Pangalan: Vanessa Elrose P.

Lagua

Pamagat:
Epekto ng Teknolohiya sa Akademikong Pagganap ng mga Estudyante ng Bachelor of
Secondary Education Major in Filipino sa College of Teacher Education NEMSU-Main
Campus: Isang Pagsusuri sa Kalidad ng Edukasyon sa Panahon ng Digital Age

Introduksiyon sa Pananaliksik
Sa paglipas ng mga dekada, hindi maipagkakaila na ang teknolohiya ay nagdulot
ng malawakang pagbabago sa aspeto ng pamumuhay ng bawat indibidwal. Sa
kasalukuyang panahon, ito ay nagiging pangunahing lakas na nagpapabago sa sistema
ng edukasyon. Ang makabago at mabilis na pag-usbong ng teknolohiya ay nagbukas
ng mga pintuan tungo sa mga bagong posibilidad at pagkakataon para sa pag-aaral.
Kasabay nito, ito rin ay nagdudulot ng mga pagbabagong nagpapakita ng kahalagahan
ng pag-aaral hinggil sa epekto ng teknolohiya sa akademikong pagganap ng mga
estudyante.

Sa konteksto ng digital age, ang edukasyon ay hindi lamang nakabatay sa mga

tradisyunal na kurso at aklatan. Ito ay naaangkop na sa pangangailangan ng makabago
at kritikal na isipan ng mga estudyante. Mula sa mga laptop, tablet, at smartphone,
hanggang sa mga online platforms at educational apps, ang teknolohiya ay nagiging
bahagi na ng pang-araw-araw na karanasan ng mga mag-aaral. Subalit, kasama ng
mga makabuluhang pag-unlad na ito, lumilitaw ang tanong ukol sa kalidad ng
edukasyon sa panahon ng digital age.

Ang pananaliksik na ito ay naglalayong suriin ang mga epekto ng teknolohiya sa

kalidad ng edukasyon. Layunin nito na tukuyin ang mga positibong aspeto ng paggamit
ng teknolohiya sa pag-aaral, pati na rin ang mga posibleng pagbabagong maaaring
magdulot ng pag-aalinlangan. Sa pamamagitan ng pagsusuri ng mga datos at opinyon
mula sa mga guro at estudyante, nais magkaroon ng masusing pang-unawa ukol sa
mga impluwensyang ito.
 Ipinakikita ng pananaliksik na ito ang kahalagahan ng pag-aaral hinggil sa
epekto ng teknolohiya sa edukasyon sa panahon ng digital age. Nais mabigyang-tuon
ang masusing pag-unawa ng mga pagbabagong ito at mabigyan ng mga
rekomendasyon na makatutulong sa pagpapabuti ng kalidad ng edukasyon. Sa huli,
ang pananaliksik na ito ay naglalayong magdulot ng kaalaman ukol sa kung papaanong
paraan mas mapabubuti ang sistema ng edukasyon sa gitna ng makabago at patuloy
na umuusbong na panahon ng teknolohiya.