Professional Documents
Culture Documents
Session 3 - Ang Kasalukuyang Kalagayan at Pangarap Ko Sa Aking Pamilya 1
Session 3 - Ang Kasalukuyang Kalagayan at Pangarap Ko Sa Aking Pamilya 1
Tagalized by:
Artem Reynald S. Makipagay
SWO III – POO Batangas Cluster 4
Ang pamilya ay may mahalagang papel na ginagampanan sa paghubog ng isang indibidwal pagdating sa
usaping biyolohikal, sikolohikal, at mga sosyokultural na katangian ng mga miyembro ng sambahayan. Ito
ang nagsisilbing pangunahing pinagmumulan ng mga impluwensya sa pagbuo o pagpapaunlad ng kanilang
mga pinahahalagahan, mga plano, at vision para sa kanilang pamilya.
Sa pamamagitan ng sesyon na ito, makakabuo ang mga benepisyaryo ng 4Ps ng kanilang mga layunin at
makakapagtukoy kung paano nila makakamit ang mga ito sa hinaharap. Sila ay bibigyang laya na gamitin
ang mga prosesong ito kasama ang kanilang mga miyembro ng sambahayan o pamilya upang lumikha ng
kanilang sama-samang vision.
LAYUNIN
1. Maunawaan ang konteksto at kahulugan ng vision, at kung paano ito iuugnay sa kanilang pang-
araw-araw na buhay
2. Masuri ang mga kasalukuyang kondisyon at potensyal na paraan upang malutas ang kanilang
mga isyu at mga problema
3. Maikonekta ang kanilang kasalukuyang sitwasyon sa kanilang mga layunin sa hinaharap;
4. Maisali ang kanilang mga miyembro ng pamilya sa pagbuo ng vision ng pamilya; at
5. Makalikha ng isang paunang vision sa pamamagitan ng family visioning exercise
Pagkatapos ng sesyong ito, inaasahan sa mga benepisyaryo ng 4Ps na magkaroon ng Family Visions bilang
gabay sa kanilang pagpaplano ng kanilang pag-unlad
Materyales:
• Metacards
• Manila Paper/Cartolina
• Pen markers
• Materyales para sa collage making (lumang dyaryo, magasin, craft paper)
• Crayons
• Pandikit (Paste)
• Masking Tape
Paalala sa tagapagpadaloy
1. Ang tagapagpadaloy ay kinakailangang may sapat na kaaalaman at karanasan sa pagsasagawa ng
Social Welfare and Development Indicator (SWDI)
2. Tiyakin na ang mga acronym at teknikal na mga salita o termino ay mahusay at malinaw na
maipaliwanag
3. Tiyakin na ang mga gawain at mga pamamaraan na nakatala sa modyul na ito ay sanggunian o
gabay lamang
4. Bilang tagapagpadaloy, maaari kang gumamit ng iba pang estratehiya sa pagsasagawa ng aktibidad
o sesyon depende sa pangangailangan ng mga kalahok. Maging malikhain!
Materyales:
• Manila paper/cartolina
• Meta cards
• Pen markers
• Masking tape
Pamamaraan:
1. Hatiin sa limang grupo ang mga kalahok na benepisyaryo at ipamahagi ang mga materyales sa
bawat grupo. Kung presentation slides ang gagamitin, ilahad ang presentation slides sa plenaryo.
Tiyakin na ang laki ng mga letra o mga salita ay nakikita ng lahat ng kalahok.
2. Hilingin sa bawat grupo na talakayin ang kanilang mga sitwasyon sa pamilya noong nagsisimula
pa lamang sila sa programa, at isa-isahin ang kanilang mga sitwasyon ayon sa taon ng pananatili
nila sa programa (1 hanggang 7 taon). Halimbawa: wala pa silang trabaho sa kanilang unang taon,
o ang kanilang mga anak ay hindi madalas pumapasok sa paaralan, at pagkatapos ay ilahad din
ang mga nangyaring pag-unlad o pagbabago sa bawat sitwasyon
3. Upang matulungan ang bawat grupo na magawa ang aktibidad, maaari mong ibigay ang mga gabay
na mga katanugan:
a. mga sitwasyon patungkol sa edukasyon ng kanilang mga anak – pagpapatala sa
eskwelahan (enrollment), pagdalo (attendance), pagtugon sa mga kinakailangang gamit
sa paaralan, badyet para sa baon at pagtugon sa mga proyekto, atbp.
f. Negosyo o trabaho
4. Atasan ang lahat ng grupo na magkaroon ng maikling talakayan sa bawat halimbawang sitwasyon
na ipinakita sa taas at sagutin ang tanong na: “Kung ito ang sitwasyon ng iyong pamilya, paano mo
malalaman na ang iyong sitwasyon/antas ng inyong kagalingang pamumuhay ay bumubuti mula
sa ika-1 taon hanggang ika-7 taon?” Ang tanong na ito ay maaaring makatulong sa kanilang
talakayan upang mas mapagisipan ang kanilang hangarin/vision sa pag-unlad o pagpapabuti ng
antas ng pamumuhay ayon sa mga nailahad na sitwasyon.
5. Hilingin sa mga grupo na isulat ang kanilang mga sagot sa cartolina o meta card mula sa ibinigay
na talahanayan o table. Bigyang panuto ang bawat grupo na ikategorya ang kanilang mga sagot na
nakabalangkas kada taon (Taon 1, Taon 2, atbp.)
6. Hilingin sa bawat grupo na ipakita at ilahad ang kinalabasan ng kanilang gawain sa plenaryo.
Maglaan ng tatlo (3) hanggang limang (5) minuto para sa bawat grupo.
TALAKAYAN
1. Ano ang naramdaman mo matapos ang ginawa nating aktibidad?
2. Ano ang mga obserbasyon at mga napagtanto mo sa sitwasyong iyong ibinahagi?
3. Ano sa palagay mo ang mga bagay na nagpapadali at nakahahadlang para makamit mo ang pag-
unlad na iyon?
4. Paano mapapabuti ang kasalukuyang kalagayan ng iyong pamilya?
TALAKAYAN 1 – Ang Social Welfare and Development Indicator
Paalala sa tagapagpadaloy
1. Upang ipakilala ang susunod na paksa, ipaalala sa mga kalahok ang kanilang mga naging tugon sa
aktibidad kung paano nila sinusukat ang kanilang pag-unlad bilang isang pamilya.
2. Banggitin na ginagamit ng 4Ps ang social case management strategy upang tulungan ang pamilya
sa pagpapabuti ng kanilang pamumuhay sa loob ng pitong taon, at ito ay nangangailangan ng
buong kooperasyon at partisipasyon mula sa kanila.
Pagkatapos ng talakayan, hikayatin ang lahat na magsagawa ng self-monitoring ng kanilang mga pag-
unlad gamit ang Social Welfare and Development Indicators (SWDI).
1. Economic Sufficiency
1.1 Employable Skills – mayroon kahit isa sa miyembro ng pamilya (18 taong gulang pataas) na
nagtataglay ng mga propesyonal, teknikal, o occupational na kasanayan o mayroong
karanasan sa trabaho na hindi bababa sa 6 na buwan
1.2 Employment – Estado o katayuan ng pagtatrabaho ng miyembro ng pamilya na may edad 18
taong gulang pataas. Ang mga nagtatrabaho na nasa hustong gulang (working adults) ay
kinakailangang may trabaho (employed) o kumikita sa pamamagitan ng trabaho o Negosyo.
1.3 Income
1.3.1. Salary and wages from employment – kita na nagmumula sa trabaho
1.3.2. Income from Livelihood and entrepreneurial activities – kita mula sa negosyo o
pangkabuhayan
1.3.3. Cash or in-kind transfer – kabilang ang mga padala ng kaanak na OFW na nasa ibang
bansa o mga kaanak na nasa Pilipinas. Kasama rin dito ang mga natatanggap na tulong mula
sa gobyerno (Hal: Social Pension, 4Ps, scholarship atbp)
1.3.4. Other Sources – pension, dibidendo, interes, imputed Rental of owner-occupied
dwelling unit atbp.
1.3.5. Income is higher than the official monthly per capita poverty treshold
1.4. Social Security and Access to Financial Institutions
1.4.1. Miyembro ng government social security insurance (GSIS, SSS atbp.)
1.4.2. Miyembro ng private insurances
1.4.3. Akses sa mga financial services gaya ng Bangko, Microfinance o kooperatiba atbp.
2. Social Adequacy
2.1. Health
2.1.1. Pakonsulta sa pangkalusugang pasilidad sa nakalipas na anim na buwan
2.1.2. Wala sa miyembro ng sambahayan ang may sakit o nagkasakit na nangngailangan ng
hospital confinement (pagtukoy sa kondisyong pangkalusugan ng pamilya sa nakalipas
na 6 na buwan)
2.2. Nutrition
2.2.1. Ang pamilya ay nakakakain ng masustansyang pagkain tatlong beses sa isang araw
2.2.2. Ang mga batang may edad 0-5 taong gulang ay may normal na timbang
2.3. Water and Sanitation
2.3.1. Akses ng samabahayan sa ligtas at malinis na inuming tubig
2.3.2. Akses ng sambahayan sa ligtas at maayos na palikuran
2.3.3. Pamamaraan ng sambahayan sa tamang pagtatapon ng basura
2.4. Education
2.4.1. Functional Literacy ng miyembro ng pamilya na may edad 10 taong gulang pataas
2.4.1.1. Mayroong nakatapos ng sekundarya sa pamilya
2.4.1.2. Ang mga batang edad 10-18 taong gulang ay nasa pormal na paaralan
2.4.1.3. Ang miyembro ng pamilya ay nakakabasa, nakakabilang and may kakayahang
umunawa ng mga panuto
2.4.2. School Enrollment / Attendance ng mga batang edad 3-17 taong gulang – ang mga
bata ay kasalukuyang naka-enroll at pumapasok sa eskwelahan at na nakakakumpleto
ng 85% attendance
2.5. Housing
2.5.1. Ang bubong ng bahay ay yari sa matibay na materyales (mixed but predominantly
strong materials, wood but sturdy and durable)
2.5.2. Ang panlabas na dingding ng bahay ay yari sa matibay na materyales (mixed but
predominantly strong materials, bamboo/ sawali/ cogon but sturdy and durable)
2.5.3. Pag-aari ang bahay at lupa (Owns or owner-like possession of house and lot)
2.5.4. May ligtas na akses sa kuryente o lighting facility
2.6. Role Performance of Family
2.6.1. Ang bawat miyembro ng pamilya ay nakikilahok sa ibat-ibang gawain o aktibidad
ng pamilya (sama-samang paghahapunan, pagdalo ng mga magulang sa aktibidad
ng anak sa eskwelahan, sama-samang pagsimba)
2.6.2. Kakayahan ng mga magulang na kilalanin ang problema ng pamilya at makabuo
ng mga solusyon (matukoy kung ang mga anak ay may mga isyu, pagsali sa mga
anak sa paggawa ng desisyon sa pamilya)
2.6.3. Mayroong isa sa miyembro ng pamilya na may kinabibilangan na lehitimong
organisasyon (people’s organization, association, support group sa nakalipas na
anim na buawan)
2.7. Family Awareness
2.7.1. Ang pamilya ay may kaalaman sa hindi bababa sa tatlong karapatan ng mga bata
at may kakayahang ipaliwanag ang mga ito
2.7.2. Ang pamilya ay may kaalaman sa hindi bababa sa tatlong gender-based violence
(karahasang pangkasarian) at may kakayahang ipaliwanag ang mga ito
2.7.3. Ang pamilya ay may kaalaman sa hindi bababa sa tatlong disaster risk reduction
and management protocols/initiative at may kakayahang ipaliwanag ang mga ito
Paalala sa tagapagpadaloy:
Ang tagapagpadaloy ay maaaring gumamit ng iba't ibang mga pamamamaraan upang makuha ang
atensyon mga kalahok sa pagtalakay ng SWDI. Sa pagtatapos ng sesyon, tiyaking ang sumusunod na
pangunahing mensahe ay mabigyang diin:
1. Asahan ng mga kalahok ang pagbisita sa bahay ng kanilang City/Municipal Link upang talakayin at
masuri ang socio-economic na kalagayan ng pamilya gamit ang SWDI.
2. Ang mga benepisyaryo ay inaasahang makikilahok sa pagbibigay-priyoridad sa mga
pangangailangang dapat tugunan batay sa resulta ng SWDI.
3. Ang mga benepisyaryo ay may pangunahing responsibilidad na subaybayan ang pag-unlad ng
kanilang antas ng kagalingang pamumuhay.
4. Upang ipakilala ang susunod na paksa, ipaliwanag sa mga kalahok na ang resulta ng SWDI ay
magsisilbing gabay sa pagbibigay-priyoridad sa kanilang mga pangangailangan na dapat ay unang
matugunan, at ang mga ito ay maaaring magbigay ng klarong pagtahak sa kanilang mga layunin sa
susunod pitong taon, o sa kanilang pananatili sa programa.
Materyales:
• Cartolina/manila paper
• Meta cards
• Pen markers
• Masking tape
• Audio materials
• Materyales para sa collage making
• Crayons
Pamamaraan:
• Evocative and Interactive Discussion
• Creative Workshop/Collage-making
• Lektura at pagbabahagi
• Use of drawings or music etc.
Paalala sa tagapagpadaloy:
Gawaing paghahanda:
1. Kumuha ng mga materyales na gagamitin sa visioning activity, gaya ng bond papers, cartolinas,
coloring materials, popsicle stick, yarn, glue, lumang dyaryo o magasin and iba pang mga art
supplies na maaaring gamitin
2. Ilagay ang mga materyales sa isang maliit na kahon upang mas madali ang pamamahagi nito.
3. Maaari ding hilingin sa mga kalahok na magdala ng sarili nilang mga materyales para sa
gagawing collage. Ipaalam ito sa kanila nang maaga.
Paghahanda sa Workshop:
1. Sa plenaryo, talakayin ang sitwasyon ng mga kalahok bago magsimula ang aktibidad. Maglaan ng
15 hanggang 20 minuto para sa talakayan. Isulat ang kanilang mga insight/tugon sa pisara o sa
isang piraso ng manila paper. (Ipaalala sa kanila ang naging resulta o output ng Session 1)
2. Iproseso ang mga resulta sa pamamagitan ng pagtatanong ng may paglilinaw o pagsisiyasat.
Maglaan ng hanggang 20 minuto para dito.
3. Ibuod ang talakayan sa plenaryo sa pamamagitan ng pagbibigay ng mahahalagang punto sa mga
pagkakatulad at pagkakaiba-iba ng kanilang naibahagi
4. Pagkatapos, simulang buksan at takalayin ang pagkakaunawa ng mga kalahok sa salitang
PANGARAP, ADHIKAIN o VISION. Upang magkaroon ng pare-parehong pang-unawa ang mga
kalahok.
Isulat sa pisara o manila paper ang napagkasunduang kahulugan upang mabasa at makita ng lahat.
Tiyakin na nauunawaan ng lahat ng kalahok ang kahulugan at konteksto ng konsepto.
Pamamaraan:
1. Bumuo ng limang (5) grupo mula sa mga kalahok. Ipamahagi ang kahon ng art materials sa bawat
grupo
2. Tanungin ang mga kalahok tungkol sa kanilang mga pangarap, mithiin, o mga vision para sa
kanilang pamilya. Hayaang pag-usapan ng bawat grupo ang kanilang mga sagot sa loob ng limang
(5) minuto
3. Pagkatapos, para sa indibidwal na aktibidad, hilingin sa bawat kalahok na magsulat, gumuhit, o
gumawa ng collage ng kanilang vision para sa kanilang pamilya sa isang piraso ng cartolina, manila
paper o bond paper gamit ang mga materyales na ibinigay. Bigyan sila ng 20 minuto upang
kumpletuhin ang aktibidad na ito.
Paalala sa tagapagpadaloy:
Kung sa isang sitwasyon na ang mga kalahok ay walang maisip na VISION o kaya naman ay ayaw gumawa
ng kanilang VISION. Magalang silang tanungin gamit ang mga sumusunod na katanungan - "Ano ang gusto
mo o ang mithiin mo para sa iyong mga anak?" Sa pamamagitan nito, maaari silang makapagsimulang
makapagbahagi ng kanilang mga naiisip, at mahalaga na palawakin ang kanilang naibahagi hanggang sa
magkaroon sila ng pagtatanto or realisasyon na sila ay may vision din pala para sa kanilang pamilya.
4. Matapos na makabuo ang lahat ng mga kalahok ng kanilang vision para sa kanilang pamilya,
hayaan ang bawat grupo na talakayin sa isat-isa ang kani-kanilang VISION para sa kanilang pamilya.
Maaari itong gawin sa loob ng 20 minuto.
5. Pagsama-samahin ang lahat ng grupo para sa talakayan sa plenaryo. Mag-imbita ng dalawa
hanggang tatlong boluntaryo na magbabahagi ng kanilang vision sa buong grupo.
6. Ipagpatuloy ang pagpoproseso sa pamamagitan ng pagbibigay diin sa mahahalagang punto ng
pagbabahagi at pagbubuod ng mga naging usapan.
TALAKAYAN
1. Paano ninyo naisagawa ang aktibidad? Ano ang naramdaman mo habang gumagawa ka ng isang
vision o mga layunin sa buhay o mga pangarap?
2. May pagkakatulad at pagkakaiba ba ang mga pangarap o mithiin ng mga miyembro ng bawat
grupo habang gumagawa ng collage?
3. Paano mo iuugnay ang aktibidad sa tinatawag nating Family/Household Visioning?
4. Mayroon ka bang plano na gawin rin ito kasama ang iyong buong pamilya?
PAGPAPALALIM
1. Himukin ang mga kalahok sa isang quiz bee game upang masukat ang kanilang antas ng pag-unawa
sa SWDI sa pamamagitan ng isang interaktibo at masayang pamamaraan
2. Narito ang mga halimbawa ng mga katanungan: Tukuyin ang antas ng mga sumusunod na
sitwasyon batay sa SWDI Levels 1-3
3. Hikayatin ang mga kalahok na ibahagi ang kanilang mga pagninilay at pananaw habang nagsusulat
kanilang vision o layunin para sa kanilang pamilya
Paalala sa tagapagpadaloy:
• Tapusin ang pagpapalalim sa pamamagitan ng pagpaparating sa mga kalahok na ang mga ito ay
halimbawa ng mga kondisyon (10 out of 13 item) na nais ng programa na makamit para sa mga
benepisyaryo ng 4Ps sa loob ng pitong taon, kaya naman lubusang kailangan ang kanilang buong
partisipasyon.
• Magpadaloy ng isang family dialogue upang tulungan ang mga pamilya sa pagbuo ng kanilang
vision statement o pahayag. Maaaring gamitin ang diyalogo ng pamilya upang talakayin ang mga
natuklasan sa mga pagtatasa o assessment. Dapat na maunawaan ng pamilya kung paano
makatutulong ang ginawang pagtatasa o assessment sa kanila sa pagkamit ng mga layunin na
kanilang itinakda para sa kanilang sarili.
SINTESIS
Tapusin ang sesyon sa pamamagitan ng pagbibigay-diin sa mga sumusunod na mensahe:
TAKDANG ARALIN
1. Atasan ang lahat ng mga kalahok na gayahin ang isinagawang visioning activity kasama ang
kanilang buong pamilya. Maaari pa nilang pagandahin at mas pagbutihin ang nauna nilang
ginawang vision.
2. Ang pagkakaroon ng follow-up session on Household Intervention Planning ay maaaring gawin sa
mga susunod na pagbisita sa tahanan ng case manager.