Guinu ming Hesukristo, binye mu ing bie mu kekaming
makasalanan, liguran mu kami bayu mipa ikit ing sala ning aldo. Pepailasa ka at mete uli mi, binye me ing sarili mu para lang kapatawaran da ring kasalanan mi at uli ning pamanyubli mung mebie pigkaluban mu keng bie alang angga. Kaniting penandit, king mitmung kababan lub daraun mila leka reng kapatad ming meyangun-a-bie. Reng kekaming Pengari, Kapatad, Kamag anak, at kakaluguran a inutus mung mako na keti yatu. Ipanalangin mi ing makiyagum la naman sa king tagumpe mu king kekang pamanyubling mie. At uling menalig la't meniwala keka, e la dumalan king parusa ning impyerno nune mipagkaluban la sa pung Alang anggang kapainawan king paraiso, king banal a Ciudad, king bayu at Alang anggang Jerusalem, nung nukarin ala nang kalungkutan, ala nang kasakitan, ala nang kamatayan nune bie alang angga. Patatagan mu naman sa pu ing kasalpantayanan ming misan a aldo mikit ikit keng pasibayu king ligaya Banua. Amen. IBPA MI…. BAPU MARIA… LIGAYA…. PARI: Ipagkalub mu ing alang anggang kapanaiwan kareng sablang kaladua O Guinu. Malda: Ing alang anggang sala sunlag sa karela PARI: Mipainawa nala sa king Kapainawan. MALDA: Amen PARI: Ing kaladua da ring sablang tapat a meko na kapamilatan pakalulu ning Dios mipainawa no sa king kapayapan. MALDA: Amen.