Ako lang ang siyang gamit
Ako'y Wika
ni Pat V. Villafuerte
I. Sabi-sabi
Bulung-bulungan
Haka-haka
Change position
Ang pinagmulan ko'y tila alamat
Na di matiyak kung saan nagbuhat
Anila'y mula sa angkang Malayo-Polinesyo
Change position
Kabit-kabit, patung-patong
Kawing-kawing, dugtung-dugtong
Change position
Kuha rito, kuha roon
Tanggap dito, tanggap doon
One: Ano ang nawawala 2x
All: Ng sariling tatak 2x
Kahit mawalan ng sariling tatak 2x
Kahit di masilayan kung saan nagbuhat
Basta't may wikang dapat ipalaganap
Wika'y panginginoonin
Tatanggapin nang buong paglingap
II. Usap-usapan ng mga huntahan
Mapa-nayon, mapa-bayan, mapa-lunsod,
Mapa-lalawigan
May taglay raw akong kapangyarihan
Purong wika kung ako’y bansagan
Nagmula sa rehiyong sa inyo’y particular
Ipinangalan sa akin, wikang bernacular
III. Masaktan na ang masaktan, magalit na
ang magalit
May batas akong sinusunod, magtatagal ang
may ibig
Tayo-tayo, kanya-kanya
Kami-kami, sila-sila
Ang hindi kapangkat, tabi muna
Ang hindi kawika, lumayas na
Basta't sa isang lugar pangkat-pangkat
Ako lang ang wikain
Ang Tagalog, sa Tagalog
- Ako ay wikang tagalog
Kung Bisaya, mag-Bisaya ka
- Akung istorya ay Bisaya
Mapa-Cebuano, mapa-Ilokano
- Akung istorya ay Cebuano, Shak ti
sarita Ilocano
Bicolano ay sa Bicol
Kapampanga'y Kapampangan
Ang Tausug at Maranao
Hayaan na lang sa Mindanao
Ano ikaw?
Iyan ako, huwag kalimutan
Bernakular
Bernakular?
Bernakular ang itawag sa akin.
IV. Sa kapatagan, sa kabundukan
Sa karagatan o saan man
Mapa-nayon mapa-lungsod, mapa-lalawigan
O maging saan mang sulok ng lansangan
Iisa lang ang isinisigaw
WIKA!
At laging itinitighaw
Wikang Filipino'y pagyamanin
Wikang bernacular huwag limutin
Wikang Ingles pagbutihin!
Wikang Filipino'y pagyamanin
Wikang bernacular huwag limutin
Wikang Ingles pagbutihin!