“Kwento ni Medusa: ang pinagkaitan at sinumpa”

Kilala natin si Medusa bilang babaeng ahas ngunit hindi natin inalam ang kaniyang
nakaraan. Dahil sa kabila ng kaniyang isinumpa na mukha at buhok, ay isang babae noon na may
taglay ng labis na kagandahan. Sa isang lugar sa Gresya, may isang batang babae na ipinanganak
nang kakaiba ang kagandahan at buhok. Siya ay si Medusa ang anak nina Phorcys at Ceto.
Katangi-tangi ang kagandahan ni medusa kung kaya’t marami ang umiibig sa dalaga.
Pinukaw(Aksiyon) ni Medusa ang damdamin ng mga kalalakihan sa Gresya kahit saan man siya
magpunta. Pero hindi lang kagandahan ang mayroon si Medusa, taglay din niya ang pagiging
mabait, inosente, at dalisay na pagkatao. Kaya naman ay hinahangaan niya ang diyosa ng
karunungan na si Athena at nais na maging bahagi ng kaniyang templo at maging paring babae.
Upang maging bahagi ng templo ng diyosa at maging pari ng diyosa ay dapat isa kang birhen at
inosente ang konsensya.
Napatunayan naman ni Medusa na siya ay karapat-dapat sa kanyang posisyon at
tungkulin, sapagkat siya ay tinawag bilang perpektong pari ng mga tao. At dahil sa kapansin-
pansin na napakagandang mukha ng dalaga dumami ang bumibisita sa templo para masilayan
lamang ang taglay na kagandahan ni Medusa. Sa kabilang dako, nakarating ang mga paratang na
ito kay Athena kaya naman siya ay nagalit at nainggit sa sabi-sabi ng mga tao tungkol sa dalaga.
Isang araw, may pumunta na karaniwang tao sa templo ng diyosa at nangahas na sabihing mas
gaganda pa ang buhok ni Medusa kay Athena. Bagaman nagalit at nainggit hindi gumanti si
Athena kay Medusa ng ganon kadali. Gayunpaman habang nagpapasyal si Medusa sa likod ng
templo malapit sa dagat nasilayan siya ng diyos ng karagatan na si Poseidon. Unang kita niya
palang kay Medusa ay naibig agad siya sa dilag, ngunit ipinawalang bahala lamang ni Medusa
ang parating ng diyos. Dahil sa pagtanggi ni Medusa, puwersahang kinuha ni Poseidon ito, kaya
sa takot niya agad siyang pumiglas at dali-daling tumakbo sa templo para makakuha ng
proteksiyon.
Nang akala ni Medusa ay natakasan na niya ang diyos biglang nalang may humablot sa
kanyang likod at sapilitang hinawakan ang dalaga. Ginahasa niya ito sa harap ng rebulto ni
Athena sa loob ng templo niya. Nang matapos ang masaklap na nangyari kay Medusa, lumitaw
naman si Athena at nagalit, hindi kay Poseidon kundi kay Medusa. Hindi nagalit ang diyosa kay
Poseidon dahil naniniwala siyang likas sa mga lalaki ang ganitong ugali ngunit mali sa parte ni
Medusa dahil siya ay babae at nang-akit siya ng diyos at dinungisan ang kaniyang templo. Sa
kaniyang galit, isinumpa niya si Medusa at ginawang mga ahas ang kaniyang magagandang
buhok at sa araw din na iyon, ang kahit sinong tao na titingin sa mukha niya ay magiging bato.
Kaya doon nagsimulang maglakbay si Medusa sa malayo upang hindi makita ng mga tao at
maprotektahan ang sarili sa mga mandirigma na nais siyang kitilan ng ulo upang gawing tropeo.
Takot ang palaging dala ni Medusa sa sumpa na hindi naman niya kasalanan, sa sumpa na
pinagkaitan siya na mabuhay ng payapa, sa sumpa na ipinahamak ang kaniyang buhay at sa
sumpa na dadalhin niya hanggang siya ay mamatay.