Professional Documents
Culture Documents
sa
Pagpapakatao 9
Ikatlong Markahan – Modyul 1:
Katarungang Panlipunan
Edukasyon sa Pagpapakatao – Ikasiyam na Baitang
Alternative Delivery Mode
Ikatlong Markahan – Modyul 1: Katarungang Panlipunan
Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anumang gamit maliban
sa modyul na ito ay kinakailangan ng pahintulot mula sa mga orihinal na may-akda ng mga
ito.
Edukasyon sa
Pagpapakatao
Ikatlong Markahan – Modyul 1:
Katarungang Panlipunan
Paunang Salita
Ang Self-Learning Module o SLM na ito ay maingat na inihanda para sa
ating mag-aaral sa kanilang pag-aaral sa tahanan. Binubuo ito ng iba’t-ibang
bahagi na gagabay sa kanila upang maunawaan ang bawat aralin at malinang ang
mga kasanayang itinakda ng kurikulum.
Ang modyul na ito ay may inilaang Gabay sa Guro/Tagapagdaloy na
naglalaman ng mga paalala, pantulong o estratehiyang magagamit ng mga
magulang o kung sinumang gagabay at tutulong sa pag-aaral ng mga mag-aaral
sa kani-kanilang tahanan.
Ito ay may kalakip na paunang pagsusulit upang masukat ang kaalaman
ng mag-aaral na may kaugnayan sa inihandang aralin. Ito ang magsasabi kung
kailangan niya ng ibayong tulong mula sa tagapagdaloy o sa guro. Mayroon ding
pagsusulit sa bawat pagtatapos ng aralin upang masukat naman ang kanilang
natutunan. May susi ng pagwawasto upang makita kung tama o mali ang mga
sagot sa bawat gawain at pagsusulit. Inaasahan namin na magiging matapat ang
bawat isa sa paggamit nito.
Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot sa
mga pagsasanay.
Hinihikayat ang mga mag-aaral na makipag-ugnayan agad sa kanilang guro
kung sila ay makararanas ng suliranin sa pag-unawa sa mga aralin at paggamit ng
SLM na ito.
Sa pamamagitan ng modyul na ito at sa tulong ng ating mga tagapagdaloy,
umaasa kami na matututo ang ating mag-aaral kahit wala sila sa paaralan.
Alamin
Ang Modyul na ito ay dinesenyo at sinulat para sa iyo. Ito ay ginawa upang
mas mapalalim ang iyong kaalaman sa pag- unawa ng katarungang panlipunan.
Sa huli’y inaasahang maipamamalas mo ang mga sumusunod na kaalaman,
kakayahan at pang- unawa:
1. Nakikilala ang mga palatandaan ng katarungang panlipunan.
2. Nakapagsusuri ng mga paglabag sa katarungang panlipunan ng
mga tagapamahala at mamamayan.
Subukin
Panuto: Basahin at unawain ang mga sumusunod na katanungan. Piliin ang titik
ng tamang sagot at isulat ito sa iyong sagutang papel.
1. Ano ang katarungan?
a. Paggalang sa sarili. c. Pagtrato sa tao bilang kapwa.
b. Pagsunod sa batas. d. Lahat ng nabanggit.
2. Bakit kailangan ng tao ang mga batas?
a. Upang matakot ang mga tao at magtino sila.
b. Upang magabayan ang mga tao sa tamang pagkilos.
c. Upang parusahan ang mga nagkakamali.
d. Lahat ng nabanggit.
3. Alin sa mga sumusunod ang hindi makatarungan?
a. Ang pagbibigay ng bagsak na grado sa hindi nakakatupad sa mga
gampanin sa klase.
b. Ang pagpatay sa mga nahuling kargador ng droga sa Tsina.
c. Ang pagbigay ng limos sa namamalimos sa kalye.
d. Wala sa nabanggit.
4. Ang mga sumusunod ay mga panukalang makatarungan maliban sa:
a. “Mata sa mata, ngipin sa ngipin.”
b. “Kunin mo lamang ang kailangan mo.”
c. “Walang sala hanggat hindi napapatunayang nagkasala.”
d. “Tulungan ang lahat ng nanghihingi ng tulong.”
5. Ang katarungang panlipunan ay:
a. ideyal lamang at hindi mangyayari sa talaga.
b. ukol sa parehong komunidad at sarili.
c. pinatutupad ng pamahalaan.
d. Wala sa nabanggit.
6. Alin sa mga sumusunod ang nagpapamalas ng katarungan?
a. Pagsumbong sa guro ng kaklaseng nangongopya.
b. Pagpapautang ng 5-6.
c. Pagturing sa mga fixer ng lisensya bilang kapwa naghahanap-buhay.
d. Wala sa nabanggit.
7. Alin ang nagpapatunay na nagsisimula sa pamilya ang pagiging makatarungan?
a. Natututong tumayo sa sarili at hindi na umaasa ng tulong mula sa
pamilya.
b. Nagiging bukas ang loob na tumangap sa pagkakamali at hindi naninisi
ng iba.
c. Nagkakaroon ng kamalayan sa sarili sa tulong ng mga magulang at mga
kapatid.
d. Nagagabayan ng mga mahal sa buhay na lumaking may paggalang sa
karapatan ng iba.
8. Bakit isinasaalang-alang ng katarungang panlipunan ang paggalang sa dignidad
ng tao?
a. Binubuo ng tao ang lipunan.
b. Magkakasama na umiiral sa lipunan ang mga tao.
c. Mahalaga ang pakikipagkapwa sa lipunang kinabibilangan.
d. May halaga ang tao ayon sa kanyang kalikasang taglay bilang tao.
9. Bakit mahalagang maunawaaan ang mga pagpapahalaga na kaugnay ng
katarungang panlipunan?
a. Malalaman mo kung bakit kaugnay ang mga ito sa katarungang
panlipunan.
b. Makikita mo kung alin sa mga kaugnay na pagpapahalaga ang
kailangan mo para sa iyong sarili.
c. Mabisang paraan ito sa iyong pagsisikap na magpakatao at sa
pagtugon sa hamon ng pagiging makatarungan sa kapwa.
d. wala sa nabanggit.
10. “Ang batas ay para sa tao, at hindi ang tao ay para sa batas.” Ano ang
kahulugan ng pahayag na ito?
a. Nakatakda na ang mga batas na kailangang sundin ng tao habang siya ay
nabubuhay.
b. Ang mga itinakdang batas ay para sa ikakabuti ng tao kaya dapat niyang
sundin ang lahat ng mga ito.
c. Malalaman ng tao ang mangyayari sa kanyang buhay kung
susuwayinn niya ang mga itinakdang batas.
d. Itinatakda ang batas upang gabayan ang tao sa kanyang pamumuhay at
hindi upang diktahan nito ang kanyang buhay.
“Kung kawalang-katarungan ang pagpatay, ang buhay ay katarungan…
Kung kawalang-katarungan ang pang-aagaw ng lupa, katarungan ang gumalang sa
pagmamay-ari (ng lupa)…
Kung kawalang-katarungan ang pang-aapi, katarungan ang pagkalinga at
paggalang sa dignidad ng tao.”
Balikan
Panuto: Kumpletuhin ang pangungusap sa pamamagitan ng pagsulat ng angkop
na titik upang mabuo ang salita.
1. Ang pa _ i k _ l _ h _ k ay isang tungkulin na kailangang isakatuparan ng lahat
na mayroong kamalayan at pananagutan tungo sa kabutihang panlahat.
2. Ang k a b _ t _ h a n g p _ n l a h _ t ay tumutukoy sa kabutihan para sa bawat
indibidwal na nasa lipunan.
3. Ito ay isang paraan ng paglilingkod at pagpapakita ng pagmamahal sa kapwa at
lipunan na hindi naghahangad ng anumang kapalit. B _ l u _n t e _ i s m _
Tuklasin
Gawain 1: Tignan ang larawan at pumili ng nagpapakita ng isang makatarungang
panlipunan.
A C
B
1. Batay sa pinili mong larawan, ipaliwanag kung bakit ito ang makatarungang
lipunan.?
2. Anu- ano ang iyong batayan upang masabi na umiiral ang katarungan sa
isang lipunan.?
Suriin
❖ Bilang panlipunang nilalang, tayo ay may likas na pangangailangan sa
kapwa lalo na sa mga kritikal na sitwasyon ng buhay. Ito ay dahil ang tao
ay panlipunang nilalang o umiiral na kasama ang ibang tao. Matutugunan
lamang ang pangangailangang ito kung may nabubuong ugnayan sa atin at
sa mga taong nakapaligid sa atin – isang ugnayang dapat na
pinamamayanihan ng KATARUNGAN.
❖ Ayon kay Santo Tomas de Aquino, ang katarungan ay isang gawi na
gumagamit lagi ng kilos- loob sa pagbibigay ng nararapat sa isang
indibidwal. Sa pamamagitan ng pagiging makatarungan, sinusunod mo ang
Likas na Batas Moral.
❖ Ang legal na batas ay siyang panlabas na anyo ng moral na batas. Ang legal
na kaayusan kung gayon ay nararapat na maging tulay ng moral na
kaayusan sa lipunan.
❖ Masasabing isa kang makatarungang tao kung ginagamit mo ang iyong
lakas sa paggalang sa batas at sa karapatan ng kapwa.
❖ Sa pamilya, una mong naranasan ang mga bagay-bagay na nagbigay sa iyo
ng kamalayan tungkol sa katarungan. Napakahalaga ng kanilang papel na
ginagampanan sa paghubog ng iyong pagiging makatarungan. Iminumulat
ka nila sa katotohanang may karapatan at tungkulin ka bilang tao hindi
lamang sa pamilya kundi pati na rin sa lipunan.
❖ Ang katarungan ay isang mahalagang pundasyon ng panlipunang
pamumuhay. Umiiral ito kung tinatanggihan ng mamamayan ang
pandaraya sa negosyo, pangungurakot sa pribado at publikong institusyon,
hindi makatarungang pasahod sa mga empleyado,at ang iba pang katulad
na sitwasyon.
❖ Ang katarungang panlipunan ay namamahala sa kaayusan ng kaugnayan
ng tao sa kanyang kapwa at sa ugnayan ng tao sa lipunan. Inilalagay nito
sa ayos ang panlipunang ugnayan ayon sa kraytirya ng pagsunod sa batas.
Isinasaalang- alang din nito ang mga panlipunan, pampolitikal, at pang-
ekonomiyang aspekto ng tao, mga problema ng lipunan at mga maaaring
maging solusyon ng mga ito tungo sa kabutihang panlahat.
❖ Ang katarungang panlipunan sa tunay na kahulugan nito ay kumikilala sa
dignidad ng tao. Ang bawat tao ay may dignidad hindi dahil sa kanyang
pag- aari, posisyon sa lipunan o mga nakakamit sa buhay, kundi dahil sa
kanyang pagkatao.
Pagyamanin
Gawain 2: Batay sa naging buod ng aralin tungkol sa katarungang panlipunan,
ano ang nabuo mong ideya tungkol sa Katarungang Panlipunan? Magbigay ng
limang (5) palatandaan ng katarungang panlipunan gamit ang ilustrasyon sa ibaba.
Gawain 3: Ayon sa simbolo ng katarungan, isulat sa ilalim ng timbangan ang mga
palatandaan ng katarungang panlipunan at isulat naman sa ilalim ng espadang
hawak nito ang mga paglabag ng mga tagapamahala at mamamayan.
1. Pagkilos ng may katapatan sa lahat ng oras/ pagkakataon.
2. Pandaraya sa negosyo.
3. Mga rebeldeng laban sa pamahalaan.
4. Lumalaking agwat ng mayayaman at mahihirap.
5. Laganap na katiwalian.
6. Paggalang sa dignidad ng tao.
7. Pagwawalang - bahala sa mga may kapansanan.
8. Paglahok sa mga programa ng pamahalaan.
9. Hindi makatarungang pasahod sa mga empleyado.
10. Pagsunod sa batas.
Isaisip
Gawain 4: Punan ang patlang ng wastong salita upang mabuo ang talata. Piliin
ang tamang sagot sa loob ng kahon.
1. Ang katarungang panlipunan sa tunay na kahulugan nito ay kumikilala sa
ng tao.
2. Sa pamamagitan ng pagiging makatarungan, sinusunod mo ang .
3. Masasabing isa kang makatarungang tao kung ginagamit mo ang iyong lakas sa
sa batas at karapatan ng kapwa.
4. Sa , una mong nararanasan ang mga bagay- bagay na nagbibigay sa
iyo ng kamalayan tungkol sa katarungan.
5. Maitataguyod ang katarungang panlipunan sa pamamagitan ng pagbibigay mo
sa iyong kapwa ng sa kanya.
Isagawa
Gawain 5: Gumawa ng isang akrostik gamit ang salitang KATARUNGAN.
Punan ang bawat letra ng mga salitang mayroong kinalaman sa paksang
tinalakay,
K –
A –
T –
A –
R –
U –
N –
G –
A –
N –
Tayahin
Panuto: Basahin at unawain ang mga sumusunod na katanungan. Piliin ang titik
ng tamang sagot at isulat ito sa iyong sagutang papel.
1. “Ang batas ay para sa tao at hindi ang tao ay para sa batas.” Ano ang
kahulugan ng pahayag na ito?
a. Nakatakda na ang mga batas na kailangang sundin ng tao habang siya ay
nabubuhay.
b. Ang mga itinakdang batas ay para sa ikakabuti ng tao kaya dapat niyang
sundin ang lahat ng mga ito.
c. Malalaman ng tao ang mangyayari sa kanyang buhay kung
susuwayinn niya ang mga itinakdang batas.
d. Itinatakda ang batas upang gabayan ang tao sa kanyang pamumuhay at
hindi upang diktahan nito ang kanyang buhay.
2. Ang katarungang panlipunan ay:
a. ideyal lamang at hindi mangyayari talaga.
b. ukol sa parehong komunidad at sarili.
c. pinatutupad ng pamahalaan.
d. Wala sa nabanggit.
3. Alin sa mga sumusunod ang hindi makatarungan?
a. Ang pagbibigay ng bagsak ng grado sa hindi nakakatupad sa mga
gampanin sa klase.
b. Ang pagpatay sa mga nahuling kargador ng droga sa Tsina
c. Ang pagbigay ng limos sa namamalimos sa kalye
d. Wala sa nabanggit
4. Alin ang nagpapatunay na nagsisimula sa pamilya ang pagiging makatarungan?
a. Natutuong tumayo sa sarili at hindi na umaasa ng tulong mula sa
pamilya.
b. Nagiging bukas ang loob na tumanngap sa pagkakamali at hindi naninisi
ng iba.
c. Nagkakaroon ng kamalayan sa sarili sa tulong ng mga magulang at mga
kapatid.
d. Nagagabayan ng mga mahal sa buhay na lumaking may paggalang sa
karapatan ng iba.
5. Bakit mahalagang maunawaaan ang mga pagpapahalaga na kaugnay ng
katarungang panlipunan?
a. Malalaman mo kung bakit kaugnay ang mga ito sa katarungang
panlipunan.
b. Makikita mo kung alin sa mga kaugnay na pagpapahalaga ang
kailangan mo para sa iyong sarili.
c. Mabisang paraan ito sa iyong pagsisikap na magpakatao at sa
pagtugon sa hamon ng pagiging makatarungan sa kapwa.
d. wala sa nabanggit.
6. Ano ang katarungan?
a. Paggalang sa sarili. c. Pagtrato sa tao bilang kapwa.
b. Pagsunod sa batas. d. Lahat ng nabanggit.
7. Alin sa mga sumusunod ang pagpapamalas ng katarungan?
a. Pagsumbong sa guro ng kaklaseng nangongopya.
b. Pagpapautang ng 5-6.
c. Pagturing sa mga fixer ng lisensya bilang kapwa naghahanap-buhay.
d. Wala sa nabanggit.
8. Bakit kailangan ng mga tao ang batas?
a. Upang matakot ang mga tao at magtino sila.
b. Upang magabayan ang mga tao sa tamang pagkilos.
c. Upang parusahan ang mga nagkakamali.
d. Lahat ng nabanggit.
9. Ang mga sumusunod ay mga panukalang makatarungan maliban sa:
a. “Mata sa mata, ngipin sa ngipin.”
b. “Kunin mo lamang ang kailangan mo.”
c. “Walang sala hanggat hindi napapatunayang nagkasala.”
d. “Tulungan ang lahat ng nanghihingi ng tulong.”
10. Bakit isinasaalang-alang ng katarungang panlipunan ang paggalang sa
dignidad ng tao?
a. Binubuo ng tao ang lipunan.
b. Magkakasama na umiiral sa lipunan ang mga tao
c. Mahalaga ang pakikipagkapwa sa lipunang kinabibilangan.
d. May halaga ang tao ayon sa kanyang kalikasang taglay bilang tao.
Karagdagang Gawain
Gawain 6: Ipaliwanag sa limang pangungusap ang mensaheng nais iparating ng
larawang nasa ibaba. Sikaping iugnay ito sa natapos na aralin.
Paliwanag:
Susi sa Pagwawasto
Sanggunian
Mula sa internet
https://www.google.com/imgres?imgurl=https%3A%2F%2Fi.ytimg.com%2Fvi
%2FZlOjejaTt8o%2Fhqdefault.jpg&imgrefurl=https%3A%2F%2Fwww.youtube.
com%2Fwatch%3Fv%3DZlOjejaTt8o&tbnid=EdVkf7BjCV7NlM&vet=12ahUKEw
ieluGc6rbuAhUQg5QKHbZWC0QQMygCegUIARCUAQ..i&docid=NcGumTJObALE
FM&w=480&h=360&q=sagupaan%20ng%20militar&ved=2ahUKEwieluGc6rbuA
hUQg5QKHbZWC0QQMygCegUIARCUAQ
https://www.google.com/search?q=KAHIRAPAN&source=lnms&tbm=isch&sa=
X&ved=2ahUKEwjN_LTl6rbuAhWZHXAKHRbQAO0Q_AUoAXoECAgQAw&biw=18
21&bih=758&dpr=0.75#imgrc=dbSznRU_rl58SM&imgdii=vkFg4_6HY2tCTM
https://www.google.com/search?q=pagtutulungan+sa+pamayanan&tbm=isch&
ved=2ahUKEwiR-vr567buAhUHaN4KHRrmDLcQ2-
cCegQIABAA&oq=pagtutulungan+sa+pamayanan&gs_lcp=CgNpbWcQAzICCAAy
AggAMgIIADIGCAAQBRAeMgYIABAFEB4yBggAEAgQHlCJA1iJA2D0CGgAcAB4A
IAB-
QGIAfkBkgEDMi0xmAEAoAEBqgELZ3dzLXdpei1pbWfAAQE&sclient=img&ei=E
5kOYNGkEofQ-QaazLO4Cw&bih=833&biw=1821
http://www.inquiriesjournal.com/articles/896/the-visual-rhetoric-of-lady-justice-
understanding-jurisprudence-through-metonymic-tokens
https://rabbisacks.org/justice-peace-yitro-5777/love-peace-justice-logo/
http://www.depednegor.net/uploads/8/3/5/2/8352879/esp_9_lm_draft_3.31.201
4-2.pdf
Mga Aklat
Gayola, Sheryl T. et.al. Edukasyon sa Pagpapakatao-Ikasiyam na
Baitang.Modyul para sa mag-aaral Unang Edisyon 2015.ISBN:98-9601-75-3
DepEd-IMC