Epekto ng Wikang Sosyolek sa Piling Mag-aaral ng Holy Family Montessori
KABANATA l
Pamimula
Sa pagdaan ng maraming panahon ay marami ang nabago sa takbo ng buhay
ng mga Pilipino gaya na lamang sa wikang pagkakakilanlan nito. Ang likas na pagkamalikhain ng mga Pilipino ay makikita sa maraming aspeto ng kanyang buhay, higit lalo sa kanyang wika, ang wikang Filipino... Ang wikang Filipino ay nahahati sa maraming barayati ng wika dahil sa pagkakaiba iba ng paniniwala,kultura,at lugar ng isang tao. Dahil sa patuloy na paggamit ng wika ay naging daan ito sa pagpapayabong ng wika. Sa kondisyong patuloy ang pagamit nito ay lumawak ang saklaw na bokabularyo ng isang wika. Isa sa uri ng barayati ng wika ay ang sosyolek, Ito ang barayati ng wikang nakabatay sa katayuan o antas panlipunan o dimensyong sosyal ng mga taong gumagamit ng wika.
Ayon kay Rubrico (2009), ang sosyolek ay isang mahusay na palatandaan ng
istratipikasyon ng isang lipunan,na siysang nagsasaad ng pagkakaiba ng paggamit ng wika ng mga taong nakapaloob dito batay sa kanilang katayuan sa lipunan at sa grupo na kanilang kinabibilangan. Kabilang sa sosyolek ang ‘wikang beki’ o mas kilala bilang gay lingo.Ito ang wikang pagkakakilanlan ng grupo ng mga homosekwal. Ang intesyon nila sa paggamit ng wikang ito ay upang magkaroon sila ng sikretong lengguwaheng hindi maiintindihan ng mga taong hindi kabilang sa kanila. Nabibilang rin sa wikang sosyolek ang wika ng mga ‘conyo’o conyo speak.Ito ang baryant ng Taglish,hinahalo dito ang tagalog at Ingles kay masasabi rin mayroong code switching na nangyari.Ito ay kariniwang maririnig sa mga kabataan ng makabong henerasyon o kabataang may kaya at nag aaral sa ekslusibong paaralan.
Ang isa pang barayati ng sosyolek ay ang wikang ginagamit ng mga
jologs ang ‘jejemon’ o ‘jejespeak’.Ito ay nakabatya rin sa wikang Ingles at Tagalog subalit isinuslat ito nang may kahalong numero,mga simbolo at magkasamang malaki at maliit na titik. Pumapaloob rin dito ang ang ang ‘wikang balbal’ o ang ‘wikang kalye’ .Ang wikang balbal ay matatwag rin na slang o kolokyal. Nabuo ang wikang ito sa di pormal na paraan.Maaring ito ay mga salitang pinaikli,mga salitang pinagsama,mga hiniram na salita ngunit iniba ang baybay at maikling salita na pinahaba.’Jargon’ tawag sa mga salitang balbal nanabuo. Ang jargon ay isang bagay na hindi mo mauunawaan kung hindi ka parte ng isang grupo o kung wala kang konteksto sa nagaganap. Sa kabuuan ang Wikang Sosyolek ay malawak ang saklaw sa lipunang ating ginagalawan kung kaya’t may kakayahan itong hulmahin o kaya naman wasakin ang ating pambansang wika ng identidad at pagkakaisa.