BATAYAN SA PAGBUO NG PANANALIKSIK:
IMRAD PORMAT
Pamagat - mayroong 10-15 may kahulugang
salita, sinusulat ito sa paraang inverted
pyramid.
Abstrak - binubuo ito mga mahahalagang
punto ng inyong pag-aaral, kalahok,
metodolohiya, resulta, rekomendasyon at
kahalagan o ambag ng inyong pag-aaral.
Mayroon itong 150-200 na salita.
Mga Susing Salita - binubuo ito ng 5-7 na
baryabol na may mahalagang gampanin sa
inyong pananaliksik.
Kabanata 1. Panimula
Rasyonale –
 Binubuo ng hindi hihigit sa dalawang
pahina.
 Ang unang talata ay binubuo ng
matibay na pahayag hinggil sa inyong
isinasagawang pag-aaral. Inilalagay rito
ang mga dahilan kung paano ang
napiling paksa ay naging problema at
narito rin ang pagpapatibay kung bakit
ito kailangang pag-aralan. Kadalasang
sinasagot nito ang tanong na “Ano” at
“Bakit”?
 Hindi ito kailangang maging napakahaba
at paligoy-ligoy.
Mga Kaugnay na Literatura at Pag-aaral –
 Gawing maayos at malinaw sa pagsipi ng
mga kaugnay na literatura at pag-aaral.
Gawin din itong sistematiko simula
global patungong lokal o di kaya’y base
sa taon ng pagkakalimbag ng
artikulo/pananaliksik/ disertasyon atbp.
 Binubuo ito ng 10 pataas na mga
kaugnay na liteartura at pag-aaral.
 Hindi bababa sa 10 taon
angpagkakalimbag ng mga sisipiing
pananaliksik at literatura.
Teoretikal/ Konseptwal na Balangkas -
Hinuhubog nito ang pagbibigay ng katwiran
sa suliranin ng pag-aaral para mabigyan ng
legal na basehan sa pagtukoy ng hangganan
o parameter.
Paradigma/Paradigm - isang
representasyong gamit ang dayagram ng
koseptwal na balangkas.
Paglalahad ng Suliranin/ Layunin at
Haypotesis (kung kinakailangan) - Ang
suliranin sa pananaliksik ay isang
nararamdamang pangangailangan, o isang
katanungang nangangailangan ng solusyon.
Ito ang paglihis sa pagitan ng nalalaman at
ng nais mo pang malaman bilang isang
mananaliksik. Maaari rin itong tumukoy sa
mga sitwasyon kung saan may nakikita kang
gap o puwang sa pagitan ng aktuwal na
nilalayong estado.
Ang pananaliksik na correlational/
experimental/ quasi-experimental lamang
ang nangangailangan ng haypotesis.
Saklaw at Delimitasyon ng Pag- aaral -
Tinutukoy ang simula at hangganan ng
pananaliksik. Dito itinatakda ang parameter
ng pananaliksik dahil tinutukoy rito kung
ano-anong baryabol na sakop at hindi sakop
ng pag-aaral.
Depinisyon ng mga Termino - Inilalahad
dito ang mga terminong ginamit ayon sa
pagtalakay sa isinasagawang pag-aaral.
Gumamit ng operasyonal na depinisyon sa
pagsulat nito. Isinusulat ito sa parang
alphabetical na pagkakasunod-sunod.
Kabanata 2. Metodolohiya ng Pag-aaral
Disenyo ng Pag-aaral - Maaari itong
kwalitatibo o kwantitatibong pananaliksik.
Inilalahad din kung anong uri Ng
pananaliksik ang ginamit sa pag-aaral.
 Lokal ng Pag-aaral - Inilalahad ang
deskripyon ng lokal ng pinagganapan ng
pag-aaral.
Paraan ng Pagpili ng mga Respondante -
Inilalahad sa bahaging ito ang paraan kung
papaano ninyo pipiliin o pinili ang inyong
magiging kalahok o respondante ng pag-
aaral.
Instrumento ng Pag-aaral - Inilalahad dito
ang instrumentong gagamitin sa
isinasagawang pag-aaral. Nakadepende ito
sa disenyo ng inyong pag-aaral. Maaari
itong sarbey gamit ang
kwestyuneyr/talatanungan o pamamagitan ng (a) pagsipat sa
interbyu/pakikipagpanayam gamit ang mga
gabay na tanong. Tinatalakay rin dito kung
paano binuo ang instrument ng pag-aaral.
Paraan ng Pangangalap ng Datos - Sa
pangangalap ng datos, nangangailangan din
na paglaanan ng sapat na panahon ang
anumang gawaing katulad ng pag-aaral na
ito. Magiging maayos ang pagsasagawa ng
anumang gawain kung may sistematikong
paraan na mapagbabatayan at susundin ang
sa pagbuo nito.
Pag-aanalisa ng Datos - Inilalahad dito ang
paraang gagamitin sa pag-aanalisa ng mga
datos na inyong nakalap sa isinagawang
pag-aaral.
Konsiderasyon Etikal (para sa
kwalitatibong pananaliksik na may
kasangkot na kalahok) - Inilalahad sa
bahaging ito ang pagkakaroon ng consent sa
mga kalahok ng inyong isasagawang pag-
aaral para sa pagsasapribado ng mga
makakalap na datos.
Kabanata 3. Resulta ng Pag-aaral
Presentasyon ng Datos - iwasan ang
pagbabasa ng teybol o talahanayan sa
presentasyon ng mga datos. Itatanyag
lamang dito ang tatlong mahahalagang salik
sa talahanayan: pinakamataas,
pinakamababa at ang kabuuang resulta.
Analis ng Datos –
 ginamitan ng estadistika.
 ang mga datos mula kwantitatibong
pag-aaral ay inaalisa sa
pamamagitang ng mga
mathematical na termino
 ang kwalitatibo naman (mga tugon
sa open-ended na tanong o
transcript mula sa interbyu o
pakikipagpanayam) ay sa
pagkakapare-pareho ng sagot ng
mga kalahok, (b) pagkakategorya, at
(c) pagbuo ng isang tema/paksa.
Tinatalakay rin ang implikasyon ng
nakalap na datos sa kasalukuyang
pag-aaral.
Interpretasyon ng Datos - ang mga datos ay
nakalahad sa makabuluhang
pagpapaliwanag. Ang mananaliksik ay
pinahahayag ang naging resulta ng pag-
aaral.
Konklusyon - inilalahad ang mga inferences,
abstraksyon, implikasyon, interpretasyon,
pangkalahatang pahayag, at/o paglalahad
batay sa mga datos at impormasyong
nakalap ng mga mananaliksik.
Rekomendasyon - ito ang mga mungkahing
solusyon para sa mg suliraning natukoy o
natuklasan sa pananaliksik.
Sanggunian -gumamit ng APA 7th edition sa
pagsulat ng sanggunian. Alphabetical order
ang pagsusulat nito.
Apendiks - Inilalagay sa bahaging ito ang
mga liham na ginamit, talatanungan,
larawan, at iba pang mahahalagang
dokumento.
Modyul 1 Aralin 3: Pagpili ng Paksa at Pagbuo
ng Pamagat at Suliranin ng Pag-aaral
Akronim ng PANANALIKSIK ayon kina Lartec
et,al (2011):
Pagpili ng Paksa - Sa pagpili ng paksa dapat
isaalang-alang ang sarili sapagkat ikaw ang
masasagawa ng pag-aaral.
Mungkahing batayan sa pagpili ng paksa
ayon kina Angeles et.al (2011):
1. Napapanahon. Kailangang ang paksa ay
napapanahon upang marami ang magka-
interes na basahin ang ginawang pag-aaral.
2. Saklaw at Limitasyon. Hindi dapat
maging malawak ang pipiliing paksa para
maisakatuparan sa ibinibigay na panahon.
3. Kailangang interesado ang estudyante.
Kung sino ang mag-aaral, siya ang pipili
dahil mahirap na sabihin sa kanya ang
paksang pag-aaralan kung wala naman
doon ang kanyang interes.
4. Datos o Materyal. Masasabing
makabukuhan ang isang pag-aaral kung
maraming datos o materyal (mga kaugnay
na literatura at pag-aaral) na gagamitin.
Sa kasalukuyan, marami nang
mapagkukunan ng datos.
5. Makabuluhan. Isaisip na sa pagpili ng
paksa isaalang-alang ang mga babasa
nito. Ito ba’y magiging makabuluhan sa
marami?
6. Panahon. Dapat ay may sapat na
panahon sa pag-aaral, hindi kaya ng isang
lingo o isang buwan lamang.
7. Pinansyal. Sa paggawa ng pananaliksik,
‘di lamang oras at panahon ang gugugulin
kundi nangangailangan din ng pinansyal
na aspeto.
Hakbang sa Pagpili at Pagbuo ng Paksa ng
Pananaliksik ayon kina Nuncio et.al (2015):
1. Alamin ang interes. Tukuyin kung anong
paksa ang tumatawag sa iyong pansin.
2. Gawing partikular o ispesipiko ang paksang
napili. Iwasan ang malawak na paksa.
3. Iangkop ang paksang napili ayon sa panahon
o time frame na inilaan upang matapos ang
pananaliksik.
4. Suriin kung ang paksang napili ay
napapanahon.
5. Tukuyin kung may makakalap na sapat na
datos at sanggunian upang maisagawa ang
pananaliksik.
Pagbuo ng Pamagat sa Pananaliksik
Mahalaga sa isang pananaliksik ang
pagkakaroon nang maayos na pamagat
dahil ito ang lunsaran ng pagbibigay ng
ideya sa mga babasa.
Dalawang uri ng pagsulat ng pamagat:
1. Pormal - nakapaloob dito ang lahat ng
iyong baryabol tulad ng paksa, proseso,
lokal ng pag-aaral, at
kalahok/respondante.
Halimbawa: E-BAKADA: (Pagbuo at
Balidasyon ng) Interaktibong Kagamitan
sa Pagtuturo ng Filipino Bilang
Ikalawang Wika ng mga Dayuhang Mag-
aaral (sa Central Luzon State University)
2. Malikhain - malikhaing pamagat ito ay
nagiging aakit-akit sa mga mambabasa
ngunit hindi pa rin nailalayo sa paksang
pinag-aaralan.
Halimbawa: Sa Kanilang Naiibang Pag-
iindak at Pamumukadkad:
Performativity at Pagkalesbiyan sa
mga Indie Film na Rome and Juliet at
Ang Huling Cha-Cha ni Anita
Pagbuo ng Suliranin ng Pag-aaral
Ito ang mahalagang bahagi ng pananaliksik
dahil ditto inilalatag ang mga tanong na
sasagutin ng mananaliksik sa kaniyang pag-
aaral.
May dalawang hati ang bahaging ito:
1. Pangunahing tanong – gagawing
tanong ang inilahad na tesis ng pag-
aaral.
2. Mga sekondaryang tanong – layunin
nitong tutukan ang detalye ng
pangunahing tanong sa
pamamagitan ng pagbibigay ng mga
susi at tiyak na tanong. Maaaring
magsimula ang mga suliranin sa
tanong na Ano, Paano at Bakit.
Maaari rin ang kalian at saan kung
kinakailangan.
Hakbang sa Pagbuo ng Suliranin sa
Pananaliksik
1. Tukuyin ang pangunahing ideya ng
pananaliksik o nais patunayan sa pag-aaral
at mga layunin ng pananaliksik.
2. Ilista ang mga keywords na matatagpuan
sa tesis na pangungusap at layunin ng
pananaliksik.
3. Gamit ang mga keywords, bumuo ng 3-5
tanong na kaugnay ng paksa ng
pananaliksik.
4. Tiyakin ang mga nabuong tanong ay
kayang sagutin sa loob ng time frame na
inilaan para sa pagsulat ng pananaliksik.
Hakbang sa Pagbuo ng Layunin ng
Pananaliksik
Isa lamang ang panuntunan sa paglalahad
ng layunin: gawing pangungusap na paturol
(declarative) ang suliranin ng pag-aaral na
nakasulat sa pangungusap na patanong.
HALIMBAWA:
Suliranin ng Pag-aaral Layunin ng Pag-aaral:
Ano-ano ang mga suliraning kinahaharap sa
pag-aaral gamit ang asinkronikong moda ng
pagtuturo?
Layunin ng Pag-aaral:
Mailahad ang mga suliraning kinahaharap sa
pag-aaral gamit ang asinkronikong moda ng
pagtuturo.

Modyul 1. Aralin 4: Pagsulat ng Rebyu ng
Kaugnay na Literatura
KAUGNAY NA LITERATURA AT PAGAARAL
 Binubuo ng mga diskusyon ng mga
impormasyon, prinsipyo at
katotohanan na kaugnay sa pag-
aaral na isinasagawa.
 Ito ay isang pormal na pangangalap
ng propesyunal na literature na may
kaugnayan sa isang partikular na
suliraninng pananaliksik. Sa
pamamaraang ito matutuklasan ng
tiyak ang mga natutunan ng ibang
nanaliksik na may kaugnayan sa
iyong paksa.
 Pag-aaral, pag-iimbestiga o ang pananaliksik ay naisagawa na sa
imbestigasyon na isinagawa na at
may kaugnayan o pagkakatulad sa
paksa ng pananaliksik na
isinasagawa.
Klasipikasyon ng Kaugnay na Literatura
 Lokal - kung ito ay inilathala sa
Pilipinas.
 Dayuhan - kung ito ay inilathala sa
ibang bansa.
Sanggunian Ng Kaugnay Na Literatura
 Libro, ensayklopedia, almanak at iba
pang kaparehong referensya.
 Artikulo sa mga propesyunal na
dyornal, magasin, peryodiko, at iba
pang publikasyon.
 Ang mga batas at konstitusyon sa
kabuuan ng bansa.
 Rekord ng paaralan, partikular ang
mga report ng kanilang mga
programa at gawain.
 Mga theses at disertasyon
 Kopya ng mga pananaliksik mula sa
mga pang-edukasyon journal.
 Report at papeles mula sa mga pang
edukasyong seminar at kumprensya.
 Lahat ng uri ng opisyal na report ng
pamahalaan, pangedukasyon,
panlipunan, pang-ekonomiya,
siyentipiko, teknolohikkal atbp.
Kahalagahan Ng Kaugnay Na Panitikan At
Pag-aaral
 Tinutulungan ang mga mananaliksik
na mas malalim na maunawaan ang
kanyang paksa.
 Makakasiguro na walang
duplikasyon ng ibang nagawa ng
pananaliksik. May duplikasyon kung
kaparehong lokal na may
pagkakapareho sa mga respondate.
 Tinutulungan at ginagabayan ang
mga mananaliksik na makahanap ng
iba pang pagkukunan ng
mahahalagang impormasyon.
 Malaki ang naiaambag sa mga
mananaliksik upang ikumpara ang
resulta ng pag-aaral ng dalawang
pananaliksik na siyang magiging
daan upang higit na maunawaan ang
mga suliranin na tinalakay sa paksa
at ang mga rekomendasyon na
maaaring maibigay dito.
KATANGIAN NG MGA MATERYAL NA
GAGAMITIN
 Ang materyal na gagamitin kung
maaari ay makabago at
napapanahon.
 Ang materyal ay kinakailangan ay
obhetibo at walang bias.
  Ang materyal ay kinakailangang may
kaugnayan sa paksa ng pag-aaral.
 Ang mga materyal ay nararapat na
nakabase sa makatotohanang
impormasyon at may kredibilidad
ang sangguniang ginamit.
 Ang mga kaugnay na literatura at
pag-aaral ay hindi nararapat
masyadong marami o kakaunti.
PAGGAMIT NG DOKUMENTASYON
 Ang pananaliksik ay batay lamang sa
mga gawa o ideya ng iba kaya’t
nararapat na mabigyan sila ng
angkop na pagpapahalaga.
 Anumang siniping mga pananalita ng
may akda na nakalap bilang mga
talang gagamitin ay kinakailangan
ang pangalan ng awtor at taon sa
talaan ng sanggunian.
 Kung ang isang tao ay inagkinang
isang ideya o teksto ng ibang tao at
pinalabas na ito ay sa kanya, sa
teknikal na salita ito ay plagiarism.
Kasama rito ang hindi paglalagay ng
panipi o quotation mark kung saan
ito nararapat ilagay, kawalan ng
pag-iingat sa paghahanda ng mga
listahan ng sanggunian, kabiguan
na kumuha ng mga permiso sa
paggamit ng mga pigura,
talahanayan, maging ilustrasyon.
Mga Alituntunin Sa Paggamit Ng Parentikal
Na Sanggunian
 Pahina na lamang ang babanggitin
kung nabanggit na ng awtor sa
mismong teksto.
 Kung higit sa isa ang awtor (ngunit
hindi sosobra sa tatlo) banggitin ang
lahat ng pangalan ng may akda.
 Kung may apat na o higit pang may
akda, banggitin na lamang ang
apelyido ng unang may-akda at
sundan ng et al.
 Kung may babanggiting dalawa o
higit pang may akda na pareho ang
huling pangalan, banggitin ang mga
pangalan.
 Kung pamagat lamang ang naibigay,
banggitin ang pinaikling bersiyon ng
pamagat at sundan ng pahina.
 Kung may babanggitin dalawa o higit
pang akda ng iisang awtor, banggitin
ang mga akda.
URI O ANYO NG TALA
DIREKTANG SIPI
-Eksaktong salita o pahayag ng isang
awtor. Kinopya nang direkta, salita-sa-salita,
mula sa sanggunian. Ginagamit itong
mananaliksik kapag nais niyang:
 Idagdag ang kapangyarihan ng salita
ng awtor upang suportahan ang
argument.
 Nais pabulaanan o hindi sang-
ayunan ang argument ng awtor.
 Bigyang-diin particular ang isang
malinaw o makapangyarihang
pahayag o sipi.
 Naghahambing ng mga ispesipikong
punto de vista.
BUOD NG TALA
-Ginagamit ito kung ang nais lamang
gamitin ay ang pinakamahalagang ideya ng
isang tala, tinatawag din itong synopsis.
Layunin ng buod na mabigyan ng
pangkalahatang ideyaang mambabasa.
SIPI NG SIPI

-Maaaring gamitin ang sinipi mula sa isang

mahabang sipi. Ang ganitong uri ay
ginagamitan din ng panipi.

PARAHRASE 0 HAWIG

-Pagsasabing muli ng nakuhang ideya mula

sa ginamit ng sangguniangamit ang sariling
pangungusap. Ginagawa ang
pagpaparapreys kapag:

 Nais gumamit ng mga impormasyon

sa nowtkard at umiwassa
panggagaya o pangongopya.
 Nais iwasan ang masyadong
paggamit ng direktang sipi
 Nais gamitin ang sariling boses sa
paglalahad ng impormasyon.

SALIN/SARILING SALIN

-Sa mga pagkakataong ang tala ay nasa

wikang banyaga, ginagamitan ito ng
pagsasalin. Ito ay paglilipat ng ideya mula sa
isang wika tungo sa iba pang wika.