Republic of the Philippines

Department of Education
Division of Oriental Mindoro

BANGHAY ARALIN
Komunikasyon at Pananaliksik sa Wika at Kulturang Pilipino

Baitang: 11
Kwarter: 1
Oras: G11 Immanuel Kant (MW 7:30 – 9:30)/ G11 Bill Gates (MW 10:00 – 12:00)/ G11 Michael
Faraday (MWF 1:00 – 2:00, 10:00-12:00)

I. Layunin
A. Pamantayang Pangnilalaman
Nauunawaan ang mga konsepto, elementong kultural, kasaysayan, at gamit ng wika
sa lipunang Pilipino

B. Pamantayan sa Pagganap
Nakagagawa ng isang sanaysay batay sa isang panayam tungkol sa aspektong
kultural o lingguwistiko ng napiling komunidad

C. Mga Pamantayan sa Pagkatuto

Naiuugnay ang mga konseptong pangwika sa mga napakinggan/napanood na
sitwasyong pang komunikasyon sa radyo, talumpati, mga panayam at telebisyon
(Halimbawa: Tonight with Arnold Clavio, State of the Nation, Mareng Winnie,Word of
the Lourd (http://lourddeveyra.blogspot.com) (F11PN – Ia – 86)

D. Kasanayang Pagkatuto
1. Matukoy ang kaugnayan ng sitwasyong pangkomunikasyon sa napanood na
panayam.
2. Magamit ang konseptong pangwika sa sitwasyong pangkomunikasyon sa
talumpati at panayam.
II. Paksang Aralin
Aralin 2: Konseptong Pangwika (Wikang Pambansa, Wikang Opisyal, Wikang Panturo at
Multilinggwalismo)

III. Kagamitang Panturo

A. Sanggunian
 CO_Q1_KPWKP SHS Module 2
 Teksbuk - FIlipino sa Iba’t ibang Disiplina
 Teksbuk - Kontekstwalisadong Komunikasyon sa Pilipino

B. Iba pang Kagamitang Panturo

1. Powerpoint presention
2. Activity sheet
3. Laptop, TV

IV. Proseso ng Pagkatuto

A. Preperasyon
a. Nakagawiang Gawain
b. Motibasyon/ Balik Tanaw

Doroteo S. Mendoza Sr. Memorial National High School

Pagkakaisa, Naujan, Oriental Mindoro, 5204
Celphone No.: 09199943940 / Email Address: dsmsmnhs031532@gmail.com
 Balik tanawin ang mga aralin na tinalakay sa nakalipas na talakayan sa pamamagitan ng
isang aktibiti. Bubunot ang mga piling mag-aaral at magbabahagi sila ng mga
natandaan/naunawaan sa naging diskusyon.

“Bunot sabay Sagot!”

Mga Salitang/Pariralang Mabubunot

- wika
- depinisyon ni Gleason sa wika
- sinasalitang tunog
- lingua franca
- Filipino
- lengua
- dinamiko
- kultura

B. Presentasyon
a. Pagganyak
Huhulaan ng mga mag-aaral ang mga salitang may gulong letra na nasa loob ng kahon.

RTOU
AMNBAASP
OISPLAY
NOLIPIIF
KIWA

C. Paglinang
Sagutan ang Gawain II sa sagutang papel.

D. Pagninilay
Ang ating wika ay pangunahing ginagamit para makatulong sa pakikipagtalastasan o
pakikipagkomunikasyon sa kapwa. Pero sa realidad o aktuwal na praktika ay higit pa rito ang
gamit ng wika. Nagiging simbolo rin ang wika sa iba’t ibang paraan at ginagamit sa iba’t ibang
sitwasyon.
Ang wikang pambansa ay tumutukoy sa wika na ginagamit ng mga tao sa isang bansa.
Halimbawa, ang wikang pambansa ng mga taga-Nepal ay Nepali bagamat mayroon silang 123 na
mga wika. Tulad ng Nepal, ang Pilipinas ay mayroon ding wikang pambansa at ito ang wikang
Filipino batay na rin sa 1987 na Konstitusyon.

Sino ang tinaguriang Wikang Pambansa?

Bakit siya ang naging Ama ng Wikang Pambansa?

SINO NGA BA SI MANUEL LUIS QUEZON?

 Si Manuel Quezon ay tubong Baler sa Tayabas, Quezon.

 Siya ay ipinanganak noong Agosto 19, 1877, ngunit iba ang opisyal na kaarawan ni Manuel
Quezon. Ang opisyal nyang kaarawan ay Agosto 19, 1878.
 Nanalo bilang Pangulo ng Pamahalaang Komonwelt si Manuel Quezon noong 1935. Natalo
niya sina Emilio Aguinaldo at Obispo Gregorio Aglipay.

Ang rason kung bakit tinaguriang Ama ng Wikang Pambansa si Manuel Luis Quezon ay
dahil siya ang nagsulong ng pagkakaroon ng isang pambansang wika para sa buong Pilipinas.

Doroteo S. Mendoza Sr. Memorial National High School

Pagkakaisa, Naujan, Oriental Mindoro, 5204
Celphone No.: 09199943940 / Email Address: dsmsmnhs031532@gmail.com
Kung matatandaan, si Manuel Quezon ay ang pangalawang Pangulo ng Pilipinas. Siya rin ay kilala
bilang pangulo na namahala sa ilalim ng Pamahalaang Komonwelt ng ating bansa.
Manuel Luis Quezon bilang Ama ng Wikang Pambansa
Bago nagkaroon ng pambansang wika ang Pilipinas, ang mga Pilipino mula sa iba't ibang
probinsya ay may kanya-kanyang wika. Nalilimit ang pagkakaintindihan ng mga mamamayan dahil
pagkakaiba ng mga wika.
Bunga nito, naisip ni Manuel Quezon na isulong ang pagkakaroon ng isang pambansang
wika upang mas magkaroon ng pagkakaintindihan ang lahat ng mga Pilipino. Ito ang rason kung
bakit tinaguriang Ama ng Wikang Pambansa si Manuel Quezon.
Sa ilalim ni Manuel Quezon, nagtayo ng Surian ng Wikang Pambansa. Ito ay may layunin na
gumawa ng pambansang wika para sa mga Pilipino. Inirekomenda ng Surian ng Wikang Pambansa
ang Wikang Tagalog. Noong Disyembre 1939, idineklara ni Manuel Quezon ang Wikang
Tagalog bilang Pambansang Wika ng Pilipinas na naging Wikang Pilipino. Kalaunan, ang opisyal na
pambansang wika ng Pilipinas ay naging Wikang Filipino.
Iniutos din ni Manuel Quezon noong Hunyo 1940 na ituro ito sa isang asignatura
o subject sa mga paaralan sa buong bansa.
https://brainly.ph/question/785124
Kalikasan ng Wikang Filipino bilang Wikang Pambansa
Linawin natin ang probisyong pangwika sa ating Konstitusyon. Sa Artikulo XIV, Seksyon 6
ay ganito ang isinasaad:
Ang wikang pambansa ng Pilipinas ay Filipino. Samantalang nililinang ito ay dapat
payabungin pa salig sa umiiral na wika sa Pilipinas at sa iba pang mga wika.
Dekonstruksyon:
Una, malinaw kung ano ang itatawag na wikang pambansa ng Pilipinas, at ito ay Filipino
Ikalawa, ito ay isang wikang nasa proseso parin ng paglilinnag.
Ikatlo, may dalawang sanligan ng pagpapayabong at pagpapayaman sa wikang ito (una, umiiral na
wika sa ating bansa o ang mga dayalek at ikalawa, mga wikang dayuhan)

Tumutukoy naman ang wikang opisyal sa wikang ginagamit sa gobyerno at mahahalagang

gawain ng isang lugar. Maaaring iisa lamang ang wikang opisyal at wikang pambansa kagaya ng
wikang Ingles sa ating bansa. Bagamat mayroong Filipino bilang wikang pambansa, malakas ang
impluwensiya ng wikang Ingles at ito ay ginagamit bilang isa pang wika sa mga gawain at
pagpupulong sa gobyerno at isinusulong sa mga paaralan. Ating limiin ang artikulo mula sa
Rappler. Filipino: ‘Pambansang Wika, pero hindi Wikang Opisyal’

Ang huli, ang wikang panturo ay tumatalakay sa wika na ginagamit sa loob ng paaralan. Ang
wikang ito ang ginagamit ng mga guro sa pagtuturo sa loob ng silid-aralan at ginagamit sa mga libro
at iba pang materyales. Maliban pa sa Ingles at Filipino, ginagamit na rin ng mga guro ang unang
wika ng mga mag-aaral sa mababang baitang lalo na sa mandato na ipatupad ang Mother Tongue-
based Multilingual Education (MTB-MLE) sa ilalim ng K to 12.

Bagamat mayroong mga ganitong wika, hindi maiwawaksi ang wika ng komunidad. Ang
isang lingguwistikong komunidad ay tumutukoy sa wikang ginagamit sa loob ng komunidad, ito man
ay sa mga sitwasyong pormal at di-pormal. Ang wika na ito ay maaaring ginagamit sa loob ng
bahay, sa palengke, sa kalsada at iba pa.
Ilang Mga Gawing Pangkomunikasyon ng mga Pilipino
Tsismis
Isa sa mga gawing pangkomunikasyon ng mga Pilipino. Ito ay tinutukoy bilang pinag-
uusapan at sinusuri ang isang tao kapag hindi sila naroroon. Ngunit maaari namang gamitin ang
tsismis upang malaman ang tungkol sa alituntunin ng pag-uugali sa mga grupo ng panlipunan at
maging mas malapit sa bawat isa.
Umpukan

Doroteo S. Mendoza Sr. Memorial National High School

Pagkakaisa, Naujan, Oriental Mindoro, 5204
Celphone No.: 09199943940 / Email Address: dsmsmnhs031532@gmail.com
 Ang umpukan ay ang paggawa ng ng tao ng isang maliit na grupo o pangkat, pagtitipon ng
mga tao para sa isang okasyon o pangyayari o sa anong kadahilanan.
Memes
Ito ay isang kasangkapan sa pagpapahayag ng ideya na nakapaloob sa pag-iisp ng tao
patungo sa iba pang pag-iisip.
Talakayan
Isa itong karaniwang gawain sa loob ng klase. Sa pamamagitan ng talakayan, nahahasa
ang kakayuahan ng mga mag-aaral sa pagsasalita, pagpapaliwanag at pangangatwiran.

E. Aplikasyon
Think-Pair-Share
1. Gamit ang dayagram na ibibigay ng guro, magbibigay sila ng mahahalagang detalye

2. Sagutan ang Gawain III sa sagutang papel.

F. Pagtataya
Sagutan ang Gawain IV sa sagutang papel.

Inihanda:

ABEGAIL M. HIDALGO
Guro II

Nabatid:

FELICITO R. DOLOR JR.

Dalubguro I

Pinagtibay:

BEDILLA B. NAVELGAS
Punungguro III

Doroteo S. Mendoza Sr. Memorial National High School

Pagkakaisa, Naujan, Oriental Mindoro, 5204
Celphone No.: 09199943940 / Email Address: dsmsmnhs031532@gmail.com