Isang paglalakbay na may dapat kang marating at mapuntahan Pero pano kung paulit ulit nalang? Magandang araw, umaga na pala Unang araw sa kolehiyo,simula na ng istorya Marami na naman akong bagong makikilala Kagaya ng kung anong naranasan ko nung ako’y highschool pa Bagong kaklase, guro at barkada,bagong mga ala ala Na sa dami ng aking nakikilala di ko na matandaan pangalan ng bawat isa Pero bakit sa dinami-dami nila, puro lang pansamantala Mga kaklaseng lalapit dahil kailangan ka nila Tapos pag ako na yung may kailangan bigla nalang nawawala Meron din namang magsasabi na di sila masaya Lalapit sakin kase yung puso daw nila ay sira Tapos pag nabuo ko na nagsisialisan nalang bigla Para silang mga bula na nagwawala pagkatapos ko silang magawa Sige,simulan nating bilangin ang mga nanatili sakin Isa, dalawa, tatlo naaalala ko na mag isa nga lang pala ako Nakakapagod isipin na sa bawat tulong na ibigay ko,pag iisa ang sukli nito Na kahit saang parte ko tingnan ay malulungkot talaga ako Dito sa paulit-ulit na pangyayari na parang iisa ang takbo Pero isang araw biglang may isang babaeng pumukaw ng atensyon ko Isang dalagang mag isa sa sulok at nagbabasa ng libro Nilapitan ko sya at naglakas loob akong iabot ang kamay ko At sa pakikipagkilala nya sa akin nagsimulang magbago ang nakakasawang buhay na’to At sa araw na ito nabaliktad ang kinalalagyan ko Na akong dati mag isa ay nakahanap ng kaibigang totoo At ang magulong buhay ko siya na rin ang bumuo At ang kasiyahang naramdaman ay di kayang maipinta Sa bawat araw na kasama ko siya ito’y nagiging masaya Parang sa lahat ng bagay nagkakasundo kaming dalawa Pero bakit?bakit sa kalagitnaan ng saya biglang may sasambitin siyang mga salita? Mga salitang magpapalungkot muli sa aking nadarama Pagsambit niya ng salitang “May sakit ako at may taning na ang bihay ko” ay wala akong nagawa Na ang ilang buwang pagkakaibigan naming ay matatapos na pala At sa huling araw niya ako’y may nalaman mula na kanya Nang sabihin niya sa akin na magpatuloy ka dahil mahalaga ka Dinala ko ito hanggang sa aking pagtanda.