ፋንቲቲ ላኹ

ዙራሙሬ ማንዲጝ

1.1. ፋንቲቲኩ ትክላልካ አላምካ

እን ፋንቲቲው ክንቲዴስ ፋሌንጋ ክንታንትካ፡-

 ዲጉኽ ፁፍ አንቤብስቱስ ቹኒትካማ እንፅኼንቶ ድኾና፡፡

 ቤን አችስ ፁፎ አንቤቤካማ ዝርዝር ንባርካዋ ሺሻና፡፡
 ካልካዋ ጛጂሱ ቱትጚታ ኽዮ እያና፡፡
 እምትጝፃንትካዋ ቴኬምስትካማ ድርቤ ዲብቴርትካዋ ፃፋና፡፡
1.1 እምላንቲ ሶኼት
1.1.1. ቹኒትጝ እስታ ዙሚጝ
ንሴስካው ሴዴድስትጚ

ቴግባር 1፡- ቤዴራ ቹኒትኩ ካስካ

ክንፅፃንቲ/ታ፡- ኣዴር! ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ ሲፍፄታኪ ጛሪዳስታ
ስልዴስ ክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ ክንታንትካ ቹኒትጝዴስ
ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ
ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ ንሴስካው ሴዴድስትጚ; ናው ጛሪስ ዲጉኽሳ ፁፎ
ቹኒትጝዴስ ሲፍካማ ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ
ያኻና ኔኩሳ ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒ ኣንቤብታይ፡፡

ጌርክዴስ እምፕላቺ ንሴስካጊ ኩፕካማ ኑሩሳ አኺኔ ኩቼካማ ኩስጙና፡፡ ባኔ ባንቶ ጆጁካማጊ
እስታ ፍሮጊ ግሽካማጊ ዝኩፄስታ ቤፍፄ አቲሱታ፣ ኻራ ጌርካ ካቻማጊ፣ ሙፅድስ እሚያማጊ
ድጙንታ ምርስ ዲብሱና፡፡

1
እንክቻዴስ ቾቻ ኾቼዳ እምፕል አቒ ካዌኖ ፃይጝፁስ ካንቴኾ፡፡ እኒኩ ሌግስ ድጙኻ! ናን ጁዋን
ቡክኔስ ኔኾ፡፡ ውላ ካዋናብጅካ ኪንኬካማ ቡክጝስ ጁጝጁጝ ናኒስ፣ አንጉራ ጂዬታ “አንካ ቡካላ!
ዴሜካ ሌግስማ ቡካዊ” ኔኾ፡፡ “ዋ! ዳማይ ቡካቲው?” ናኒስ፣ “እን ኩራኻዳ ቱጝ ኑስ ሌግ ዋዳ
አግፂ?” ኔኾ፡፡ አንዴስኪ ውላ ሌግዴስ ቡካኒስ አንጉራ ኩፂ ኩራኻዳ ትዬታ ቤፍቴኾ፡፡

ሌጉ ፃይጝጚ እሳናማጊ ኩሪውላዳ ዝኩኽ ሹምባኻ ቱኻ፡፡ ሹምቢው ጛዌና እምቢታ ይንታማ
ሹምቤ ሌግዴስ ፊቲስጝስ ኩሪውሳ አኾ ባዲሊስ ቼሌፋማጊ ሊግሾ አሬችጘ ø ጄሜርኾ፡፡ እንጚ
ጊዛይ ባዲሊስ አኹሊ አንጉራዋክላ ጉሻማጊ ሌግሾ ዋውርኾ፡፡ “ኩስጜ ቻቤላቲው፣ ጚጛራሳ
አቴ!” ናኑውስታጊ፤ አንጉራ ሌግስ ድክጛ ፃይጝታታ ክትኾ ኑና፡፡(ባዬ ይመም፡፡ /2002 ም.አ/፡፡ አጭርና ቀላል
የአማርኛ ሰዋሰው፡፡አዲስ አበባ ዩኒቨርስቲ፡፡/ገፅ 84/

ቴግባር 2. ቹኒትጝዴስ ፋሌንጝጋኩ ካሲካ፡-

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

1.1.2. ጛርትስ ኣንቤብካማ እርዳትስትጝ

ፅጌራዳስታ ጉንኪኒ

ቴግባር . ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ግትሞ ዋታ ኣንቤባኑታ ካንትፅጝስ እምፕላኒ ኣንቤብታይ፡፡ እንት

2
ኣንቤብቱሲ፣ስካውካ ካልካ ዝኩኒዴስ ፍሽታታ ፃርኪ ሳንክዳ ፃፊጝስ ኽዮ እንት ድቑዊ፤ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ አንባብንታ ፄፒ፡፡

ቴግባር 2. ንባብዴስ ፋሌንጋኩ ካሲካ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ፅጌረዳዳ ታምብኹ ችግር እሪ ጊዝስ እሉዋውሌስ ይጉጚ
ያኹታ፣ እሪ ጊስ እሉዋውሌስ ይጉጝስ ያኹታ፣ ፅጌራዳዳ ታምብኹ ችግር ጛጂዳ ያኻኒ ዋታ ፄውካማ
አጌዝጛኑታ ዙሚስ ኣሳቦ ጌሌፃንታ ፄውቱንዴስ ፋሌንጋ፣ ኣቕክላ ፍናፍና እርዳትጛኑላስ፣ ችጌርስቱኽ
ክሩሲ፣ኣዜኑኽሳ ፄጌርፅጝ ጉዳ ጋታው አኽጘ A ኣሳቦ ዴሜክታታ ኩውሳ ካንቴ እይ፡፡

1.1.3. ካልካውሳ ኽዮ እርዳትስትጝ

ቴግባር 1. ቹኒቱኑዴስታ ንባቡ ፁፍዴስ ካልካስ ምስሌ ኽዮስታ ፊሪስፄ ኽይ!

ክንፅፃንቲ/ታ፡- ቹኒቱኑ ፁፍዴስ እስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፡፡

1.1.4. ኬሌቴፍጝፃማ ኣንቤብጝ፡-

ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #ሜዝሙሩ ግትም; ናውሳ ግትሞ ዎንቤርዴስ ጁዬካማጊ ባኔባንቶ ኣንቤብጝስ ኬሌቴፍጝፄካማ

ኣንቤብጘ ø ዴስጝጛንታ እምፕላኒ ኣንቤብታይ፤ እንዴስ ፋሌንጋ ክንታንትካ እንት ኣንቤብቱታ ፄውካማ

ኣንቤባኒስ ሲፍጝጜ ፄውጝስ፣ ፍትኔትስስታ ኬርታ ጋቲታስታ እይስትኹ ጊዝስ ኣንቤባማ ዊድጘ ø አድርፃንታ
ዴስጝፃን፡፡

1.1.5. ፃፊጝስታ ሳዋሳው

3
ቴግባር 1፡- ሳዋሳውኩ ኣኹኪ ፃፊጝኩ ቴግባርካ፡-

ክንፅፃንቲ/ታ፡- እይስቱንኩ ዲብቴርትካዴስ ጛራ ጛራ እምትጝፃንትካዋ ጎሌልካማ ፍሻንታ፤ ጝሹላ ፃምርካ

ዲብቴርትካዴስ እምትጝፃንትካዋ ፍሻንታ እምፕል ምሳሌ እንፃኽስቴታይ፡፡

1.2 ላጛንቲ ሶኼት

1.2.1.ቹኒትጝስታ ዙሚጝ

ሳሜንኩ ካንካው ፓርክ

ቴግባር 1፡-ቤዴራ ቹኒትጝኩ ካሲካ

ክንፅፃንቲ/ታ፡- ኣዴር!ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ ሲፍፄታኪ ጛሪዳስታ ስልዴስ
ክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ ክንታንትካ ቹኒትጝዴስ ፍና
እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ
ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ #ሳሜንኩ ካንካው ፓርክ; ናው ጛሪስ ዲጉኽሳ ፁፎ
ቹኒትጝዴስ ሲፍካማ ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ
ያኻና ኔኩሳ ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒ ኣንቤብታይ፡፡

ይቶፒያዳ ሜንች ኣሌም ኣቡቕስ አቕስቱንኩ ፓርክካ ዝኩና፡፡ እኒጛ ክቻዴስ እምፕልስታ ቹዋ

ሴሜን ካንካዉ አጌሩ ፓርክያኽ፡፡ሴሜኑ ፓርክ አግስታው ሳሜን ጎንዴርዳ ያኹሲ፣ ፓርካኻዳኪ
አግስንታኩ ሜንችካ ማሬካንትካ ፣ጉሳንትካስታ ሚፂስክላ ሜንች ትክሞ አግፃንኩ ክቻዴስ
እምፕልያኽ፡፡ፓርኩ ትክላሊ እሳነትኪ 179 ስኩዌር ኪ.ሜ ላኪያውያኽ፡፡

እን ፓርክ አንኬባኬብስታው አኽጝ ቱሪዝሙ ልግስስ አሜችጝኹ ፓርክያኽ፡፡ ፓርካኽዳ

ሊሊትንጙኩስታ ሜንችካ ካዌንኩ ንሴስካ አግስታና፡፡ አውሮፓኩ ቼፍጚታ 1978 ም.አ አሌው
4620 ሜትሮ ያኹኽ ይቶፕያዳ ኽሳንቲ ካንክላ አግስታው አንጚ ስፍሪዳኽ፡፡

4
ይቶፒያኩ አጌርኩ ፓርክካውሳስታ ካዌንካውሳ ፋይስቶ ካንታውስ ኹሉቺፋ እርዳትፃና፡፡ እን
አጌራዳ ሚንቺት ኑንኩስ ማንዲስቱንኩ ካዌንካስታ ፓርክካ ዝኩጘ ø ክላ አቕፃና ሰሜን ካንካው
አጌሩ ፓርክ፣ ፉቺ ክዩስታ አዋሹ አጌሩ ፓርክካ አንኬባኬብጞ ø ፋይፃንኩ ክቻዴስ ባንኩ አኽጞ ø
ጌሌፃና፡፡ ማንዲስቱንኩ ካዌንካዋ አንኬባኬብጝ ኬውጛቲውሳ ሚፄ ቱሪስትካዴስ አግፅጝስ
ካሊፃው አኽጞ ø ክንትፃና፡፡ ፓርክካዋስታ ካዌንካዋ አንኬባኬብጝስ ካሊፃንኩ ዳድካ ክቻዴስ
እምኘል ካዌንካው ዙራሙሪዳ ንሴስካዋ አሴሜርጝፅጞ ø ባይጝ አኽጞ ø ሼው እፃና፡፡ ትክላሊስ
ካዌንካዴስስታ ፓርክካዴስ ዙራሙሪኩ ኣቕ ቴኬምስታንትካ አኽጝስ ካዌንካዋ ኔክትጝጚዴስ ኔፃ
ፄዋማ ማንዲጝ ፋይፃው አኽጘ ø ኽሉቺፋ ጌሌፃና፡፡

ፄውኑ ፅሬትስ ናኪኒ ጊዝዳ ሜንችካ ቱሪስትካ እን አጌራ ቱዌካማጌኽ፡፡ ጛው ፅሬትኪላ

ላንቡስታ ኬውጛያ፡፡ ካንካውስታ ፓርክካው ዙራሙሪዳ ይንታማጊ ዝኩኽሳ ኪስካዋስታ
ትክምካዋ ጛው እልስ ካንትጝስ ካሌካ፡፡ እንፃኽስታኑ ጉዳይዳኪላ ሼውውሳ ታምብጞ ø ጄሜርካ፡፡
(ብርሃኑ ሌሜሳ፡፡/2003 ዓ/ም/፡፡ ህብረተሰብ ሳይነስ 5 ንቲ ቤን አዲስ አባባ፡፡ገፅ-62)

ቴግባር 2. ፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ አንታንታ
ፄውጝስ ይስጝፅጝ እይስቴ፡፡

1.2.2. ጛርትስ ኣንቤብካማ እርዳትስትጝ

ዲጊዴስ ዙርፃያሱ አባላሚ ብኖ ካዬ

ቴግባር 1. ቤዴራ ንባብኩ ካሲካ

5
ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ እምፕላኒ ኣንቤብታይ፡፡ እንት
ኣንቤብቱሲ፣ስካውካ ካልካ ዝኩኒዴስ ፍሽታታ ፃርኪ ሳንክዳ ፃፊጝስ ኽዮ እንት ድቑዊ፤ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ A ቼሜትጝፄታ እንቤብንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡-ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ ዳራ እርዳትስትጝስ ካሉኑታ ዙማንታ

ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ጛጂክላ ጛፋዳ ዝኩንኩ ካዌንካዋ፣ ካንካዋ
ካታካትጝዴስስታ ቻፋቻፍጝዴስ አሊካዋ ሊሚፅጝስ ዙራሙሬ ኣምሉ ፄውጝ ካዌናብጅካ ካንትናታስታ
ጛጂስ ሚፂስ ቴኬምስትናታ አጌዛው አኽጘ ø ኣሳቦ ዴሜክታታ ኩውሳ ካንቴ እይ፡፡

1.2.3 ካልካ

ቴግባር 1፡- ቹኒቱኑዴስታ ንባቡ ፁፍዴስ ካልካስ ምስሌ ኽዮስታ ፊሪስፄ ኽይ፡፡

ክንፅፃንቲ፡- ቹኒቱኑ ፁፍዴስ እስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ ካልካዋ
ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ ኣሴቴፍጛንታ
ፄውታታጊ እንፀኽስታንታ ፄፒ፡፡
1.2.4 . ኬሌቴጝፃማ አንቤብጝ
ቴግባር ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ፡-; ዲጊዴስ ዙርፃያሱ አባላሚ ብኖ ካዬ; ናውሳ ንባቦ ዎንቤርዴስ ጁካማጊ ባኔባንቶ ኣንቤብጝስ

ኬሌቴፍጝፄካማ ኣንቤብጘ ø ዴስጝጛንታ እምፕላኒ ኣንቤብታይ፤ እንዴስ ፋሌንጋ ክንታንትካ እንት ኣንቤብቱታ

ፄውካማ ኣንቤባኒስ ሲፍጝጜ ፄውጝስ፣ ፍትኔትስስታ ስቴታ ጋቲታስታ እይስትኹ ጊዝስ ኣንቤባማ ዊድጘ ø
አድርፃንታ ዴስጝፃን፡፡

1.2.5 ሳዋሳውስታ ፃፊጝ

6
ቴግባር 7፡- ሳዋሳውኩ ኣኹኪ ፃፊጝኩ ቴግባርካ

ክንፅፃንቲ/ታ፡- እይስቱንኩ ዲብቴርትኩሳ ዝርዝርካዋ ፄው ቤዴራ ሲፊስ ፄዌካማ እምፕል ቱንዜ ሲራንታ

ፄውቱንዴስ ፋሌንጋ ፣ጛጂሱ ክንቲጝናሳ ማሉኹ እምፕል ዴዴጝ ቱንዜ ፃፊጘ A ሞኬራንታ ፄፓን፡፡

1.3 ሹኻንቲ ሶኼት

1.3.1. ቹኒትጝስታ ዙሚጝ

ፉዲው ካን

ቴግባር 1 ፡- ቤዴራ ቹኒትጝኩ ካሲካ

ክንፅፃንቲ/ታ፡- ኣዴር! ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ ሲፍፄታኪ ጛሪዳስታ
ስልዴስ ክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ ክንታንትካ ቹኒትጝዴስ
ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ

ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ #ፉዲው ካን; ናው ጛሪስ ዲጉኽሳ ፁፎ ቹኒትጝዴስ ሲፍካማ
ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ ካልካዋ
ኽይታይቱንዴስ ፋሌንጋ ቹኒትጙሳ ፁፎ ላጚኒ ኣንቤብታይ፡፡

ፉዲ አንኪሺ ጎግሲ ዎሬዳስ አይሳዳስታ ኻርጝ እስታው ኬቤሊዳ አግስቴ፡፡ ፉዲው ካን ኬፍቲ
3000 ሜትራስ ሌጌሴምታውስታ ዲኒክፂ ካንያኽ፡፡ካኑ ጛሪዳ ታምኑስ ግምትስ ሴዛ ኩፃ ያኻው
ወታኺ ዝኮ፡፡ እንስፍሪዳ ሊሊትጙንኩ ካናኻፅካ አግስታና፡፡ እኒጛ ክቻዴስ ጝኖ ግቢትጝስ
አጌሌጌላው አኒኒ አግስቴ፡፡

ካኑ ጛራሾ ውታኺ ዝኩኽ ያኹኒውላ አምሉው ክይ፣ ዋርቒስታ አኹው አሊ ፋው ዲኒክፂ

ስፈሪያኽ፡፡ እንካን ዙሪሙሬ ካዌንስ ኬቤብስትኹዊ አኽጝስ እኹዊ ፣ፃንኽ፣ ገርሚ፣ ድኩሉ፣
ዛግሪ፣ ሼንቴላ፣ ፂጊኒ፣ ውግሊ፣ ቾቺ፣ ባራጄግኒ፣ እስታ እሊኩክላ አግሰታና፡፡

7
እኒጛ ካዌንኩ ንሴስካስታ ጉዋኻ ቻኽካው ዜሜ ቹኒትጝ አይምሮ ፍትኽ ፅጝስ ካሌ፡፡ ካኑ
ዙራሙሪዳ ሊሊትጙንኩ ካናኻፅካ አግስታኑ አኽጝስ ባይሉሳ እጆ ኬሜምጝስ ቴኬምስታንኩ
ዝኩና፡፡ /አዊ ብሔረሰብ አስተዳደር፡፡ /2012 ዓ/ም፡፡ አይሞሎ፣፣ እንጅባራ፣ገፅ 17 /

ቴግባር 2. ፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

1.3.2. ጛርትስ ኣንቤብካማ እርዳትስትጝ

ቦጋሉስታ ኽራው ኩስጚ

ቴግባር 1.. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ እምፕላኒ ኣንቤብታይ፡፡ እንት
ኣንቤብቱሲ፣ስካውካ ካልካ ዝኩኒዴስ ፍሽታታ ፃርኪ ሳንክዳ ፃፊጝስ ኽዮ እንት ድቑዊ፤ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤብንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ቦጋልስታ ኽራ ዙራሙሪዳ ዝኩዋንኩ ኣቖ ኣምንፅካማ

8
እንፃኽስቱኑሳ ባኩ ቴግባሮ እኒ ክንታንትካኪላ ጛጂሱ ዙራሙሪኩ አቖ አምንፅካማጊ እንፃኽስታንታ ኣሳቦ
ዴሜክታታ ኩውሳ ካንቴ እይ፡፡

1.3.3. ካልካውሳ ኽዮ እርዳትስትጝ፡-

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒቱኑ ፁፍዴስ እስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፡፡

1.3.4. ኬሌቴፍጝፃማ ኣንቤብጝ

ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ‹‹ቦጋልስታ ኽራው ባኩ ኩስጚ›› ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ A

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ ካሉንታ ኣቕጝስ
ሞኬራን፡፡

1.3.5.ሳዋሳው

ቴግባር 1፡- ሳዋሳውኩ ኣኹኪ ፃፊጝኩ ቴግባርካ

ክንፅፃንቲ/ታ፡- እይስቱንኩ ዲብቴርትካዴስ አምትጝፃንትካዋ ጎሌልካማ ፍሻንታ ይስጝፃን፤ክንታንትካ

እንፃኽስቱኑሳ ክላ ኣሬምትካያን፡

1.4. ግምጋሚ፡-

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣

 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣

9
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣

 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣

 ካልካስ ቱዊ ኽያሳ እይካ ካሊጞ Ö ቼሜትጝፅጝ፣

 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣

 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣

 ካልካስ ቱዊ ኽያሳ እይካ ካሊጞ Ö ቼሜትጝፅጝ፣

 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣

1.6. ናሙን ዙርምካ፡-

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ውን አሱኩ እስታ እሊኩ

ናሙንካ ዙርምካ ሲፉኽታ ዲግንኩ አኽጝስ ቲኪምስቲት፡፡

ከ. ጎሌልካ

ኸ. ዛኽትጝፅጙዙርፅካ 1. ከ 2. ቨ
1.3.5. ሳዋሳው
1. ሰ 3. ኸ 1. ያኼስጉ 2. ዴሜካ 3. አኹኪ 4.
2. በ 4. ሸ ታኻ 5. ስታ፣ ዴሜካ

1.2.1. ቹኒትጝ

ፋንቲቲ ላጛ
2. ዳዱ ዴክት

ፋንቲቲኩ ትክላልካ አላምካ

እን ክንታንትካ ፋንቲቲው ክንቲዴስ ፋሌንጋ፡-

10
  ዳድዴክቱ ሜዝሙረካ ቹኒቱኒዴስ ፋሌንጋ ዜሜራን፡፡አንቤባና
 ኬለቴፍጝፃማ አንቤብጙ ባይርካዋ እሚጝስ ድምፆ ኬፍፅካማ ፡፡ዴዴጘ A ቱንዜ ፃፋና
 ካልካዋ ውንቲኒ ይዎትሲ ድንግርፃና፡፡
 እምትጝፃንትካ ካልካዋ ቴኬምስትጝስ ድርኪ ዲብቴርካዋ ፃፋን፡፡
2.1. እምፕላንቲ ሶኼት

2.1.1. ቹኒትጝ እስታ ዙሚጝ

ዳዱ ዴክት ሜዝሙሩ ግትም
ቴግባር 1 ፡-ቤዴራ ቹኒትኩ ካሲካ
ክንፅፃንቲ/ታ፡- ኣዴር!ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ
ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ
ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ
ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ; ዳዱ
ዴክት ሜዝሙሩ ግትም ; ናው ጛሪስ ዲጉኽሳ ግትሞ ቹኒትጝዴስ ሲፍካማ ይንታንኩሳ
ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ
ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ኹሉቺፋ ልቡ ናና ማኪናዋ እሽቲንስ፣

ይዎቶ ድፅናቲታ አካሎ ፊቲስንስ፡፡
ኬፍቲኒ አላፍት ዝኩታ አቕናና፣
ዋኒኪ እሽቲኑስ ያኼስ ቴንኬክስትናና፡፡
ጊጝጝስታ ቤዴርጝስ ጋቲው ካሊጝቲ፣
ልቡ ናና እሽቲንስ ይጉዌስ አሬኽቲ፡፡
ልኩቴንስ ፍናፍና ቤዴርፅንስ፣
ይዎት ድሳቲታ እኖጂ ልቡ እንስ፡፡
ማኪና እሸቲ አሬኽቶ ኒኪቴታ፣

11
 ጉሚቼ ታንቤኻኽ ልቡኔታ፡፡
ስራስሪዋኪ ኪሪሶጊ ታክሳላይ፣
አሬኽቶ ኒኬቴታ አዴር ልቡ ናላይ፡፡
ሻኼ አቲጝስ ኬሴት ታምባቲታ፣
ይዎት አግስታላኽ እፕላኒ ድሱታ፡፡
እሽቴታጊ ሳቒጘ A ባታታ፣
ዝቔጊ ባታታ፣ አሬኽቶ ኒኬቴታ፣
አዴር ጉሚቼኪ ታንቤኻኽ ልቡኔታ፡፡

ቴግባር 2. ቹኒትጝዴስ ፋሌንጝጋኩ ካሲካ

ክንፅፃንቲ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

2.1.2. ጛርትስ ኣንቤብካማ እርዳትስትጝ

ሾፌር ግርማው ሳሲትጝ
ቴግባር 1፡- ቤዴራ ንባብኩ ካሲካ
ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ንባቦ ዋታ ኣንቤባኑታ ካንትፅጝስ እምፕላኒ ኣንቤብታይ፡፡ እንት
ኣንቤብቱሲ፣ስካውካ ካልካ ዝኩኒዴስ ፍሽታታ ፃርኪ ሳንክዳ ፃፊጝስ ኽዮ እንት ድቑዊ፤ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ A ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋኩ ካሲካ

12
ክንፅፃንቲ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ እንዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡፡

2.1.3. ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡
ክንፅፃንቲ/ታ፡- ቹኒቱኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ
እስታ እሊኩ ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል
ምሳሌ ይታታጊ ኣሴቴፍጛንታ ፄውታታጊ ክንታንትካ ዴብቴርዳ እንፃኽስታንታ ፄፒ፡፡

2.1.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ‹‹ሾፌር ግርማው ሳሲትጝ›› ናውሳ ንባቦ ባኔባንቶ ኣንቤብጝስ ኬሌቴፍጝፄካማ
ኣንቤብጘ A ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ
ኣንቤብጝ ካሉንታ ኣቕጝስ ሞኬራን፡፡

2.1.5. ሳዋሳው

ቴግባር 1፡- ሳዋሳውኩ ኣኹኪ ፃፊጝኩ እንፅኽካ

ክንፅፃንቲ/ታ፡- እይስቱንኩ ዲብቴርትካዴስ እምትጝፃንትካዋ ጎሌልካማ ፍሻንታ ይስጝፃን፤
ክንታንትካ እንፃኽስቱኑሳ ክላ ኣሬምትካያን፡፡

2.2.1. ቹኒትጝ እስታ ዙሚጝ

ባይልስታ ዝቤንኩ እንዜጝትጝፅካ

ቴግባር 1፡- ቤዴራ ቹኒትጝኩ ካሲካ

13
ክንፅፃንቲ/ታ፡- ኣዴር! ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ
ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ
ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ
ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ
#ባይልስታ ዝቤንኩ እንዜጝትጝፅካ; ናው ጛሪስ ዲጉኽሳ ፁፎ ቹኒትጝዴስ ሲፍካማ ይንታንኩሳ
ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ
ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

እንዜጝትጝፂኩ አይኔትካ ባይልኩስታ ዝቤናውካ እስትካማ ላጛስ ቤንስታና፡፡ ባይልኩ

እንዜጝትጝፅካ ታንኩዊ፣ ድኾሪ፣ ፊሪሲ፣ ብቕሊሰታ ግሜል እስታና፡፡ ታንኩዊዴስ ይጎ ባይልኩ
እንዜጝትጝፅካ ግርቦ አግፅጝስ ፉርሽካዋ፣ ኩፓታሬ፣ክዮስታ ፄጌራንኩሳ ሜጌብስታና፡፡ ታንኩዋ
ኩፂ እንዳራውላ ብብራንቴ (ላምባዋ) ቴኬምስታላኪ ውላጊ ባይልኩ እንዜጝትጝፅጝካ አቔስታ
አክኼ እንዜጝትጝፅጝስ ካፃው ጊዝ ሜንቼኽ፡፡
ዝቤናውካ እንዜጝትጝፅጝካ ብቲኩ፣ አይርኩስታ አኹክ እስትካማ ቤንስትጝስ ካላና፡፡ ብቲኩ
አንዜጝትጝፅካ ክቻዴስ ማኪና፣ ታክሲ፣ ባጃጅ፣ ብሽክሊሊታ፣አውቶቢስስታ ባቡር አግስታና፡፡
አይርኩ ዝቤናውካ እንዜጝጝትጝፅካ ሩምብላ፣ጄት፣ ኤሊኮፍታርስታ ፄጌርጛንኩ ያኻኒስ፤
ዝቤናውካ አኹክ እንዜጝትጝፅካ ዴሜካ ሜርኬብስታ ጄልባኽ፡፡ ዝቤናውካ እንዜጝትጝጝፅካ
እንዜጝጝስ ዳድ፣አዲድ፣ አይሩ ፉሪፂ፣እንድርድርፂስታ አኹ ፋይስታው አኽጝስ ኬፍንኹሳ ፍሼ
ፋይፄ፡፡
ዝቤናውካ እንዜጝጝትጝፅካ ክቻዴስ አግልግሉቱ እምኘልትስታ ሊሊት ካንትስቴ፡፡ ምሳሊስ
ሩምብላ፣ጄትስታ ኤልኮፍቴር እምኘልዴስ እሊው ስፍሪሾ ዴዴጝ ጊዛኻዳ ታንባና፡፡ ባቡርኪ
ልቡናማ ታንቤ፤ ሜርኬብኪ ውላዴስ እንፁኽ ፍትኔትስ እንዜጜ፡፡
ዝቤናውካ እንዜጝጝትጝፅካ ትንካኪስ እምስቲንትያስ አቒዳስታ ንብሬትዳ ኬፍ ንኹሳ ጉዳቶ
ታምፃና፡፡ ባይልኩ እንዜጝትጝፅካ ታምፃኑ ጉዳት ኩፂ ዝቤናውካ ታምፃኑዴስ ባስኹ አኻላ፡፡
ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ

14
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ አንታንታ
ፄውጝስ ይስጝፅጝ እይስቴ፡፡
2.2.2. ጛርትስ ኣንቤብካማ እርዳትስትጝ እስታ ዙሚጝ

ዳድኩ አዳግካ
ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ እምፕላኒ ኣንቤብታይ፡፡ እንት ኣንቤብቱሲ፣
ስካውካ ካልካ ዝኩኒዴስ ፍሽታታ ፃርኪ ሳንክዳ ፃፊጝስ ኽዮ እንት ድቑዊ፤ እንዴስ ሲፍ ፄታ ዴሜካ ክንታንትካ
ውላ ሜፃፎ እሚንኩ ኣኽጘ A ቼሜትጝፄታ እንቤብንታ ፄፒ፡፡

ቴግባር 1 ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ጛጂክላ ጛፋዳ ዝኩንኩ ዳዱ ኣዳጊዴስ
እንጛራሳ ማንዲጝ ፋይፃውታ፣ውላ ቴንኬክስታኒ ይዎቶ ማንዲጝስ አጌዛው አኽጘ ø ኣሳቦ ዴሜክታታ
ኩውሳ ካንቴ እይ፡፡

2.2.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽይ፡፡

ክንፅፃንቲ/ታ፡- ቹኒቱኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡ አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፡፡

2.2.4.ኬሌቴፍጝፃማ ኣንቤብጝ
ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ‹‹ዳድኩ አዳግካ›› ናውሳ ንባቦ ባኔባንቶ ጁዬካማጊ ባኔባንቶ ኣንቤብጝስ ኬሌቴፍጝፄካማ

ኣንቤብጘ A ዴስጝጛንታ እምፕላኒ ኣንቤብታይ፤ እንዴስ ፋሌንጋ ክንታንትካ እንት ኣንቤብቱታ ፄውካማ

15
ኣንቤባኒስ ሲፍጝጜ ፄውጝስ፣ ፍትኔትስስታ ኬርታ ጋቲታስታ እይስትኹ ጊዝስ ኣንቤባማ ዊድጘ ø አድርፃንታ
ዴስጝፃን፡፡

2.2.5. ፃፊጝ

ቴግባር 1፡- ፃፊጝኩ እንፅኽካ

ክንፅፃንቲ/ታ፡- እይስቱንኩ ኔፄልካ ዲብቴርትካ እምትጝፃንትካዋ ቲኪምስቲካማ ፃምሪ ዲብቴርቶ ፃፋንታ

ይስጝፃን፤ ክንታንትካ እንፃኽስቱኑሳ ክላ ኣሬምትካያን፡፡

2.3. ሹኻንቲ ሶኼት

2.3.1. ቹኒትጝ እርዳትስትጝ እስታ ዙሚጝ

ሞባይልስታ ማኪናው አዳጊ

ቴግባር 1፡- ቤዴራ ቹኒትጝኩ ካሲካ
ክንፅፃንቲ/ታ፡- ኣዴር! ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ
ጛሪዳስታስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ ክንታንትካ
ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ
ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ #ሞባይልስታ ማኪናው አዳጊ; ናው ጛሪስ
ዲጉኽሳ ፁፎ ቹኒትጝዴስ ሲፍካማ ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ
ክንታንትካስ ስካውካ ያኻና ኔኩሳ ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ናኪኒ ዝሜንዳ ሜንች ኬቴምኩኪ ያኼካ ኬቴምኩ አቕ ሞባይሉሳ ስልኬ ቴኬምስታና፡፡

ማኪናው ዳዳ ልኩቴንኪ ያኼካ ማኪናዋ እሽታንትካ ሞባይሉሳ ስልኬ ቴኬምስታኒስ፣ኣዳጊስ
ታምፃውሳ ቴግባሮ ፌፄማኒስ ካንትስታና፡፡ሹፌርካ ማኪናዋ እሽትካማጊ ስልኬ ዴዌላና አኹኪ
ስልኪ ዴዌልሳታዩስ ብስካማዙርሜ እያና፡፡ እንጚ ጊዛይ ኣቒ እምፕላኒስ ላጛ ዲቦ
እንፃኽስትጝ ቼጌርፃው ኣኽጝስ ኣዳጊ ፌቴርስትጝስ ካሌ፡፡ልኩቴን ክላ ማኪና ዳዳ
እንዜጝካማጊ ስልኬ ዙሚትጝፅጝስታ እንፅኼንቶ እንፃኽጝስታ ቻቤላማ ኣንቤብጝ
ማኪናሊ፣ ጋሪሊ፣ብሽክሊሊታሊ፣ እንታ እንታ ኮንኩሊ ኣዳጊ ፌቴርስትጝስ ካሌ፡፡ እን

16
አኽጝስኪ ማኪናው ዳዳ ስልኬ ዙሚትጝፃማጊ ማኪናዋ እሽትጝ፣ ልኩቴንክላ እንዜጝካማጊ
ስልኬ ዙሚትጝፅጝስታ እንፅኼንቶ እንፃኽጝስታ ቻቤላማ እንቤብጝስ እምፕል ስፍሪዳ
ቲሪጝናማ ቴጋባሮ ኣኮሜችጝ ማኪናው አዳጊዴስ ፊቲሴ፡፡
ሳሜን አሜሪካስ ታንባንኩ አዳግካ ከቻዴስ ሊኽዴስ 25 ማኪናው አዳጊ ማኪናዋ እሽታኒስ
ሙባይልስ እንፅኼንቶ እንፃኽጙ ምክንያተስ አሜተስ 1.6 ሚሊዮንካ አዳግካ ታምባና፡፡ 330 ሻይ
አቕ አካሉ ጉዳቴንካ ያኻና፡፡ ጌርክ ቺፋ 11 ያኻንኩ ዎታትካ ክራና፡፡ እንሊ እምትጝጙኽ ፅናት
ድኹዋውሰታጊ ማኪናዋ እሺካማጉ ሞባይልስ እንስኼንቶ እንፃኻው አቒ ሴኬራማ እሻው
አቒዴስ ኪቻ 6 እፅፊ አዳጊስ ታምቤ፡፡ድምከናኪ፣ ማኪናዋ እሸታማጊ እንፅኼንቶ እንፃኽጝ 5
ሴክፀድካኺስታ እሎ ቼፌናማ እሽጝቲስታ አኽጞ ø ፅናት ቼሜትጝፃ፡፡ እኑውሳ አሳቦ ዝኩኑኽ
ስፍሪስታ አኺኒስ ፄውቲኔስ ውቴት ኪፊፂያኼ፡፡(ዶ/ር እዮብ ማሞ 2006 ዓ/ም ትኩረት አዲስ አበባ፡፡)

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡-ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ

ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

2.3.2. ጛርትስ ኣንቤብካማ እርዳትስትጝ

ትራፊክኩ ሜብሪትካ
ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ A ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

17
ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ እንዳራ እርዳትስትጝስ ካሉኑታ
ዙማንታፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ሞባይልስታ ማኪናው አዳጊ ኣቖ ታምባማጊ
ዝኩኽሳ ክንታንትካኪላ ጛጂሱ ዙራሙሪኩ አቖ አምንፅካማጊ አቑሳ ይዎቶ ማኪናው ኣዳጊዴስ ማንዳንታ
ኣሳቦ ዴሜክታታ ኩውሳ ካንቴ እይ፡፡

2.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንታን፡፡
2.3.4. ኬሌቴፍጝፃማ ኣንቤብጝ
ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ‹‹ትራፊክኩ ሜብሪትካ›› ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ A

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝ ካሉንታ ኣቕጝስ
ሞኬራን፡፡

2.3.5. ሳዋሳው

ቴግባር 1፡- ሳዋሳውኩ ኣኹኪ ፃፊጝኩ እንፅኽካ

ክንፅፃንቲ/ታ፡- እይስቱንኩ ዲብቴርትካዴስ እምትጝፃንትካዋ ጎሌልካማ ፍሻንታ ይስጝፃን፤ ክንታንትካ

እንፃኽስቱኑሳ ክላ ኣሬምትካያን፡፡
2.4. ግምጋሚ

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣

18
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

2.5. ናሙን ዙርምካ

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ውን አሱኩ እስታ እሊኩ
ናሙንካ ዙርምካ ሲፉኽታ ዲግንኩ አኽጝስ ቲኪምስቲት፡፡

2.1.5. ሳዋሳው 2.2.1. ቹኒትጝ

ከ. ዛኽትጝፅጝ
በ. እምትጝፃንትካ
1. ሸ 2. ከ 3. ሰ 4. በ 5. ኸ
1. ኪ 2. ያኼስጉ 3. ሊ፣ ዴሜካ 4.
2.3.1. ቹኒትጝ
ዴሜካ
ከ. አጉሌልጚ
ከ. ፃምሪ ዲብቴርት 1. ቨ
1. ኬቤድ ክንቲ ጝና ካስኾ፤ 2.3.2. ጛርቱንባብ
ሶሌኩፂጌቤላካትኾ። ከ. ውንያኹአሱንጝ
2. አሌሙጊፂኔኽ፤
1. አሱ 2. አሱ 3. አሱ 4. ውን
አሳይዴሜካክንትፃንቲያኽ።
3. ልክናጝኖፃታ፤ ኬቤድኪብቴፃያ።
4. አስራትጚቹሳእንካኔ፤ ግርማኩፂእንካናላ።
5. አስማርጌንዜቦእንካንቲ፤
ጌሬምኩፂእንፅኼእንካናላ።

ፋንቲቲ ሹኻ

3. እርዳትጝጚ(15 ጊዝ ቤን)

3.1. ክንትጝኩ ዋይምካ፡- እን ፋንቲቲ ክንቲዴስ ፋሌንጋ ክንታንትካ፡-

 ዲጉኽሳ ንባቦ ቹኒትካማ ጛ እንኮኽታሳ ዋርቕፃና፡፡
 ቤኑ አችስ ማንዲስታው አሬኽት ሜቴንስ ንባባካዋ አንቤባና፡፡

19
  ክፅልካዋ እሚንኩ ካልካዋ ቴኬምስትጝስ ዲብቴርቶ ሲራና፡፡
 ፃምሪስታ እልቕቴ ዲብቴርትካዋ ፃፋን፡፡
3.1. እምፕላንቲ ሶኼት
3.1.1. ቹኒትጝ እስታ ዙሚጝ

እጛስታ ባድባዳይ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ኣዴር! ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ

ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ
ጉሽፅጝስ ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ
ኣሜቹታጊ ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡
ሲፍፄታኪ; እጛስታ ባድባዳይ ; ናው ጛሪስ ዲጉኽሳ ፁፎ ቹኒትጝዴስ ሲፍካማ ይንታንኩሳ
ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ
ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ጌርክዴስ እምፕላቺ እምፕል እጛ ፃንቑናዋ ጉጅጝስ ብና ካቴ፡፡ ብን ዳራ ታምቤታ አኹሾ

ናቕቴታ አኾ ዝቒስ ታክሲሎ አኹ ማቤላ ቡዋማ ካፄ፡፡አኹዋኻዳ አንቴሌቕስትጛ ታኼታ
አሬጂታውስቱስ ብን አምፓስ ሴፌፍኹ ካኒዳ እንጅኩዊት አምፕላ ባዳይ ኻፃዋ ብችክፄታ
አኾኻዳ እጛ ፍያታ ዝጉቴኾ፡፡

እጛ ጚውላዳ እቱኽ ኻፂዳ ማቺጝስ ሴፌፍታታጊ አኹዳሪዳ ፍዬኾ፡፡ እና ጉዝማ እጛ እምፕል

ካቻንቲ ካኒ ስራዳ ቲሬማ ካኒ ቻፋዳ እንጅኩዊት ባድዳይዳ ላንቖ ዎቴሩስ ካንቲኾ፡፡ እጛ አቒውሳ
አሳቦ ማሌታ ጚውሳ ልኮ ማልጛ ፄውታታ እርኩዊስ እጝትኾ፡፡ ቻኻ ኩፂ ታክሲልስ አዲጊስ ናማ
እሚኹሳ ላንቖ ብቲዳ ድርባይኾ፡፡ እና ጉዝማይ ባዳይ ኮሽቴ እንኮኽታታ ቤሬርታታ ካትኾ፤ ጚፃ
እንካዋኪ አሚሊትፄኾ፡፡(ያረጋል አለነ ፡፡2014 አፕሪል/ኢዞፕሱ ዳብር ማርቆስ ዩኒቨርስቲ፡፡)

20
ቴግባር 2.፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽፅጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ክንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

3.1.2. ጛርትስ ኣንቤብካማ እርዳትስትጝ

ድር

ቴግባር 1፡- ቤዴራ ንባብኩ ካሲካ

ክንፅፃንቲ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡
እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ ቴግባርካዋ
አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍ ፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳክላ ውላ ክንታንትካ ኣሴቴፍጛንታስታ ዙማንታ ፄፒ፡፡ ኣሳቦ ዴሜክታታ ኩውሳ ካንቴ እይ፡፡

3.1.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡
አንዴስ ፋሌንጋ እንት እምፕል እምፕል ምሳሌ ይታታጊ ኣሴቴፍጛንታ ፄውታታጊ እንፀኽስታንታ ፄፒ፡፡

21
ዙርሜክላ ዴብቴርዳ እያንታ ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

3.1.4 ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ፡- #እድር; ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ ø ዴስጝጛንታ እምፕላኒ

ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝስ ካሉንታ ኣቕጝስ ሞኬራን፡፡

3.1.3. ሳዋሳው

ቴግባር 1፡- ሳዋሳውኩ ኣኹኪ ፃፊጝኩ እንፅኽካ

ክንፅፃንቲ/ታ፡- እይስቱንኩ ዲብቴርትካዴስ እምትጝፃንትካዋ ጎሌልካማ ፍሻንታይስጝፃን፤ክንታንትካ

እንፃኽስቱኑሳ ክላ ኣሬምትካያን፡፡

3.1. ላጛንቲ ሶኼት

3.2.1. ቹኒትጝስታ ዙሚጝ

ሙሬኑ አጌዝጝጚ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ኣዴር!ፍናኪ ክጛርትጛሳ፣ ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ

ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ
ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ
ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ
#ሙሬኑ አጌዝጝጚ; ናው ጛሪስ ዲጉኽሳ ፁፎ ቹኒትጝዴስ ሲፍካማ ይንታንኩሳ ቴግባርካዋ

22
አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ ካልካዋ
ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

እናፋዳ አብትዌንካስታ ሙሮንካ ክንቲ ጝናሳ ግዴፍጝጜ ፌያማ እሊኩ ክንቲ ጝንካስታ ዙራሙሪዳ
ዝኩኽ ዳድዳ ችትጛንኪሳጊ ታምብፃው ያኹኻ፡፡ እይልስጊ አጌካንቴ አቴካማ ዳድሾ ፋንኩ
ሰሪስሪዋ ፋይፃውሳ ፍሽጊ ጚካላማ ክንቲጝናሾ ዙርፅና፡፡ እንዴስ ድምክና ጌፄርኩ አቕስ እንፅኺስ
፣እዝንስ ዴስቲስጊ እምፕልቱ እርዳትጝጛና፡፡

አክምስ ዳግዳግካዋ እካላ ዳንጉካዋ፣ ሹማጌሎጊ አጌዛና፡፡ጌፄርኩ አቕስክላአሪ እምምታማ

እፅድስ ታምቡታ አፄድጝስ፣ ኩፕፅጝስ፣--- እንታ ኮንኩስጊ እርዳትጝጝኔ፡፡ ሹማጌሉሳስታ አካልስ
ዲግዳግካ ያኹንኩስ ብቴ አሬስናና፣እምቤልናና፣ አሬ ዜርናና ዎጌኖ አጌዝጝ፡፡

እዝንክላ ጌቴማኒ አዜናንቴ ሲፍጝስ፣ እዝን አንኮስታቲታ ልሻኹዊ ቡኖስታ ስልኺ ፍሽጝፅካማ
ዲግሳና፡፡ እንጚጊ እርዳትጝጚ አኮሜችስታዊ ዲስቲ ዝኩስስታ ችግር ታምቡሲያኽ፡፡

ቴግባር 2.፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

3.2.2. ጛርትስ ኣንቤብካማ እርዳትስትጝ

ውጂስታ ታይካ ማንዲ

23
ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽፅጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

3.2.3. ካልካውሳ ኽዮ እርዳትስትጝ

ቴግባር 3፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒቱኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡ አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፤ክንታንትካውሳ ዴብቴሮኪላ ካንቴይታይ፡፡

3.2.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #ውጂስታ ታይካ ማንዲ;; ናውሳ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø
ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ ካሉንታ ኣቕጝስ
ሞኬራን!እንዴስ ፋሌንጋ ክንታንትካ እንት ኣንቤብቱኽታ ፄውካማ ኣንቤባኒስ ሲፍጝጜ ፄውጝስ፣ ፍትኔትስስታ

ስቴታ ጋቲታስታ እይስትኹ ጊዝስ ኣንቤባማ ዊድጘ ø አድርፃንታ ዴስጝፃን፡፡

3.2.5. ሳዋሳው

24
ቴግባር 1፡- ሳዋሳውኩ ኣኹኪ ፃፊጝኩ እንፅኽካ

ክንፅፃንቲ/ታ፡- እይስቱንኩ ካልካዳ ክፅልካ ዴሜካንታ ፄፒ፤ እንዴስ ድምክና ክፅልካሊ ዲጉንኩሳ ካልካዋ ዴሜካ
ክፅልካዋ ጎሌልካማ ፍሻንታ ይስጝፃን፤ክንታንትካ እንፃኽስቱኑሳ ክላ ኣሬምትካያን፡፡

3.3 ሹኻንቲ ሶኼት

3.3.1. ቹኒትጝ እርዳትስትጝ እስታ ዙሚጝ

አሬጉኽ ኾሺዴስ ስኒ ፌ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካላኑታ ዙማንታ ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ቹኒትጝዴስ ሲፍካማ ይንታኩሳ ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

ቻግኒው ኬቴምዳ ፀጋ እስታው ጄር ዝኩዌ ሺኾ፡፡ ጚኩ ችዋታብል ክራኒስ፣ እምፕል አብትዌና

ጚኾ ካፅኾ፡፡ አንዴስ ፋሌንጋ ፀጋ እሊኩ ኹዌካማ ፊቱሱኑሳ ሜጌብስታማጊስታ ኹርፂ ክላ ኣንካ
እንጅፂግናዳ ብቲዳ አንኩቴ ቤፃማጊ ኹርጞ ø ዴሱኾ፡፡ ፀጋ ናቔንቲው እንኮኽስት እንኮኽስታው
አኽጝሲ እዩኑሳ ቻቤላማጊ ሜጌብስቴ፤ ጌሬፋኒስውላ እን ጊዙ ችግርያኽ ናማጊ እሲያማ ቕፕ
ንጞ ø ዴስኾ፡፡

ዋሌንካዴስ እምፕልካ እምፕልካ አቕ ፀጋዳ ታምባማጊ ዝኩኽሳ ቤዴሎ ካንታኒስ”

ባታታድሳቲው” ንካማጊ ኩስጝፃንሽ ሺና፡፡ እን ያኼስጉ ጚኩፂ እንጝንዴስ ፉንዴስ ክንቴ
ኬውጝፄ፤ ጎቤዝ ክንታንቲ አኽጝታጊ አቒው ናቕቲዴስ ፊጝዴስ፣ ችግሮጊ ካላታ አጂታኒ ኼሼ
ናማጊ አሴባ ሺኾ ፡፡

ፀጋ አሲባሽኹታ ችግሮ ካሌጝስ ክንቴ ክንታማ ዊድኾ፡፡ ኬፍቴኔ ውቴቶ ያጎማ እክምኒስ
ዳቔርስትጝስ ካሉኻ፡፡ #አሬጉኽ ኾሺዴስ ስኒ ፌ; ናኑታ ምንግስቱሳ እንፅኼኪላ እሚያማ እሊው

25
ስፍሪሾ ካስኾ፡፡ አንዴስ ፋሌንጋ ፉሪጙ ጊዝስ ቻግኒ ሌጌፃንትካውሾ ካሱስ ፅንኩት ፋያውሳ
ምግቦስታ ፅንኩቶ ኹርፄ እይካማጊ ሌንጌድቶ ቻቤልጞ ø ጄሜሩና፡፡

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

3.3.2. ጛርትስ ኣንቤብካማ እርዳትስትጝ

አካል ጉዳቴንካሊ ቴቤቤርጝ

ቴግባር 3፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽፅጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ፄዋ ዙርፄ እያን፡፡

3.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑስታ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስስታ ኣንቤብስቱኽ ፁፍዴስ ፉንኩ ካልካስ ምስሌ ኽዮስታ ፊሪስፄ ኽዮ ዴብቴርዳ
እያንታ ፄውቱንዴስ ፋሌንጋ ክንታንትካውሳ ዴብቴሮ ካንታን፡፡አንዴስ ፋሌንጋ እንት እምፕል እምፕል
ምሳሌ ይታታጊ ኣሴቴፍጛንታ ፄውታታጊ እንፀኽስታንታ ፄፒ፡፡

26
3.3.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ፡- #አካሉ ጉዳቴንካሊቴቤቤርጝጚ፡;; ናውሳ ንባቦ ባኔባንቶ ኣንቤብጝስ ኬሌቴፍጝፄካማ

ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ
ኣንቤብጝ ካሉንታ ኣቕጝስ ሞኬራን፡፡

3.3.5. ሳዋሳው

ቴግባር 1. እይስቱንክ ዲብቴርትካዴስ ክፅልካዋ ጎሌላማ ፍሽጝስታ እይስቱኑኩ ካልካስ

ዲብቴርቶ ሲሪጝ፡፡

ክንፅፃንቲ/ታ፡-እይስቱንኩ ክፅልዌና ካልካዴስ አኹኪ ዲብቴርትካኻዳ ክፅሊ ዝኩንኩ ካልካዋ

ጎሌልካማ ኣኒጛ ካልካስ ዲብቴርቶ ሲራንታ ፄፒ፡፡ ጉዶ እንፃኽስቱንክሳ ይስጝፃን፤ ዴሬት ኑንኩ
ክንታንትካዋ ጊዞ እምቴታ ክንፅፅጝ እይስቴ፡፡

3.4. ግምጋሚ፡-

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

3.5. ናሙን ዙርምካ

27
ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ውን አሱኩ እስታ እሊኩ
ናሙንካ ዙርምካ ሲፉኽታ ዲግንኩ አኽጝስ ቲኪምስቲት፡፡

3.1.1. ቹኒትጝ 3.2.3. ካልካ

ከ. ዲብቴርትካዋዋኽትጝፅጝ ከ. ናኺሲስፍሬዋኽትጝፅጝ

1. ፍይኾ 2. ላንቖ 3. እንካዋ 4. 1. ስማሮ 2. አጞ 3. አባላሜ 4.

እጝትኾ እያን 5. ሴብታመሰ

3.1.3. ካልካ 3.3.3. ካልካ

ከ. ፊሪስፂኽይሊድንግርፅጝ ኸ. ብስቴስፍሬዋኽትጝፅጝ

1. ሸ 2. ገ 3. አ 4. ቨ 5. ከ 6. 1. ፅንጋኺ 2. አኹ 3. ኾሼ 4. ላጛ
በ 7. ከ 8. ኸ 9. ጘ 10. ሰ 5. ክማኒ

ፋንቲቲ ሴዛ

4. ፆቲ ቴርታ (15 ጊዝ ቤና)

ክንትጝኩ አላምካ

ክንታንትካ እን ፋንቲቲ ክንቲዴስ ፋሌንጋ፡-

 ንባብዴስ ዲግኹሳ ቹዋ አሳቦ ቹኒትካማ ጛውሳ አሳቦ ዋርቕሳና፡፡

 ንሳቡሳ ዝርዝር ንባርካዋ አንቤብካማ ዙርፅካማ ፃፋና፡፡
 ግሳካ ቴኬምትካማ ዴብቴርቶ ሲራና፡፡
 ጉሽትጝኩ ካልካዋ ቴኬምስታና፡፡
 ቱንዚውሳ አሳብ ምሻሳኺትጝፃና፡፡

4.1. እምፕላንቲ ሶኼት

28
 4.1.1.ቹኒትጝስታ ዙሚጝ

ፆቲው ቴርት ክችክችትጚ

ቴግባር 1፡- ቤዴራ ቹኒትኩ ካሲካ

ክንፅፃንቲ/ታ፡- ኣዴር! ፍናኪ ክጛርትጛሳ፣ ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ ሲፍፄታኪ ጛሪዳስታ
ስልዴስ ክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ ክንታንትካ ቹኒትጝዴስ
ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ
ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ ፆቲው ቴርት ክችክችትጚ ናው ጛሪስ ዲጉኽሳ ፁፎ ቹኒትጝዴስ
ሲፍካማ ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ
ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒ ኣንቤብታይ፡፡

ኹናኹናስታ ጝርጃ ፍትሬቱስታ ማቢሪው አኼንካስ ካንትስቱስ ሊሊትጛና፡፡ ፍትሬቱ አኺኒስ

ካንትስቱስ ሊሊትጝካ ክምንት ፅንታኩ አካልካዳ ያኹኪ ሩብፂ ቴርትዳ ጉዋል ንካማ
ካንትስታንኩ አኽጝስ ኹናኹናዋ ጝርጃዴስ ችግራጊታ ሼሽጝስ ካሌስቴ፡፡ እሊው ሊሊት ዴሜካ
ዙራሙሪው ባይልታጊ ማቤራቕ እያኩ ማቢሪውስታ እንፅኺው ታምብታ ካንትስታውያኽ፡፡ እን
ሊሊትኪ ፆቲው ቴርት ማቤራቕ እያ ማቤሩስታ እንፅኺው ታምብስ ካንትስታዌኽ፡፡ እን
ሊሊትኪ ፆቲው ቴርት /ጄንዴር/ እስቴ፡፡

ሊሊትቶ ካንትፃው ማበራቕ ዴሜካ ባይሎ ስሬታ ፄዋማ ኹናኹናዋስታ ጝርጃዋ ክችክቺ
ያኻያሱ ዳድስ ካንቴ፡፡ እንዴስ ጁኽሳ ውን ያኹኽ ፆቲው ሊሊትዴስ ጃላ ፣ሊሊትጙንኩ ፍቱርካ
ያኹንኩ ፄዌ ጋማማ ሊሊትጙንኩ እድልካ፣ ቴግባርካስታ አላፍት ዝኩክ ፄዋማ ካንቴ፡፡ ዋኒኪ
ዙራሙሪዴስ ዙራሙሬ ሊሊትጙንኩ ያኻችኹኒውላ እምፕልታቕ ኬሻንኩ ናኩ እንፅኺኩ
ታምብካዋ ጝርጃስ፣ ጝናኻስኩ ትክላላኪ እንፅኽካስታ ጄሮ አኽጝስ ኹናኹና ሚንችካ ጝናኻስኩ
እንፅኽላዋ እንፃኽስትጝ ፣ስራስሬስታ ድሚስ ሹማጌልቱንኩ አንኬባኬብጝስታ ቑንዳስቴንካዋ
ቑንዳስፅጙ፣ አላፍት እይስቴ፡፡ ጝን አቕስ ቺፅጝፂ ያኻውሳ ሚፃ አግፄ ያግፅጙሳ አላፍቶ ፃይካ፡፡

29
እን አኽጝስ ምክንያታ ፄዋማ ማቤርአቕ ፄዋው ቤንጝጚ ኹናኹናውሳሰታ አቒ ፃያው ቴግባርስታ
አላፍት ዎሴንሰታው ፆቲስ አኽጝስ ኹናኹንስታ ጝርጃ ክቻዳ ካንትስታው ዝኩዊኒው አቕት
ዲግጝጙኽ ጋዊኽ፡፡ “ጤና መስታዎት መፅሄድ፣ ቀፅ 01 ቁጥር 02/199 ዓ/ም”ናውዴስ ከሽጝጛማ
ካፅሰትኹ

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝዴስ ፋሌንጋኩ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዲጉንኩ ካሲካስ ዙርፄካማጊ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ካሲካዋ
ዙርፅጝስ ቼጌርስታንኩ (ስኽጝ) ናንኩ ክንታንትካ ዝኬካ ዝኩኒ እሊውሳ ጊዞ ኬፄራማ እንግራ ዙርፃማ ክንፅፃን፡፡
ክንታንትካ ክቻዴስ ኣይሎ ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ
ኣንቤብካማ እንታንታ ፄውጝስ ይስጝፅጝ እይስቴ፡፡

4.1.2 ጛርትስ ኣንቤብካማ እርዳትስትጝ

እንኺው ቤንጝጚ

ቴግባር 1. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ግትምዴስ ፉንኩ ካልካዋ ኽይስ

30
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡አጌዝጛኑታ ዙሚስ ኣሳቦ ጌሌፃንታ
ፄውቱንዴስ ፋሌንጋ፣ኣሳቦ ዴሜክታታ ኩውሳ ካንቴ እይ፡፡

4.1.3 ካልካውሳ ኽዮ እርዳትስትጝ፡-

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒቱኑ ፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፡፡

4.1.4 ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #እንፅኺው ቤንጝጚ; ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ ø ዴስጝጛንታ

እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝ ካሉንታ ኣቕጝስ ሞኬራን፡፡

4.1፣5 ሳዋሳው

ቴግባር 1፡- እይስቱንክ ዲብቴርትካዴስ እምትጝፃንትካዋ ጎሌላማ ፍሽጝ

ክንፅፃንቲ/ታ፡- እይስቱንኩ ዲብቴርትካዴስ እምትጝፃንትካዋ ጎሌልካማ ፍሻንታ ይስጝፃን፤ ክንታንትካ

እንፃኽስቱኑሳ ክላ ኣሬምትካያን፡፡

ሶኼት ላጛ

4.2.1. ቹኒትጝስታ ዙሚጝ

ዎርክነሽዳ ክንቴ ኬውጝፅጙ ሙካሪ

ቴግባር 1፡- ቤዴራ ቹኒትጝኩ ካሲካ

31
ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

ፆቲው ቴርቱ ሊሊትጚው ፌቴርስትጙስታ ይስጝኩ አሊካ ሜንችካኽ፡፡ ፆቲው ቴርቱ ሊሊትጜ ጄሜራው
ጝናአቕዳ ምሻታርስስታ ኹን ስራስሪስ እይስታው አንኬባኬብጙ ልቕልቕቲ ካንትስቲስ ምሽታርስ እይስታው
አይልስ ኽስጝኔ፡፡እንዴስ ድምክና ፍንሾ እንዳራ ያኽጝ ፋያኑታ ድኹስታው እንፅኼንቶ ካንትኑስክላ ኽሰኹሳ
አላፍት እይስታው ምሽታርስያኽ፡፡

እን ሌጌሳማጊ ካስጞ A እምፕልታቓኻዳ ዋርቕስቲ ዝኮ፡፡እንጚሱ አኺኒስ ዎርክኔሽዳ ታምብሺኹሳ ፆቲው

ቴርትስ ሊሊትጚው ምክንያቴ ካንትንስ፡፡ዎርክኔሽ ፂሪጊዳ ካሚንሰቴታ 12 አሜታ ታኹስ 7 ንቲ ቤንዳ

ክንቴታጊ ፡፡ እምፕላቺ አድጉዊሰ ጚፄሰታ ጚታላ፣ ዎርክናሽስ ታሜታንቱ ይንታማ ኩስጝጛኒስ ዝንቡዳ ታኻታ
ቹኒቴኾ፡፡ ጝንሾ ትይስክላ ጚቹ ሌንጌድካስ ስልኼ ኾሽቱስ፣ ልሻኹዊ ግቢቲስ ታምቤኾ፡፡ ጝና ታምቢታ ክላ ቡኖ
ኬሌውታታ ሱግታታሰታ ጊፊርፂታ አዚዝትኾ፡፡

ሌንጌድ ዲባ ዊድካማ ካስንዴስ ላጛኒቻስ ዲቦ ማሉኽስ ጚቹሳ ዴፌርኔታ ካስቴኾ፡፡ ጚቹ ክላ ዲባ ታጉንዴስ ኔታ፣
እንድሚዴስ ፋሌንጋ፣ “ኩውሳ ይዎቶ ጄሜርጝ እይስቴ፡፡” ኔታ ድኹትኾ፡፡ ዎርክኔሽ ጝርጄ ሚፅጞ ø ፋታቲውስታ
ክንቲ ሲፍፄውታ፣ እን ያኺቲያስ ዴሜካ ባታታ ድስታውታ እርዳትፄኾ፡፡አንዴስ ዎርክኔሽኩ ቾ ታብሎ ጚውስ
አሳቦ ቻቤልካስያኩ አኽጞ ø ማሊስ እርባታዋ ጚያጋሻ ቻግኔ ካትኾ፡፡

ጚያጋ አቱ ኬሌሙ ቲኑ ሞይቲኒ ያኹስ ክንታንኩሳጊ ይስጝፄው አኽጞ ø ዎርከኔሽ ታቓ፡፡ ላጛኒቻ ጚያጋስ

ይስጝፄው አኽጞ ø ዎርክኔሽ ታቓ፡፡ ላጛኒቻ ጚያጋስ ቾ ታብል ፄውኑሳጊ እርዳትፄኾ፡፡ አንዴስ ፋሌንጋ ዎርክኒሽኩ
ቾ ታብሎ ስልኪስ እቑዌማ፣ እን ድሚስ ኽይፅጝዴስ ኬቻ አንኬባኬባማጊ ክንፅፅጝ እይስታውታ አምንፃማ
፣ቱትጚ ይጉጞ ø ሽማጌለስ አቕፅካማ ዎርክኔሽ ክንቴሾ ኬፄልትኾ፡፡

ዎርክነሽ ናካ ክንቴጊ ዊዴታ ላጛንቲ ዲግሪስ ዳቒርስቴታ እንጃቢሪ ዩኒቨርስቲዳ ክንፅፃንታ ታኻታ አጌሮ
አጌልሌጌልታታጊ ፣ቾታብሎኪ ዙርፄታ አንኬባኬብታታጊ አግሰቲ፡፡

ቴግባር 2፡- ቹኒትጝዴስ ፋሌንጝጋኩ ካሲካ

32
ክንፅፃንቲ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

4.2.2. ጛርትስ ኣንቤብካማ እርዳትስትጝ

እውራ አምባው ማቤርአቕ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ እንዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

4.2.3. ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ

እያንታ ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

4.2.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

33
ክንፅፃንቲ፡- #አውራ አምባኩ ማቤራቑ እንኺው ቤንጝጚ; ናው ጛሪስ ፁፎ ባኔባንቶ ኣንቤብጝስ
ኬሌቴፍጝፄካማ ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል
ዳኪካስ ውኃ ካልካዋ ኣንቤብጝ ካሉንታ ኣቕጝስ ሞኬራን፡፡

4.2.5. ሳዋሳው

ቴግባር 1፡- እይስቱንክ ካልካዴስ ክፅልካዋ ጎሌላማ ፍሽጝ

ክንፅፃንቲ/ታ፡- እይስቱንኩ ካልካዴስ ክፅልካዋ ጎሌልካማ ፍሻንታ ይስጝፃን፤ ክንታንትካ

እንፃኽስቱኑሳ ክላ ኣሬምትካያን፡፡

ሶኼት ሹኻ

4.3.1፡- ቹኒትጝ እስታ ዙሚጝ

አቡኔጂሱ ዛቢትጕኽ ችትጝጝፂ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካላኑታ ዙማንታ ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ቹኒትጝዴስ ሲፍካማ ይንታኩሳ ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

አቡኔ ጚው ክንቲ ውቴቱሳ ካርዶ ኩሪጝስስታ ዴስቲስ ካንቴ፡፡ 8 ንቲ ቤኖ ውላ ክንቲኩ አይኔትካስ ጉደ ውቴቶ ታጋታ ፌቴ፡፡
8 ንቲ ቤኖ ካሌው ጊዝ ኬኽጝስ አይሎ ዴሰኔ፡፡

ጚ አክሰታያ ያኹኽ ማሙኪላ 8 ንቲ ቤንሾ ፋዬ፡፡ ላንጊጊ ዲግጝንኹ 2 ንቲ አች ክ/ጝናሾ ካናና ክንተኔ ኔታ አሴብቴ፡፡ አቡኔ
እንካንታውሳ ክንቲው አይኔቶ ንጝኪ ዙራሙሪ ሳይንስስታ ይሳቦ ክንትጝስ ጄሜርጞ ø ፋቴ፡፡ክንቲ ጝና ኣቕስትኹ ሜፃፍ ጝና

ዝኩኽ አኽጞ ø እንኮኽቱት አኽጝስ ሜፃፎ አንዴስ ጉሽቴት አኽጞ ø እርዳትስቴ፡፡ ጛታላ አችጝ ኔት ኬቴማዳ እንፃኽስታው

34
ክንትፃንቲ አኽጝስ ጚቹ ጄርካዋስታ ጉዋሩክ ቴክልካዋ አንኬባኬብጙሳ አላፍቶ ካፅካማ እንፃኽስታና፡፡እምፕላቺ ክማኒ አቡኔ
ጚው ክንቲ ጝናሱሳ ውቴቱስ ካርዶ ጚቹስ ካንትፂኾ፡፡

ጚቹ ጚጃሱ ውቴትስ ዴሴካማ እንኩዋ ዴሲንኹዋስ ኑና፡፡ያኼስጉ ዎ/ሩ ሰላማዊት ጚዋ ጝንዳ እርዳታው እላቲው አኽጝስ

አቡኔ 2 ንቲ አቹሳ ክንቴ ክንታት አኽጞ ø እርባትዴስ ፋሌንጋ ድኹትኾ፡፡ አቡኔስ ታላ እቺዳ ዝኩዋው አኽጝስ፣ አቡኔኩ 3
ሴንካዋሰታ እርሺውሳ እንፅኼ እንፃኽስትጝስስታ ጌንዜቡ አፄፅጝ ዝኩኽ አኽጝስ ጚቹ አቡኔ ክንቴ ኬውጝፄታ ጚቹሳ
ኣጌዝታታ ዎሴንታ፡፡

አቡኔ አይሎ ማቒቺኻ፤ ማሙሊ ክቻ ክንትጙ ሜብት ዝኩት አኽጞ ø ታቓ፡፡ እን አኽጝስ አቡኔ ማሙሊ ክንቲሾ ካሳታ ጝንአቕ ኩስጝጛንታ
ድቑስ ኔታጊ ኻግዳ ኹሬታ አሴብታሽቲኾ፡፡

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

4.3.2 ጛርትስ ኣንቤብካማ እርዳትስትጝ

ኹናኹንዳ ታምባው ችግር

ቴግባር 1. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ እንዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

35
4.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ

እያንታ ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

4.3.4.ኬሌቴፍጝፃማ ኣንቤብጝ

ቴግባር ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #ኹናኹናዳ ታምባው ችግር; ናውሳ ንባቦ ባኔባንቶ ኣንቤብጝስ ኬሌቴፍጝፄካማ

ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ
ኣንቤብጝ ካሉንታ ኣቕጝስ ሞኬራን፡፡

4.3.5. ሳዋሳው

ቴግባር 1፡- እይስቱንክ ዲብቴርትካዴስ ክፅልካዋ ጎሌላማ ፍሽጝስታ ዲብቴርቶ ሲሪጝ፡፡

ክንፅፃንቲ/ታ፡- እይስቱንኩ ክፅልዌና ካልካዴስ አኹኪ ዲብቴርትካኻዳ ክፅሊ ዝኩንኩ ካልካዋ

ጎሌልካማ ኣኒጛ ካልካስ ዲብቴርቶ ሲራንታ ፄፒ፡፡ ጉዶ እንፃኽስቱንክሳ ይስጝፃን፤ ዴሬት ኑንኩ
ክንታንትካዋ ጊዞ እምቴታ ክንፅፅጝ

4.4. ግምጋሚ

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣

36
  ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

4.5. ናሙን ዙርምካ

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ውን አሱኩ እስታ እሊኩ

ናሙንካ ዙርምካ ሲፉኽታ ዲግንኩ አኽጝስ ቲኪምስቲት፡፡

4.1.1 ቹኒትጝ 4.1.2 ጛርቱ ንብ

ውን ያኹ አሱ ንጝስ ዙርፃን፡፡ በ. ጎሌልጚ

1. ውን 2. አሱ 3. ውን 4. ውን 5. ውን 1. ሽሽጝስ 2. ሊሊትጛና 3. ጝርጃስ 4.

ኹናኹናስ

ፋንቲቲ ኣንኩዋ

5. ጎቤንጝ (15 ጊዝ ቤና)

5.1. ክንትጝኩ ዋይምካ

ክንታንትካ እን ፋንቲቲ ክንቲዴስ ፋሌንጋ፡-

 ንባብዴስ ዲግኹሳ ቹዋ አሳቦ ቹኒትካማ ጛውሳ አሳቦ ዋርቕሳና፡፡

 ንባቡሳ ዝርዝር ንባርካዋ አንቤብካማ ዙርፅካማ ፃፋና፡፡

 ስማ ጌሌፅ ቴኬምትካማ ዴብቴርቶ ሲራና፡፡

 ጉሽትጝኩ ካልካዋ ቴኬምስታና፡፡

 ቱንዚውሳ አሳብ ምሻሳኺትጝፃና፡፡

ክንትጝኩ አላምካ፣-

37
5.1.1. ቹኒትጝ እስታ ዙሚጝ

አግፁትጂሱ ጎቤንጚ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ኣዴር! ፍናኪ ክጛርትጛሳ፣ ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣

ሲፍፄታኪ ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ
ካስካዋ ጉሽጝስ ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ
ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ
ፄፒ፡፡ ሲፍፄታኪ ጌታውንስታ አግፁቱ ጎቤንጚ; ናው ጛሪስ ዲጉኽሳ ፁፎ ቹኒትጝዴስ ሲፍካማ
ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና
ኔኩሳ ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ጌታውንስታ አግፁት እስታንኩ አራኹንኩ ጃዊው ኬቴምዳ እሺና፡፡ እኒጛ አራኹና አብቶ ፃይካ፡፡
እምፕላቺ ፃፂ ስራዳ እንጁካማ ጛ አጌራሳ ካንታውስ እንክርጝጛና፡፡ አግፁት “ዋኒይ እኑት
አጌራሳ ጎቤንናው ጊዝ እቺኾ! “ኒኾ፡፡”እምፕላቺ “ንኾ፡፡ “እን ጌርኬኽ ጎሜጅፁኽ”ኒኾ፡፡
ታክሲሎ እምፕል ፌሬንጅ ናቕትስ ፌይኾ፡፡ ላንጊጊ ፌዜዝካማ ካንቱና፡፡ አግፁት ቤዴር ኔታ
“ካንት እኖጂ እንዳ እንጁክናና ፋሲሎሳ ግምቦ ፣ሳሜንኩሳ ካንካዋስታ ሊሊትጙንኩሳ
ማኼትካማ ካንትናያኪ፡፡ ጛጂኩፂ ባርኾቻዳ እንጅክካማ እኑኩሳ ማኼትካዋ ካንታውስ
ግዲፅካማ ድኾና፡፡”ኔኾ፡፡ “ውኔኽ፣ማኼትካዋ እኑኩሳ ማኼትካዋ ካንታውስ ራዲዮንስ ቹኒትና፤
ቴሌቪጅንስ ካንትና፡፡“ ንኾ፡፡ ጌታውንዳ ናኼስት እንኮኽስትኾ፡፡ ጊዞ ክላ ድፃያ፤ ዳላውሳ ጌንዜቦ
እሚና፡፡ሹኻ አርፋዴስ ፋሌንጋ ፣ጎቤንጘ ø ጎንዴሩ ፋሲሎ ግምብዴስ”ላኹ ንካማ ጂማሩና፡፡

“ናኼስትጝ “ንጝ እንዳራ ንጝይ

ታሪክዌና አኽጝዳስታ ትቤብዳ ጌሬምስትካማጊ ሳሜን አገሩ ፓርክዳ እንዜጙና፡፡ ዋሊያዋሰታ

ችላዳ ዛግሬ ካንቱና፤ እንካኑና ክላ፡፡

38
ላጛኒቻስኪ እንዝጜባርዳርሾ ፄውና፡፡ ባርዳዴስ ታናዋ ፣ አባዊውሳ ፎፎቴ ፣ካንትካማ ዴስኑና፡፡
ሹኻንቲ ጌርክስኪ ላሊበላሾ እንዜጝጝካማ ኪኽካ ብሽናታንካዋ ጎቤኑና፡፡

ላሊበላውሳ ጎቤንቶ ዊድካማ ካስካማ ዛንጋና አይኩሳ ፌትሬትኩዳስታ አቓግብርካ ታሪክኩ

ማኼንትካዳ ዴስንካማስታ እናጃቢሪዳ ቼ ሺካማ እንዝጜ ሙሪሾ ፄውና፡፡

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ ካንታንታ
ፄውጝስ ይስጝፅጝ እይስቴ፡፡

5.1.2. ጛርትስ ኣንቤብካማ እርዳትስትጝ

ክቤብኩ አባልካው ጎቤንጛጚ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ግትሞ ዋታ ኣንቤባኑታ ካንትፅጝስ እምፕላኒ ኣንቤብታይ፡፡ እንት
ኣንቤብቱሲ፣ስካውካ ካልካ ዝኩኒዴስ ፍሽታታ ፃርኪ ሳንክዳ ፃፊጝስ ኽዮ እንት ድቑዊ፤ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ አንቤብንታ ፄፒ፡፡

ቴግባር 2፡- ንባብዴስ ፋሌንጋ

39
ክንፅፃንቲ/ታ፡-ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ
ፄውቱንዴስ ፋሌንጋ፣ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ ካልካዋ ዴሜካ እምፕላኒ
ኣንቤብታይ፡፡

5.1.3. ካልካውሳ ኽዮ እርዳትስትጝ

ቴግባር 3፡- ቹኒቲኑዴስታጛርቱ ንባብዴስፉንኩ ካልካስ ምስሌ ኽዮስታ ፊሪስፄ ኽዮ ፃፋን፡፡

ቹኒቱኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ ካልካዋ ዴሜካ
እምፕላኒ ኣንቤብታይ፡፡ አንዴስ ፋሌንጋ እንት እምፕል እምፕል ምሳሌ ይታታጊ ኣሴቴፍጛንታ
ፄውታታጊ እንፀኽስታንታ ፄፒ፡፡
5.1.4 ፡ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #ክቤብኩ አባልካ ጎቤንጛጚ; ናውሳ ፁፎ ባኔባንቶ ኣንቤብጝስ ኬሌቴፍጝፄካማ

ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ
ኣንቤብጝ ካሉንታ ኣቕጝስ ሞኬራን፡፡

5.1.4. ሳዋሳው

ቴግባር 1፡- እይስቱንክ ዲብቴርትካዴስ ስማጌሌፅፅካዋ ጎሌላማ ፍሽጝ

ክንፅፃንቲ/ታ፡- እይስቱንኩ ዲብቴርትካዴስ ስማ ጌሌፅፅካ ጎሌልካማ ፍሻንታ ይስጝፃን፤ ክንታንትካ

እንፃኽስቱኑሳ ክላ ኣሬምትካያን፡፡

ላጛንቲ ስኾት

5.2.1. ቹኒትጝ እስታ ዙሚጝ

40
ባር ዳርስታ ዙራሙሪ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

ባር ዳር ኬቴም እኖጂስ ክልል ኬቴማ ታኹስ እንካንስትኹ ታና ኣይኩ ናቕትዳ ኣኽጝስ ኣይኪ

ኣቒስ እንክንስቲትያኽ፡፡ እናጚዋ ኬቴማዋ ጎቤንጝስ ኣጌር ኣቕ ይቪችካ ያኻንውሌስ

ባርኾቼዴስጊ ሜንች ጎቤናንትካ ጎቤናና፡፡

ሳኑ እንኩዊንት አይኩ ድብዚዴሲ ይንታው ንፋሲሲቲ አይርስ አዝዝስታማጊ ቓቓፄ፡፡ ችኺ

ዋርፍካ ዳላው እሪ ዝኮ፡፡ እኹ ሚኩፂ እኹምሳለ፣ ሚንቻላኪ፡፡ ኬቴሙ ዙራሙሪዳ ዝኩንኩ ካንካ
ሼሬንቕካስት ዋል ዊኒኪ አምሉስ ኬለምስ ሹፌንስቱንኩያኽ፡፡ ጋያኪ አዋው ወርፍዳ
አንቤብካስስና ቴሴካልካስ ሼቤርክስትካማ ካፅንሰታኒ ግድኪላ አይላ ግዴ፡፡ ዊሪ ጊሪ ዱጊኒ፣ ፃፂ፣
ባዙሰቲ እ.አ.ኮ ኽሳንትካ ካንካ ፅልካ ካንካስ እጄብስትካማ ኬቴምሰታ ዙራሙሬ ካዌንስታ ፄፈ
ሴይፅካ

ባርዳር ባራኾቼስ ጐቤናንትካ ጉስጝ ፌትሬቱ ግዶስታ እንጅኩጝጚ ዝኮ፡፡ ዋሺኒስኪ ዳድስ
አሜችጝቱት ኬቴማኻ፡፡ ቲኑ ዳንጉት ምክንያትስ እንኬ ኪሳንታ ብስጝጝስቱንኩ ቑንዳስቴንካስ
አኪምካ ሜሳካራይንቲያኽ፡፡ እንጊሱባ ማኺቴ ማራማርጚስ ፋያንኩ አችስ ጉደ ዋይሜ
አሜኪማ ዙርጝስ ካላና፤ አኹሳ ትክም ፂኒሳንኩ አቕንትካ አኹኪ ቢዲሪ ፂንስጘ ø ጄሜሩኑ አባዩ
ብኑ ዙራሙሪ ያኻማ አግስቴ፡፡ ውላዳስጊ ኪቻ ኽሳንትካ ኬቴምካው ዝኩዋኒው ቼኔክስትጝስታ
ኪሊኽጙ ታኬፅፅኽ አቕ ፍትሬቱሳ ግዶ ድንግልኒስ ፃንኩትትስ ካንፅፅጝስስታ ጋሼጝስ ልቓ
ጌርክካኪላ ሰላምስ ፃትቲስስታ ዴስቲስ ሴሌፍስትጝስ እና ኬተማሾ ጐሬፍስታና፡፡(ብርሃኑ ዘሪሁን
1952 ዓ/ም የአንባ ደብዳቤዎች ኬሽጝጛማ ዲግኹ)

41
ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ አንታንታ
ፄውጝስ ይስጝፅጝ እይስቴ፡፡

5.2.2. ጛርትስ ኣንቤብካማ እርዳትስትጝ

ክምንትስ ፊታው እንፅኺ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ፁፍዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካዋ ዴሜካ እምፕላኒ ኣንቤብታይ፡፡

5.2.3. ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

42
ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ
እያንታ ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

5.2.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ;ክምንትስ ፊታው እንፅኺ; ናው ጛሪስ ፁፎ ባኔባንቶ ኣንቤብጝስ ኬሌቴፍጝፄካማ

ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ
ኣንቤብጝ ካሉንታ ኣቕጝስ ሞኬራን፡፡

5.2.5. ሳዋሳው

ቴግባር 5፡- እይስቱንክ ዲብቴትካዴስ ስማጌሌፅፅካ ጎሌላማ ፍሽጝ

ክንፅፃንቲ/ታ፡- እይስቱንኩ ዲብቴርትካዴስ ስማጌሌፅፅካዋ ጎሌልካማ ፍሻንታ ይስጝፃን፤ አንዴስ

ድምክና ስማ ጌሌፅካ ካልካዋ ቴኬምስቲካማ ዲብቴርቶ ክንታንትካ እንፃኽስቱኑሳ ክላ
ኣሬምትካያን፡፡

5.3 ሹኻንቲ ስኼት

5.3.1. ቹኒትጝ እስታ ዙሚጝ

ትስኪ ፎፎቲ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ንባብዴስ ሲፍካማ ይንታኩሳ ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ

43
እምፕላኒ ኣንቤብታይ፡፡ እንት ኣንቤብቱሲ፣ስካውካ ካልካ ዝኩኒዴስ ፍሽታታ ፃርኪ ሳንክዳ
ፃፊጝስ ኽዮ እንት ድቑዊ፤ እንዴስ ሲፍፄታ ዴሜካ ክንታንትካ ውላ ሜፃፎ እሚንኩ ኣኽጘ ø
ቼሜትጝፄታ እንቤብንታ ፄፒ፡፡

ዳንግሊ ኬቴምዴስ ምራብ ዳብዚሾስ 38 ኪ.ሜ ማኪናስ ኣሌፋ ካቻ ኬቤሌ ታምቢንታ ትስኪ
ፎፎቴ ኣግፄና፡፡ አውጚስ ትስኪ ንጝ ኻል ንጝ ያኹሲ፣ ትስኬ ካስጝስ ዳንግሊስ፣ እን ዳድ
ኣሜቺቲያስ፣ እንጃቢሪዴስ ጂይካማ ቻግኒሾ ካፃው ዳድስ ቅዳማጃኺታ 18 ኪ.ሜ.
ካቱንዴስ ፋሌንጋ፣ ሴሜንሾ ኣፄፍስትጝስ ሳኑኪ ማኪናስ፣ ችኻኪ ልኩስ ኣኹኪ ፊሪሲስ
16 ከ.ሜ. ካቱንታ ትስኪ ፎፎቴ ኣግፄና፡፡

እን ፎፎቲ ፌቴርስታው ኣዋሲስታ ግዛኒ እስታንኩ ኽሳንት ላጛ ብንካዴስ ያኹሲ፣ እኒጛ

ብንካኪላ ቻሪ እስታው ኬቤሊዴስ ጆያካማ ኣላፊካቻ ኬቤሊዳ ታምትጜካማ፣
100 ሜትሮ ኩክራ ዋውርስትካማጊስታ ጎግርካማጊ እታኒስ ትስኪውሳ ፎፎቴ ፌቴራና፡፡
ጎግርካማጊ ኩክራሾ እታማ ኣምፕሾ ጁዋው ትቴስታ ትሼ ፄጌራው ኬሌሙ ግዲት
ማሪያም ዱንጋሳ ካንፅፄ፡፡

ትስኪ ፎፎቲ ካንትስቱስ ግዲትዴስ ድምክና 75-100 ሜጋ ዋት ኤሌክትሪኩሳ ኣይሎ

ፍሻማ ቴከምስትጝስ ካሊስታው አኽጞ ø ሞይቴንካ ድኹዋና፡፡ ፌቴርስቱንዴስ ፋሌንጋ
ኣውሲስታ ግዛኒ እስታንኩ ብንካ ጌሙኒዴስ ፋሌንጋ ዳንዳ እስትጝስ ግልገል ባላስሊ
አሌቄትጛና፡፡

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ

44
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ አንታንታ
ፄውጝስ ይስጝፅጝ እይስቴ፡፡

5.3.2. ጛርትስ ኣንቤብካማ እርዳትስትጝ

ቱሪስትኩ ጉሰፅካ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ እንዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ፁፍዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

5.3.3 ካልካውሳ ኽዮ እርዳትስትጝ፡-

ቴግባር 3፡- ቹኒቲኑዴስስታአንቤብቱኑዴስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንታን፡፡ እንት ኣንቤብቱሲ፣ ስካውካ ካልካ ዝኩኒዴስ ፍሽታታ
ፃርኪ ሳንክዳ ፃፊጝስ ኽዮ እንት ድቑዊ፤ እንዴስ ሲፍፄታ ዴሜካ ክንታንትካ ውላ ሜፃፎ እሚንኩ ኣኽጘ ø
ቼሜትጝፄታ እንቤብንታ ፄፒ፡፡

5.3.4.ኬሌቴፍጝፃማ ኣንቤብጝ

45
ቴግባር 4፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡-“ቱሪስትኩ ጉሰፅካ” ናውሳ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝ
ካሉንታ ኣቕጝስ ሞኬራን፡፡

5.3.5. ሳዋሳው

ቴግባር 1፡- ስማጌሌፅፅካ ቴኬምስትካማ ዲብቴርቶ ሲሪጝ፡፡

ክንፅፃንቲ/ታ፡- ስማ ጌሌፅካዋ ክንቲኑ ኣኺኒስ ጛራ ጛራ ስማ ጌሌፅፅካኩ ኣይኔትካዋ

ቲኪምስቴካማ እምፕል እምፕል ዲብቴርቶ ሲራንታ ፄፒ፡፡ ጉዶ እንፃኽስቱንክሳ ይስጝፃን፤
ዴሬት ኑንኩ ክንታንትካዋ ጊዞ እምቴታ ክንፅፅጝ እይስቴ፡፡

1.3. ግምጋሚ፡-

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣

 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣

 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

1.4. ናሙን ዙርምካ፡-

ክንፅፃንቲ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ውን አሱኩ እስታ እሊኩ ናሙንካ ዙርምካ
ሲፉኽታ ዲግንኩ አኽጝስ ቲኪምስቲት፡፡

46
5.1.2 ጛርቱ ንባብ 5.2.5 ሰዋሰው
በ.ጊሊፅፂ ካል
በ. ጎሌልጚ
1. ዎጌ 2.ድንጉሊ 3. ባኑሳ 4. ትሙርሙሬ

1. በ 2. ከ 3.ኸ 4. ኸ 5.ድሚ

5.2.3 ካልካ 6. ታቔ 7.ድንቡል ቡሌ 8. ሊጊሲሚ

ከ. ፊሪስፂ ክይሊ ድንግርስጝ

1.ቨ 2.ሰ 3.በ 4.ከ 5. ኸ

ፋንቲቲ ኣንኩዋ

6.ስፖርት (15 ጊዝ ቤና)

ክንትጝኩ ዋይምካ፡-ክንታንትካ እን ፋንቲቲ ክንቲዴስ ፋሌንጋ፡-

 ንባብዴስ ዲግኹሳ ቹዋ አሳቦ ቹኒትካማ ጛውሳ እንኮኽስቶ ዋርቕሳና፡፡

 ንባቡሳ ዝርዝር ንባርካዋ አንቤብካማ ዙርፅካማ ፃፋና፡፡
 ግስካዋ ቴኬምትካማ ዴብቴርቶ ሲራና፡፡
 ጉሽትጝኩ ካልካዋ ቴኬምስታና፡፡
 ቱንዚውሳ አሳብ ምሻሳኺትጝፃና፡፡
6.1. እምላንቲ ሶኼት
6.1.1. ቹኒትጝስታ ዙሚጝ

ዝቤኑ ስፓርት እንዳርማይ?

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ኣዴር!ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ

ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ

47
ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ
ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ;
ስፓርቱ እንዳርማይ? ; ናው ጛሪስ ዲጉኽሳ ፁፎ ቹኒትጝዴስ ሲፍካማ ይንታንኩሳ ቴግባርካዋ
አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ ካልካዋ
ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ዝቤኑ ስፖርት ባይልቱውስታጊ ዝቦ ዝብሊ ታምትጝፃው ፣ዲግስጝፃውስታ ውላ አሌምዳ

እንካንስታው ሰፖርትያኽ፡፡ ዝቤኑ ስፖርት ጚጛርታዳ አምንጛው፣ ይሳንስታ ቲን ዌናሳ ክምንቶ
አፌርጝስ አጌዜ፡፡

ዝቤንኩ ስፖርትኩ አንክርካዋ አንኩዋስ ቤናማ ካንትጝስ ካሊሰቴ፡፡ ላኹኪ ኩታ እንክራ ያኹስ
ልኩቲ ኩታ፣ ይኺ ኩታ፣ ታፍኩታ፣ ችኻሊት ኩታስታ ቴሬፒዚት ኩታ እንክራሳ ቴክላልጝፄ፡፡
ላጛንቲ አካሉ ዳሊት ልቕልቓስታ ይዝኩቶ ጐሽጞ ø ቴክሌልጝፄ፡፡ ሹኻንቲ ዴሜካ 2. ጊጚ
ዋውርጝስታ ፕርጝ (ጊ.ዋ.ፕ.) እስታው አትሌቲክሱ ሰፖርት ስያሚኪ ሹኻ አይኔት እንክሪኩ
ስያምካዴስ ጄሜርካማ ፌዳልካዴስ ካፅስቱንኩውያኽ፡፡ ስያሚኩ ጊጚ፣ ዋውርጝሰታ ፕሪጝ
እስታንኩ ስፖርትኩ አይኔትካዴስ ጄሜርካ ፊዳልካዴስ ካፅሰትኹያኽ፡፡

*** ዝቤኑ ስፖርት ንጝ ዳራ ንጝይ***

ሴዛንቲ አች ዴሜካ ምንጊ ባይልኩ እንክርካ እሺንኩስታ ጝሺ ዝቤኑውሳ አችትጚንኪ ቡንካ

፣አኹ ባምባ፣ ዎንች ፊሪሲግልባስታ ጌሜድ ጉስጝጛሳ እሜውያኽ፡፡ አንኮንቲ አች ዴሜካ ዝኩኽ
ባይሪዴስ ጁኽሳ ጚይቤቺ ሜዴብስትጝስ ካላው ቦክስያኽ፡፡

አንዴስ ድምክኒሰኪ ዝቤኑ ስፖርት እንዝርና ናንትካስ ያኽስታንኩ ብሽክሊሊቱ ፣ ሞተር

ብሽክሊሊታውስታ ማኪናው አን ፌቴፌቴ ዝቤኑ ስፖርትካዋ እሚኹያኽ፡፡ እኒ ዝቤንኩ
ስፖርትካ ክቻዴስ ልኩ ኩታሳ ጚቢቼ ካፅናና ትክሞ ካንትንስ፡፡ አሌሙ ክብስ ኬፍንኹ እንካንት
ዝኩኽ እሳን ቻቤልስት ዝኩኽስታ ዝኔ ፌቴስኹ ዝቤኑ ስፖርትያኽ፡፡

48
ልኩ ኩታው እንክሪ ጚው ያኹኽ እግስስታ ዴንብ ዝኩኽያኽ፡፡ እግካስታ ዴንብካ ዴሜካ ጛው
ያኹኽ ትክም ዝኩኽያኽ፡፡ እንክራንትካዋ ትንካኪስ እንክርፅጝስ ካሊፃና፤ እንክራንትካዋ
እንክሪውሳ ካሌቕቶ እንዳርውላ ጌጌውስትስታ ችግራጊታ እንክርጝስ ቴኬምስታና፡፡እሊኩ
እንክራንትካውሳ ሜብቶ ኬቤርፅጝስ ካሊፃና፡፡ እንዴስ ድምክና ልኩ ኩታ እንክራ እግስታ ዴንብካ
ካንታንትካዋ ፍትኽፅጝጝስታ ዴስፅጝስ እያኑ ትክም ኬፍንኹያኽ፡፡

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

6.1.2 ጛርትስ ኣንቤብካማ እርዳትስትጝ

ይቶፒያኩ አትሌትካ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ክንታንትካ እኑት አጌራዳ አቕስቱንኩ

49
አትሌትካዋ አቑዊጝስ ድኹዋንታ ፄውቱንዴስ ፋሌንጋ፣ እንት ዴሜካ ንባብዳ ዝኩኽሳኪ እሊኩ ንባርኩ
አሊካዴስጊ ፋታታ ጌሌፅታይ፡፡

6.1.3 ካልካውሳ ኽዮ እርዳትስትጝ

ቴግባር 5፡- ቹኒቱኑዴስታ ንባቡ ፁፍዴስ ካልካስ ምስሌ ኽዮስታ ፊሪስፄ ኽይ

ክንፅፃንቲ/ታ፡- ቹኒቲኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፡፡

6.1.4. ኬሌቴፍጝፃማ ኣንቤብጝ

ቴግባር 6. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ፡- #ይቶፒያኩ አትሌትካ; ናውሳ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø ዴስጝጛንታ
እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝ ካሉንታ ኣቕጝስ ሞኬራን፡፡

6.1.5. ሳዋሳው

ቴግባር 7፡- እይስቱንክ ዲብቴርትካዴስ ዲብዌናስታ እንፂውፄግሶ ጎሌላማ ፍሽጝ

ክንፅፃንቲ/ታ፡- እይስቱንኩ ዲብቴርትካዴስ ዲብዌናስታ እንፂውፄግሶ ጎሌልካማ ፍሻንታ ይስጝፃን፤ክንታንትካ

እንፃኽስቱኑሳ ክላ ኣሬምትካያን፡፡

6.2. ሶኼት ላጛ

6.2.1. ቹኒትጝ እርዳትስትጝ እስታ ዙሚጝ

ማንድ እንክሪው ታሪክ

50
ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ኣዴር!ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ

ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ
ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ
ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ;
ማንድ እንክሪው ታሪክ ; ናው ጛሪስ ዲጉኽሳ ፁፎ ቹኒትጝዴስ ሲፍካማ ይንታንኩሳ ቴግባርካዋ
አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ ካልካዋ
ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ማንዱ እንክሪ አጌሌጌላው ካርጝዴስ ግቢስቱኽ እንክረፂ አግስትጝታሰታ አምላኩ ክምንትዴስ

ፍና 6 ንቲ ስታ 7 ንቲ ዝቤን ቤናዴስ ፍና እንክሪ እን አጌራዳ ዜዌታሪስታሺኹ አኽጞ ø ካንፅፃው
ንባር አግስቱታ ጌሌፅካ፡፡ እን ባይሉ ስፖርት ጂሜርጝጚ ሊጊሲሚ ጊዙ ታሪክ ዝኩኽ አኽጞ ø
ቼሜትጚፃው ታክፃኻዳ ሚንች ሊኽ አሜትዴስ ፍና አውሮፓስ ይቶፒያው ፅናትስታ ምርምሪ
ሜሴሬታንቲ ያኹኽ ሂቦሉዶፍ እስታንኩ ጃርማኑ ታክስፃኻዳ አግስቱታ ዜዌትርስታ ሺኹስታ
ጌሊፁንኩ አኽጞ ø ታክስፂዳ ፃፋማ አግስቱታ ሪቻርድ ጌሌፃ፡፡

እንዴስ ፍና አፄ ቴዎድሮሱ ዜቤኑ ምንግስትዳ ይቶፕያሾ ቱንኩ እንግሊዜንካ ክቻዴስ አፄ

ቴዎድሮስ ዲጊው አፄብ እሺኹ ዋልተር ፕላውንዶን ሪፓርትስ ጌሌፅኹሰታ በጌምድርዳ ራስ
አሉላው ካምፓኻዳ እሺንኩ ዎታትካ ኬፍቲኒ እንኮኽስትስ ማንዱሳ እንክሬ እንክራሺንኩ
አኽጞ ø እርዳትፄ፡፡

አፄ ምኒሊኩ ዝቤን ምንግስትዳ ማንድ እንከሪው እሳንጝጚሳ ትጌ ታይቱ ባቱል አይሎ ኬፍቲኒ
ምር እሺኾ፡፡ አሉላ ዎቴሉ አጋልግሎትስታ ትክም አቕስታቲው ዝቤንዳ ትጌ ታይቱ ስማስ
ዎቴሎ ሲሪፅካሺኑ አኽጝስ ዎቴሉሳ ትክሞአቕትጝፅጝስ ማንዱሳ እንክሬ ልኺትጛሳ ካስጝፃሺና፡፡
እንክሪ ኽስኹስ ምግንስት ጝናሱ ዙራሙሪዳ ዝኩኑ ሹማምንትካ ኬፍቲኒ አኺኒስ
ቴዌቴርስታኺኹዋ፡፡

51
እንግዲ አጉዊዴስ ካንትንኩ ንባርካው ስሬትስ ጊቢቲው እንክሪ ይቶፕያስ አምላኩ ክምንትዴስ
ፍኖ ጄሜራማ ዜዌተርስታሺኹ አኽጞ ø ስታ ክችቲኒዝቤንዳ ልግሶ ካንፅፃማጊ ማሳፍንቱሳስታ
ማኮንንቱ ዝቤን ምንግስት ጝናስስታ አዴባባይዳ ኬፍቲኒ እንኮኽትስ ዜዌቴርስታው ባይሉ
እንክሪ እሺጞ ø ታሪክ ቼሜትጝጝፄ፡፡

ናካኪላ እንክርፃንቲ ባይሉ እንክሪ ዋኽ ይቶፒያስ ዜዌትርስታማስታ እሳንጝጝስ ባይሉ

ልኺትጝጚው ስፖርት አኽጝስ አጌላጌሌ፡፡

ቴግባር 2. ፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡-ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ

ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

6.2.2. ጛርትስ ኣንቤብካማ

ዳባ እንክሪ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

52
ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ዳባው እንክሪ ክንታንትካው ሙሪዳ
ዋታ ያኹታ ግልፅስ ድኹዋንታ ፄፒ፡፡

6.2.3. ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒቲኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፡፡

6.2.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #ዳባው እንክሪ; ናው ጛሪስ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø ዴስጝጛንታ
እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ ካሉንታ ኣቕጝስ ሞኬራን፡፡
6.2.5. ሳዋሳው

ቴግባር 1፡- ሳዋሰውኩስታ ፃፊጝኩ ቴግባርካ

ክንፅፃንቲ/ታ፡- እይስቱንኩ ጛርካዴስ ጎሌልካማ እምፕል ቱንዜ ፃፋንታ ፄፒ፤እንዴስ ድምክና ሳዋሳውካዋ

ማሉንኩ ኣኽጘ ø ቼሜትጝፅጝስ ዲጉንኩ ውን(አሱኩ) ካሲካዋ እንፃኽስታንታ ይስጝፃን፤ ክንታንትካ

እንፃኽስቱኑሳ ክላ ኣሬምትካያን፡፡

6.3.1፡- ቹኒትጝ እስታ ዙሚጝ

ፊሪሲው ቾልቲ

ቴግባር 1 ፡- ቤዴራ ቹኒትጝኩ ካሲካ

53
ክንፅፃንቲ፡- ኣዴር! ፍናኪ ክጛርትጛሳ፣ ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ ጛሪዳስታ
ስልዴስክንታንትካ ጋማኑሳ ኣሳቦ ቻቤልቱንዴስ ፋሌንጋ ቤደራ ቹኒትጝኩ ካስካዋ ጉሽጝስ ክንታንትካ ቹኒትጝዴስ
ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ
ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ; ፊሪሲው ቾልቲ ; ናው ጛሪስ ዲጉኽሳ ፁፎ ቹኒትጝዴስ
ሲፍካማ ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ
ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ናኪኒ ቴክኖሎጂ ፌቴሩክ አቓ ግብሪ ትራንስፖርቱ አጌላጌልፂ እን አጌራ አዲልስቴውላ

ቲጉኒውላ አሌሙ ዝብዳ ያኻ ዋልቴን አጌርካ ድምክኒስ ታምትጝቴው ብቲስ እንዝርናንኩስታ
አይርስ ብራናንኩ ትራንሰፖርቱ አጋልግሎት ጄሜርስታያሱ ጊዝስ ፌይንኩ ቴርትካ ጌፄርኪ
፣አሬሳ ቻነትካዋ ኬታሙ ዝብሊ ታምትጝጝፂዉ ዳድ ሼውታ ብስስታያሱ አኽጝስስታ
ሲሪስታያሱ አኽጝስ ውላ ይቶፕያኻዳ ትራንስፖርትስ አጌላጌልስታሺኹ ጊፆ ኪስጝጚስ፣ ዳር
ድንቤራሳ ማንዲጝስ፣ ጛስጛው ዎሬምስታ ኹሉቺፋ ይቶፕያዋ ዴፌርጝስስታ ዎሬራንትካ ድሎ
ታሳሺኹስታ ፅላት ዴሬታኒኪ ስግሪስአይሊኒ ጋሌብጝስ ፊሪሴ ቴኬምስትጝስ ፅላትካዋ(ታሊያኖ)
ዴምሴሳ፡፡

ፌሬሱ አሬኽት ናኪኒታጊ ስልኪ አኹኪ ራዲዎን እሼያሱዳሰታ እሳንጛያሱ ጊዝስ ፊሪሴ ቻናማ
ጌሌብጝስ እንፅኼንቶ ታምፅጝስ አኹኪ ፅላትዴስ ቴንኬኬስትጝስ አጌዛሽንኩ ዝቤና ፍታን
እንፃኽጝጚው እምፕል ፊሪሲስጋሌባማ ታምብጝስ እሺኾ፡፡

እን አኽጝስ እንካንስቲስታ እጂኹ ፊሪሲው ስፖርት፣ ይቶፕያው ባይሉ ስፖርት፣ ፌዴሬሸን

ልኺትጝጚሾ ዙርጝስ፣ ክልልካ ልኺትጝጛንታ ፄውጝስስታ እሳንጝጚዳ አግስቴ፡፡

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ ጛጂሱ ሙሪዳ ፊሪሲው ቾልቲ ዋኒ ዋኒ ካንትጝስ ካላኑታ ካስቴታጊ፣ ያቑኑሳጊ ኣሳቦ
ፍሻንታ፣ ካሲካዳ ውላ ክንታንትካ ኣሴቴፍጛንታ ፄፒ፡፡

54
6.3.2. ጛርትስ ኣንቤብጝ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 1፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

6.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

6.3.4. ኬሌቴፍጝፃማ ኣንቤብጝ

ቴግባር . ኬርታ ጋቲታስታ እይስትኹ ጊዝስ ኬሌቴፍጝፄካማ ኣንቤፓን፡፡

ክንፅፃንቲ/ታ፡- “ጉግሱ ስፖርት” ናውሳ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ
ካሉንታ ኣቕጝስ ሞኬራን፡፡

6.3.5. ሳዋሳው

55
ቴግባር 5. እይስቱንክ ዲብቴርትካዴስ ዲብዌንካ ጎሌላማ ፍሽጝስታ ዲብቴርቶ ሲሪጝ፡፡

ክንፅፃንቲ/ታ፡-እይስቱንኩ ዲብቴርትካዴስ ዲብዌናሳስታእንፂውፄ ግሶ ጎሌልጝስ ፍሻንታ ፄፒ፡፡ ፌይኹ ሶኼትዳ

ክንፅፄኹታ ዲብዌናሳስታ ዲቦ ማሉኽስ እንግራ እርዳትቲፅ፣ዊዲዳኪ ጉዶ እንፃኽስቱንክሳ ይስጝፃን፤ ዴሬት
ኑንኩ ክንታንትካዋ ጊዞ እምቴታ ክንፅፅጝ እይስቴ፡፡ ይስጝ ኑንኩስታ ጎቤዝትስ ቤዴር ኑንኩ ክንታንትካ ዙኩንዴስ
ፍንሾሱ ሶኼቱ ክንቲዴስስታ ቴግባርካዴስ እንፃኽስታንታ ፄፒ፡፡

ግምጋሚ፡-

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

6.4. ናሙን ዙርምካ፡-

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ ውን አሱኩ እስታ እሊኩ ናሙንካ

ዙርምካ ሲፉኽታ ዲግንኩ አኽጝስ ቲኪምስቲት፡፡

6.1.3 ካልካ 6.2.3 ካልካ

ከ ፊሪስፂ ኽይሊ ድንግርፃን ከ ናኺሲ ስፍሬ ዋኽትጝፅጝ

1. ለ 2.ሰ 3. በ 4. ገ 5. ከ 6. ጞ 8. ቨ 9. 1. ዝቒኾ 2.አይጛ 3. እክንሩና 4. ቴሴማ

አ 5.ቱሼ

56
6.3.5 ሳዋሳው 1. ክንታንትካ 2. አግፁት 3.ይታላ 4.
ግባርካ 5.ስር
በ. ዲብዌናዋ ፍሺጝ

ፋንቲቲ ላጜታ

7. ኣኹ (15 ጊዝ ቤና)

ክንትጝኩ አላምካ

እን ፋንቲቲው ክንቲዴስ ፋሌንጋ ክንታንትካ፡-

 ፁፋሳ አሳቦ ዝርዝርስ አንቤብካማ ኽይትጝፃና።

 ዋኽትጙኽሳ ዲብቴርቶ ጛጛራስ ፃፋና።

 ግሳ ጌሌፅካዋ ቴኬምስትካማ ዲብቴርትካዋ ሲራና።

 እይስትኹ ጛሪዳ ካራካርጝጛና።

 እይስቱንኩሳ ግስካዋ ቴኬምስትካማ ዋኽትጙሳ ዲብቴርቶ ፃፋና።

7.1. እምፕላንቲ ሶኼት

7.1.1.ቹኒትጝ እስታ ዙሚጝ

ኣቒ ኣኹጋቲታ እንዳራ ያኼ?

ቴግባር 1፡- ቤዴራ ቹኒትጝኩ ካስካ

ክንፅፃንቲ/ታ፡- ኣዴር! ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ ጛሪዳስታ

ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ ክንታንትካ ቹኒትጝዴስ
ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ

57
ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ; ኣቒ ኣኹጋቲታ እንዳራ ያኼ?; ናው ጛሪስ ዲጉኽሳ ፁፎ
ቹኒትጝዴስ ሲፍካማ ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ
ያኻና ኔኩሳ ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ኬቤድ -;ኣቒ ኣኹጋቲታ ዋሳላካሳ እጂጝስ ካሌ?; ንኾ ኬቤድ ጌቤላ እሼያማ ጝና ቱጝ ኑታ፣ ኣኾ
ቴሌቓማጊ፡፡

ፌንታውን- ዳማይ ዴክ ጋቲኻማ? ኣይጎ ንኾ እንፃንቲ ጜፄ፡፡ ዳማይ ማልጛ ፃንቑንቴማ እሽቴ?
ፌንታውን ቻሪው ኬቴምዳ ኣኹው ሜስሪጝናዳ ኣኹው ሞይቲኒያኽ፡፡

ካፔስማ? ኔኾ ጜቓ ሻሼ፤ዝቓሺኹሳ ቢቻሬ ቻቤልታታጊ፡፡ ይጋ! ካፒ ጌርክ ጋያ ብብራ ሺኾ፡፡

ፌንታውን ሲፍፃማ; ኣኹሳ ጋያ እኖጂሱ ይዎትስ ፋይፃንቲጉ ኣይጎ ታቓያማ?; ንጝስ ኣኹ

ይዎትስ ዝኩኽሳ ትክሞ እርዳትፅጘ ø ጄሜርኾ፡፡ ;አኹ ይዎትስ ዝኩኽሳ ትክሞስታ ፍትሬትካስጊ
ኣኹ ፋይፃንቲያኽ። ;ኣቒያ ኣኹ ጋቲታ ልቓ ጌርክካዋ ዝኩጝስ ካሌ ያኼ። ኣቒው ኣካል ሹኻዴስ
ላጛታፋሳ ያኻው ኣኹዴስ ግቢትስትኹዊያኽ። አካልኩ ቤንካ ጛራ ጛራ እይስቱኑሳ ቴግባሮ
ኣኮሜችጝስ ኣኹ ጋቲታ ካላላ። ምግቦ ኣሌቒትጝፅጝስስታ ኣካላኻዳ ኣግስታንኩ ፃምካዋጊ
ድፅጝስ ኣኹ ቴኬሜ።“

ኬቤድጂ- “ውን ጋይ፣አኹ ጋቲታ ዳራ እንፃኽስትኔ? ኑና ዲቡ ክችዳ ቱዌካማ፡፡

ፌንታውን ጊሊፅጜ ሲፍፅጝስ፣ “ኣቒው ኣካልክላ ኣኾ ኣግፃው ኹስታው ምግብ ዴስ፣ ኣኾ

ዝቕጝስ፣ እሊኩ ዝቕካዋ ዝቕጝስ፣ ሜጌብስትንኹ ምግብ ኣካላኻዳ ፃይጛማ እሊኩ ዲብካሾ
ኪስስታው ጊዝ ፌቴርስቴ።ኣቒው አካል ቴኬምስትኹሳ ኣኾ ሊሊትጙንኩ ኣኼንካስ ድፄ።
እንጚኪ ቻኺስስታ ስስቒስ፣ ፊኹስስታ ብስቒስ ድስቴ።አምፕል ኣቒው ኣካል ጌርክ ቺፋ እንፁኒ
እንፁኒ እምፕል ሊትሮ ኣኾ ዝቕጝ እይስቴ። ኣኹ ዎሺኒስጊ ኣኽቴን ኣካልካው ልቕልቕቲሳ
ፋይፃንቲያኽ።እን ኣኽጝስኪ አይኪ ቲንዌና አቒ ጌርክ ቺፋ ሜንች ፅንኩት ኣኾ ዝቕጝ እይስቴ።;

58
ናማ ፌንታውን ኣኹውሳስታ ኣቒውሳ ታምትጜ ዛራዛራማ እርዳትፅኾ፡፡(አካባቢ ሳይንስ መማሪያ መፅሃፍ
4 ኛ ክፍል)። (1993 ዓ.ም)። ቦሌ ማተሚያ ድርጅት)

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ክንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

7.1.2 ጛርትስ ኣንቤብካማ እርዳትስትጝ

ኣኹኩ ኣካልካ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 1፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ክንታንትካ እኑት አጌራዳ አቕስቱንኩ አትሌትካዋ
አቑዊጝስ ድኹዋንታ ፄውቱንዴስ ፋሌንጋ፣ እንት ዴሜካ ንባብዳ ዝኩኽሳኪ እሊኩ ንባርኩ አሊካዴስጊ
ፋታታ ጌሌፅታይ፡፡

7.2.3 ካልካውሳ ኽዮ እርዳትስትጝ

59
ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ እይጝ፡፡

ክንፅፃንቲ/ታ፡- ቹኒቲኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ

እስታ እሊኩ ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል
ምሳሌ ይታታጊ ኣሴቴፍጛንታ ፄውታታጊ እንፀኽስታንታ ፄፒ፡፡

7.1.4. ኬሌቴፍጝፃማ ኣንቤብጝ

ቴግባር 5፡-

1 ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ;ኣኹኩ ኣካልካ; ናውሳ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ
ካሉንታ ኣቕጝስ ሞኬራን፡፡

7.1.5. ሳዋሳው

ቴግባር 1፡- እይስቱንክ ዲብቴርትካዴስ ስማጌሌፅካዋ ጎሌላማ ፍሽጝ

ክንፅፃንቲ/ታ፡- ስማጌሌፅካውሳ እንዳርቶ ማሉኽስ እይስትኹሳ ጌሌፅፄ እይቱንዴስ ፋሌንጋ፣ ዲጉንኩ ካስካዋ ካንትጝስ
ክንታንትካ እንፃኽስታንታ ፄፒ፡፡እይስቱንኩ ስማ ጌሌፅካስ ዲብቴርትካዋ ሲራንታ ፄውቱንዴስ ፋሌንጋ፣ ቤዴር
ንካማ ዙርፄ ዲግሱንኩ ክንታንትካውሳ ዴብቴሮ ኣሬምታይ፤ ጉዶ እንፃኽስቱንኩሳ ይስጝፃን፤ ክንታንትካ
እንፃኽስቱኑሳ ክላ ኣሬምትካያን፤ሲፍፄታኪ ክንታንትካስ ቴክሌልጝፄ እይ፡፡

7.2. ላጛንቲ ሶኼት

7.2.1. ቹኒትጝ እስታ ዙሚጝ

ኣኹ ይዎትያኽ

60
ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ኣዴር!ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ ጛሪዳስታ

ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ ክንታንትካ ቹኒትጝዴስ
ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ ኬችስኪ ያኻ ጛርቱስ ያኼካማጊ ውላ
ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ; ኣኹ ይዎትያኽ; ናው ጛሪስ ዲጉኽሳ ፁፎ ቹኒትጝዴስ
ሲፍካማ ይንታንኩሳ ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ
ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ይዎት ዝኩኽ ዲብካስጊ ቲካው አግስታቲው ኣኹው አብትያኽ። ፍትሬትካስጊ ይዎቱ ስራ

አኽጝስያኽ፤ አኹ ይዎትያኽ እስታው፡፡ አኹዋቲስ ኣዝሜሮ ልሚፅጝስ፣ ኤሌክትሪኩሳ አይሎ
አግፅፂስ፣ እንዜጝትጝፂስስታ ፄጌርጛውሳ ልማቱ እንፅኺካጊ ሜንቾ ትክሞ እያና።

ዝኩኑኽ ብቲ ሊኽዴስ ላጚቲፅካ አንኩዋ ያኻዉ ቤን አኹስ ሾፌንስቱኽያኽ። እን አጌራ

ይቶፕያኪላ ኬፍቲኒ ያኹኽ አኹው አብት ዝኩትያኽ። ድንቤሮ ኬውጝፃካማ አንዜጛንኩ ካንካስ
ኬቤብስቱንኩ እሳንካ ብንካ ዝኩና። አይክካ ሊሊትጙንኩ ቴግባርካስ እሺጝ ኽብፄ ሻራሻርካማጊ
ዋሌን አጌርሾ ካሳንኩ ብንካኪላ ዴዴክ ልማቱ እንፅኺስ አጌላጌልጝ እይስታው እሺኹዋ።
ያኼስጉ እን አጌራሱ ይኮኒሚው አክም እንፂጝ ምክንያትካ ዝኩኽ አኹው አብትስ ዋኽስ ዋኾ
ቴኬምስትጝስታ ፋዮ ዋኽፅጝስ ካሊናያ።

እኑ አጌራው ቹዋ ቱፂው አግፅፂስታ ሜንቻ ዝቡ ቺችጝፂ ያኹኽ ግብርኒ እሪውሳ ጊዞ ማንዳማ

አኮሜችስታው ቴግባርያኽ። እሪውሳ ጊዞ ማንዳማ እሉቲያስ ግብርኒው እንፅኺዳ ኬፍቲኒ
ችግሮ ፌቴርስትጝስ ካሌ።ጝሼ ይንታው ካግትስ ድርክስ ምርኪ ፌቴርስታው እሬ አቱጙ
ምክንያትስያኽ።

ጌርክዴስ /ካግትዴስ/ ምርኪዴስ አኹ ችግርዴስስታ አቕኪላ ቼግርጛንኩዴስ ፊጝስ ዝኩኽሳ

አብቶ ቱስቲስ ቴኬምስትጝ ፋይስቴ። አኹ አብታሳ ቴኬምስትጝስ ዴሜካ ኬፍቲኔ ፍሼ ካሴንኩሳ

61
ዴዴክካ ግቢትስታኑባኺስታ እኒ ቴግባርካዋ ፌፄምጝስ ጌንዜብ አግስቱታጊ ቴኬምስትጝስ
አኹውቹቕካዋ ኩፕፅጝስታ እንፅኺዳ እሽፅጝ ፋይፄ።

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡-ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ

ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብስታንኩ ፁፍካዋ ኣንቤብካማ ይንታንታ
ፄውጝስ ይስጝፅጝ እይስቴ፡፡

7.2.2. ጛርትስ ኣንቤብጝ

ኣባዊው ብኒ

ቴግባር 1 ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 1፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

62
7.2.3. ካልካውሳ ኽዮ እርዳትስትጝ

ቴግባር - ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋጝ፡፡

ክንፅፃንቲ/ታ፡-ቹኒቲኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ ካልካዋ
ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ ኣሴቴፍጛንታ
ፄውታታጊ እንፀኽስታንታ ፄፒ፡፡ኬሌቴፍጝፃማ ኣንቤብጝ

ቴግባር 1 ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ፡-; ኣባዊው ብኒ;ናው ጛሪስ ዲጉኹሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ ø ዴስጝጛንታ

እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጘ ø ካሉንታ ኣቕጝስ ሞኬራን፡፡

7.2.5 ክርክሪ

ቴግባር 1. ቤናኻዳ ካራካርጝ

ክንፅፃንቲ/ታ፡- ክንታንትካ ዙሚትጚውሳ ካሌቕቶ አድርፃንታ ጛስ ጛዋ ክርክሬ ፄዋንታ፣ክርክሬ ፄውጝዴስ ፍና ዲጉንኩሳ

ክርክሪኩ ሜሜርካዋ እርዳትፂፅ፤እንዴስ ፋሌንጋ፣ክንታንትካዋ ካራካርጝፅጝስ ኬች ኬችስ አችትጝጝፄታ እይስትኹሳ ሜሜሬ
ቴኬምስትካማ ክርክሬ ፄዋንታ፣ ዳኛ ዳኝካዋክላ ሴዬምታታ ክርክሬ ዳኛንታ ፄፒ፡፡ እይስቱንኩ ሜሜርካዋ ቴርታ
ፄውካማ ፄውኑሳ ክርክሬ ሲፍጝጝታታ፤ ጉዶ እንፃኽስቱንኩሳ ይስጝፃን፤ዳኛ ዳኝካ እያኑሳ ውቴቶ ኣቕፁንዴስ
ሲፍታታ ካራካርጛንትካ ክቻዴስ ጉዶ ካራካጙንኩ ክንታንትካዋ ግሺንዴስ ፋሌንጋ ክርክሪውሳ አኺኔ ክንታንትካስ
ቴክሌልጝፄ እይ፡፡

7.3. ሹኻንቲ ሶኼት፡-

7.3.1. ቹኒትጝ እስታ ዙሚጝ፡-

ዝቒውሳ ኣኾ ፃሚፃንኩ ዲብካ

ቴግባር 1፡- ቤዴራ ቹኒትጝኩ ካሲካ

63
ክንፅፃንቲ/ታ፡- ኣዴር!ፍናኪ ክጛርትጛሳ፣ክንቲውሳ ጛሬስታ ጌርኮክላ ኣቕጝትጝፂንዴስ ፋሌንጋ፣ሲፍፄታኪ
ጛሪዳስታ ስልዴስክንታንትካ ጋማኑሳ ኣሳቦ ቻቤልቱንዴስ ፋልንጋ ቤደራ ቹኒትጝኩ ካስካዋ ጉሽጝስ
ክንታንትካ ቹኒትጝዴስ ፍና እንዳራ ጋሚጝስ ካሉኑታ ዙማንታ ፄፒ፡፡ እኒጛ ካሲካዳ ኣሜቹታጊ
ኬችስኪ ያኻ ጛርቱስ ያኼካማጊ ውላ ክንታንትካ ዙሚስ ኣሴቴፍጛንታ ፄፒ፡፡ ሲፍፄታኪ;
ዝቒውሳ ኣኾ ፃሚፃንኩ ዲብካ; ናው ጛሪስ ዲጉኽሳ ፁፎ ቹኒትጝዴስ ሲፍካማ ይንታንኩሳ
ቴግባርካዋ አቕትጚፅ፡፡ ኣንዴስኪ ቹኒትስታው ፁፋኻዴስ ክንታንትካስ ስካውካ ያኻና ኔኩሳ
ካልካዋ ኽይታይቱንዴስ ፋሌንጋ ቹኒትጙሳ ፁፎ ላጚኒኣንቤብታይ፡፡

ኣኹው ቹዋ ችግር ፃሚትጚያኽ። ፃሚትጝ እስቱስክላ እሺኹሳ ፃንኩቶ ኣቲጝ ኣኹኪ ኪስስትጝ
ንጝ ያኽ። ኣኹ ፃሚታው ጊዝ ፍትሬትስ ጚጛራሳ ፃንኩፅጙሳ አክሞ ኔኬቴ። ፃሚትኹ ኣኹዴስ
ኮሌራ፣ ታይፎይድስታ እንጅኩፃው ቑንዚ ፌቴርስትጝስ ካሌ።

ኣኾ ፃሚፃንኩ ዲብካክላ ሲፋንኩ ያኽ። እንዴስ እምፕል ፃምካ ኣኹሾ ክቢጚ ሲያኽ።
ቻኺጝናዴስ እስታ ዝኩኒ ዙራሙራዴስ ክቢያንኩ ፃምካ፣ አኹዳ ኣሌቔትስታንኩ ዎሬኬትካ፣
ዝጉስቱንኩ ቼርክካ እንፅኺዳ እሺንኩ ሳሙኒኩ ኣኹ፣ ኣክኺ ቑፅስቱኩ ኣኹስታ ፋብሪኪዴስ
ባይስታንኩ ሜርዝካ ኣኾ ፃሚፃንኩ ዲብካዴስ ቹትካኽ።

እንዴስ ድምክና እርሺውሳ ምርቶ ሌጌፅጝስ ትክምዳ እሺው ማዳባሪ፣ ኣሬምካዋስታ ቑፃንትካ
ንፍሳትካዋ ድፅጝስ ግባር ቴኬምስታንኩ ኬምካልካክላ ኣኾ ፃሚፅጝስ ካላና። እን ኣኽጝስኪ
ኣኹውሳ ፃንኩቶ ኣኾ ፃሚፃንኩ ዲብካዴስ ማንዲናና ቴኬምስትጝ እኖጂዴስ ማንዲስቴ። (7 ኛ
ክፍል ማህበራዊ ሳይንስ ገፅ 80)

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብስትኹ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ኣንዴስኪ ክንታንትካ ክችክቻ ዙርፅጝስ
ቼጌርስቱንክሳ ካሲካዋ እንት ክችክቺስ ጌሌፅታታ ቴክሌልጝፄ እይ፡፡ እንሳ ፄውታታ ዴሬት ኑንኩ
ካንታንትካዋ ሺሽቱንዴስ ፋሌንጋ፣ ጌርኮ ኬፄርታታ ካፔታ እርዳትፅጝስ፤ ክንታንትካ ክቻዴስ ኣይሎ

64
ጎቤዝካስታ እሊኩዴስ ሊሊት ኑንኩስ ዴሜካ እሊኩ ኣንቤብሳታንኩ ፁፍካዋ ኣንቤብካማ እንታንታ
ፄውጝስ ይስጝፅጝ እይስቴ፡፡

7.3.2. ጛርትስ ኣንቤብጝ

ክንፅፃንቲ ቤኬል

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝዴስ እንዳራ እርዳትስትጝስ ካሉኑታ
ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡ ክንታንትካ እኑት አጌራዳ አቕስቱንኩ ኣኹዋ
ፃሚፃንካ ዲብካዋ አቑዊጝስ ድኹዋንታ ፄውቱንዴስ ፋሌንጋ፣ እንት ዴሜካ ንባብዳ ዝኩኽሳኪ እሊኩ
ንባርኩ አሊካዴስጊ ፋታታ ድምከወኔ ኣሳቦ ጌሌፅታይ፡፡

7.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒቲኑፁፍዴስእስታ ኣንቤብስቱኽ ፁፍዴስ ፉንኩ ካልካዋ ኽይስ ዛኽትጝፅጝስ እስታ እሊኩ
ካልካዋ ዴሜካ እምፕላኒ ኣንቤብታይ፡፡አንዴስ ፋሌንጋ እንት እምፕል እምፕል ምሳሌ ይታታጊ
ኣሴቴፍጛንታ ፄውታታጊ እንፀኽስታንታ ፄፒ፡፡
7.3.4.ኬሌቴፍጝፃማ ኣንቤብጝ

65
ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- “ክንፅፃንቲ ቤኬል” ናውሳ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝ
ካሉንታ ኣቕጝስ ሞኬራን፡፡

7.3.5. ሳዋሳው

ቴግባር 1፡- እይስቱንክ ዲብቴርትካዴስ ክፅልካዋ ጎሌላማ ፍሽጝስታ ዲብቴርቶ ሲሪጝ፡፡

ክንፅፃንቲ/ታ፡- እይስቱንኩ ግስካስ ዲብቴርቶ ፃፌካማ ካንፅፃንታ ፄውቱንዴስ ፋሌንጋ፣እንዴስ ድምክና

እይስትኹ “ኣኹው ትክም” ናው ጛሪስ እምፕል ቱንዜ ፃፌካማ ካንፅፃንታ ፄፒ፡፡ ጉዶ እንፃኽስቱንክሳ ይስጝፃን፤
እኒጛ ቴግባርካዋ እንፃኽስታኒስ ዴሬት ኑንኩ ክንታንትካዋ ጊዞ እምቴታ ክንፅፅጝ እይስቴ፡

ግምጋሚ፡-

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

ናሙን ዙርምካ፡-

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ ውን አሱኩ እስታ እሊኩ ናሙንካ

ዙርምካ ሲፉኽታ ዲግንኩ አኽጝስ ቲኪምስቲት፡፡

66
7.1.3 ካልካ ኸ. ዲብቴርትካዋ ዋኽትጝፃን

ቨ. ዲብቴርትካዋ ዋኽትጝፅጝ 1. አኹዋቲ 2. ዴዴክጝ 3. አኹ 4. ፍርዴስ

5. አኹ ባምባ
1. ዝኩዋላ 2. አኹ 3. ቻኺ/ስስቒያኽ 4.
ፅንኩት
7.3.3 ካልካ
7.2.3 ካልካ
ከ. ድንግርፅጝ

1. ኸ 2. ሰ 3. ከ 4. በ 5. ቨ

ፋንቲቲ ሶኼታ
8. አስሜምጝጚ/15 ጊዝ ቤና/
ክንትጝኩ ዎይምካ ፡- ክንታንትካ እን ፋንቲቲው ክንቲዴስ ፋሌንጋ
 እሊኩሳ ቹኒትካማጊስታ እሊኩስ ቴሮ እይካማጊ ዲብሳና፡፡
 ንባቦ ጛርትስ አንቤብጝስ ዝርዝር ጉዳይካዋ ኽይትጝፃና፡፡
 ጛ ክንቲ ጝናሱሳ እጎስታ ዴንቦ ፃፋና፡፡
 ክፅልካዋ ካልካዴስ ኔፄላና፡፡

8.1. እምፕላንቲ ሶኼት

8.1.1. ቹኒትጝ እስታ ዙሚጝ

ይንፃስታ አንጉቺ

ቴግባር 1፡- ቤዴራ ቹኒትጝኩ ካሲካ

67
ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ
ካላኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ቹኒትጝዴስ ሲፍካማ ይንታንኩሳ ቴግባርካዋ አቕትጝፂንዴስ ፋሌንጋ;ይንፃሰታ አንጉቺ; ናው
ጛሪስ ዲጉኽሳ ፁፎ ላጚኒ ኣንቤብታይ፡፡

ፍና ይንፅካዴስ እምፕላ ብላፃ እንታኒስ ኩስጝፂኾ፡፡ አንጉቺ እንዳራኪ ቤአንጉችካስታ አንቓ

አንቓዋ ይንፅካዋ ካንትካማ ቱትጝንስ፣ዛኽትጝንስ ናኒስ ይንፅካሾ ሹማጊሌ እንፃኹና፡፡ ይንፅካኪላ
ያኽስኑና፡፡ እንሳ አስሜምጜካማ ውሎ ፄውና፡፡ ኻስዴስ ዴልናውሌስ ድጙዋማጊ ዝኩጞ ø ታቔካ፡፡
ናካ ቱትጝኔስ፣ዛኽትጝኔስ ኔ፡፡ አቤችጝስ ያኹኒሳ እንዳማ ኣቕስቴ፡፡ “አይ ያኻ፣ አይ ያኻ ፍሮ
ግሽንስ፡፡“ አንዴስኪ ሴላምስ ይንቱኒኪ ሴላምስ እንፃኽኔ፡፡ ድኬ አሴቡኒ ኩፂ እኑት ፍራዳ ቱኔ፡፡
እን ኩስጝጚስ ይንፅካ ዴሱና፡፡ ፍር ግሽስትኾ፤ ኻስ ታምብኾ፡፡

አንጉችካ ሆ! ፡- “ሆ! ሆ!፣ ላሌቕ ላሌቕ“፣ንካማጊ ይንታኒስ፣

ይንፅካ ዴሜካ ፡- “ ሆ! ሆ! እኑ ክላ ኩስጝና፣

ፍሮ ግሽና፡፡

ድብቕ ድብቕ፡፡“

ንካማጊ ፍርሾ ድቭቕ! ንካማ አሜሌቱና እስቴ፡፡

ቴግባር 2. ፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝዴስ ፋሌንጋኩ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዲጉንኩ ካሲካስ ዙርፄካማጊ ዙማንታ ፄፒ፡፡ እኒጛ ካስካዳ ውላ ክንታንትካ ኣሴቴፍጛንታ ፄፒ፡፡ካሲካዋ
ዙርፅጝስ ቼጌርስታንኩ (ስኽጝ) ናንኩ ክንታንትካ ዝኬካ ዝኩኒ እሊውሳ ጊዞ ኬፄራማ እንግራ ዙርፃማ ክንፅፃን፡፡
ዙርሜኪ ካሴኪ ቤዴር ቤዴር ናንኩ ክንታንትካስ ዴሜካ እሊኩ ክንታንትካዴስ ኽስጝ ናንኩሳ እሳን ንኹሳ እሜ
እይጝስ ክንፅፅጝ፡፡

8.1.2 ጛርትስ ኣንቤብካማ እርዳትስትጝ

68
ውጂሰታ ድብ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2፡- ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

8.1.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ እይጝ፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንቲካ አሬምትካያን፡፡

8.1.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #ውጂሰታ ድብ; ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ ø ዴስጝጛንታ

እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ ካሉንታ ኣቕጝስ ሞኬራን፡፡
8.1.5. ፃፊጝ

ቴግባር 1፡- እይስቱንክ ዲብቴርትካዋ ሲሪጝ፣ ክፅልካዋ ኔፄላማ ፍሽጝ

69
ክንፅፃንቲ/ታ፡- እይስቱንኩ ክፅልዌና ካልካዋ ቴኬምስትካማ እንፃኽስቱኑሳ ዲብቴርትካዋ እንፃኽሱቱኑሳ
ካንቲካማ ይስጝፃን፤ ክንታንትካ እንፃኽስቱኑሳ ክላ ኣሬምትካያን፡፡

8.2. ላጛንቲ ሶኼት

8.2.1. ቹኒትጝ እስታ ዙሚጝ

ሹኻ ኣቑ ክርክሪ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

ምንጊሱ ጊዝዳ ሹኻ አቕ ጊፁ እንፅኺስ እምፕል ስፍሪሾ ካሳና፡፡ አቕ ሊሊትጙኽሳ ኮንኬ

ዲብሳንኩ ያኻኒሰ እምፕል አማኻርጜ፣ ላጛንቲ ትግርጜ፣ ሹኻንቲኪ አውጚ ዲብሳንኩ እሺና፡፡

ሹኻጊ ታምትጙኑ ዳዳ አኽጝስ እሊው ጉዳይስ ቱትጝጝስ ካሌካያ፡፡ አንዴስኪ አሴብኑ ያኻው
ምግብ ፋይፃው አኽጝስ እንዳራይ ኬሼ? ንካማ ዲብስጛኒስ እምፕሎ ፍያሌ ጄዌካማ አሬዱና፡፡
አንዴስኪ እሼ ሜጌብስቱኑዴስ ፋሌንጋ፣ አዮ ቤንጝጝስ አሴባኒስ ፣አማኻርጜ ዲብሳንቲ
ቤንጝጝዴስ ኪቻ” ስልቻ” ፄውንስኔ፡፡ ትግርጜ ዲብሳንቲ ዴሜካ “ሎቆታ”ጉ ስልቻ ፄውናላ ኔ፡፡
አውጜ ዲብሳንቲ ዴሜካ “ሽሊቴ“ ፄውንስ ናማ ካራካርጛኒስ አስሜምጛኑላ ይጉጝስ ፍርዶ
እያው ዳኚሾ ካሳና፡፡

ዳኚኪላ ፍርዶ እዩስ ሹኻጊ ዲብስቱኑ ሊሊትጛው ኮንኪጉ አሳብ እምፕል ያኽ ናማ

አስሜምጝፅኹዋ እስቴ፡፡(“ሞላ ደመቀ ፣2011 ዓ./ም ፣የአማራ ክልል ተርታተረት ስብስብ፣ፍኖተ ጥበብ ማተሚያ ቤት)

ቴግባር 2.፡- ቹኒትጝዴስ ፋሌንጝጋኩ ካሲካ

70
ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

8.2.2. ጛርትስ ኣንቤብጝ

አብታሚስታ አዩ ሞይቲኒ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ንባብዴስ ሲፍካማ ይንታንኩሳ ቴግባርካዋ አቕትጝፂንዴስ ፋሌንጋ #አብታሚስታ አዩ ሞይቲኒ;
ናውሳ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ ክንታንትካ
ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ እንዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ፁፍዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

8.2.3. ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ እይጝ፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ፣እንዴስ ድምክና እይስቱንኩ ዋኽትጜካያስኩ ዲብቴርካስ አስሜምጛንኩሳ ካልካዋ
ዋኽትጝፅጝስ ዲብቴርቶ ሲራንታ ፄፒ፤ ክንታንትካውሳ ዴብቴሮኪላ አሬምታይ፡፡

8.2.3. ኬሌቴፍጝፃማ ኣንቤብጝ

71
ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- #አብታሚስታ አዩ ሞይቲኒ; ናው ጛሪስ ዲጉኹሳ ፁፎ ባኔባንቶ ኣንቤብጝስ

ኬሌቴፍጝፄካማ ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል
ዳኪካስ ውኻ ካልካዋ ኣንቤብጘ ø ካሉንታ ኣቕጝስ ሞኬራን፡፡

8.2.5 ሳዋሳው

ቴግባር 1፡- እይስቱንክ ካልካዴስ ክፅልካዋ ጎሌላማ ፍሽጝ

ክንፅፃንቲ/ታ፡- እይስቱንኩ ካልካዴስ ክፅልካዋ ጎሌልካማ ፍሻንታ ይስጝፃን፤እንዴስ ድምክና እይስቱንኩ ፃምር
ካልካዋ ኔፄልካማጊ ክንታንትካ እንፃኽስቱኑሳ ክላ ኣሬምትካያን፡፡ እሊኩ ምሳልካዋጊ ዴሜክታታ እርዳትፂፅ፡፡

8.3. ሹኻንቲ ሶኼት

8.3.1. ቹኒትጝ እስታ ዙሚጝ

እንካንጝጚ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

እንካንጝጚ ልኺትጜስታ እንችቑዊንቶ ዊፃውያኽ፡፡ አንኮ ላጜትካ አን አዜዛኻኽ አን አዜዛ

ችጝካማ ጌውስጝካማዳኚውላ ካስካማ ጛራጛራ ሲፋማ ዝኩኽሳ ዲብስጝጜጄሜሩና፡፡ ጂሚሬኪ
ልምዳ ላጌታ እንታናማ ካሎ ዲግሱኻ፡፡ ውላዴስጊ ኽሳኻ ቡዛ አንያኽ፡፡ ቡንካስኪላ እንቶጂዴስ
ዊፃው እላኽ፡፡ እያስ አዚስስቴንታኽ ዝኩኽ ንኾ፡፡

72
ምልኻታንቲ ላጜታ እንሳ ቹኒታማ እንታ ናማ ዙርፅኾ፡፡ እንት ቡዚቲኒ ክዴስ ኽስኹሳ አቓንቲ
አንያኽ፡፡ አቒኪላ ይዳ ፄዋማ ፋይኹሳጊ ዲብስጝጛ ካንፅፃ፡፡ እን አኽጝስ ውላጊ እያስ
አዜዝስቴንታ ቱስታ ንኾ፡፡ ክችቴና ላጜታኪላ እንሳ እንኮኻማ እንታ ናማ ዙርፅኾ፡፡ እንትኪ
ቡዚቲኒ እንትኪ ታቑኒ ውላዲስጊ ኽሳኻስታ ሊጊሲሚ እንያኽ፡፡ እያስ አዚዝስቲኒ ኬሻውያኽ
ንኾ፡፡

ቲባኒት ላጜታ እንተ ኒኾ፡፡ እንቶጂ አን ያኽ አድራ ኑሲ እንዳራይ ትጝጝታኑ? አቒጊ ውላ

ሼሌማው እያዋኽ፡፡ እን አኽጝስ እያስ አድራስ አዛዝስታይጝ እይስታውያኽ፤ ኒኾ፡፡

ፅላጃ ባኔ ጅያታ አዴር ይፂሪ እን ውላ ዙሚትጝጚጊ ፄዋንታያላ፣ ግዲታያላ፡፡ ያኹኒውላ፣

ቻቤልቱኒኪ፣ ቻቤልታኑላ ይጉኒኪ ልቓ ኩስጚኩ ካልካዋ ይፅስ ቹኒታን ኔታ፣ኩስጚውሳ ኣሳቦ
እንታናማ እምትጝፅጞ ø ጄሜርኾ፡፡

ይፂሪ ዳማይ ኣሬባቲውዳ ዲብዳ ጌውስጝታኑ? አን አዜፃኻ! አን አዘፃኻ ትጝጝቱኒ እኖጂ ዋኒኪ
አቒኩ አዜዝስታንትካኽ፡፡ አስሜምጝናና እንፅኼ እንፃኽስትናና እን ፅሊ እንትፄ አይሎ ይምስ
እንሳ አስሜምጛውሳ እስቴ ናይፅስ ናማ ሲፋማ ዝኩኽሳ ዲብሳይኾ፡፡ አምፕልትስታ
አሰሚምጝጚ ግርቦ አይሎ እያውያኽ ንኾ፡፡ /ትምህርትና ስነ ጥበብ ሚንስቴር 1984 ብርሃንና ሰላም ማተሚያ ቤት
አዲስ አበባ/

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

8.3.2. ጛርትስ ኣንቤብጝ እስታ ዙሚጝ

ካሊትጝጛማጊ አስሜምጝጝ

ቴግባር 1. ቤዴራ ንባብኩ ካሲካ

73
ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

8.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ እይጝ

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

8.3.4. ኬሌቴፍጝፃማ ኣንቤብጝ

ቴግባር 1፡- ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡-“ካሊትጝጛማጊ ዝኩጝ” ናውሳ ፁፎ ባኔባንቶ ኣንቤብጝስ ኬሌቴፍጝፄካማ

ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ
ኣንቤብጝ ካሉንታ ኣቕጝስ ሞኬራን፡፡

8.3.5 ሳዋሳው

ቴግባር 1. እይስቱንክ ዲብቴርትካዴስ ክፅልካዋ ጎሌላማ ፍሽጝስታ ዲብቴርቶ ሲሪጝ፡፡

74
ክንፅፃንቲ/ታ፡-እይስቱንኩ ክፅልዌና ካልካዴስ አኹኪ ዲብቴርትካኻዳ ክፅሊ ዝኩንኩ ካልካዋ ጎሌልካማ ኣኒጛ
ካልካስ ዲብቴርቶ ሲራንታ ፄፒ፡፡ ጉዶ እንፃኽስቱንክሳ ይስጝፃን፤ ዴሬት ኑንኩ ክንታንትካዋ ጊዞ እምቴታ
ክንፅፅጝ እይስቴ፡፡

ግምጋሚ፡-

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

ናሙን ዙርምካ፡-

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ውን አሱኩ እስታ እሊኩ ናሙንካ

ዙርምካ ሲፉኽታ ዲግንኩ አኽጝስ ቲኪምስቲት፡፡

8.1.3 ካልካ

ከ. ምስሊ ኽይሊ ድንግርፅጝ

1. ቨ 2. ኸ 3. ሸ 4. በ 5.ከ

8.1.5 ሳዋሰው

ከ ክፅልካ

75
1. ጂሱ 2. ጂስ 3.ካ 4.ካ 5.ካ

8.2.3 ካልካ

ቨ. ናኺሲ ስፍርካዋ ዋክትጝፅጝ

1. ክማስግላ 2. እቺቴ 3. ኬፄርቱስ 4. ዋሌን 5. ኩፂ

8.3.3 ካልካ

ከ ፊሪስፂ ኽይሊ ድርግርፃን

1. ሸ 2. ጞ 3.ከ 4.ኸ 5.ገ 6. ቨ 7.ሰ 8.በ 9.ለ 10. አ

ፋንቲቲ ሴስታ
9. ዝቡ ሚድያ /15 ጊዝ ቤና/
ክንትጝኩ ዎይምካ ፡- ክንታንትካ እን ፋንቲቲው ክንቲዴስ ፋሌንጋ፡-
 ድውስትኹሳ ዙሜ ቹኒቲካማ ቹዋ አሳቦ ድኾና፡፡

 እምፕሎ ፁፎ አንቤብካማ እርዳትስትጝኩ ካሲካዋ ዙርፃና፡፡

 ኔፄልካዋ ዲብቴርትካዋ ቴኬምስትጝስ ቱንዜ ፃፋና፡፡

 ካልካዋ ዲብቴርቱ ቱትጚታ/context/ኽይትጝፃና፡፡

 አማኽጝፅካዋ ቴኬምስትካማ ዲብቴርትካዋ ሲራና፡፡

9.1. እምፕላንቲ ሶኼት

9.1.1. ቹኒትጝ እስታ ዙሚጝ

76
 ዝቡ ሜብትስታ ሚድያ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካላኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ቹኒትጝዴስ ሲፍካማ ይንታንኩሳ ቴግባርካዋ አቕትጝፂንዴስ ፋሌንጋ; ዝቡ ሜብትስታ ሚድያ
ናው ጛሪስ ዲጉኽሳ ፁፎ ላጚኒ ኣንቤብታይ፡፡

ዝቡ ሚድያ ትክላሊስ ኔፃስታ ክችክቺ ያኼካማ ዝኩኹሳ ውንቶ ዝብስ አቕፅጝስ ክንትፅጝ
አንታውላ ዋኒስኪ አጌሩ ጉዳይዳ ዝብ አቕትዳ ስርቱኽስ ውሳኔ እይጝስ ካሊፃታ ክችክቼስታ
ጊዙሳ ንባሮ ዲግሳንኩ ኾትካኽ፡፡ እንዴስ ጃላኪ ሚንችካው ታምትጝፂ እምፕልታቓኻዳ ዝኩኽ
ምንግስትስስታ እሊኩ ኾትካው አኮሜችጝዳ ሴንታማንዲታ ያኼካማ ዝቦ አጌላጌልጝስ
እንፃኽስታንኩ ኾትካኽ፡፡

ራዲዮኑስታ ቴሌብጅኑ ፌያፌይጝካ፣ ጋዚቲውስታ ሜፄቱ እትሜትካ እሳንጛካማጊ ካሳኒስ

አጌራቕኩ ሜብትካ ኬቤርስታንታ ፄውጝስ እንክራዉ ምር ኬፊቲኒ ያኻማጊ ካሴ፡፡

ትክላሊስ ሜብትካው ትሴት አቕጝስ ያኻ ያቓውላ ሊሊትጙንኩ ዎጌንካስ ፌፄምስትጝ ካሌ፡፡

ምንግስትኩ ስልታን ዌና ስልታኖ ታዛ ፄውጝስ አጌራቑሳ ሜብትካዋ ታሲጞ ø ካላና፡፡ ጛርት አጌር
አቕኪ ጊዊስ ያኹኪ እሊው ምክንያትስ እሊኩ ጛርት አቑሳ ሜብትካዋ ታሲጝስ ካላና፡፡
ማቤራቕኪ እንግራ ይጉዊ ዴሱ እንፃኽስትጝጚስ ሜብቶ ታሲጝስ ካሌ፡፡ አጌራቕትኪላ አቕቱ
እንፅጝዴስ ጁኽስ ጛ ሜብትካው ዴፌርስትጝስ ምክንያት አኽጝስ ካላና፡፡ ይው ሜብት ኔክስታ፣
ይው ሜቤት ታሲስታ ናማ ካሲጙ ሜብቶ አቕትጝዴስስታ እርዳትስትጝዴስ አግስታው አኽጝስ
እን አቕት እላ ያኹኒዴስ ሜብትካ ታሲስትጞ ø እርዳትስትጝስ ካሊስታላ፡፡

ቴግባር 2፡- ቹኒትጝዴስ ፋሌንጝጋኩ ካሲካ

77
ክንፅፃንቲ/ታ፡- ቹኒትጝዴስ ፋሌንጋኩ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዲጉንኩ ካሲካስ ዙርፄካማጊ ዙማንታ ፄፒ፡፡ እኒጛ ካስካዳ ውላ ክንታንትካ ኣሴቴፍጛንታ ፄፒ፡፡ካሲካዋ
ዙርፅጝስ ቼጌርስታንኩ (ስኽጝ) ናንኩ ክንታንትካ ዝኬካ ዝኩኒ እሊውሳ ጊዞ ኬፄራማ እንግራ ዙርፃማ ክንፅፃን፡፡
ዙርሜኪ ካሴኪ ቤዴር ቤዴር ናንኩ ክንታንትካስ ዴሜካ እሊኩ ክንታንትካዴስ ኽስጝ ናንኩሳ እሳን ንኹሳ እሜ
እይጝስ ክንፅፅጝ፡፡

9.1.2 ጛርትስ ኣንቤብካማ እርዳትስትጝ

ዝብ ሚዲያኩ ዜርፍካ

ቴግባር 1፡- ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

9.1.3 ካልካውሳ ኽዮ እርዳትስትጝ፡-

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፤፤

78
ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንቲካ አሬምትካያን፡፡

9.1.4. ኬሌቴፍጝፃማ ኣንቤብጝ

ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ;ዝብ ሚዲያኩ ዜርፍካ; ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ ø

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝ ካሉንታ ኣቕጝስ
ሞኬራን፡፡
9.1.5.ፃፊጝ

ቴግባር 1. እይስቱንክ ዲብቴርትካዋ ሲሪጝ፣ ክፅልካዋ ኔፄላማ ፍሽጝ

ክንፅፃንቲ/ታ፡- እይስቱንኩ ካልኩፕካዴስ እንፕሎ ጎሌልካማ እምፕል ቱንዜ ፃፋንታ ፄፒ፣ሲፍፄታኪ ታስኾ ናው
ካልስ እይስቱንኩ ሊሊትጙንኩ ኽይካ ካንትካማስታ እርዳትስትካማ ኽይጝስ ዲጉንኩ ካልካስ ዲብቴርቶ
ሲራንታ ፄፒ፤አንዴስ ፋሌንጋ እንፃኽስቱኑሳ ዲብቴርትካዋ እንፃኽሱቱኑሳ ካንቲካማ ይስጝፃን፤ክንታንትካ
እንፃኽስቱኑሳ ክላ ኣሬምትካያን፡፡

9.2. ላጛንቲ ሶኼት

9.2.1. ቹኒትጝ እስታ ዙሚጝ

ዝቡ ሚድያ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

79
ዝቡ ሚዲያ ንጝ ሜንች ዝቦ ቴክኖለጂኩ ሜሳርካዋ ቴኬምስትጝስ ሊሊትጙንኩ እሌትኩ፣
ሶኼትኩሳስታ አንዴስ ጃላ ጊዝካውሳ ንባሮስታ እንፅኼንቶ እሳንስ ቴኬምስታንትካስ
ታምፃውያኽ፡፡

እኒጛ ሊሊትጙንኩ እንፅኼንትካዋ ቴሌቪጅንስ፣ ራዲዎንስ፣ጋዚቲስ፣ ኢንቴርኔትስ፣

ዩቱብስ፣ሜፄትካስ፣-- ዝብስ ታምፅጝስ ካላና፡፡

ዝብክላ እኒጛ ሊሊትጙንኩ ንባር አግፅፅካ አልካዴስ ራዲዎኖ ቹኒታማስታ ዩቱዩቡስታ

ቴሌቪጅኖ ካንትካማስታ ቹኒታማ፣ ጋዜቴካዋስታ ሜፂትካዋ አንቤባማ ፣እንታ እንታ
ኮንኩዴስጊ ጊዙሳ እንፅኼንቶ አግፅጝስ ካሌ፡፡

ምንጊ ዝብ ንባሮስታ እንፅኼንቶ አግፃው ዳብዳቢስ፣ ራዲዎንዴስ እስታ ቴሌቪጅንዴስ

ይቪቺዴስ እሺኾ፡፡ ናኪኒ ዝቤንዳ ኩፂ ሜንች አቕ ንባሮስታ እንፅኼንቶ አግፃኑ ሞባይልዴስ
ያኻማጊ ይንታ፡፡ ዝብ ሞባይልዴስ ኬቴምዳኪ ጌፄሩ ዙራሙሪዳ ያኻማ
አፄብሊ፣ዛኽሊ፣ሞይቴንሊ አሳቦ ኪስጝጜ፡፡ እንዴስ ድምክና ፕሮግራምካዋ፣ ቴሌቪጅኖ፣ ዩቲዩቦ
፣ጋዜቴ፣ ሜፄቶ ፣ሊሊትጙንኩ አቕፅካዋ፣ሙዚኬ፣ ድራማዋ፣ ሊሊትጙንኩ ፍትኽፃንትካዋጊ
ሞባይሎ ብስናና አሳቦ አግፅጝስ ካሊኔ፡፡

ዝብኩ ታምትጝጝፅካ ማቢሪውሳ፣ ኢኮኖሚውሳ፣ ፓሊቲካውሳስታ ሊሊትጙንኩ አቕፅካዋስታ

ክንቲኩ አቕፅካዋጊ አግፅጝስ አጌዛው ዝቤንኩ ቴክኖሎጂኩ ውቴትካዋ ቴኬምስትጘ ø ካሌካ፡፡

ቴግባር 2. ፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

9.2.2. ጛርትስ ኣንቤብጝ

ጋዚትካስታ ሜፄትካ

80
ቴግባር 1. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካሉኑታ ዙማንታ ፄፒ፡፡እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ንባብዴስ ሲፍካማ ይንታንኩሳ ቴግባርካዋ አቕትጝፂንዴስ ፋሌንጋ;ጋዚትካስታ ሜፄትካ; ናውሳ
ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ ክንታንትካ ውላ
ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ፁፍዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

9.2.3. ካልካውሳ ኽዮ እርዳት

ቴግባር 1፡- ቹኒታቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ፣እንዴስ ድምክና እይስቱንኩ ዋኽትጜካያስኩ ዲብቴርካስ አስሜምጛንኩሳ ካልካዋ
ዋኽትጝፅጝስ ዲብቴርቶ ሲራንታ ፄፒ፤ ክንታንትካውሳ ዴብቴሮኪላ አሬምታይ፡፡

9.2.4. ኬሌቴፍጝፃማ ኣንቤብጝ

ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፤፤

ክንፅፃንቲ/ታ፡- #ጋዚትካስታ ሜፄትካ; ናው ጛሪስ ዲጉኹሳ ፁፎ ባኔባንቶ ኣንቤብጝስ

ኬሌቴፍጝፄካማ ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል
ዳኪካስ ውኻ ካልካዋ ኣንቤብጘ ø ካሉንታ ኣቕጝስ ሞኬራን፡፡

81
9.2.5 ሳዋሳው

ቴግባር 1. እይስቱንክ ካልካዴስ አማኽጝፅካዋ ጎሌላማ ፍሽጝ

ክንፅፃንቲ/ታ፡- እይስቱንኩ ካልካዴስ አማኽጝፅካዋ ጎሌልካማ ፍሻንታ ይስጝፃን፤እንዴስ

ድምክና እይስቱንኩ ዲብቴርታኻዳ ዝኩንኩ አማኽጝፅኳ ጎሌካማጊ ፍሻንታ ፄፒ፤ ክንታንትካ

እንፃኽስቱኑሳ ክላ ኣሬምትካያን፡፡ እሊኩ ምሳልካዋጊ ዴሜክታታ እርዳትቲፅ፡፡

9.3. ሹኻንቲ ሶኼት

9.3.1. ቹኒትጝ እስታ ዙሚጝ

ሼዎ ብራን ክንታንትካ

ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

እምፕል ዎርፍዳ አቓ ግብሪ ኬሴት ምክንያትስ እሎ አቱንኩ ላጛ አዲስ አባባ ዩንቨርሲቲኩ

ክንታንትካ እሺና፡፡ እሉሳ ብራኖ አቱኑ እንፃኺታስ እሽኾ፡፡ እንፃኺታስ ጄሜርካማ ፁፍ
ፅንታስኩስስታ ሴንኩሳ ሜፃፍካዋ አንቤብካማጊ ራዲዎንኩሳ ፕሮግራምካዋ ቹኒቴካማጊ
ሌጌስካ፡፡

ላጛንቲ አችኩ ክንታንትካ አሺኑ ጉዝማ ብሬልስ ፃፋንኩሳ ፁፍካዋ ክንቲጝናሱ ሚኒ ሚዲያዳ
ዲግስካሺና፡፡ ጛው ሚኒሚዲያውሳ ቴርቶ ቹኒታሽንኩ ክንቲ ጝናስኩ ማቤር አቕኩአባልካ
ዴኔክስትጞ ø ሊሊትጙንኩ ዳድካስ ጌሌፃይካሽና፡፡ሼዎ ብራንካ ንካማጊ ጋሻሺና፡፡ “ሼዎ ብራንካ”
ዩንቨርስቴ ቱኒዴስ ፋሌንጋ ብሬልስ ፃፊስቱንኩ ልቦሌድካዋስታ ሚንችካ እምፕላንቲ አሜት

82
ዩንቨርሰቲኩ ክንታንትካ እሸኑ ጊዛይ ይቶፒያው ቴሌብጅንስታ ራዲዎኑ አችት ፁፍ ፅንታ
ሊኽትጝጚውሳ አቕፄ ፍሽጞ ø ራዲዎንስ ቹኒቱና፡፡ አቕፂጛ እንፅኻሳ ዝብስ ኣቕፅጝስ ጁትጝፅኾ፡፡

እሎ ዴፌንካ ብሬልስ ፃፉንኩሳ ግትምካዋስታ ዴዴጝካ ልቦሌድካዋ ዎሬኬትዳ አፄብካስ

ፃፊፅካማ ሊኺትጝጚስ ዲግሱና፡፡ ሶኼትዴስ ፋሌንጋ ውቴት ራዲዎንስ ድኹስትኾ፡፡
እምላንቲስታ ላጛንቴ ፌካ ዊፅካማ ውላጊ እምፕሎ ራዲዎኖ ሼለምስቱና፡፡ እንኪ ላጛንቲ ኣቹ
ክንቲጝናሱ ሚኒሚዲያዴስ ሲፋማ ፁፍ ፅንታስ አቕስቶ አግፁኑ ጊዝ እሽኾ፡፡ እንስ ይስጝጜካማ
ቹዋ ቹዋ እስታንኩ እትሜትኩ ታምትጝጝፂኩ ሴልካስ ሚንችካ ዊድዊዲዳኪ “ትበብ
ማድ”ስታ” ይዎቱ ኩፒ” እስቱንኩ ላጛ ፁፍካዋ እምፕልታ አቴምፁና፡፡ አንዴስኪ ፁፍፅንታስ
ዝኒዌና እኽጝዴስ ድምክና እኒጛ ሼዎ ብራንካ ቴኬምስታንትካ አኽጝስ ካሉና፡፡ ፌቴርጝ ክሊስታሳ
ፁፍ ፅንታስ ሜሴኬርፅጞ ø ካሉንኩ አኽጝስ ዴስቴንካ ያኹና፡፡

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

9.3.2. ጛርትስ ኣንቤብጝ

ሚኒሚዲያ

ቴግባር 1. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ንባብዴስ ሲፍካማ ይንታንኩሳ ቴግባርካዋ አቕትጝፂንዴስ ፋሌንጋ; ሚኒ ሚድያ; ናውሳ ፁፎ
ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ ክንታንትካ ውላ
ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

83
ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ እንዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ግትምዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

9.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

9.3.3. ኬሌቴፍጝፃማ ኣንቤብጝ

ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- “ሚኒሚዲያ” ናውሳ ንባቦ ባኔባንቶ ኣንቤብጝስ ኬሌቴፍጝፄካማ ኣንቤብጘ ø

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ
ካሉንታ ኣቕጝስ ሞኬራን፡፡

9.3.5 ሳዋሳው

ቴግባር 1. #ክምኾ; ናው ካል ሊሊትጙንኩ ዲብቴርትካዳ ያኹሲ፣ሊሊትጙንኩ ኽይካ እያው

ኣኽጝስ እይስትኹ ካልስ ኣንኩዋ ዲብቴርትካዋ ሲራንታ ፄፒ፡፡እንዴስ ድምክና እይስቱንኩ

አማኽጝፅካዋ ቴኬምስትካማ ዲብቴርቶ እንፃኽስታንቲ ፄውቱንዴስ ፋሌንጋ እንፃኽስቱኑሳጊ

ኣሬምታይ፡፡

ግምጋሚ፡-

84
  ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣
 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

ናሙን ዙርምካ፡-

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ውን አሱኩ እስታ እሊኩ

ናሙንካ ዙርምካ ሲፉኽታ ዲግንኩ አኽጝስ ቲኪምስቲት፡፡

9.2.5 ሳዋሳው

በ. አምኽጝፅካ

1. ዳ 2. ሊ 3. ሸ 4. ዳ

9.3.3 ካልካ

ኸ. ክፅልካ

1.ካ 2.ሊ 3.ኦ 4.ኣ 6. ዳ 7. ኤ 8. ዴስ 9.ታ

ቨ. ምስሊ ኽይሊ ድንግርፅጝ

1. ሰ 2. ከ 3. በ 4.ኸ 5. ቨ

85
ፋንቲቲ ሶኼታ
10. ጊፅ /15 ጊዝ ቤና/
ክንትጝኩ ዎይምካ ፡- ክንታንትካ እን ፋንቲቲው ክንቲዴስ ፋሌንጋ፡-
 ንባብካዋ ቹኒትካማ ኬችስ ኩስጝጛና፡፡
 ዲጉኽሳ ፁፎ አንቤብካማ ውላ ቱንዝካውሳ ቹዋ አሳቦ ሺሻና፡፡
 እይስቱንኩ ጛርካስ ዴዴጞ ø ቱንዜ ፃፋና፡፡
 እምፕልዴስ ጃላ ኽይ ዝኩክሳ ካልካዋፃፋና፡፡
 ክፅልካዋ እሚንኩሳ ካልካዋ ቴኬምስትጝስ ዲብርቴርቶ ሲራና፡፡

10.1. እምፕላንቲ ሶኼት

10.1.1. ቹኒትጝ እስታ ዙሚጝ

ዝቤኑ ጊፅ
ቴግባር 1፡- ቤዴራ ቹኒትጝኩ ካሲካ

ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካላኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ቹኒትጝዴስ ሲፍካማ ይንታንኩሳ ቴግባርካዋ አቕትጝፂንዴስ ፋሌንጋ ዝቤኑ ጊፅ ናው ጛሪስ
ዲጉኽሳ ፁፎ ላጚኒ ኣንቤብታይ፡፡

እስካዊ ጊፅ እንፅኻሳጄሜርጝስ ጄሚሬ ማሊጝ ፋይሰታው እንዳሩ ጊፅ አይኔታሲ እንፃኽስትጞ ø

ፋናው እናና ጊፁሳ አይኔቶ ጎሌልጝ እይስቴ፡፡ ጎሌልናው ጊፁ አይኔት እጅኹ አኹኪ ስካዊ ናውሳ
ዎሴንጝስ እኖጂሱ ፌቴርጙ ካሊጝትስ እንዴስ ፍና እንዳድስ አዜጌጅኑኽ እስካዊ አሳብ ዝኩዋታ
ፋይፄ፡፡

86
እስካዊኪ ያኻ እጅኹ ጊፁሳ አይኔቶ ጄሜርጝስ ግድስ እምፕሎ ጊፁሳ አይኔቶ ጎሌልጝ ቱስቴ፡፡
እስካውካ ጊፅኩ አይኔትካውሳ አሳቦ አግፅጝስ አባላምቴ ዴንቤንካውሳ ፋዮ ካንትጝስታ
ቼሜትጝፅጝ፤ አንዴስ ድምክናኪ ዴስ ዝኩክሳ ጌፄኖ፣ ጊፂኩሳ አክኽካዋ ቤንጝፃንትካዋ እስታ
ሊሊትጙንኩ ጊፁ ኾትካዋ ኩስጝፅጝ ፋይፄ፡

/ተፈራ ሙሉነህ-2007 ዓ/ም የስራ ፈጠራና የብልፅርና ጥበብ-ሜጋ አሳታማ ድርጅት/

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝዴስ ፋሌንጋኩ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዲጉንኩ ካሲካስ ዙርፄካማጊ ዙማንታ ፄፒ፡፡ እኒጛ ካስካዳ ውላ ክንታንትካ ኣሴቴፍጛንታ ፄፒ፡፡ ካሲካዋ
ዙርፅጝስ ቼጌርስታንኩ (ስኽጝ) ናንኩ ክንታንትካ ዝኬካ ዝኩኒ እሊውሳ ጊዞ ኬፄራማ እንግራ ዙርፃማ ክንፅፃን፡፡
ዙርሜኪ ካሴኪ ቤዴር ቤዴር ናንኩ ክንታንትካስ ዴሜካ እሊኩ ክንታንትካዴስ ኽስጝ ናንኩሳ እሳን ንኹሳ እሜ
እይጝስ ክንፅፅጝ፡፡

10.1.2 ጛርትስ ኣንቤብካማ እርዳትስትጝ

ጊፅኩ እግካ

ቴግባር 1. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ግትምዴስ ፉንኩ ካልካዋ ኽይስ

87
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

10.1.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንቲካ አሬምትካያን፡፡

10.1.4. ኬሌቴፍጝፃማ ኣንቤብጝ

ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ‹‹ጊፅኩ እግካ›› ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ ø ዴስጝጛንታ

እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኃ ካልካዋ ኣንቤብጝ ካሉንታ ኣቕጝስ ሞኬራን፡፡
10.1.5. ፃፊጝ

ቴግባር 1. እይስቱንክ ካልካስ ዲብቴርትካዋ ሲሪጝ

ክንፅፃንቲ/ታ፡- ክንታንትካው ሜፃፍዳ ዛራዛርስቱንኩ ካልካዳስ ላጛ ኽይ ዝኩክሳ ጎሌልካማ ላጛ

ኽያሳ ፃዩንኩ ካልካስ ዲብቴርቶ ሲሬካማ እርዳትፃንታ ፄፒ፤እንፃኽሱቱኑሳ ካንቲካማ ይስጝፃን፤
እንዴስ ድምክና ክንታንትካ እንፃኽስቱኑሳ ክላ ኣሬምትካያን፡፡

10.2. ላጛንቲ ሶኼት

10.2.1. ቹኒትጝ እስታ ዙሚጝ

ዎርኩ ጊፂኒ

ቴግባር 1፡- ቤዴራ ቹኒትጝኩ ካሲካ

88
ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

ኽታዊኒ ጊዝስ እምፕል ዎርኩ ጊፂኒ እሺኾ፡፡ ጊፂኒኪ ዎርኮ ዎምቤራዴስ ያጋማጊ ጄዋንቲስ
ፊቲሳማጊ ዎያሺኾ፡፡ እን ጊፂኒ ዎርኩ ጊፅ ፊቲሳንቲ አኽጝስ ጌርክዴስ እምፕላቺ ዎርኮ
ዎምቤራዴስ እሜማ ይንቱስ ዴሬታኒ ዳዳ ዝኪት ጚጃሳ ኹዋዳ ዎርኮ እንኩራማ ፉርኾ፡፡
ጚቹጃኪላ ፊቴ ታቑኽ አኽጝስ ጚፄ ጝንዴስ ፊጝኑስ ዎርኮ ሙዳይዴስ ፍሽታታ ቤፍፅጝስ ጚውሳ
ሽሊቴ ካርጝስ ዋኽፄታ እንኩርቴ፡፡ ጊፂኒኪ ብቲቹስ ሺሊቴ ቻናማ ጌቤልሾ ካሳማ ዎይጝስ
ሲሊቲዳ ዝኩኽሳ ውላዋ ብኽፁስ ካርጝ ያኻማ አግፅኾ፡፡ እንስኪ ኪንካማ ይጉዌ፡፡ ውንጅሊኒ
እስታማ እግስ ኬሴስስታማ እንፄውስትኾ፡፡አንዴስኪ ዳኚ ላጛ ታፋሳ ዎርኮ ኪፂስታታ
ፌሬድስታማ ኽይስቴ፡፡

ጊፂኒኪ ዎርኮ እይጝስ አስሜምጛማ ዎንቤራሾ ካስኾ፡፡ ዴስስትኹስታ ዎርኮ እሜማ ዴስኹታ
ጚቹጃሱ ጝንዳ ፉሬ፡፡ ታክሲሎ ጚቹጃት ጚጃሳ ኹርፄታአኾ ችምቢጝስ ካቴ፡፡ ጊፂኒኪ ዛግራዋ
ኩዋማ አግጝስ ጄርዋ ካፃማ ዛግራዋ ኹርፃማ ካሴ፡፡ አንጚ ጊዛይ ጚቹጃ ቲንታታ ጄራዋ ካንቲስ
ዛግራ ታኻታ አግፄ፡፡ እን ጊዛይ ኮይቴኒ ዋሌንስታ እሊኩ አቕ ኩፑና፡፡ ጊፂኒኪ ጚቹጃስ ጃ ድስጞ ø
እንኮኹታ ያኻማ ካሴ፡፡ጚራ ድስቱት ጚቹጃ እንታ ኔትጊ እስታውሽቴ፡፡

ጚቹጃ -- “አይ ንጙዋ አይ ይው ክራ፣

ይጃሳ ኹዌታማ ዛግራ፡፡

ጊፂኒ-- አይ ጉድ! አይ ጉድ! አይጚ፣

ዎርክ ያኼማ ካርጚ

ጚቹጃ - ዎርክሳ ዝኮጉ ጉሊንቲዳ፣

89
 ዋታ ፄፔ ቼኬኔማ ይጃዳ፡፡

ጊፄኒ- ዎርክሳ ዝኩንዴስ ጉሊንቲዳ፣

ክጃኪላ ዝኬ ይኾዳ፡፡”

ንጝስ ላንጚጊ “ቤሳዋ ቤሳ ኬዋላ “ናኑታ አቤችጙንኩ አኽጞ ø አምንጜካማ ዎርክኪ ጄራኪ
አግስቱና ኑና ፡፡”

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

10.2.2. ጛርትስ ኣንቤብጝ

ግባርስታ ጊፂኒ

ቴግባር 1. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ

ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣
ንባብዴስ ሲፍካማ ይንታንኩሳ ቴግባርካዋ አቕትጝፂንዴስ ፋሌንጋ ግባርስታ ጊፂኒ ናውሳ ፁፎ
ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ ክንታንትካ ውላ
ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 1. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ፁፍዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

90
10.2.3. ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ፣ እንዴስ ድምክና እይስቱንኩ ዋኽትጜካያስኩ ዲብቴርካስ አስሜምጛንኩሳ ካልካዋ
ዋኽትጝፅጝስ ዲብቴርቶ ሲራንታ ፄፒ፤ ክንታንትካውሳ ዴብቴሮኪላ አሬምታይ፡፡

10.2.4. ኬሌቴፍጝፃማ ኣንቤብጝ

ቴግባር 6. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- ‹‹ግባርስታ ጊፂኒ›› ናው ጛሪስ ዲጉኹሳ ፁፎ ባኔባንቶ ኣንቤብጝስ ኬሌቴፍጝፄካማ

ኣንቤብጘ ø ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ
ኣንቤብጘ ø ካሉንታ ኣቕጝስ ሞኬራን፡፡

9.2.5 ሳዋሳው

ቴግባር 1. እይስቱንክ ካልካዴስ ላጛ ኽይዝኩንኩሳ ካልካስታ ቱንዜ ፃፊጞ ø ክንትጝ

ክንፅፃንቲ/ታ፡- እይስቱንኩ ምሳሊኩ ካልካው አኺኒስ አንኩዋ እንትጛራስ ፋታታ፣ ጛራጛራ ላጛ

ላጛሳ ዲብቴርካዋ እንዴስ ኩክራ እይስትኹ ምሳሊታ ፄውጝስ ፃፋንታ ይስጝፃን፤ እንዴስ ድምክና
ጊፁሳ እንፅኼ ማሉኸሲ፣ እምፕል ቱንዜ ፃፋንታ ፄውቱንዴስ ፋሌንጋ፣ እንፃኽስቱኑሳ ክላ
ኣሬምትካያን፡፡ እሊኩ ምሳልካዋጊ ዴሜክታታ እርዳትቲፅ፡፡

10.3. ሹኻንቲ ሶኼት

10.3.1.ቹኒትጝ እስታ ዙሚጝ

ኮንትሮባንድስቲ ግርማ

ቴግባር 1፡- ቤዴራ ቹኒትጝኩ ካሲካ

91
ክንፅፃንቲ/ታ፡- ቤዴራ ቹኒትጝኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካላኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ቹኒትጝዴስ ሲፍካማ ይንታኩሳ
ቴግባርካዋ አቕትጝፂንዴስ ፋሌንጋ ላጚኒ ኣንቤብታይ፡፡

ግርማ ኮንትሮ ባንዱ ጊፅዳ አሴሜርጛማ ኹሉችፋ ሲጋማሰታ ችንኬትስ ዝኩዌ፡፡ አክኽካዋ
ቤፍፃማ አጌር አኻሾ ሚፅጝስ ጉምሩኩ ማንዲፂዳ እንፃኽስታንኩ እንፃኽስታንትካስ ጉቦ ኬዬ፡፡
ያኼስጉ እምፕላቺ አክኼ ቢፍፃማ ፌይጝስ ፄዋው ትንካኪ ኬሼፋማ ታፍስ ታፎ እምስቱኒ
ጌንዜቡስታ እንፄውስትጙ ክፃት ሲፍፅጞ ø ያቓው አኽጝስ ጂፊሰቴ፡፡ ጚቓ ዎ/ሩ አለምነሽስታ ጚሪ
ችንኬትስ ዝኩዋና፡፡

ጌርክዴስ እምፕላቺ ዎ/ሩ አለምነሽስታ ጚሪ ኩስጝጜካማ ግርማዋ እቑዊና፡፡ ኩስጝጚዳ ጚሪ አጌር

አቕትስታ ምግባር ፅንታ ክንቲዳ ክንቱኑሳ እርዳትስትጝስ ኮንትሮባንድ ናቔንትጙ አሴብጝጚው
ዎይሚ አኽጞ ø ጌሌፅካያና፡፡ ግርማኪላ ኮንትሮባንድ ጊፅጝዳ አሴሜርጝጝው አጌሮስታ ዝቦ
ጉዳማጊ አኽጞ ø ጌሌፅጝስ ምርርንካማ ድኹና፡፡ ጝናቕኪላ ችንኬትዳስታ ጅፍንታኻዳ ዝኩጞ ø
፣ጚኪላ ጉቦ ኬይጝስስታ አክኽካ ዎሬስስታኒስ ሚንቾ ጌንዜቦ ኬሴርጝስ ጝናቕ ኪሺጝጙኹ ይዎቶ
ዝኩጝ ካሊካያስኩ አኽጞ ø ግልፅስ ኩስጝጙና፡፡ ኩስጝጚው ካስትስ ኮንትሮባንዱ ጊፅ
ኮንትሮባንዲስቶ፣ ማንግስቶስታ ዝቦ ጉዳውጉ አዋኪ ቴኬምስታንቲ ፄዋቲው አኽጞ ø
ቱትጝጙና፡፡ ዊድዊዲስኪ አቱ ግርማ እንሳ ዎንጁሉሳ ፄዎ ቲሪፃው አኽጞ ø ካሎ ቱኾ፡፡/4 ንቲ ቤንዳስ
ዛኽትጙኺ/

ቴግባር 2፡- ቹኒትጝዴስ ፋሌንጝጋኩ ካሲካ

ክንፅፃንቲ/ታ፡- ቹኒትጝኩ ፋሌንጋ ካስካዋ ጉሽጝስ ክንታንትካ ኣንቤብጝዴስ ፋሌንጋ እንዳራ እርዳትስትጝስ
ካሉኑታ ዙማንታ ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄፒ፡፡

10.3.2. ጛርትስ ኣንቤብጝ

እማ ትርፌ
92
ቴግባር 1. ቤዴራ ንባብኩ ካሲካ

ክንፅፃንቲ/ታ፡- ቤዴራ ንባብኩ ካስካዋ ጉሽጝስ ክንታንትካ ኣንቤብጝዴስ ፍና እንዳራ ጋሚጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ንባብዴስ ሲፍካማ ይንታንኩሳ
ቴግባርካዋ አቕትጝፂንዴስ ፋሌንጋ ፁፎ ዋታ ኣንቤባኑታ ካንትፅጝስ ላጚኒ ኣንቤብታይ፡፡ እንዴስ ሲፍፄታ ዴሜካ
ክንታንትካ ውላ ሜፃፎ እሚንኩ ኣኽጘ ø ቼሜትጝፄታ እንቤባንታ ፄፒ፡፡

ቴግባር 2. ንባብዴስ ፋሌንጋ

ክንፅፃንቲ/ታ፡- ንባብዴስ ፋሌንጋ ዲጉንኩሳ ካስካዋ ክንታንትካ ኣንቤብጝስ ዳራ እርዳትስትጝስ ካሉኑታ ዙማንታ
ፄፒ፡፡ እኒጛ ካሲካዳ ውላ ክንታንትካ ኣሴቴፍጛንታ ፄውቱንዴስ ፋሌንጋ፣ ፁፍዴስ ፉንኩ ካልካዋ ኽይስ
ዛኽትጝፅጝስ እስታ እሊኩ ካልካ ዴሜካ እምፕላኒ ኣንቤብታይ፡፡

10.3.3 ካልካውሳ ኽዮ እርዳትስትጝ

ቴግባር 1፡- ቹኒቱኑ ንባቡ ፁፍዴስ ካልካስ ምስሌ ኽዮስታ ፊሪስፄ ኽዮ ፃፋን፡፡

ክንፅፃንቲ/ታ፡- ቹኒትጝዴስ ፋሌንጋ እይስቱንኩ ካልካስ ምስሌ ኽዮስታ ፊሪስፄ ኽዮ ዴብቴርዳ እያንታ
ፄውቱንዴስ ፋሌንጋ ክንታንትካውሳ ዴብቴሮ ካንታን፡፡

10.3.4 ኬሌቴፍጝፃማ ኣንቤብጝ

ቴግባር 1. ኬርታ ጋቲታስታ እይስትኹ ጊዝስ ኬሌቴፍጝፂካማ ኣንቤፓን፡፡

ክንፅፃንቲ/ታ፡- “እማ ትርፌ” ናውሳ ፁፎ ባኔባንቶ ኣንቤብጝስ ኬሌቴፍጝፄካማ ኣንቤብጘ ø

ዴስጝጛንታ እምፕላኒ ኣንቤብታይ፤ ጊዞኪላ እሚጝስ እምፕል ዳኪካስ ውኻ ካልካዋ ኣንቤብጝ
ካሉንታ ኣቕጝስ ሞኬራን፡፡

10.3.5 ሳዋሳው

93
ቴግባር 1 . እይስቱንክ ዲብቴርትካዴስ ክፅልካዋ ጎሌላማ ፍሽጝስታ ዲብቴርቶ ሲሪጝ፡፡

ክንፅፃንቲ/ታ፡- እይስቱንኩ ካልካዳ ካል እንግራስ ክፅሌ ዴሜክጝስ ኣኒጛ ካልካስ ዲብቴርቶ ሲራንታ ፄፒ፡፡ ጉዶ
እንፃኽስቱንክሳ ይስጝፃን፤ ዴሬት ኑንኩ ክንታንትካዋ ጊዞ እምቴታ ክንፅፅጝ እይስቴ፡

ግምጋሚ፡-

 ቹኒቱኑ ፅፌቱሳ እንፅኼንቶ ጛርት እስቲስ ጌሌፅካ ካሊጞ Ö ቼሜትጝፅጝ፣

 ሊሊትጙንኩ ካሲካውሳ ዙርሜ ዙሚጝጜ ፄዌካማጊ ኬሽጝፅካማጊ ኣኽጘ ø ካንትጝ፣
 አንቤባማ ርዳትስትጙሳ ካስቶ ቴግባርዳ እሽፅጞ Ö ሲፍጝጝ፣
 ካልዴስ ጄሜርካማ ቱንዚኺታ ፃፊጘ ø ይስጝፅጝ፣
 ሊሊትጙንኩ አግፅፅካዴስ ንባሮ ኩፕፁንኩ አኽጞ Ö ቼሜትጝፅጝ፣
 ካልካስ ቱዊ ኽያሳ እይካ ካሊጞ Ö ቼሜትጝፅጝ፣
 ፄዋኑሳ እንክርጝጜ ሲፍጝጝስታ ክችክቻ አኽጘ ø ጋማጋምጝ፣
 ሳዋሳውዴስ እምጝትጝፃንትካውሳ እንዳርቶስታ ቴኬምስትጝጜ እርዳትስትጝ፣

ናሙን ዙርምካ፡-

ክንፅፃንቲ/ታ፡- እን ፋንቲቲዳ እይስቱንኩ ቴግባርካዴስ ጎሌልጝኩ፣ ውን አሱኩ እስታ እሊኩ

ናሙንካ ዙርምካ ሲፉኽታ ዲግንኩ እላቲንኩ አኽጝስ ናሙን ዙርምካዋ እይናያ፡፡

94