PANALANGIN PARA SA ARAW NG MGA AMA

Amang Mapagmahal, Diyos ng Buhay, sa araw na ito,

pinararangalan naming ang mga Ama at nagpapasalamat kami
sa Iyo para sa mabubuting bagay na kanilang ibinigay sa
kanilang pamilya.
Ang pagmamahal nila ay tanda ng Iyong banal na pagsuyo at
pakikibahagi sa Iyong banal na pag-ibig. Salamin ng Iyong banal
na pangangalaga ang patuloy nilang pagmamalasakit para sa
pangangailangan at kapakanan ng pamilya.
Kaya’t pinupuri Ka namin, Ama ng mga bansa sa pagpaparangal
namin sa kanila. Pagkalooban mo sila sa araw na ito, at
basbasan + ng Iyong katatagan at banal na kapangyarihan
upang patuloy silang maging sagisag Mo.
Sila nawa’y tulungan ng kanilang mga anak, sa kanilang banal
na katungkulan bilang magulang, sa pagpapakita ng paggalang
at ng taos-pusong pagmamahal sa kanila.
Pagkalooban mo sila, Panginoon ng kaligayahan, upang sila na
nag-alay ng buhay ay makapiling Mo, Diyos at Amang nasa
langit sa buhay na walang hanggan sa pamamagitan ni
Hesukristo na aming Panginoon. AMEN

HAPPY FATHER’S DAY PO!!!