Ang mga pelikula na aking napanuod at nagtataglay ng mga karanasan ng
bawat indibidwal sa buhay. Dito nasasalamin na dapat natin pahalagahan ang mga General Education Courses, hindi lang ang mga Major Courses, sapagkat nagagamit at magagamit pa natin ito sa pangaraw-araw. Mas napapalawak ng mga General Education Courses ang mga kaalaman na pwede pa natin na matutunan sa pagdaan ng taon. Katulad nalang noong mga pelikula na napanuod ko, nagagamit parin nila ang mga natutunan nila sa mga General Education Courses sa trabaho nila na taliwas sa Major Courses na kinuha nila. Dagdag pa rito, nalalaman din natin ang problema sa lipunan kailangan bigyan ng pansin upang masolusyonan. Masasabi ko talaga na malaki ang pakinabang at naitutulong nito sa buhay ng tao.
Sa mga pelikula na napanuod ko, hindi nabigyan ng pagkakapantay ang
babae at lalaki. Mas nabibigyan ng oportunidad ang mga lalaki kapag ito ay tungkol sa trabaho. Sila din ang mas nabibigyan ng papuri, hindi tulad sa mga babae. Katulad nalang doon sa pelikulang “What Home Feels Like”, yung ama ang nabigyan ng magandang oportunidad na trabaho. Siya ang nabibigyan ng maraming papuri dahil sa kaniyang mga naipundar para sa kanyang pamilya. Ang mga babae naman sa mga napanuod ko na pelikula ay hindi masyado pinapansin ang kanilang mga naiaambag sa komunidad/pamilya. Napapagiwanan sila. Hindi masyado nakikita ang kanilang halaga sa komunidad/pamilya kaya nakikita ko nalang ang kanilang sandamakmak na pag- unawa at pasensya. Katulad nalang doon sa pelikulang “Sol Searching”, si Sol, isang teacher at magsasaka na namatay ay hindi naasikaso nang maayos ang burol. Hindi man lang siya natulungan ng kanyang mga tinuruan, sa lagay na ito nasasalamin ang pagkawala ng pansin sa mga tulong na naibigay niya sa kanila.
Napagtanto ko na matatagalan pa ang pagtanggap ng mga Pilipino na
dapat pantay ang tingin sa babae at lalaki. Sa mga pelikulang ito nakikita ang mga naiidudulot ng hindi pantay na pagtingin. Kailangan natin unti-unting alisin sa ating isipan na dapat magkaiba ang tungkulin ng babae at lalaki sa komunidad/pamilya. Sa paraan na ito, magiging maganda ang kahihinatnan ng pag-iisip ng bawat isa tungkol sa pagkakapantay-pantay. Ang pagkakapantay- pantay ang maaaring susi sa pagiging isa ng komunidad/pamilya.