Dula – dulaan

Mazel: Nag-uusap ang mga tauhan habang nag-aaral sa silid-aralan. Nagsisimula ang dula sa isang
kwento tungkol sa kasaysayan ng wikang pambansa.)

Aira (Guro): (Ngiti) Mga kabataan, magandang araw sa inyong lahat. Ngayon, tayo'y magkakaroon ng
espesyal na oras para pag-usapan ang ating wikang pambansa, ang Filipino.

Seth: Sa wakas, ito na ang araw na inaantay natin! (Nagpapakita ng isang lumang aklat) Kasama ni
Andres Bonifacio, ipinaglaban natin ang ating kalayaan, at isa sa mga sandata natin ay ang ating wika.

Mazel: Tama ka, Seth. Ang wikang pambansa ay simbolo ng ating pagkakaisa bilang isang bansa. Pero
bakit importante ang pag-uusap tungkol sa ating wika?

Troy: Mahalaga ang ating wikang pambansa dahil ito ang nagbubuklod sa atin bilang isang bansa. Ito rin
ang daan para sa ating kultura at pagkakakilanlan. Pero bakit nga ba ito importante? Hindi ba't marami
naman tayong ibang wika?

Lalaine: Ang wikang pambansa ay nagbubukas ng mga pinto patungo sa ating kultura at kasaysayan. Ito
ay nag-uugma sa ating damdamin at pagkakakilanlan bilang mga Pilipino. Pero, Troy, parang mas madali
pa rin sa atin ang Ingles.

Razel: At hindi lang ito para sa mga taga-Maynila. Ang wika ay para sa lahat, mula Luzon hanggang
Mindanao. At totoo 'yan, mas madali sa atin ang Ingles ngunit ang pagmamahal sa sariling wika ay
pagmamahal sa sariling bansa. Kaya't ito'y ating pahalagahan at paunlarin.

Shylla: Pero maraming banyagang wika ang mas sikat at mas ginagamit. At paano natin ito mapanatili at
mapalaganap sa kabila ng modernisasyon?

Zyrus: Oo, totoo 'yon, Shylla. Pero tayo ang magbibigay halaga at magpapalaganap ng ating sariling wika.
Isang ideya: maaari tayong mag-organisa ng mga gawain na nagpapalaganap at nagpapalakas ng ating
wikang pambansa. Halimbawa, mga kwentuhan tungkol sa kasaysayan ng wika.

Anicka: Ito ay hindi lamang isang simpleng wika. Ito ay ating pagmamahal sa bayan at pagpapahalaga sa
ating mga ninuno. At tama, at maaari rin tayong maging halimbawa sa pamamagitan ng paggamit nito sa
pang-araw-araw na pamumuhay.

Kevin: Kaya naman dapat nating gamitin ito araw-araw. Ito ay masarap palang pag-usapan at planuhin
kasama ang mga kaibigan at kamag-aral.

Luke: At ito ay hindi hadlang sa pagkatuto ng iba't ibang wika. Maari nating isabay ito sa ating edukasyon.
Kailangan din nating suriin ang mga suliranin ng ating wika at magtulungan upang malunasan ito.

Johara: Ang wikang pambansa ay higit pa sa mga salita. Ito ay kapangyarihan na mag-ugnay sa ating
lahat.

Aira (Guro): Tama kayo. Ang pagpapahalaga at pagmamahal sa ating wika ay isang responsibilidad na
hindi lamang para sa paaralan kundi para sa ating lahat bilang mga mamamayan. Tayo'y may papel na
ginagampanan upang mapanatili ang kahalagahan ng ating wika.
Viana: Halimbawa, gamitin natin ito sa ating mga kanta, tula, at kuwento. Kaya naman, guro, kami po ay
buong pusong nagsusumikap na mapanatili ang kahalagahan ng wikang pambansa.

Janine: At kapag tayo ay magkasama, gamitin natin ang ating wika upang magkaintindihan at magpatibay
ng samahan. At sa pamamagitan nito, kami ay maging malalim na nakakakilala sa ating bansa at kultura.

Zyrus: Oo, tama kayo! Itaguyod natin ang ating wikang pambansa para sa kinabukasan ng ating bansa!

Troy: Maganda ang ating nasimulan. Patuloy tayong magsama-sama at magtulungan para sa ikauunlad
ng ating wikang pambansa at bansa.

Mazel: Ang mga tauhan ay nagkakasunduan na dapat nilang pangalagaan at gamitin ang kanilang wikang
pambansa. Ang dula ay nagwawakas na may pagkakasama-sama ng lahat sa pag-awit ng isang kantang
Pilipino na nagpapahayag ng pagmamahal sa wika at bansa.)