WORKSHEET NO. 6 Panuto: Magbasa ng halimbawa ng isang panukalang proyekto.
1. Subukang sumulat ng sariling nais gawan ng panukalang proyekto.
Panukala sa Pagtatalagang ng Comprehensive Guidance at Counselling Services sa
Paaralan
Suliranin: Maraming mag-aaral lalo na sa panahon ngayon, ang nangangailangan ng
mga tagapayo at mga taong susuporta sa kanila lalo na kapag ito’y may kinalaman na sa kanilang mental na kalusugan. Karamihan ay nakararanas ng matinding pagkabalisa, stress o di kaya nama’y depresyon.
Layunin: Nilalayon nitong matulungan at masuportahan ang mga mag-aaral sa
pagkakaroon ng maayos at malusog na kalagayan (mental at emosyonal) at upang matiyak ang pagkakaroon ng academic growth sa bawat hakbang ng kanilang paglilinang.
Pagsasagawa: Ito’y maisasagawa sa pamamagitan ng paghahanap ng isang
professionally qualified guidance counsellors upang mas maging epektibong maisagawa ang layunin ng nasabing proyekto.
Pangangasiwa: Ang paaralan ang siyang magsisilbing tagapangasiwa ng programang ito
sa partikular na paaralan samantalang ang Kagawaran ng Edukasyon ang magsisilbing tagapagpatupad.
Pondo o Badyet: Aabot ng di tinatayang P21,000 ang magiging pasahod sa bawat
counsellor. Samantalang ang serbisyong ihahatid naman nito sa mga mag-aaral ay libre.
2.Batay sa aralin ano ang iyong mga isinaalang-alang sa paggawa nito?
Mahalaga na maging makatotohanan ang panukalang proyekto dahil kung ang
panustos mo ay hindi umaayon sa kinakailangang salaping igugugol para sa proyekto ay hindi ito maaaring payagan o sang-ayunan. Maaaring magdulot ito ng maling pag-iisip para sa iba o maging sanhi pa ng pagkawala ng tiwala sa nagpanukala. Kung ang ihahain mong panukala ay tumutugon sa mabuting kapakanan ng lahat, tiyak na agaran itong sasang-ayunan. Kung maaari, tiyaking naisasaalang-alang ng panukalang proyekto ang kabutihan ng lahat, hindi lamang pansarili o ng iilang tao. Hindi maligoy at kagyat ang paglalahad ng mga detalye tiulad ng kahalagahan, katangian, at iba pang mga datos para sa panukalang proyekto ang nilalaman ng ganitong uri ng sulatin. Naisasagawa ito sa pamamagitan ng direktang pagdedetalye ng mga kinakailangang bagay sa proyekto at direkta ring paliwanag sa proseso ng pagsasagawa ng proyekto.
Sa pagsulat ng panukalang proyekto, kailangang bigyang-pansin ang sumusunod
na mga tanong: Ano ang nais mong maging proyekto? Ano ang mga layunin mo sa panukalang proyekto? Kailan at saan mo ito dapat isagawa? Paano mo ito isasagawa? Gaano katagal mo itong gagawin? May sapat bang puhunan o kapital para sa proyekto?
Mahalagang matutuhan ng mag-aaral ang ganitong uri ng akademikong sulatin
upang malinang ang kasanayang mag-isip, magmungkahi, masusing magsiyasat, at magpasiya o bumuo ng desisyon.
Habang isinasagawa ang pagsusuri, mahalagang isaisip ang mga sumusunod na
ang problema ay isang negatibong kalagayan, ang problemang nais bigyang solusyon ay totoo at hindi kathang-isip lamang, at sa huli, ang problema ay hindi lang basta kawalan ng ninanais na solusyon.