Ang Walang Sugat ni Severino "Lola Basyang" Reyes ay isang kwento

tungkol kina Tenyong at Julia, dalawang tauhan na nagmamahal nang

husto ngunit humarap sa maraming hamon at hadlang sa kanilang
relasyon. Ipinapakita ni Reyes ang lalim ng emosyon at ugnayan ng
dalawa, pati na rin ang kanilang pagtitiyaga at determinasyong lumaban
para sa kanilang relasyon sa kabila ng mga hadlang na kanilang
kinakaharap.

Ito ay nagpakita rin ng pakikipagsapalaran at pakikipaglaban ng mga

tauhan sa panahon ng panlipunang at politikal na kaguluhan sa Pilipinas.
Ang isa sa mga pinakamagandang aspeto ng kwento ay ang paraan kung
paano ito nakatutok sa mga tema ng panlipunan at politikal na kaguluhan
sa Pilipinas. Sa panahon ng kwento, nangyayari ang mga malalaking
pagbabago sa lipunan at nakakaapekto ito sa relasyon ng Tenyong at Julia.
Sa kabila ng mga hadlang na kanilang harapin, patuloy silang naniniwala
sa kanilang relasyon at sa kanilang paniniwala sa isa't isa.

Sa kabuuhan ang pagsasama ng mga temang ito ng panlipunan at politikal

na kaguluhan at ng lalim ng emosyon sa pagitan nina Tenyong at Julia ay
nagbibigay ng isang insperasyon sa akin upang maging matatag sa buhay
at matutong lumaban ano man ang kinakaharap kong hamon or
problemang dumating sa ating buhay.

Maganda at malinis ang pakikitungo ng mga artista sa zarzuela ng

"Walang Sugat." Sa totoo lang, mas gugustuhin ko sana kung mas malaki
ang espasyo sa teatro dahil may mga bahagi kung saan parang
nagsisiksikan ang mga tauhan. Sa personal kong komento, para sa akin,
maganda ang pagkasalin ng mga lumang dula na ito. Maraming tao pa rin
ang makakabahagi sa problema ni Tenyong at Julia na hindi
pinapahintulutang magmahal.

Magaling rin ang mga napiling artista na gagampanan ang mga tauhan.
Lahat sila ay napakahusay sa pagarte at pagkanta.
Damang-dama ang kasiyahan at kalungkutan sa mga kilos nila. Marami
rin akong napulot na aral sa dulang ito isa na rito ang kahalagahan ng
paninindigan sa mga desisyon para makamit ang hustisya para
inaasamasam. Magkaroon din ng paninindigan sa iyong tunay na pag-ibig.
 Gagawa at gagawa ka ng paraan para sa huli ay sayo pa rin siya at
makasama mo habang buhay. Itinuro din nito sa atin na kapag alam nating
wala tayong ginawang masama, matututo tayong lumaban sa mga
mapang-api at ipagtanggol ang ating mga karapatan.Kung maaari lang
sana sa susunod ay huwag nilang masyadong lalimin ang salitang Filipino
dahil may mga salita na hindi ko na maintindihan dahil hindi ganun
kalalim ang aking bokabularyo sa Filipino. Pero sa lahat ng mga ito,
nagustuhan ko talaga ang dula at gugustuhin kong panoorin ito ulit.
Kervien B. Vilar Grade 8 MDA

Reaction Paper
“Walang Sugat”
na isinulat ni
Severeno Reyes