Professional Documents
Culture Documents
宗教科 中三級
小組專題研習 -- 廣播劇製作
S3 RS Project Learning – Radio Drama (Term Test Mark)
備註:(Remarks)
廣播劇可以廣東話或英語製作;The radio drama can be produced in
Cantonese or English
角色
鮑: 鮑思高神父
管: 管堂若瑟˙高木底
夏: 巴爾多祿茂˙夏來理
管: 早晨呀!鮑思高神父!
鮑: 早晨呀!若瑟!若瑟,今日喺聖母無原罪瞻禮,外面已經好多教友等緊,
記得放多幾個麵餅,唔係等陣唔夠分。
管: 知道,鮑思高神父!你換衫先啦,我幫你準備!
鮑: 麻煩你,若瑟!
(鮑思高神父換祭衣的聲音)
管: 今日嗰輔祭咁遲都未嚟嘅。(用拳打手掌聲一下) 死啦!大瞻禮,冇輔祭,
今次實俾出面啲教友話啦!
(過場音樂)
管: 咦!入緊嚟個細路着到爛身爛世咁做輔祭?等我話下佢先!
管: 喂!細路,仲咩咁遲嚟呀!快啲換衫啦!
夏: 吓!換咩呀?
管: 換衫囉,細路!仲問!快啲啦!鮑思高神父等緊啦!
夏: 換衫嚟做咩呀?
管: 做輔祭囉!夠鐘啦!快啲啦!
夏: (遲疑) 我……我唔識輔彌撒喎。
管: 咁你入黎呢度做咩呀!快啲出去!仲唔走!打你呀嗱!
夏: 走啦!我走啦!哎,好痛呀……
(棍棒聲 + 夏的叫喊聲)
鮑: 若瑟!我頭先聽到你鬧人喎,頭先發生咩事呀?
管: 頭先我打走咗個白撞嘅細路!
鮑: 你點解要打佢呀?他究竟做錯咗咩事呀?
管: 鮑思高神父,佢爛身爛世咁走入嚟,又唔識輔彌撒,無嗱嗱入嚟祭衣房,
分明想嚟偷野啦!我地尋日先唔見左幾個蠟燭咋!好彩俾我發現到,現
家打走左佢啦!
鮑: 你快啲叫佢返嚟,佢係我嘅朋友!我有嘢想同佢講。
(過場音樂)
管: (氣喘) 鮑思高神父,就係呢個細路啦。
夏: 放手呀,唔好扯住我呀,我唔係嚟偷野家。
鮑: 好朋友!你唔使緊張!你有冇望過彌撒嫁?
夏: 有呀!
鮑: 咁……不如你宜家先望左呢台彌撒,彌撒之後,你嚟呢度搵我,我啲好
嘢話俾你知。
(過場音樂:無原罪讚)
鮑: 我嘅好朋友,你叫咩名呀?
夏: 巴爾多祿茂。夏來理
鮑: 你係邊度嚟家?
夏: 亞斯地
鮑: 你宜家打緊工?
夏: 係呀,我做泥水工。
鮑: 你爸爸呢?
夏: 佢死左好耐啦。
鮑: 媽媽呢?
夏: 佢都死左啦。
鮑: 咁細個就無左父母,你嘅生活都過得唔容易。你幾多歲呀?
夏: 16 歲。
鮑: 你識唔識讀書寫字呀?
夏: 唔識。
鮑: 唱歌呢?
夏: 唔識。
鮑: 你識唔識吹口哨呀?
夏: (笑)
鮑: 你領過聖體未呀?
夏: 未呀。
鮑: 你有冇辦過告解呀?
夏: 有呀,不過已經係好細個陣做過。
鮑: 你識唔識讀早晚課?
夏: 咩嚟家?我都唔記得晒啦。
鮑: 你星期日有冇去望彌撒?
夏: 差唔多每個主日都有去。
鮑: 咁神父教小朋友要理嘅時候,你有冇去聽呀?
夏: 我唔敢去。
鮑: 點解呀?
夏: 我去過一次,但係同我一齊上嗰的小朋友乜都識,但係我乜都唔識,所
以咪⋯⋯
鮑: 咁如果淨係我自己教你一個,你願唔願意嚟呀?
夏: 好呀!
鮑: 喺呢度教你,好唔好?
夏: 好呀!只要……
鮑: 只要乜嘢呀?
夏: 只要冇人再黎打我就得。
鮑: (笑) 你放心,你係我嘅好朋友,以後唔會再有人打你。咁你想我地幾時
開始讀要理?
夏: 你決定啦!
鮑: 不如就今晚?
夏: 好呀!
鮑: 咁不如現家開始?
夏: 好呀!
鮑: 咁我地一齊向聖母祈禱,求無原罪聖母幫助我同你,帶領你走近我們的
主耶穌?
夏: 好呀!
鮑: 萬福瑪利亞……
鮑: 你識唔識畫十字聖號呀?
夏: 我……
鮑: 唔緊要,我教你。