Pagbati! Ikaw ay nasa track na Technical-Vocational-Livelihood at ikaw ngayon ay kasalukuyang kumukuha ng ikatlo at huli mong asignaturang Filipino, ang Filipino sa Piling Larang ( Teknikal-Bokasyonal ).
Sinasabing ang salitang teknikal ay nagmula sa salitang Griyego na tekhnikos na
nangangahulugang sining ng pagiging sistematiko o tekhnē na nangangahulugang kakayanan.
Habang ang salitang bokasyonal ay nagmula naman sa salitang ugat na bokasyon
mula sa wika ng Lumang Pranses na vocacion na nangangahulugang propesyon o karir.
Samantalang ang livelihood naman ay nagmula sa Makalumang Ingles na līflād na
nangangahulugang paraan ng pamumuhay.
Ano nga ba ang teknikal-bokasyonal na larangan o Tech-Voc?
Ang Teknikal-Bokasyunal na larangan ay tumutukoy sa mga kurso o karir na may espesyalisadong kasanayan o skills ang teknikal-bokasyonal na larangan o Tech-Voc.
Ang Layunin ay nangangahulugan ng intensiyon, adhikain o ang mga bagay na nais
gawin o isakatuparan ng isang tao ang layunin ay maaaring tinatawag na mithiin at ito ay halos inihahalintulad sa mga salitang dahilan kung bakit mo ginagawa o gagawin ang isang bagay o ng tunguhin.
Ano nga ba ang Layunin ng Komunikasyong Teknikal?
Ayon kay Francisco at Gonzales (2017), upang mas malinaw maipahatid ang mensahe sa larangan ng komunikasyong teknikal narito ang mga sumusunod na layunin mula sa; 1. MAGBIGAY NG IMPORMASYON – isinusulat ito upang bigyan ang mambabasa ng impormasyon ukol sa isang bagay o ng direksyon sa paggamit ng isang produkto.
2. MAGSURI – ang sulatin ay binubuo upang analisahin at ipaliwanag ang implikasyon
ng mga pangyayari upang magamit bilang basehan ng mga pagdedesisyon sa kasalukuyan at sa hinaharap.
3. MANGHIKAYAT – upang kumbinsihin ang mambabasa o pinatutungkulan nito.
Bagaman kasama nito ang layuning makapagbigay ng impormasyon.
Ano-ano ang mga Elemento ng Komunikasyong Teknikal?
Ayon kay Francisco at Gonzales (2017) narito ang pitong elemento ng komunikasyong teknikal; Una, ang awdiyens ang nagsisilbing tagatanggap ng mensahe at maaring maging tagapakinig, manonood o mambabasa. Pangalawa, ang layunin ay ang dahilan kung bakit kinakailangang maganap ang pagpapadala ng mensahe. Dito makikita ang mga adhikain na nais gawin o isakatuparan. Pangatlo, ang estilo ay kinapapalooban ng tono, boses, pananaw, at iba pang paraan kung papaanong mahusay na maipadadala ang mensahe. Pang-apat, ang pormat ay tumutukoy sa ginabayang estruktura ng mensaheng ipadadala. Panlima, ang sitwasyon ay pagtukoy sa estado kaugnay sa layunin na nais iparating ng mensahe. Pang-anim, ang nilalaman ay ang daloy ng ideya ng kabuuang mensahe ng komunikasyon. Pampito, ang gamit ay pagpapakita ng halaga kung bakit kinakailangan na maipadala ang mensahe.
Mga Uri ng Pagsulat
Ang AKADEMIKONG pagsulat ay maaaring maging kritikal na sanaysay, lab report, eksperimento, term paper o pamanahong papel, tesis o disertasyon. Itinuturing din itong isang intelektwal na pagsulat dahil layunin nitong pataasin ang antas at kalidad ng kaalaman ng mga estudyante sa paaralan
TEKNIKAL. Ito ay isang espesyalisadong uri ng pagsulat na tumutugon sa mga
kognitibo at sikolohikal na pangangailangan ng mga mambabasa, at minsan, maging ng manunulat mismo. Nagsasaad ito ng mga impormasyong maaaring makatulong sa pagbibigay-solusyon sa isang komplikadong suliranin.
DYORNALISTIK. Pampamamahayag ang uring ito ng pagsulat na kadalasang
ginagawa ng mga mamahayag o journalist. Saklaw nito ang pagsulat ng balita, editoryal, kolum,lathalain at iba pang akdang karaniwang makikita sa mga pahayagan o magasin.
Madalas, binubuod o pinaiikli ng isang manunulat ang ideya ng ibang manunulat at
tinutukoy ang pinaghanguan niyon na maaaring sa paraang parentetikal, talababa o endnotes para sa sinomang mambabasa na nagnanais na mag-refer sa reperens na tinukoy.
PROPESYONAL. Ito ang uri ng pagsulat na nakatuon o eksklusibo sa isang tiyak na
propesyon. Bagama’t propesyonal nga, itinuturo na rin ito sa mga paaralan bilang paghahanda sa isang tiyak na propesyon na napili ng mga mag-aaral.
MALIKHAIN. Masining ang uring ito ng pagsulat. Ang pokus dito ay ang imahinasyon ng manunulat, bagama’t maaaring piksyonal at di-piksyonal ang akdang isinusulat.