Kaugnay na Literatura

Maraming tao ang kadalasang nagtatalo kung ang teknolohiya ay napapanig sa

mabuti o masama. Marami ang hindi sumasang-ayon na ang teknolohiya ay may
epekto sa ating lipunan pero marami rin ang pabor sa pag-unlad ng teknolohiya
sapagkat ito ay masasabi ring nagbibigay ng magandang dulot sa pamumuhay ng mga
Pilipino. Ang mga panananaw na ito ay maaaring tama. Subalit, nararapat pa rin
nating pag-aralan nang mabuti at mas malalim kung ang teknolohiya nga ba ay
nakakatulong o nagdudulot ng masamang epekto, at ito ay nakasalalay sa ating mga
Pilipino kung paano natin ito gagamitin.

Ayon kay Miel Torres, sa modernong panahon ngayon, ang computer ay

nagsisilbing isang kahanga-hangang kagamitan na nagpapadali sa proseso ng
pangangalap ng impormasyon at makabuluhang mga bagay kung saan pinapasimple
ang buhay ng mga tao lalo na ang mga mag-aaral. Ayon naman kay Fumar (2018),
“ang mga pananaw na ito ay tama, subalit kailangan nating pag-aralan ng mabuti kung
ang teknolohiya nga ba ay nakakatulong o nagdudulot ng masamang epekto.”

Ayon kay Llorente (2017), sa tanang kasaysayan ng edukasyon ay malaki na

ang naiambag ng teknolohiya. Sa katunayan,ang teknolohiya ang isa sa mga
pangunahing paraan kung bakit ang pag- aaral sa kasalukuyan ay mas nagiging
madali, mabilis,at mabisa. Subalit salungat rin, ayon sa kaniya, may negatibo ring
epekto ang teknolohiya dahil dito mas tinatamad na ang mga studyanteng mag basa
ng mga libro. Ito ay sapagkat mas nakadepende na sila sa teknolohiya. Gaya na
lamang sa kompyuter dahil mas madali nalang kumuha ng impormasyon, mas
natutukso ang mga mag-aaral na kopyahin ang mga impormasyon kaysa sa pagtuunan
ng oras upang suriin ang mga ito.

Sumang-ayon si Inciong (2009), iminungkahi niya na nagiging malaking

abala ang paggamit ng mga estudyante ng kanilang mga cellphones sapagkat isa sa
mga naoobserbahan sa mga estudyante ay ang maling paggamit nila sa oras ng klase.

Ayon naman kay Antelope (2020), mapapansin na nagiging tamad ang mga
itinuturing na “Pag-asa ngBayan”, sapagkat umaasa na lamang sila sa teknolohiyang
kinakain na ang kanilang sistema, na kung saan ay mas maraming nailalaan na oras
dito kumpara sa mga makabuluhang bagay na maaaring gawin.

Ayon naman sa umiiral na DepEd Order No. 83-2003; Order No. 26-2000, at
Order No. 70-1999, mahigpit na ipinagbabawal ang paggamit ng cellular phone at iba
pang uri ng mga gadgets sa mga estudyante habang nasa loob ng klase. Pinakiusapan
din ni Inciong ang mga estudyante na gamitin ang teknmohiya sa mas mabuting
paraan, at hinikayat rin ang mga guro na gabayan ang mga estudyante sa tamang
paraan at paggamit ng naturang teknolohiya sa pangangalap ng mga impormasyon
upang hindi malihis ang mga ito sa maling gawain tulad ng pakikipagtext sa mga
taong hindi pamilyar na may masasamang intensiyon, bagkus ay gamitin ito higit na
sa paghingi ng saklolo.

Kaugnay na Pag-aaral at Teorya

 Ayon sa pag-aaral nila Rosendal et.al. (n.d) na may titulong “Ang Epekto NG
Teknolohiya Sa Mga Kabataang Nag-Aaral”, tayo ngayon ay nasa makabagong
panahon na, kung saan ‘di maitatangging nakadepende na sa teknolohiya ang mga
gawain ng tao. Maraming pabor sa pag-angat ng teknolohiya sa kadahilanang
nagbibigay ito ng magandang dulot sa pag-aaral ng mga mag-aaral, ngunit minsan ay
hindi na nalilimitahan ang paggamit ng mga tao at wala na sa lugar gaya kapag nasa
hapag-kainan ang buong pamilya, at ang bawat isa ay gumagamit ng cellphone kaya
kailangan nating malaman ang iilang mabuti at di-mabuting epekto ng teknolohiya.
Sinabi rin doon na “May mga epekto ang teknolohiya maaaring makasira sa pag-aaral
ng mga mag-aaral dahil sa offline at online games kaya’t nagiging tamad ang mga tao,
pagkalulong sa gadgets ay nagiging addiction, nakakasira ng kalusugan ang madalas
na paggamit ng teknolohiya, dahil sa radiation, maaaring sumakit ang ulo sa matagal
na pagkababad sa kompyuter”. Lubos na apektado ng mga negatibong epekto ng
teknolohiya ang mga kabataan, ang iba ay napababayaan na ang kanilang pag-aaral sa
kadahilanang naaadik sa paglalaro ng mga online games sa kani-kanilang gadyets.
Ayon naman sa pananaliksik ni Briones et.al. (2017), lumabas sa mga datos na
nakalap ng mga mananaliksik, mas higit na madami ang mga kabataang gumagamit
ng teknolohiya kaysa sa mga hindi o minsan lang gumamit ng maka-teknolohiyang
mga gadyet. Kadalasan ay smartphones ang ginagamit ng mga kalahok sa pag-aaral
dahil madali lang dalhin kahit saan ang mga smartphone. Ang bawat kabataan ay
mayroon nang kanya-kanya nilang mga social media account. Importante at
nakakatulong ang teknolohiya dahil sa napapadali nito ang buhay, gaya ng pakikipag-
usap sa iba at madali na makakuha ng impormasyon gamit ang teknolohiya ngayon.
Lubos na madami nga ang maaaring magandang epekto ng teknolohiya sa mga
kabataan, ngunit kapag hindi napatnubayan ng maayos ng mga magulang, maaaring
mayroong masasamang impluwensiya ang teknolohiya at ang iba’t-ibang aplikasyon
nito. Madaming nagkakaron ng adiksyon sa teknolohiya at nawawalan na ng pokus sa
pagaaral. Ito ang isa sa mga pangunahing rason kung bakit naniniwala ang ibang mga
kalahok na nakakasama ang paggamit ng teknolohiya sa pag-aaral.
Dito ay inirekomenda nila na may mga iba’t-ibang epekto ang teknolohiya sa
mga kaugalian ng kabataan. Higit na mas lamang ang mabuting epekto kaysa sa
masamang epekto ngunit kailangan padin ito pagtuonan ng pansin. Isa sa magandang
ideya upang mapigilan pa ang pag-angat ng masasamang epekto ng teknolohiya sa
kabataan kagaya ng pagkakawala ng pokus sa kanilang pag-aaral at maging sa
kanilang kaugalian ay ang pamamaraan na pagdidisiplina sa mga kabataan tungkol sa
tamang oras na paggamit ng teknolohiya pagdating sa libangan. Nakakatulong ang
pagdidisiplina sakanila hindi lamang sa kanilang pag-aaral maging sa kaugalian. Para
sa mga magulang na may mga anak na gumagamit ng mga maka-teknolohiyang
kagamitan, maaaring maiwasan ang pagkailang ng mga bata sa pakikipagsalamuha sa
iba at sa iba pang sosyal na aktibidad kung maayos silang mapapatnubayan habang
sila ay gumagamit ng kanilang mga telepono, tablet atbp. At sa huli sinabi nilang “Sa
mga nais manaliksik ukol sa parehas na paksa na ito, para lalong maipaliwanag kung
anu-ano ang direktang epekto ng teknolohiya sa personalidad ng mga kabataan,
obserbahan ng malapitan ang mga kalahok ng pag-aaral.”.

Sanggunian:

Rosendal, N., Gelizon, M., Cobacha, J., … & Garonia G. (n,d). Ang Epekto
NG Teknolohiya Sa Mga Kabataang Nag-Aaral PDF. Scribd.
https://www.scribd.com/document/420704766/ANG-EPEKTO-NG-
TEKNOLOHIYA-SA-MGA-KABATAANG-NAG-AARAL-pdf

Fumar, L., (2018). Epekto ng Makabagong Teknolohiya. Makatang

Makabagong Henerasyon.
https://makatangmakabagonghenerasyon.wordpress.com/2018/10/20/nagiging-epekto-
ng-makabagong-teknolohiya/

Llorente, A., (2017). Teknolohiya: Mga Epekto ng Teknolohiya. Word Press.

https://altheapedroeleonormarapaollorente.wordpress.com/author/altheapedroeleonor
marapaollorente/

Antelope, D., (2020). Ano ba ang epekto ng teknolohiya sa mga kabataan.

Course Hero. https://www.coursehero.com/file/p3r61hbl/Ano-ba-ang-epekto-ng-
teknolohiya-sa-mga-kabataan-ng-modernong-henerasyon/

DO 83, S. 2003 – REITERATION TO DECS ORDERS NOS. 70, S. 1999

AND 26, S. 2000 (PROHIBITING STUDENTS OF ELEMENTARY AND
SECONDARY SCHOOLS FROM USING CELLULAR PHONES AND PAGERS
DURING CLASS HOURS). Department of Education (2003).
https://www.deped.gov.ph/2003/11/20/do-83-s-2003-reiteration-to-decs-orders-nos-
70-s-1999-and-26-s-2000-prohibiting-students-of-elementary-and-secondary-schools-
from-using-cellular-phones-and-pagers-during-class-hours/#:~:text=DECS%20Orders
%20Nos.-,70%2C%20s.,and%20Pagers%20During%20Class%20Hours)&text=It
%20has%20been%20noted%20that,%2DMedia%20Services%20(MMS).

Briones, J., Gervacio, J., Maca, I., & Rabacal, E. (2013). EPEKTO NG
TEKNOLOHIYA SA PATULOY NA PAGHUBOG SA UGALI/PERSONALIDAD
NG MGA KABATAAN MULA SA SENIOR HAYSKUL NG IMMACULATE
CONCEPTION ACEDEMY, DASMAÑAS. Studocu.
https://www.studocu.com/ph/document/naga-college-foundation/ab-filipino/
pdfcoffee-pananaliksik/13862637