Isang umaga, habang naglalakad si Maria papunta sa paaralan, naisip
niya na matutuwa ang kanyang guro na si Bb. Reyes kung bibigyan niya ito ng bulaklak para sa kanyang plorera sa mesa. Sa paglalakad ni Maria papunta sa paaralan ay nadaanan niya ang isang hardin na mayroong magagandang Rosas na nakatanin. Nabasa niya ang babala, “bawal pumitas ng bulaklak”. Ngunit ng magkaroon siya ng pagkakataon, palihim niyang pinitas ang magagandang rosas at agad niya ito ibinigay sa kaniyang guro at pinasalamatan siya ng kanyang guro. Nagkataon na ang kanilang aralin sa araw na iyon ay tungkol sa pagpapahalaga at pagsunod sa paalala sa paaralan. Isa nga dito ay ang pagbabawal na pumitas ng mga bulaklak, pagkatapos ng paliwanag ni Bb. Reyes, naisip ni Maria na mali pala ang kanyang ginawa at ipinangako niya sa kanyang sarili na hindi na niya uulitin ang pagkakamali na iyon.
1) Sino-sino ang mga tauhan sa kuwento?
2) Saan nangyari ang kuwento? 3) Kailan naganap ang kuwento? 4) Ano ang ginawa ni Maria nang malaman niya na Mali pala ang kanyang ginawa? 5) Paano Pinitas ni Maria ang mga Rosas?