Professional Documents
Culture Documents
I. Layunin
Gamit ang iba’t-ibang larawan, 75% ng mag-aaral sa Grade 1 ay inaasahang:
a. natutukoy ang pisikal na kapaligiran na nakapaligid sa paaralan;
b. nasasabi and epekto ng pisikal na kapaligiran sa sariling pag-aaral; at
c. nakapagpapakita ng pagmamalasakit sa pisikal na kapaligiran lalong-lalo na
sa paaralan.
II. Nilalaman
A. Paksang Aralin: Epekto ng Pisikal na Kapaligiran sa Sariling Pag-aaral
B. Sanggunian:
1. K to 12 Gabay sa Pangkurikulum sa Araling Panlipunan
(AP1PAA-IIIb-3)
C. Kagamitang Panturo:
mga larawan, tsart, worksheet, scotchtape, marker
III. Pamamaraan
A. Panimulang Gawain
Panalangin at pagbati
Pagtatala ng Lumiban
Pabibigay tuntunin sa klase
Pagganyak
Ang mga mag-aaral ay pag-iisipin ng kanilang guro ng mga makikita sa
paaralan lalo-lalo na sa pisikal na kapaligiran.
●Anu-ano ang makikita ninyo sa pisikal na kapaligiran ng ating
paaralan?
●Ano ang masasabi ninyo sa pisikal na kapaligiran ng ating paaralan?
B. Paglalahad/Talakayan
1. Gawain
Magpapakita ng ibat’t ibang larawan ng pisikal na kapaligiran ng
paaralan ang guro.
Base sa mga larawan tatawag ang guro ng mga mag-aaral na boluntaryong
sasagot sa mga tanong.
a. Ano ang nasa larawan?
b. Anu-ano ang masasabi ninyo sa larawan?
2. Pagsusuri
Mula sa naunang gawain, sasagutin ng mga mag-aaral ang mga
sumusunod na tanong:
a. Sa tingin ninyo, sa aling larawan o pisikal na kapaligiran kayo
mas makapag-aaral ng mabuti? Bakit?
b. May epekto ba ang hindi magandang kapaligiran sa inyong
sariling pag-aaral? Bakit?
c. Anu-ano ang mga epekto ng maganda at maayos na kapaligiran
sa inyong pag-aaral?
3. Paghahalaw
Mula sa naunang gawain at pagsusuri ng mga mag-aaral, magbibigay
ang mga mag-aaral ng mga epekto ng pisikal nakapaligiran sa kanilang
sariling pag-aaral.
●Ang ingay sa paligid ng paaralan ay nakakasama sa mga mag
aaral. Hindi mauunawaan ng mga mag-aaral ang paliwanag ng
guro sa maingay na paligid.
●Ang maduming kapaligiran ay nakakawala sa pagkakatutok ng
mga mag-aaral sa itinuturo ng guro. Maaring makaapekto sa
kanilang kalusugan ang maduming kapaligiran.
●Ang maayos, tahimik at ligtas na kapaligiran ay nagdudulot ng
mabilis na pagkatuto ng mga mag-aaral.
Mga tanong:
●Sa palagay ninyo, kung maganda at maayos ang silid-aralan o
paaralan mas maiintindihan ba ninyo ang mga leksyon? Bakit?
●Sa tingin ninyo, ano ang maiaambag ninyo para maging maganda
at maayos ang ating silid-aralan at ang ating paaralan?
4. Paglalapat
●Tatawag ang guro ng mga mag-aaral na boluntaryong sasagot sa mga
tanong. Sasagutin ang mga tanong ng Tama o Mali.
IV. Pagtataya
Panuto: Iguhit ang masayang mukha kung nagdudulot ng mabuting epekto
at malungkot na mukha kung nagdudulot ng hindi magandang epekto sa pag-aaral
ang mga nasa larawan.
1.
2.
3.
4.
5.
V. Takdang-Aralin
●Iguhit sa papel ang maari mong gawin upang mapanatiling maayos at malinis ang
inyong silid-aralan o paaralan.