN.
WRITTEN BY MARKO ROGOS
MAGKASUNOD NA NATAGPUAN SA BAYAN NG CALINTAAN ANG DALAWANG
MALAKING BAKAL NA HINIHINALANG BAHAGI NG ROCKET DEBRIS NA PINALIPAD UMANO NG BANSA NG CHINA.
AYON KAY CALINTAAN MAYOR ESTEBAN, MGA LOKAL NA MANGINGISDA ANG
NAKATUKLAS SA NASABING DEBRIS NA HALOS KASINGLAKI UMANO NG BUBONG NG WAITING SHED. ISA UMANO SA DEBRI AY MAY NAKAIMPRENTANG WATAWAT NG CHINA. AYON PA SA ALKALDE, NAKAKAALARMA UMANO ITO BAKA SA SUSUNOD, SA MGA TAO O SA MGA KABAHAYAN NA ITO BUMAGSAK.
AGARAN NAMANG NAGTUNGO ANG MGA PULIS AT PHILIPPINE COAST GUARD SA
LUGAR UPANG MAGSAGAWA NG IMBESTIGASYON. SAMANTALA KINUMPIRMA DIN NG AFP WESTERN COMMAND SPOKESPERSON MAJ. CHERRY TINDOG NA MAY NATAGPUANG DEBRI RIN SA MGA KARAGATAN NG BUSUANGA, PALAWAN NOONG ISANG ARAW PERO HINDI ITO NAGDULOT NG PANGANIB.
SAMANTALA, HINILING NAMAN NG PHILIPPINE SPACE AGENCY NA
MARATIPIKAHAN ANG REGISTRATION NG LIABILITY CONVENTION PARA MAGKAROON UMANO NG PANANAGUTAN AT MAKAKUHA NG DANYOS MULA SA BANSA NA NAGMAMAY-ARI SA DEBRI SAKALING MAGDULOT ITO NG PANGANIB.
GAYUNDIN HINIKAYAT DIN NG NASABING AHENSYA ANG PUBLIKO, PARTIKULAR
ANG MGA MANGINGISDA, NA IWASANG HAWAKAN ANG MGA ROCKET DEBRIS NA MAAARI NILANG MAKITANG LUMULUTANG SA DAGAT DAHIL MAAARING MAGDULOT ITO NG MGA PANGANIB SA KALUSUGAN, KABILANG ANG PAGKAKALANTAD SA MGA NAKAKALASON NA KEMIKAL.