at Bayan sa Rehiyong NCR Araling Panlipunan 3 Ikaapat na Markahan Ikatlong Linggo Sundan at unawain natin ang susunod na talakayan. Alamin natin ang ugnayan ng kabuhayan o pamumuhay ng mga tao sa lungsod at bayan sa ating rehiyon o maging sa iba pang rehiyon. (Nagmamadaling umuwi ng bahay si Clara. Sabik na sabik na siyang ikwento sa kaniyang ina ang natutunan niya sa paaralan.) Clara: “Inay, alam ko na po kung saan nanggaling ang bigas, prutas at gulay sa palengke, kahit po ang ating lungsod ay walang taniman ng palay, gulay at prutas. Sabi po ng aking guro na si Binibining Inosanta, ang ugnayan ng bawat lungsod at bayan sa rehiyon at maging sa iba pang rehiyon ay mahalaga sa kabuhayan upang matugunan ang pangangailangan ng mga lungsod o bayan sa rehiyon. Clara:
Ang palay, gulay at prutas ay nanggaling
po sa ibang rehiyon, dinadala sa mga pamilihan upang matugunan ang pangangailangan natin sa bigas, prutas at gulay.” Inay:
“Tama ka anak! Ang ating lungsod at maging
ang iba pang lungsod at bayan ay hindi lamang umaasa sa ating sariling rehiyon. Umaasa rin tayo sa iba pang rehiyon. Katulad na lang ng kinakain nating bigas, gulay at prutas, ang mga ito ay inaangkat o binibili natin sa ibang rehiyon. Inay:
May mga pagkakataon na ang pangangailangan
ng mga tao sa isang lungsod o bayan ay tinutugunan ng ibang lungsod o bayan o maging ng ibang rehiyon. Maging sila ay umaasa rin sa ating rehiyon pagdating sa produkto o kabuhayan na wala sa kanilang rehiyon.” Clara: “Kanina po tinalakay namin ang ugnayan ng kabuhayan o pamumuhay ng mga tao sa lungsod at bayan sa rehiyon. Sabi po ni Binibining Inosanta, ang mga produkto sa bawat lungsod at bayan sa rehiyon ang tumutugon sa pangangailangan ng mga tao sa rehiyon. Clara: Katulad po ng lungsod ng Navotas, sila po ang tumutugon sa pangangailangan natin sa isda. Sa bayan ng Pateros naman po nanggagaling ang balut at itlog na maalat. Ang Marikina naman po ang nagsusuplay ng sapatos sa maraming lungsod at bayan sa rehiyon at maging sa iba pang rehiyon.” Clara:
“Pero, paano naman po, Inay kung
tayo naman ang nagkaroon ng kakulangan sa pangangailangan sa isda sa buong rehiyon?” Inay:
“Diyan na papasok ang ugnayan ng bawat
lungsod at bayan sa rehiyon, maging sa iba pang rehiyon. Maaaring umangkat o bumili ang ating rehiyon sa ibang rehiyon ng isda upang mapunan ang kakulangan sa pangangailangan natin sa isda.” Clara:
“Ang galing naman po, Inay! Ang
pagtutulungan ng bawat lungsod at bayan sa rehiyon at maging sa iba pang rehiyon ay mahalaga sa kabuhayan, upang matugunan ang pangangailangan ng mamamayan sa rehiyon.” TANDAAN: Kailangan ang ugnayan ng bawat lungsod o bayan sa kinabibilangang rehiyon maging sa ibang rehiyon upang matugunan ang kakulangan sa produkto ng buong rehiyon, maging ang pangunahing pangangailangan ng mga tao sa lungsod at bayan sa rehiyon. Ang produkto ng bawat lungsod at bayan sa rehiyon ang tumutugon sa pangangailangan ng mamamayan sa rehiyon. Maaaring umangkat o bumili ng produkto ang mga lungsod at bayan sa ating rehiyon maging sa iba pang rehiyon upang mapunan ang kakulangan sa suplay ng produkto. Ang pagtutulungan ay mahalaga upang matugunan ang pangangailangan ng mga tao sa lungsod at bayan ng rehiyon.