Ni Librada S. Quilas, PhD Guro Layunin: 1. Nababakas ang kasaysayan ng sanaysay sa mundo at sa Pilipinas 2. Natutukoy ang mga uri ng sanaysay 3. Nakapagbibigay ng halimbawa sa bawat uri ng sanaysay 4. Nasusuri ang bawat uri ng sanaysay 5. Nakasusulat ng iba’t ibang uri ng sanaysay Paano nagkakaiba ang isang makata at mananaysay?
Ang makata ay nakikipag-usap sa pamamagitan ng
pananalinghaga habang ang mananaysay ay nakikipagtalastasan sa pinakamataas na anyon ng prosa – ang pagpapahayag gamit ang paksa at panaguri. 1938 – lumitaw sa bokabularyong Tagalog ang terminong sanaysay. Sanaysay - nilikha ni Alejandro G. Abadilla - Pagsasalaysay ng nakasulat na karanasan ng isang sanay sa pagsasalaysay. - Pagsasanib ng salitang “sanay” at “salaysay”. Naging pamantayan ni Abadilla sa pagsasanaysay ang mga Kanluraning modelo. - Michel Eyquem de Montaigne noong 1580 sa kanyang essais, na nangangahulugang mga pagtatangka, pagsubok at pagsisikap, na naglalaman ng kanyang mga palagay at damdamin. Isagani Cruz at Soledad Reyes , ang sanaysay ay akdang tuluyan na tumatalakay sa ilang isyu (Cruz at Reyes, 1984) Hindi nalilimitahan ang mga paksang maaring talakayin sa sanaysay. Maituturing na ang sanaysay ay bukal ng karanasan, ideolohiya, obserbasyon, paniniwala at pagpapahayag. Katangian ng Sanaysay Haligi ng sanaysay: simula, gitna, wakas Batayang elemento: 1. Pangunahing tema, Wika, Himig, Estilo, Panauhan, Balangkas, Detalye, Sariling karanasan,Pagkiling, Kongklusyon 2. May lohika at organisadong kaisahan 3. Dapat na makatotohanan, kapani-paniwala, may lalim at may puso. Kailangang nakikipag-usap sa mambabasa. Estilo / pamamaraan: 1. Maaring paglalarawan, pananalinghaga, pagkukuwento, pagpapatawa, paghahambing, pag-aanalisa at iba pa. -nakabatay sa kanyang interes, panlasa at pagpapahalaga (Lucero et al. 1994) Ayon kay Bienvenido Lumbera, ang mananaysay ay “sinumang may gustong sabihin sa kanyang kapwa Pilipino at may kakayahang hubugin ang wika upang maihatid nito ang gusting sabihin” (2000) Sa Pilipinas, ang sanaysay ang pinakalaganap na anyo ng pagpapahayag. Ayon kay Lilia Quindoza-Santiago, isang manunulat, ginagamit ang sanaysay mula sa simpleng eksam tungo sa tesis / pananaliksik (2006). May sanaysay na naglalaman ng mga pulitikal na pamamahayag ng isang organisasyon o Partido. Palasak na rin ang pagsasanaysay sa internet gamit ang blogging, lathalain o kritisismo sa mga e-journal o opisyal na website, link ng pahayagan o organisasyon. Ang blog ay nagmimistulang mga tala sa talaarawan o dyornal na mababasa sa internet. Hal. sa facebook. Bukod sa mga tula, komiks at kwento ang laganap na paraan ng pagpapahayag ng damdamin ng karanasan ng mga bloggers ay ang malikhaing sanaysay. Kategorya ng Sanaysay Ayon kay Abadilla, sanaysay ang mga pormal na sulatin tulad ng panunuring pampanitikan. Ayon kay Lumbera, sanaysay ang alinmang akdang prosa na nagbabahagi ng impormasyon, nagpapaliwanag, umaakit na paniwalaan natin ang sinasabi, tumutuligsa sa mga institusyon o indibidwal o umaaliw sa mambabasa. Kaya maituturing na sanaysay ang liham, kolum o artikulo sa pahayagan, tala sa dyornal, talambuhay, pananaliksik, pormal na sulatin, tesis, malikhaing sanaysay (creative nonfiction), blog entri etc. MASIGABU ang sanaysay ayon kay Lilia Quindoza- Santiago (2006). MAy mahusay at sariling ideya; maSInop ang organisasyon at paglalahad; Gamit ang sariling estilo at tinig; Bukas sa mga posibilidad at pagbabago. Tulad ng kasaysayan, ang sanaysay ay salaysay ng maraming saysay. • Gawain: • Sagutin ang sumusunod at isulat ang sagot sa inyong notebook • 1. Batay sa iyong pagkaunawa, ano ang sanaysay? • 2. Ipaliwanag kung paano nabuo ang salitang sanaysay. • 3. Batay sa mga makata at manunulat sa itaas, para saan ang sanaysay? • 4. Ano-ano ang mga sulating kabilang sa sanaysay? Kailan Pumasok ang Sanaysay sa Pilipinas? Panahon ng Kastila -nagdala ng Katolisismo at kulturang Europeo - Nakita nila ang pangangailangang gawing sibilisado ang mga katutubo. - Pinalaganap nila ang Katolisismo sa pamamagitan ng pagbibinyag at pagsesensura sa pagpapalimbag ng mga katutubo. -Sinaunang panitikan ay naging relihiyoso. Hal. Ang epiko ay naging pasyon. -ipinakilala ang nobela, sanaysay, dula at panunuring pampanitikan (Cruz at Reyes, 1984). -Nailuwal ang sanaysay noong ikalabimpitong siglo gamit ang wikang Espanyol. Mga nailathalang akda ay tungkol sa pagsasa-Kristiyano ng mga katutubo. Ayon kay Nenita Pagdanganan-Obrique, ito ang nagsilbing makinarya sa pangangalat ng mga akdang babasahin tulad ng meditasyon, sermon, dayalogo, himno, anekdotang moral, pag-aaral ng mga wika at paliwanag ng mga prinsipyong Katolisismo. -Palasak ang memorias (memoirs), resenas (resumes), informes (accounts) at memoriales. Karaniwang paksa ay ang pulitika, relihiyon, teknolohiya, etc. -Ilan sa mga halimbawa nito ang Doctrina Christiana sa wikang Espanyol at Tagalog, 1593, Librong Pagaaralan nang manga Tagalog nang Uicang Castila ni Tomas Pinpin; Pagsusulatan nang Dalauang Binibini na si Urbana at Feliza na Nagtuturo ng ng Mabuting Kaugalian ni Padre Modesto de Castro, 1864. -Sa kanilang pananakop, maraming katutubo ang pinaslang, nagbayad ng mataas na buwis, naging biktima ng polo y servicio o forced labor, at inagawan ng lupa. - Dahil dito, naging daluyan ng mga obserbasyon, kuro- kuro, pagpapalagay, at pahayag ng mga katutubo ang pahayagan gamit ang artikulo at tudling (kolum). - Nagkaroon ng puwang ang mga katutubong magpahayag at sumuri sa namamayaning Sistema ng pamamalakad ng mga Kastila. -Nanguna ang El Pasig (1862), sa pagtuligsa sa namamayaning gahum sa lipunan. Tema nito ay paksang secular / praktikal (Pagdanganan-Obrique 2001). Noong ika-19 na siglo, ginamit ng kilusang repormista ang sanaysay bilang lunan ng kanilang mga obserbasyon ng paninikil ng mga Kastila sa Kalayaan ng mga Filipino. Nanaig ang diwang Makabayan sa mga sanaysay sa anyo ng tudling, liham, lathalain, dyornal, talaarawan at sermon (Lucero et al. 1994). Ilan sa mga nangungunang repormista ay sina Luis Rodriguez Valera, Padre Pedro Pelaez at Padre Jose Burgos na sumulat ng “Manifesto of the Loyal Filipinos in Defense of their Honor and Faithfulness”, 1864. -Sa paglakas ng kilusang propaganda sa Espanya, naitatag ang pahayagang may layong tumuligsa sa mga Kastila: La Solidaridad (1889); Kalayaan ng Katipunan (1896); El Heraldo de la Revolucion; La Independencia. La Solidaridad- may mahalagang papel na ginagampanan sa pagpapakilos ng mga ilustrado at pag-uudyok sa rebolusyong kilusan laban sa Kastilang mananakop. Sumulat dito si Dr. Jose Rizal. Sinulat ni Rizal ang: • La verdad para todos (Katotohanan para sa Lahat) • Filipinas dentro de cien anos (Ang Pilipinas sa Loob ng isang Siglo) • La Vision de Fray Rodriguez (Ang Pangitain ni Fr. Rodriguez) - Sa mga sanaysay sa itaas, ipinakita ang pagiging palaban, satiriko at husay sa kasaysayan. Sumulat ng sanaysay uko sa kritisismo nila ukol sa frailocracia sa bansa ang ilang kasapi ng kilusan gaya nina Marcelo H. del Pilar ( The Monastic Sovereignty in the Philippines) 1888; at Graciano Lopez-Jaena (Discourses and Various Articles) 1891. Sa panahon ng Himagsikan, naipakilala ang mga sanaysay ni Andres Bonifacio tulad ng “Ang Dapat Mabatid ng Tagalog” at “Sa mga Kababayan at ni Emilio Jacinto para sa kalipunan ng laniyang mga sanaysay na “Liwanag at Dilim (Matute, 1984). Panahon ng Amerikano Hanggang Kasalukuyan • Nagpatuloy ang paninikil sa diwa ng nasyonalismo sa panahon ng Amerikano. Naipamalas ang pagsikil na ito sa pamamagitan ng pagpapatupad ng mga batas na ito: • Sedition law (1901) • Brigandage Act (1902) • Flag law (1907) • 1900-1916 – gintong panahon ng pahayagang Tagalog. Bunga ito ng pagkakaroon ng siwang na naglatag ng Kalayaan sa pamamahayag” (Iniego w.p., 4). • Lumitaw ang pagsasanib ng “panitikan at peryodismo” sa anyo ng tulang peryodismo • Dahil sa antas ng edukasyon at liberalism, umunlad ang sanaysay bilang anyong pampanitikan. Wikang Ingles- pangunahing wika sa pagsulat ng sanaysay. Ilan sa mga manunulat ay sina Maximo Kalaw, Jorge Bocobo, Salvador Lopez at Fernando Maramag (Mojares 1994, 83). • Pagkaraan ng Ikalawang Digmaang Pandaigdig, naging papel ng sanaysay ang maging behikulo sa pagpapalaganap ng kultural at pulitikal na edukasyon. Naging tanyag sina Nick Joaquin, Carmen Guerrero Nakpil at Adrian Cristobal. Lumabas sa pahayagan bilang mga tudling (kolum), editorial o lathalain ang kanilang mga sanaysay. • Malikhaing sanaysay (Cristina Pantoja-Hidalgo) ang tudling, editorial, lathalain, talambuhay. Ito ay gumagamit ng estratehiyang maikling kwento. Tinatawag din itong bagong peryodismo o new journalism. • Sa Panahon ng Batas Militar, Litaw ang paggamit ng malikhaing sanaysay sa mga pahayagang tulad ng Asia_Philippines Leader, Philippines Free Press, at Philippine Graphic (Pantoja-Hidalgo 2003, 4). Wikang Ingles ang ginamit sa pagsulat nina Nick Joaquin, Gregorio Brillantes, Kerima Polotan-Tuvera, Wilfredo Nolledo, Gilda Cordero-Fernando, Ninotchka Rosca, Luis Teodoro, Jose Lacaba, Sylvia Mayuga, Petronilo Daroy at Alfredo N. Salanga. • Noong dekada 1980, yumabong ang sanaysay o malikhaing sanaysay na sinulat sa wikang Filipino o Ingles at wikang bernakular. Makatang pumasok sa larangan ng peryodismo bilang mga makata-peryodista gaya nina Jun Cruz Reyes, Virgilio S. Almario, Domingo Landicho, Jose Lacaba, Bienvenido Lumbera, Cirilo Bautista at iba pa. Naging lunan din ng mga pahayagan ang tinig ng kababaihan sa panulat nina Genoveva Edroza-Matute, Liwayway Arceo, Fanny Garcia, at Lilia Quindoza-Santiago. • Bagong lunan ng pagpapahayag ang makikita halimbawa sa mga bulletin boards o billboards. Itinanghal din ang mga patimpalak sa bansa gaya ng Carlos Palanca Memorial Awards for Literature para sa kategoryang Kabataan Essay at Propesyunal. Sa kasalukuyan, ang malikhaing sanaysay ay kinikilala bilang isang anyo ng panitikan sa Pilipinas. Marami nang ginagawang pag-aaral tungkol dito at dumarami ang mga nabuong kurso tungkol sa pagsulat nito tulad ng sa Unibersidad ng Pilipinas (UP) at De La Salle University (DLSU). Itinuturo ito sa mga kurso ng malikhaing pagsulat, komunikasyon at pananaliksik. Gawain: Sagutin ang sumusunod na tanong sa inyong notebook. 1. Magtala ng limang natutunan sa: • Panahon ng Kastila • Panahon ng Amerikano • 2. Talakayin ang papel na ginagampanan ng sanaysay sa : • Panahon ng Kastila • Panahon ng Amerikano • Mga Uri ng Sanaysay • 1. Pormal • ○ Ayon kay Genoveva Edroza-Matute, ang sanaysay ay bunga ng pananaliksik at mayroong pagpapahalaga sa mga nakalap na datos. - masinsing pag-oorganisa ng datos, malinaw, lohikal at kapani- paniwalang pagpapaliwanag, at Kritika o analisis. • - madalas mabasa at mapakinggan sa isang intelektuwal na kaligiran tulad sa mga klase sa pagsusulat, simposya, lektyur, sermon at mga talumpati. Halimbawa nito ay ang mga pormal na sulatin tulad ng tesis o pananaliksik, at mga sanaysay (panunuring pampanitikan). -pinagtutuunan nito ang kalikasan o ang proseso na nagaganap sa isang bagay, pangyayari o tao. Halimbawa: Kasaysayan at Gamit ng Wikang Filipino • 2. Ethno-essay ○ Ayon kay Lilia Quindoza-Santiago, isang mananaysay, ito ay mga sanaysay na nagpapaliwanag sa mga gawi, kostumbre, at estilo ng pamumuhay ng mga katutubo. Isa rin itong paraan ng pananalamin sa pag-aaral o obserbasyon sa kultura ng iba. Pangunahing layunin nitong maitanghal ang kultura ng mga grupong etnolinggwistiko. Pormal na wika ang ginagamit sa pagpapahayag nito. • 3. Personal o impormal • ○ Tinawag ni Edroza Matute, na palagayan. • -nakikipagpalagayan ang mananaysay sa kanyang paligid at sa kanilang sariling pagpapasya at pagpapahalaga. • -binibigyan ng Kalayaan ang mananaysay sa kanyang pagkatha batay sa kanyang karanasan at kung paano niya isinasabuhay ang karanasang ito. -Kahit sino ay maaring sumulat nito, basta may nais kang ibahaging karanasan. • -Ayon kay Joseph Epstein sa kanyang aklat, ang paksa nito ay may pag-uugat sa realidad kaya kailangang kapani-paniwala, makatotohanan at tapat sa detalye. • Halimbawa ay talaarawan o journal, liham, panayam, travelogue, photo essay, lathalain at talambuhay. • 4. Malikhain • ○ Ayon kay Lee Gutkind sa kanyang “The 5 Rs of Creative Nonfiction,” ang malikhaing sanaysay ang pagsasanib ng malikhaing pagkatha at ang pag-uulat. Ayon sa kanya, kabilang dito ang tudling, artikulo at editorial. • Idinagdag pa rin niya na dapat taglayin nito ang 1) pagsasabuhay at pakikipamuhay sa realidad ng sinusulat; 2) pananaliksik sa napiling paksa; 3) pagninilay-nilay sa nakalap na datos; 4) pagbabasa ng mga tekstong makatutulong sa pagsusulat; at 5) ang mismong akto ng pagsusulat. Ayon naman kay Philip Gerard, may lima itong sangkap: 1) may malinaw at malalim na sabjek; 2) may katangian ng paksa sa peryodismo na napapanahon; 3) nagsasalaysay ng magandang kwento gamit ang estruktura ng maikling kwento; 4) pagmuni-muni ng may-akda at 5) nagpapahalaga sa sining ng pagsulat (Gerard 1996, 7-11). ○ Ayon naman kay Cristina Pantoja-Hidalgo, ang malikhaing sanaysay ay mga salaysay na totoo na gumagamit ng mga estratehiya at teknik ng maikling kwento (Hidalgo 2003, 10). Ang karaniwang paksa ay ang pagtatala sa mga tunay na tao at pangyayari. Kabilang dito ang talambuhay o kathambuhay, dramatikong dokumentaryo, bagong peryodismo at talaarawan. • Gawain: 1. Magtala ng dalawang paglalarawan gamit ang sariling pananalita sa sanaysay na : • Pormal • Impormal • Ethno essay • Malikhain • Mga Uri ng Sanaysay batay sa Anyo • Pormal • 1. Tesis o sulating pananaliksik – isang paglalaat deskriptibong paglalarawan at pag-oorganisa ng mga datos. Layunin nitong bigyang kasagutan o kalutasan ang suliranin. • ○ Ang Mga Uri ng wikang Ginagamit sa Text Messaging • ○ Ang Konsepto ng Bayan sa mga Tula ni Amado V. Hernandez 2. Eksam- karaniwang isinusulat ng mga estudyante bilang bahagi ng kahingian sa kanilang mga klase. Isang paraan ng pagtatasa ng guro sa natutunan ng mag-aaral. Pormal ang wikang ginagamit. Kadalasang hinahanap sa pagsasanay sa eksam ang organisasyon ng mga ideya, ang lalim at linaw ng pahayag at ang epektibong paglalatag ng kapani-paniwalang argumento o kuro-kuro. 3. Talumpati – sanaysay na gumagamit ng estratehiya at tono ng pangangatwiran at/o panghihikayat. Layunin nitong maglatag ng isang pangunahing tema o suliranin at kumbinsihin ang mambabasa o tagapakinig na kumiling sa asersyon nito. Ginagamit ang pamamaraang paghahambing/pagtutulad, paglalarawan at pangangatwiran. Kadalasang binibigkas ito sa mga pagtitipon○. Ginagamit din ito sa isang kolokyum o pagtitipon ng mga intelektwal o nasa akdemya o seminar. 4. Panunuring Pampanitikan – akademikong sanaysay na nakatuon sa mga teorya, pag-aanalisa sa anyo, estilo at nilalaman ng isang akdang pampanitikan. Mga sumusulat nito ay mga nasa larangan ng panitikan, kritisismo o nasa akademya. Kabilang dito ang sanaysay na isang pag-aaral, diskusyon, ebalwasyon o pagbibigay interpretasyon sa panitikan. Maaring paksa ay kasaysayan at pag-unlad ng salawikain mula sa panahong pre-kolonyal hanggang sa kasalukuyan. Kinikilatis ang akda upang mabigyan ito ng pagpapahalaga at kahulugan. Impormal
1. Talaarawan o dyornal – isang anyo ng
pananalamin ng may-akda sa kanyang naoobserbahan, nararamdaman at nauunawaan sa mga bagay-bagay batay sa kanyang perspektiba. Halimbawa: Diary of Anne Frank. Itinatala rito ang petsa. • 2. Liham – pagpapalitan ng mga kuro-kuro o ideya ng nagsusulatan. Maaring simpleng naglalahad o nagsasalaysay. Isang paraan din ito ng pakikipag- ugnayan sa paraan ng kumustahan. Maaring kakitaan ng mga payo at pangaral sa tatanggap. Halimbawa: liham nina Urbana at Feliza sa isa’t isa. • Bukas na liham- maaring basahin ng kahit sino, para sa publiko. • 3. Panayam – may sabjek, pangunahing paksa at sinasagutang tanong ang panayam. Isa ito sa mga ‘di mabilang na paraan o lapit sa pananaliksik. Maaring pormal o oral. • 4. Pamilyar na sanaysay – ang lapit at paksa ay personal sa pananaw ng mananaysay. Ang paksa ay karaniwang malapit sa puso, hilig o interes ng may-akda upang mabigyan niya ito ng wasto at karapat-dapat na paglalarawan at pagsasabuhay. • Halimbawa: Kumander ni Jing Panganiban-Mendoza • 5. Travelogue – sanaysay ng pagsasalaysay ng may- akda sa mga lugar o paglalakbay na kanyang nagawa.
• 6. Photo essay – ang mga litrato mula sa kamera ang
siyang bumubuo ng anratibo o kuwento sa photo essay. Madalas itong makita sa eksibit at diyaryo. Nakatutulong dito ang mga caption ng bawat larawan. 7. Rebyu – paraan ng pagtatasa ng manunulat sa nakita o nabasa niya. Ginagawa ito sa mga librong nabasa, mga pelikula, palabas sa telebisyon o anumang pumukaw sa interes ng mananaysay. -Nakabatay sa sariling opinion ng may-akda, na maaring positibo o negatibo. • 8. Lathalain/Tudling – sanaysay na nailalathala sa pahayagan. Napapanahon ang paksa at may pagsusuri na batay sa opinion ng manunulat. • 9. Talambuhay/Kathambuhay – tungkol sa buhay o mga piling pangyayari sa buhay ng tao, maaring personal o buhay ng iba. Ang manunulat ng talalmbuhay ng ibang tao ay maaring historyador o malikhaing manunulat tulad nina Leon Ma. Guerrero at Nick Joaquin. 7. Rebyu – paraan ng pagtatasa ng manunulat sa nakita o nabasa niya. Ginagawa ito sa mga librong nabasa, mga pelikula, palabas sa telebisyon o anumang pumukaw sa interes ng mananaysay. -Nakabatay sa sariling opinion ng may-akda, na maaring positibo o negatibo. MARAMING SALAMAT! MARAMING SALAMAT!