PAG TUGON SA PELIKULA: PAGLALAHAD NG

TUNGKULIN NG WIKA SA LIPUNAN

“Seven Sundays”

Ang napili ko na pelikula ay ang “Seven Sundays”. Nais iparating ng pelikula kung
gaano kaimportante ang pamilya, pagpapatawad at pagkakaisa ng inyong pamilya. Kung saan
ako ay na antig sa kuwento ng kanilang pamilya at nais ko bahagi ang aking damdamin tungkol
sa nasabing pelikula. Ang mga pangunahing taohan ay ginagampanan ng mga batikang
aktor/aktres na sina Aga Muhlach (Allan A. Bonifacio), Dingdong Dantes (Bryan Bonifacio),
Enrique Gil (Dexter Bonifacio), Cristine Reyes (Cha Bonifacio), Donita Rose (Bechay
Bonifacio), Kyle Echarri (Marc Bonifacio) bilang mag kakapatid ang kanilang ama na si
Ronaldo Valdez (Capt. Manuel Bonifacio). Nagkakaisa ang mga kapatid na Bonifacio nang
malaman na mayroong kanser ang kanilang ama. Sa kanilang pagtutulungan, kailangang harapin
ang mga hindi pa naaayos na problema bago mahuli ang lahat.

Sa “Seven Sundays,” makikitaan mo ng mga halimbawa ng tungkulin ng wika sa lipunan

sa pamamagitan ng mga pahayag at komunikasyon ng mga karakter. Ang paggamit ng wika ay
nagbibigay daan para maipahayag ang mga damdamin, pangangailangan, at pag-unawa sa isa’t
isa. Halimbawa, sa mga eksena ng mag-anak, ang mga dialogo ay naglalarawan ng
komplikadong ugnayan sa pamilya at nagpapakita ng paglalantad sa mga totoong nararamdaman.
Ang wika rin ang nagiging daan para masolusyunan ang mga hidwaang personal at magkaruon
ng malalim na pag-unawa sa bawat isa.

Sa pagtatapos ng kwento, natutunan natin ang kahalagahan ng pamilya, pagpapatawad,

at pag-uunawa sa isa’t isa. Sa gitna ng mga personal na laban at hindi pagkakaintindihan, nakita
natin kung paano nagtagumpay ang pagmamahal at pagkakaunawaan. Ang pagkakaroon ng oras
para sa isa’t isa, sa kabila ng mga pagkakaiba, ay nagdulot ng paghilom sa mga sugatang
damdamin.

Ang kwento ay nagwakas sa isang masiglang pagsasama ng pamilya, pag-angat muli ng

negosyo ni Allan, at masayang mga aktibidad. Sa pamamagitan ng pagbabalik-tanaw sa kanilang
mga pinagdaanan, nahanap ng pamilya ang lakas at inspirasyon upang harapin ang hinaharap ng
magkakasama. Ang bawat pag-aayos at pagkakaunawaan ay nagbigay daan sa pagbabalik ng
masayang pag-uusap at pagbibigayan, naglalagay ng pundasyon para sa isang mas matibay na
samahan. Sa huli, ang kwento ay nag-iwan ng aral na ang pagmamahal at pagtutulungan ay
makapagdudulot ng kahulugan at saya sa pamilyang nagkakaisa.