Bakit sa gitna ng makabagong panahon/social media ay matutunan sa pag aaral ng
Elementarya ang ibat-ibang uri ng panitikan?
Malaki ang kahalagahan ng Internet o social media sa panahon ngayon
lalong-lalo na sa mga mag-aaral, dahil sa mga pangyayaring dumating sa buong mundo. Talaga namang kahanga-hangang pagbabago at imbento na pangangailangan ng dagdag na kaalaman. Ang Internet ay naging malaking bahagi na ng ating buhay. Nakatulong ito sa mga estudyanteng kagaya ko sa paggawa ng mga gawain natin sa paaralan o maging sa pananaliksik.
Sa kasalukuyang panahon na kung kailan talamak ang paggamit ng internet
ay siyang naging daan rin upang mas lalong maipalaganap ang mga panitikang gawa ng Pinoy sa loob at labas ng bansa. Ang teknolohiya ay may mahalagang bahagi sa paglinang ng literatura sa nagbabagong panahon. Sa kasalukuyan, ang internet ay lumilikha sa mga manunulat na Pilipino na mabawasan ang pagiging makaluma. Si Maxine Lat Calibuso o mas kilala bilang “Maxinejiji” ay isang Pilipinong manunulat na may 3.81 million followers sa Wattpad at may sampung kwentong isinulat. Isa na rito ang libro na pinamagatang He’s into Her, maraming mambabasa ang nahumaling dito lalo na ang mga kabataan. Kamakailan lang ay ginawan ito ng teleserye at talaga namang naging tampok sa mga manunuod. Sa usaping literatura, naghahanap tayo ng bagong pamamaraan ng pagsulat. Ang kabataang manunulat ay naeengganyo sa paglimbag gamit ang online, pagsulat at pagbasa. Nakabubuo sila ng bagong komunidad na kung saan ay maaari silang makapagbahagi ng kanilang nagawang mga kwento. Ngunit hinahamon ang mga manunulat sa Wattpad na gawing mataas ang pamantayan sa paghuhulma ng kinakabukasan ng panitikan sa bansa. Ang mga makabagong anyo at pamamaraan ng pagkukuwento ang nagpalapit sa bituka ng henerasiyon ngayon o tinatawag na mga “milenyal” sa kultura ng pagbabasa. Sa mga milenyal ngayon, higit sa kilalang mga Filipinong manunulat, tunay nilang binabasa at ninanamnam ang hiwaga ng kanilang mga akda. Hindi masama ang pagbabasa ng mga banyagang akda ngunit mas mabuting malaman at mabasa rin ang mga akdang isinulat ng mga Filipino sapagkat ang mga akdang ito ang sumasalamin sa ating kultura at pagka-Filipino. Mababatid na sumasabay ang panitikan sa modernisasiyon ng mundo—sa pabago-bagong aspekto ng teknolohiya at internet. Ang modernisasiyon na ito ang nagluwal samga makabagong anyo at pamamaraan ng pagtula/spoken poetry, pagkukuwento at iba pang anyo ng panitikan
Ang kabataan ngayon ay malayang makapagsulat ng mga kwento nila at
naihahatid sa iba’t ibang uri ng site tulad na lang ng Wattpad. Nakapagbubukas ng oportunidad upang maging kilala sa larangan ng pagsulat at maaaring makapirma ng kontrata sa industriya upang gawing pelikula ang natapos na akda. Maraming mga Pilipino na ginawang part-time job ang pagsusulat, kumikita at natututo. Ano mang uri ng paraan sa pagsulat ng akdang pampanitikan ang mahalaga ay hindi makalimutan ang kultura at kasaysayan nito. At patuloy na mapangalagaan ang sining at kariktan ng mga nailimbag ng akda maging ang mga ililimbag pa. Sa pamamagitan nito ay mananatili ang pagpapahalaga ng mga Pilipino sa malayang paraan ng pagpapahayag ng damdamin. Tunay ngang nagsisimula ng namayagpag ang mga literaturang nagmula sa mundo ng online dahil sa oportunidad na ibinigay sa mga kabataang Pilipino. At magpapatuloy ang pagyabong nito sa mga susunod pang henerasyon.