II.

REBYU NG KAUGNAY NA LITERATURA

Modular Distance Learning

Ayon kina Manlangit et al. (2020), ang modyular na pamamaraan ay isang uri ng distance

learning na ginagamit ang Self-Learning Modules (SLM) batay sa Most Essential Learning

Competencies (MELC) na ibinigay ng Kagawaran ng Edukasyon. Upang malaman ang

kaantasan ng pagkatuto ng isang mag-aaral sa asignaturang Filipino. Higit na sinusukat ang

kanilang kahusayan at kagalingan sa pag-aaral ng aralin sa Filipino. Ipinahayag din niya na ang

pagkatuto ng isang mag-aaral ay nakasalig sa kanilang interes sa asignaturang kanyang

pinapasukan o sa kanyang aralin na nais.

Ipinahayag din ni Llego (2020), ang modular distance learning ay ang pag-aaral ng mga

mag-aaral sa kanilang sariling kaparaanan gamit ang self-learning modules (SLMs). Ito ay

maaaring nakaimprenta o soft copy na angkop sa mga mag-aaral at sa mga kagamitan sa pag-

aaral tulad ng mga kagamitan ng mag-aaral, mga libro, pagsasanay na gawain at iba pang mga

gabay sa kanilang pagkatuto. Para sa mga mag-aaral na may mga electronic gadget gaya ng

smartphone at laptop, maaaring ibigay sa kanila ang softcopy ng mga modyul upang magkaroon

sila ng ibang opsyon sa pag-aaral. Sapagkat ang kanilang kaalaman ay may limitasyon kung ito

ay nasa kanilang tahanan lamang kaya higit na pinaiigting ang mga estratehiya na mapataas ang

kanilang matutuhan sa pag-aaral ng isang asignatura o aralin sa Filipino.

Inilarawan ni Azarias (2018) na ang panitikan ay pagpapahayag ng mga damdamin ng tao

hinggil sa mga bagay-bagay sa daigdig, sa pamumuhay, sa lipunan, sa pamahalaan, at sa

kaugnayan ng kaluluwa sa bathalang lumikha. Ang panitikan ay isang buhay sapagkat ito ay

repleksyon ng pamumuhay at pakikipamuhay ng mga tao sa kanyang ginagalawang lipunan.

Ayon kay Magsambol (2020), upang matiyak na ang pag-aaral ay mananatiling walang

sagabal, ang DepEd ay magpapatupad ng distance learning approach, ito ay isang learning

delivery mode kung saan ang interaksyon o ang pagtuturo at pagkatuto ay nagaganap sa

pagitan ng guro at ng mga mag-aaral na malayo sa isa't isa. Magbibigay ang DepEd ng mga

naka-imprentang modyul upang matugunan ang problema ng karamihan sa mga

estudyante ang teknolohiya at internet connectivity.

Ayon sa kaguruan ng Pangasinan (2021) na iniulat din ng The Manila Times, may

dalawang pangunahing suliraning kaugnay ang pagpapatupad ng modyular na pamamaraan.

Una ay ang mga kamaliang taypograpikal kung saan ito ay di katanggap-tanggap gamitin ng

mga mag-aaral. Ikalawa naman ay ang gastos na kaugnay sa pagagagawa at pamamahagi ng

modyul kung saan napipilitan na kunin sa sariling bulsa ng mga guro ang gastos na ginanamit sa

modyul. Samantalang ito ay pinatunayan naman sa pahayag ni Bernardo (2020) marami sa mga

magulang ang nagnanais o paborsa paggamit ng nakalimbag at elektronikong modyul bilang

alternatibong pamamaraan na pag-aaral sa panahon ng pandemya at distance learning. Ito ay

ayon sa sarbey ng isinagawa ng kagawaran ng edukasyon ng bansa.

Ayon sa pag-aaral ni Anzaldo (2021), ang mga kalakasan ng modyular na pamamaraan ay

isang estrahiya na nagbibigay ng mataas na kamalayan sa mga aralin na matutuhan nila ang

tinatalakay kahit nasa tahanan lamang. Mahalagang tungkulin sa edukasyon ang pagsipat sa

kaalaman at kaantasan ng pagkatuto ng mga mag-aaral na ayon sa kanilang mga pinag-aaralang

modyul dahil sa pandemya. Ang magandang pag-uugali ay isang kaparaanan upang ang

pagkatuto ng isang mag-aaral ay nakapokus sa mga aralin, at ang mga guro ay nagiging bukas sa

mga hamon na dulot ng pandemya. Samantala, ang mga kahinaan sa modyular na lapit ay hindi

lahat ng mag-aaral ay nakatuon sa paggawa ng kanilang modyul, ang ilang magulang ang

gumagawa ng gawain ng kanilang mga anak, at ang mga magulang ay nahihirapang turuan ang

kanilang mga anak. Ang inilahad na kalakasan at kahinaan ng modyular na lapit at may

kaugnayan sa isa sa mga layunin ng kasalukuyang pag-aaral na pag-alam sa epekto ng modyular

na lapit sa kakayahang pang-bokabularyo ng mga mag-aaral.

Ayon kina Cheng and Abu Bakar (2017), ang paggamit ng modular na pagdulog sa

pagtuturo ng wikang Ingles ay mas mabisa at nakatutulong para mapaunlad ang mga kasanayan

sa aktibong pagkatuto, critical thinking at problem solving. Ang mga guro ay nagkakaroon ng

pagkakataon para makapagsagawa ng formative assessment o pamamaraan ng pagtataya bago,

habang at pagkatapos ng talakayan. Ang pagdulog na ito ay lubos na napakahalaga dahil hindi

maikakaila na ang modular ay maaaring maging kapaki-pakinabang sa mga mag-aaral at guro

dahil ang pagkakataong gamitin ito ay walang pinipiling panahon. Sa dalawang taon na

isinasagawa ang mga pagtuturo ng mga guro sa pamamagitan ng ibat-ibang estratehiya ay

nalalampasan parin nila ang hamon ng buhay. Sa mga kadahilang iniaalay nila ito sa

kanilang propesyon upang ang pagkatutuo ng mga mag-aaral sa asignaturang Filipino lalo na

sa wika at panitikan ay maragdan at mapataas ang kaantasan ng kanilang natutuhan sa

araling pinag-aaralan.