Professional Documents
Culture Documents
1 група по стварно право
1 група по стварно право
Јавноста или публицитетот означува одбележување на припаѓање на стварите на некој субјект. Кај
движните ствари јавноста ја има во владението како фактичка власт врз стварите, а кај недвижните
во запишувањето во јавните книги за запишување на правата на недвижностите.
Уставот на РСМ предвидува дека сите природни богатства, растителниот и животинскиот свет,
стварите од општа употреба, градежното земјиште, шумите, земјоделското земјиште, пасиштата,
водите, како и стварите и објектите од културно и историско значење определени со закон се
ствари од општ интерес на Републиката. Ствари од општ интерес можат да бидат предмет на
правото на сопственост на државата, односно на физички и правни лица а ствари во општа
употреба се ствари во државна сопственост кои ги користат сите физички и правни лица каде со
закон се уредуваат начинот и условите под кои определени ствари можат да се отстапат на
концесија, краткотраен или долготраен закуп. Државните шуми не се предмет на продажба, тие
можат да се заменат со приватна, а градежното земјиште може да биде сопственост на РСМ и на
домашни и странки физички и правни лица кое може да се оттуѓува и дава под долготраен или
краткотраен закуп со јавно наддавање, по понуда и спогодба. Стварите во општа употреба
претставуваат добра која по својата природа и намена служат за општа употреба како што се
пасиштата, улиците, јавните сообраќајни површиви, водите, парковите, гробиштата, јавните
плоштади, пристаништата и друго. За нив се грижи и со нив управува РСМ, ако поинаку не е
определено со закон.
Совесно владение е ако држателот незнае или неможел да знае дека нема правна основа да врши
фактичка власт врз стварите. Стекнувачот е во заблуда дека тој е носител на право и не е свесен
дека постои несогласнот меѓу фактичка власт на стварта и правната состојба на работите.
Совесноста претставува во моментот кога владетелот ќе дознае дека владението не му припаѓа.
Совесноста на лице кое има законски застапник се определува според совесноста и постапувањето
на застапникот, а совесноста на владението на правно лице е според совесноста и постапувањето
на она физичко лице кое за тоа правно лице е овластено и има дејства на стекнување или
извршување на неговото владение.