isang malaking puno ng Higera. Nakatali sa punong ito ang isang binatang wari’y pinag-uusig ng masamang kapalaran. Ang lugar na kinaroonan niya ay sa labas ng Reynong Albanya. Madawag ang kagubatan, madilim na halos hindi makapasok ang sinag ng araw dahil sa makakapal na dahon ng mga punongkahoy. Bukod dito, ang kagubatan ay pinamumugaran ng mga mababangis na hayop na handang manila ng tao. Sierpe, hiena, at tigre ay ilan lamang sa mga hayop na naggala. Matinding kalungkutan naman ang sumasapuso ng taong nakagapos. Sa loob at sa labas ng Albanya ay pawang kasamaan ang naghahari. Sila’y
pinamumunuan ng mga taong may balakyot
ang pag-iisip at masamang ugali. Iniluklok sa
trono ang mga taong may ganitong kaasalan
samantalang ang mga mabubuting gawa at kaasalan ay pinipigilan. Ang isang halimbawa
nito ay si Konde Adolfo na dahil sa labis na
paghahangad sa korona ng hari at sa kayamanan ni Duke Briseo ay nilalason ang
kaisipan ng mga nasasakupan ng Hari. Dahil
dito pati si Florante ay pinag-uusig. Ang pangyayaring ito sa Albanya ay nagbibigay
ng ibayong sama ng loob kay Florante, lalo
na kung naiisip niya ang ginagawa ni Adolfo na paghadlang sa pagsasalita ng mga taong magagaling at paglilibing sa kanila kahit walang kabaong. Sa lahat ng pangyayaring
ito na kanyang nararanasan, sinisisi tuloy
niya pati ang langit. Ang puso ni Florante ay halos madurog sa tindi ng panibugho habang
nagugunita niyang si Laura ay nakahilig
sa kandungan ni Adolfo. Kapag nakakikita ang gayong larawan ay halos
takasan siya ng katinuan ng isip. Maaari
lamang sa puso ni Laura ang manakanaka’y pag-aalala sa kanya. Ngunit kapag sumasagi sa isip niya na si Laura ay nasa pilining ni Adolfo,
hinihiling niya kay kamatayan na
bawian na siya ng buhay upang hindi niya maramdaman ang sakit na
nagpapahirap sa kanyang puso’t
kaluluwa. Patuloy na ginigiyagis ng matinding panibugho ang katauhan ni Florante. Nagsusumiksik sa kanyang isipan si Laura at hindi niya matanggap na ito’y magtataksil sa kanya. Matatanggap niya ang lahat ng pahirap ni Adolfo huwag lamang nitong agawin sa kanya ang dalaga. Kung ito’y magagawa ni Adolfo, kanya itong pasasalamatan nang labis. Nagmimistulang bangkay na si Florante dahil sa sunod-sunod na kahirapan sa kalungkutang kanyang nadarama. Tuluyan na siyang nawalan ng malay at napayukayok sa punong kanyang kinatatalian. Puno ng salita - Ito ang tawag sa Prelude sa Ingles. Gubat - Gubat na nasa labas ng lungsod Epiro na nasa tabi ng Ilog Cocito.
Febo - Sa planeta o buntalang araw ito
ay itinataguri ng mga makatang Latino at griyego.
Cipres (o sipres) - Isang uri ng punong
kahoy sa bundok; tuwid malaki, at malalim ang tubo; ang mga sanga’y paitaas na lahat ang ayos, kaya’t hugis puso ang buong anyo.
Higuera o (Higera o Igos) - Ito’y isa ring
mayabong na mayabong na punong kahoy na malalapad ang mga dahon. Nangangahulugang baog o hindi namumunga. Sierpe - Ito ay isang ahas o serpiyente.
Basilico o (basiliko) - Isang halimaw na
ayon sa alamat ay may mukhang kahawig ng isang butiki; umano, ang hininga at kislap ng mga mata nito ay nakamamatay.
Hiena (H’yena o hayena) - Isang hayop sa
Aprika at sa Asya; ang mukha nito’y kahawig ng isang lobo; kumakain umano ito ng laman ng hayop.
Tigre - Isang mabangis na hayop na ang
mukha’y kahawig ng sa pusa at ang balahibo’y manilaw-nilaw na kulay-kape at guhitan ng itim; Ito’y kumakain din ng laman ng hayop.
Averno - Ito ay tinanatawag na Hades o
Impiyerno. Pluton - Isa sa mga Diyos ng mga Gentil (Hentil); ayon sa mga makata ng unang panahon ay siyang kinikillalang hari ng reyno o kahariaan ng impyerno.
Cocito - Isang ilog sa Epiro, purok ng
Albanya; isa raw ito sa apat na ilog sa Impyerno, kaya makamandag ang tubig.
Narciso - Isang binatang sakdal ganda
at kisig, anak ni Cefisino at ni Lirope.
Adonis -Isang binatang sakdal din ang
ganda; anak sa ligaw ng haring si Cinirro o ng chipre sa anak din nitong si Mirraha.