KABANATA II: MGA KAUGNAY NA PAG-AARAL AT

LITERATURA

Ang pag-aaral na ito ay tungkol sa epekto ng makabagong teknolohiya sa pag-

aaral ng mga piling mag-aaral mula baiting pito hanggang siyam sa Cavite National

Science High School. Ang teknolohiyang naimbento noon na patuloy na nagbabago

ngayon ay may mga mabuti at masamang epekto sa maraming mag-aaral.

Ayon kay Formaran, et al. (2016), maraming uri na ng teknolohiya ang lumalabas

ngayon na talaga naming tinatangkilik ng maraming tao dahil sa marami nitong gamit.

Partikular na ginagamit ito ng mga estudyante dahil sa mabilis na pag-oorganisa ng mga

gawain sa pag-aaral. Napadadali nito ang paghahanap at pagkuha ng iba’t ibang

impormasyon tungkol sa iba’t ibang tao, bagay, lugar o maging mga pangyayari. Sa

pamamagitan ng paggamit ng mga netbook, projector, at ng internet, mas napapabilis

ang paglilikom ng mga impormasyon para sa takdang-aralin, research work, at mga pag-

uulat. Sa kabila nito, may masamang epekto rin naman ang teknolohiya gaya ng minsang

pag-uuna sa pagtetext imbis na makinig sa guro. Ngunit dahil din dito, hindi

nakakapagpokus ang mga estudyante sa kanilang pag-aaral dahil inuubos nila ang

kanilang oras para sa sikat na social networking sites gaya ng Facebook, Twitter, at

Instagram. Inuubos din ng mga estudyante ang kanilang mga pera dahil sa pag-upa sa

internet cafes para sa paglalaro ng computer games.

Sa pag-aaral ni de Torres, et al. (2015), sinasabing ang teknolohiya ay nagbabago

dahil sa nagaganap na modernisasyon sa ating mundo. Naapektuhan ng makabagong

teknolohiyang ito ang pananaw ng mga estudyante sa mga bagay, pati na rin ang

pakikisalamuha nila sa kanilang mga kapwa. Lamang pa ang oras na iginugugol ng

karamihang estudyante sa pagpunta ng computer shops para buksan ang kanilang mga

account at maglaro ng online games kaysa sa pagbisita sa mga silid-aklatan para

magbasa ng mga aklat at mag-aral.

 Sinabi ni Bermudez, et al. (2016) sa kanilang pag-aaral na mas napapadali ng mga

mag-aaral ang kanilang pag-aaral at mas marami ang kanilang nalalaman sa

pamamagitan ng paggamit ng mga kompyuter. Ngunit sa kabila nito, may masama

naman itong naidudulot sa pag-aaral ng mga estudyante. Maraming estudyante ang

nakakatanggap ng mababang marka dahil sa pagbaling ng atensyon at oras sa paggamit

ng gadgets imbis na mag-aral. Sabi pa rito, ang edukasyong sinaasabi noon na hinding

hindi mananakaw sa isang tao ay tila unti-unting nananakaw ng makabagong teknolohiya

sa ngayon.

Ayon naman kay Barroga, et al. (2011), ang henerasyon ngayon na, 21st century

ay computer-based o nakadepende sa makabagong teknolohiya o mga kompyuter ang

pamumuhay ng nakararami. Mula sa industriya, kompanya, negosyo, at pati sa pag-aaral

nagagamit ang modernong teknolohiya upang gumawa ng epekto sa sangkatauhan. Sa

paggamit ng kompuyter sa edukasyon o electronic learning ay napakalaking kontribusyon

para sa mga mag-aaral at pati na rin sa guro sa pagpapalaganap ng kaalaman at proseso.

Sa pag-aaral naman ni Al-Hariri, et al. (2017), sinasabi na mas nakahihigit ang

paggamit ng teknolohiya tulad ng mga laptop, phones, tablets, at desktop computers sa

pagkamit ng pang-akademikong parangal kaysa sa mga mag-aaral na hindi gumagamit

ng mga gadgets sa kanilang kurso o lebel na pinag-aaralan. Ang pag dagdag ng gamit

ng teknolohiya sa mga estudyante ay nakadadagdag ng kanilang pag-unawa at lumalago

ang kanilang kasanayan sa pangangatuiran, pagsagot ng mga problema o pagtugon sa

suliranin, pagsuri ng iba’t ibang impormasyon, at malikhaing pag-iisip. Malaki ang

pagdedepende ng mga estudyante sa kasalukuyang panahon sa makabagong

teknolohiya upang makapag-aral.