Ipaliwanag ang kahulugan ng Antolohiya ayon sa sumusunod ( sariling
pangungusap )
1. Genre - Palaman sa isang panitikan sa anumang uri ng akda. Isa itong
balangkas kung anong uri o genre ang isang panitikan maaring ito ay isang alamat, mito, pabula, parabula,kwentong bayan, anekdota at marami pang iba. 2. Paksa - Isang punong ideya ng manunulat na nagbibigay tulong sa susulatin upang makabuo ng katawan sa isang pahayag. Maaaring ang paksa ay tungkol sa kababaihan, kalalakihan, mga bata o paksa ng pampulitika at marami pang iba. 3. Manunulat - Tumutukoy sa taong nakakalikha ng isang akda na nagbibigay ng kakintalan, pagpapahayag ng saloobin, panghihikayat sa mga mambabasa, pagbibigay aliw, bigay impormasyon at pagbabahagi ng iniisip na hango sa imahinasyon at pagiging malikhain sa pagsulat ng isang akda. 4. Pansarili- Isang pagpapahayag kung ano ang nasa sikluban at pinaka loob looban ng isang tao. Laman nito ang pagpapahayag ng sariling kaisipan, napagdaanan, nalaman at sariling palaisipan. Maaring maghandog ng panibagong kakintalan sa mga mambabasa.
Paano nagkakaiba ang tema /paksa ng mga panitikan sa panahon ng
Katutubo, Kastila at Amerikano?
Nagkakaroon ng kaibahan sa tema o paksa ang panitikan sa bawat panahon
tulad ng panahon ng katutubo, Kastila at Amerikano. Sa panahon ng katutubo, mayroon na silang uri ng panitikan na nakatuon sa mga ritwal at mga paniniwala sa anito o bathala. Kaya bakas sa mga obra nila ay may kaugnayan sa nasabing tema o paksa. Sa panahon na ito walang alintana ang mga katutubo na sumamba, magdiwang sa lahat ng okasyon na mayroon sila at umiikot lamang sa pamumuhay at kultura na mayroon sila na masasalamin sa panitikan na nakaangkla sa panahon na ito. Samantala, nang dumating ang mga kastila mas naging sentro nito ang pananampalataya at pag inog ng paniniwalang kristiyanismo. Hango sa bibliya at mabuting kaugalian ang tema sa panahon na ito na maging ang pagbinyag, kasal ay nagmula sa panahon na ito. Sa panahon ng amerikano, mas malaki ang pinagbago at inunlad ng panitikan dahil ang paksa sa panahon rito ay nasyonalismo, politika at kapangyarihan. Ang obra maestra nila ah sumasalamin sa kalagayan ng pilipino, naranasan nila sa kamay ng mga kastila dahil sa panahon din nito nagkaroon ng kalayaan ang mga manunulat na magbuo ng isang akda.Mapusok ang pagpapahayag ng dadamin dahil sa unti unting nararamdaman kalayaan. Kaya nagkaroon ng kaparusahan ang manunulat ng panahong iyon. Nagbihis ang dula sa panahon na ito at nagbago ang konteksto na nagkaroon ng normal na edukasyon upang mabago ang mga teksto, pamagat at nadagdagan ng salitang hiram na naging resulta sa liberal na mga tagpo at pagka impluwensya na rin ng mga kanluranin.