EDITORYALEditoryal:Edukasyon Pagkatapos ng Pandemya Dapat Pagtuunan ng Pansin ng
DepEdMaraming pag-aaral hinggil sa kalagayan ng edukasyon ngayong panahon ng pandemya ang
kasalukuyang ginagawa ng iba’t-ibang grupo upang mabatid kung talaga nga bang may natututunan ang mga mag-aaral sa pamamagitan ng “distance learning” pangunahin na ang “blended learning” modality. Gusto ring malaman ng mga opisyales ng Kagawaran ng Edukasyonbase sa resulta ng iba’t-ibang ebalwasyon kung ang pagpapaiksi sa saklaw na kompitensi sa bawat asignatura sa pamamagitan ng pagtuturo ng Most Essential Learning Competencies (MELCs) ay nakatulong ng malaki sa higit na pagkatuto ng mga mag-aaral.Isang mahalagang hakbang ang gayong mga pag-aaral at pagsusuri para makita ang pangkalahatang larawan ng ipinapatupad na Basic Education Learning Continuity Plan (BE- LCP) ng Kagawaran at para mapunan ang mga “learning gaps” at masolusyonan sa lalong madaling panahon ang ilang mga nakikitang problema o kakulangan.Sa kabilang banda, kinakailangang maging “futuristic” ang approach ng Kagawaran sapagkat ang pinakamahalaga sa ngayon ay kung anong uri ng edukasyon ang mayroon sa bansanatin pagkatapos ng pandemya. Ibig sabihin lamang nito na dapat ituon ang pansin sa mga ipinapatupad na program sa ngayon na may layong paghandaan ang magiging eksena ng edukasyon pagkatapos ng pandemya. Isa itong hamon sa bawat paaralan at pamayanan hindi lang ng DepEd at gobyerno. Upang magawa ito, kinakailangan ang malalimang pagsusuri sa mga sistema, struktura atprograma ng DepEd. Ang pamamaraan ng pagsusuri ay kinakailangang makatotohanan at suportado ng mga totoong datos, hindi gawa-gawa o haka-haka lamang. Kinakailangan ang konsultasyon sa iba’t-ibang grupo ng stakeholders hanggang sa lebel ng mga paaralan.Sa paggawa nito, mas magkakaroon ng malalim na basehan ang Executive Committee ng DepEd bago ipatupad ang mga programa na naglalayong maihanda ang bawat paaralan sa pagpapatupad ng edukasyon pagkatapos ng pandemya. Halimbawa, baka hindi na kinakailang ang pagpapatayo ng maraming school building kung modified face-to-face learning naman ang nakikitang dapat ipatupad. Pwedeng ilaan na ngayon ang ibang Capital Outlay o pondo para sa mga struktura at ekwipment sa WinS (WASH in Schools) facilities. Kailangang, magpatayo na rin ng mga struktura na may layuning makontrol o maapula ang paglaganap ng virus gaya ng CoVid-19 gaya ng hand-washing at disinfection facility at visitors’ holding area sa bawat paaralan. Kailangang pagtuunan na rin ng pansin ang internet connectivity maging sa mga liblib na paaran. Kung kilakailangang magpatayo ang DepEd ng sariling antenna o tower lalo na kapag kaya naman ng badyet, dapat na nitong gawin sa lalong madaling panahon. Nakikita na mas malaking katipiran ito sapagkat kung lahat na ng mga modyul at Learning Activity Sheets ay pawang soft copies na lang at makukuha na lang ng mga mag-aaral sa learning portal ng bawat paaralan o sa messenger at google drive para kanilang klase. Lilimitahan din nito ang di
kinakailangang face-to-face encounter na siyang dahilan ng pagkalat ng virus sa ngayon at maraming
guro ang nagkasakit at ang iba ay namatay pa nga dahil sa CoVid.Ilan lamang ang mga ito sa mga kinakailangang asikasuhin ng Kagawaran upang masiguroang tuloy-tuloy at de-kalidad na edukasyon pagkatapos ng pandemya. Sabihin pa, ang kahandaan ng DepEd ngayon sa pagpapatupad ng edukasyon sa mga susunod na taon ay isang napakahalaga at napapanahong hakbang.