Ang income effect ay isang pagbabagong nagaganap sa dami ng demand ng isang
produkto maging ng serbisyo na nakaaapekto sa kakayahan ng mga mamimili na bumili ng mga produkto. Ang isang itinuturong sanhi nito ay ang pagbabagong pinansiyal na nararanasan ng mga konsyumer kung kaya’t naaapektuhan ang kanilang kakayahan sa pagbili. Sa mas madaling pagpapaliwanag, ang income effect ay ang epekto ng pagtaas ng mga bilihin sa merkado na siyang sanhi ng pagbabago sa pagkonsumo ng mga mamimili. Ito ang nagiging ugat ng pagbabawas ng isang pamilya sa mga pangangailangan sa pang-araw-araw sapagkat hindi naaayon o sasapat ang kinikita ng pamilya upang patuloy na tugunan ito.
Ang pagtaas ng presyo ng isang particular na produkto o serbisyo ay maaaring
mangahulugan ng kabawasan sa kakayahan ng konsyumer na mabili ito dahil hindi naman nagbago ang kaniyang kita. Gayundin, naman kung bababa ang presyo ng produkto o serbisyo at hindi nagbabago ang kaniyang kita, magkakaroon ng mas malaking kakayanan ang konsyumer na madagdag sa kaniyan demand.