‘Catch-up day’ tuwing

Biyernes, ipatutupad ng
DepEd sa 2024 – VP
Sara
Inanunsyo ni Vice President at Department of Education (DepEd)
Secretary Sara Duterte na gagawin nilang “catch-up day” ang bawat
araw ng Biyernes sa susunod na taon upang tulungan umano ang mga
estudyante na mahasa ang kanilang reading at literacy skills.

Sa kaniyang talumpati sa culminating activity ng DepEd para sa

National Reading Month nitong Martes, Nobyembre 21, sinabi ni
Duterte na magsisimula ang implementasyon ng “catch-up Fridays” sa
Enero 12, 2023.

“Every Friday will be catch-up Fridays. Ibig sabihin, wala tayong

gagawin kundi turuan ang mga batang magbasa, at ‘yung mga
marunong nang magbasa, ituro sa kanila ang critical thinking and
analysis. ‘Yung mga marunong na sa critical thinking and analysis,
pasulatin n’yo ng libro, pasulatin n’yo ng essays,” ani Duterte.

Bukod dito, binanggit din ng bise presidente na kailangan din umanong

magsagawa ng “catch-up” pagdating sa kalusugan, values, at peace
education ng mga estudyante.

“Kailangan natin ng isang araw kung saan kailangan nating humabol

doon sa kung saan nating gustong dalhin ang mga bata, dahil hindi
pwedeng paulit-ulit na lang tayo sa ating ginagawa pero wala naman
tayong nakikitang pagbabago, wala tayong nakikitang improvement sa
ating mga learner,” saad ni Duterte.
Ipatutupad umano ang naturang “catch-up Fridays” hanggang sa
pagtatapos ng administrasyon ni Pangulong Ferdinand “Bongbong”
Marcos Jr. sa 2028.

Alam na alam ng mga guro at mag-aaral kung ano ang ibig sabihin ng
“Catch-up Fridays o CUF.”

Inilunsad ang gawaing ito ng Department of Education (DepEd) na

kailangang i-implement ng mga paaralan, upang mapatatag ang
pundasyon ng mga mag-aaral sa iba’t ibang kasanayan, na isa sa mga
layunin ng basic education curriculum. Ang mga kasanayang ito ay
magagamit sa pag-aaral at pang-araw-araw na pamumuhay ng mga
mag-aaral.

Sa kasalukuyan ay nakapokus ang Catch-up Fridays sa “Drop

Everything and Read (DEAR).” Ang DEAR ay naglalayong
maipanumbalik sa mga mag-aaral ang pagbabasa ng iba’t ibang
babasahing naka-imprenta, lalo na ang mga akdang pampanitikan.

Iba-iba ang naging paraan ng iba’t ibang mga paaralan at guro kung
paano ito maisasagawa. Nailabas ng mga guro ang kani-kanilang
malikhain at malawak na imahinasyon kung paano makukuha ang
atensyon ng mga mag-aaral upang mahikayat silang magbasa.

Para sa award-winning writer at propesor sa kolehiyo na si Genaro

Gojo Cruz na kilala sa mga akdang pambata, hindi dapat gawing
komplikado ang pagsasagawa ng Catch-up Fridays.

Ang iba raw kasi ay tila papunta na sa party o kaya naman, parang
umaantas na sa “Palarong Pambansa.”
Nakikiusap si Gojo Cruz na gawin sanang simple lamang ito at huwag
lumayo sa tunay na layunin nito.

“Pakiusap po!”

“Iwasan po ang kung ano-anong ipinagagawa sa catch-up Friday sa

inyong paaralan. Iyung iba nagiging parang party sa Jollibee, at ang
iba naman, palarong pambansa. Ang ikinatatakot ko, baka maging
beauty contest na itong programa sa pagbasa!” aniya sa kaniyang
Facebook post nitong Pebrero 11.

Nagbigay ng mungkahi ang Palanca awardee sa pagsusulat ng

kuwentong pambata kung paano magiging simple pero nakatutupad sa
layunin ang gawaing DEAR.

“Simple lang po talaga sana. Kumuha kayo ng banig. Maupo kasama

ang mga mag-aaral. Magkuwento kayo ng isang aklat-pambata sa
kanilang wika.”

“Pakiusap po!”

“Ito lang po ang gagawin sana po ninyo:

“Gawain bago magkuwentoGagawin ng bata habang nakikinig (dapat

guided sila ng objective/malinaw sa kanila bakit nila kailangang
makinig).”

“Gawain pagkatapos magkuwento (processing, tahi-tahiin ang ginawa

bago magkuwento at gawain habang nakikinig).”

“Diyos ko po naman.”

“Ang nasabi ko na lang talaga!”

Sa isa pang Facebook post, stila nagpapahiwatig din si Gojo Cruz na

huwag naman sanang isabay ang meeting ng mga guro sa tuwing may
CUF.

“Catch-up ang Friday sa pagbabasa pero magpapameeting si Madam

Principal sa guro. Kaya hayun ang students bahala sa sarili nila!
Another nakupo na naman!” aniya.
Umani naman ito ng iba’t ibang reaksiyon at komento mula sa
netizens.

“Applicable po ang magkwento when u are teaching pupils that can

read. But s non- reader, I dont think that simple story telling to them
will help. We are talking of primary level that actually cannot READ.my
POV.”

“I agree with Sir Genaro Cruz. Effective talaga sa non-readers ang

pakikinig sa pagkukuwento lalo na sa primary level. Dapat alam ni
teacher ang teaching strategies sa ganitong klaseng mga bata.
Mahalaga po na frequent ang ganitong pagtuturo para masanay sila at
hindi occasional lang.”

“Simple lang naman, magbasa kayo pag friday… Tapos ipasa nyo

narrative report, intervention plan, compilation of materials, DLL 😆”

“Develop natin ang love for books muna. Kapag ang bata ay gustong
gusto ang libro, kahit tingin tjngin lang sa mga pics, buklat buklat lang.
Eventually napakadali na nyan turuan magbasa at with comprehension
pa. Sa bahay din kasi nag-uumpisa yan. Kaya kudos sa mga magulang
ko na suportado ang hilig ko sa mga libro noong bata pa ko. Just my

two cents. 😊”

“Catch-up Fridays (Complicated Edition) po ang gusto nila🥺 ang nasa

Field ang pinapahirapan. Hays!”

“Agree yung iba kc sila normal lng paba pabasa. Hahaha. Mag effort
tayo para maging enjoyable ang learning experiences ng mga bata.

Yun lang”

“kailangan ba talaga sa catcup friday gawin mga ito. bakit hindi gawin
sa regular class, andaming competencies ang hindi naituturo lahat
dahil sa sobrang dami ng class disruptions every quarter. itigil na ang
CUF”

“Louder, hindi ‘yong kung ano-ano pinapagawa!”

Samantala, bukod sa kasanayang pagbasa o reading, inaasahang
magpopokus din ang CUF sa “values,” “health,” at “peace education.”

DepEd: Klase sa mga pampublikong

paaralan para sa school year 2023-2024,
magtatapos sa May 31
Inanunsyo ng Department of Education (DepEd) na mas maagang magtatapos ang klase
sa mga pampublikong paaralan sa darating na May 31 para sa school year 2023-2024.

Nakasaad ito sa Department Order 003 na may petsang February 19, 2024, at pirmado ni
Vice President and Education Secretary Sara Duterte, bilang bahagi ng paghahanda na
maibalik ang dating school calendar, at maitakda ang summer vacation sa April-May.

Itinakda naman ang pagbubukas ng klase para sa SY 2024-2025 sa July 29, 2024 at
magtatapos sa May 16, 2025.

Nauna nang sinabi ni DepEd spokesperson Undersecretary Michael Poa na aabutin ng

tatlong taon bago maibalik sa dati ang school break sa April-May.

Nagbago ang buwan ng pasukan at bakasyon ng mga estudyante nang magkaroon ng

pandemic na nagsimula noong March 2020.

Nagkaroon ng kahilingan na ibalik na sa dati ang klase na rin sa mga reklamo na inaabot
sa panahon ng tag-init sa mga silid-aralan ang mga estudyante.

Ipinapaubaya naman ng DepEd ang pasya sa pamunuan ng mga pribadong paaralan kung
susundin ang mas maagang bakasyon ng klase
MAGPAPATUPAD NG PAGTAAS SA SINGIL SA
KURYENTE ANG PALECO SIMULA NGAYONG
BUWAN NG ABRIL ALINSUNOD SA
DESISYONG INILABAS NG ENERGY
REGULATORY COMMISSION (ERC) SA ERC
CASE NO. 2018-048 RC AT ERC CASE NO.
2013-191 RC

Alinsunod sa desisyon ng Energy Regulatory Commission (ERC) sa ERC No. 2018-

048 RC base na rin sa petisyon ng National Power Corporation (NAPOCOR)
patungkol sa pagtaas ng Subsidized Approved Generation Rate (SAGR) para sa mga
Distribution Utilities (DUs) at New Power Providers (NPPs) na kabilang sa Small
Power Utilities Group (SPUG) katulad ng Palawan Electric Cooperative (PALECO) at
Power Providers nito, unang nagpatupad ng pagtaas sa singil sa SAGR ang PALECO
noong 2022 na may halagang P0.7288 per kilowatt-hour (kWh), samantalang
magtataas naman ito para sa taong 2023 ng P1.3116/kWh at P1.7496 per kWh para sa
taong 2024.

Ang SAGR ay tumutukoy sa Subsidized Generation Rate na sinisingil ng mga DUs na

nasa ilalim ng NPC-SPUG o tumutukoy sa mga island-provinces gaya ng Lalawigan
ng Palawan. Ibig sabihin nito ang totoong halaga ng kuryente o True Cost Generation
Rate (TGCR) ay hindi sinisingil sa mga konsumidores bagkus ang SAGR lamang ang
sinisingil dahil sa mayroon tayong nakukuhang subsidiya sa pamamagitan ng
sinisingil na Universal Charge for Missionary Electrification (UCME) na binabayaran
ng lahat ng mga gumagamit ng kuryente sa buong bansa.

Samantala, inilabas rin ng ERC ang kanilang desisyon sa ERC Case No. 2013-191 RC
noong ika-4 ng Agosto taong 2022 sa petisyon ng NAPOCOR kaugnay sa, “Recovery
from the Universal Charge of the Shortfall in the Missionary Electrification Subsidy
for CY2012 and the Corresponding Adjustment of the Universal Charge for
Missionary Electrification (UCME).” Base sa nasabing desisyon, pinaguutos ng ERC
sa mga DU na kumolekta ng dagdag na P0.0239/kWh sa basic rate ng UCME na may
halagang P0.1561/kWh.
Ang UCME o Universal Charge for Missionary Electrification ay sinisingil sa lahat ng
end-user ng kuryente. Dito nanggagaling ang pondo para sa pagbabayad sa subsidiya
ng mga missionary areas sa bansa gaya ng Palawan kaya naman tanging SAGR
lamang ang binabayaran ng mga member-consumer-owner (MCO) ng PALECO.