Nakakabahala ang bilang ng pagtaas ng kaso ng kidnapping noong pagsisimula ng
“Ber” months sa Pilipinas. Isiniwalat ng Philippine Chinese Chamber of Commerce and
Industry, Inc. (PCCII) na mayroong naganap na 56 ng kidnapping incidents at ang mga biktima ay Pilipino at Chinese national. Karumaldumal at hindi makatarungan ang mga ginagawa sa mga biktama ng kidnapping kapag hindi makapagbigay ng ransom, sabi ng presidente ng PCCII na si Lugene Ang. Dagdag pa rito binebenta ng mga kidnaper ang Kanilang Biktima sa ibang kindnap groups. Kamakailan may usap-usapan na ang executive chief officer ng Eraseth Pharma na si Eduardo Tolosa Jr. ay kinidnap at natagpuang sunog ang bangkay matapos ang tatlong araw na nawawala. Maliban sa kasong ito may napabalita rin na kidnapping sa metro manila at iba pang parte ng bansa. Gayunpaman, tumugon rin ang Philippine National Police (PNP) sa inulat na balita ng PCCII tungkol sa kidnapping na ayon kay deputy director Jose Eduardo na apat lamang ang kanilang naitala na kidnapping ngayong taon. Ayon naman sa PNP Anti-kiddnapping, halos sa mga biktima ng kidnapping ay empleyado ng Philippine offshore gaming operators. Mula Enero hanggang Setyembre ay 27 ang naitala nila na kidnapping incidents. Tugon ng editor na si Ronnie M. Halos sa editorial niya “Kaso ng Kidnapping parami nang parami” na dapat kumilos ang mga awtoridad sa mga katiwalian na nagaganap sa lipunan. Lalong- lalo na ngayong “ber” months ay inaasahan na aariba ulit ang mga kidnappers. Dagdag pa niya na sana maging alerto ang mga Pulis sa kalye upang mapangalagaan ang katiwasayan ng pamumuhay ng mamayang Pilipino.