Professional Documents
Culture Documents
Gawain 1
“Dagat”
Maganda tignan
Malalim kung titigan
Payapa minsan
Ang panitikang Filipino ay sumasaloob sa mga akdang naisulat gamit ang malikhaing
pag-iisip ng mga manunulat, na sumasalamin sa kultura, sistema ng pamumuhay, at paniniwala
ng mga Filipino.
Mahalagang pag-aralan ang panitikang Filipino dahil ito ay isang talaan ng kasaysayan
ng ating bansa sapagkat kasabay ng paglipas ng panahon ay nagbabago rin ang mga paksang
tinatalakay sa panitikang Filipino, isang patunay na ito ay nagsisilbing midyum ng mga
manunulat upang i-preserba ang mga pangyayari sa bawat panahon sa masining na paraan. Ito rin
ay parte na ng ating kulltura at pagkakakilanlan bilang Pilipino kaya marapat lang na ito ay ating
pahalagahan nang sa ganon ay hindi maging banyaga ang mga susunod pang henerasyon sa
kasaysayan at kultura ng kanilang sariling bayan.
“Sulat sa Birhen”
Base sa aking pang-unawa, nais ipaintindi ng maikling kwentong ito na tulad ng mga tao,
ang mga hayop ay mayroon ding karapatan na dapat pinapahalagahan at pinoprotektahan. At
kapag ang mga karapatang pang hayop ay nilabag, marapat lang na ang nagkasala ay parusahan
sa sistematikong paraan. Makikita rin sa kwentong ito na ang mga tao ay nakagagawa minsan ng
mga bagay na ipinagbabawal ng batas bunga ng kakulangan sa kaalaman at tawag ng
pangangailangan. Isang aral rin ang mapupulot sa pagtulong na ginawa ni Ginang Imperial sa
istorya. Binigyan niya ng limang sisiw ang mag-anak imbis na mga manok upang turuan ang
mga itong paghirapan ang mga bagay na gusto nilang makamit. Ang mga hayop na tumulong sa
lalaki upang malaman nito ang gagawin at upang tuluyan din itong makatakas ay nagpapahiwatig
na minsan, ang tulong na hinahanap natin sa mga taong inaakala nating tutulong sa atin ay
makakamit natin sa mga taong hindi natin inaasahan.
“Pamamanhikan”
Naipakita rin dito ang isang reyalidad ng buhay, kung saan ang mga magulang ay
nananabik makasamang muli ang kanilang mga anak sa tuwing ang mga ito’y dadalaw. Darating
ang panahon na kinakailangan nang lisanin ng mga anak ang bahay na kanilang kinalakihan,
sapagkat sila ay magkakaroon na ng kanilang sari-sariling pamilya at walang magagawa ang mga
magulang kung hindi tanggapin ito. Aking napagtanto na katulad ni Maria Celeste, na dati’y
isang sanggol na nangangailangan ng buong pagkalinga, ako rin ay lalaki at aalis sa poder ng
aking mga magulang. Hangga’t hindi pa nangyayari iyon, napagtanto ko na kailangan kong
sulitin ang bawat segundo na kasama ko ang aking mga magulang dahil hindi sila permanente sa
mundo.
May takot man sa puso ng ina ni Maria Celeste sa sasabihin ng iba, hindi ito naging
hadlang upang tanggapin niya kung sino man ang mamahalin ng kaniyang anak dahil katulad ng
ibang mga magulang, mas matimbang ang kasiyahan ng kaniyang anak kaysa sa sasabihin ng
iba; isang katotohanan na tanging magulang lang ang lubos na makauunawa.
“Pahinga”
“Alon ng Tadhana”
Habang naglalakbay siya sa nakaraan, ang bawat pagkilos ni Aling Tessie ay tila
lumilikha ng mga alon na umaalingawngaw sa paglipas ng panahon. Nakilala niya ang
isang binatang Lando, at muling nabuksan ang kanilang kwento ng pag-iibigan.
Gayunpaman, nang magsimulang lumihis ang mga pangyayari sa kaniyang mga alaala,
napagtanto ni Aling Tessie na ang pagbago ng isang munting detalye sa nakaraan ay may
malaking epekto sa kanilang buong buhay.