Pangalan: Vince Kyle N.

Lallen
Section & Session: 11- STEM OPAL (AM)

Pamagat: “Ang Mga Nawawalang Sapatos ni Kulas”

Nasa katamtamang estado ng pamumuhay ang pamilya ng batang si Nicholas Cruz.

Mas kilala siya sa Kalye Sampaguita bilang si Kulas, sampung taong gulang na anak
nina Julio at Vina Cruz.

Nagtatrabaho sa isang pagawaan ng mga kasangkapan sa bahay ang ama ni Kulas

samantalang kahera naman isang tindahan ang kanyang ina.

Isang araw, habang tinatali ni Vina ang sintas ng sapatos ng anak ay nagtaka ito.

“Nak, ba’t ang lumang rubber shoes mo ang suot mo? Di ba binilhan ka namin ng papa
mo ng bago?” tanong ng ina sa bata.

Hindi sumagot si Kulas at nagkataon naman na bumusina na ang sasakyan na

maghahatid sa kanya sa paaralan. Humalik ito sa mama niya at dali-daling tumakbo
palabas ng bahay.

“Leon, bilisan mo nariyan na iyong school bus,” sabi ni Kulas sa nakababatang kapatid
habang tumatakbo siya palabas.

Natapos ang kalahating-araw ng klase at hinatid na pauwi sa kanilang bahay sina Kulas
at Leon. Pagdating nila sa sala, nagulat ang panganay na may karton na naglalaman ng
bagong sapatos.

“Ma, kanino po ‘tong rubber shoes?” tanong ni Kulas sa ina niya.

Ngumiti ang ina at sinabihan siyang sa kanya iyon. Bagong rubber shoes at mukhang
mamahalin yung binili ng mama niya para sa kanya. Kinabukasan, sinuot niya ito
papuntang paaralan dahil sakto naman na P.E. nila.

Pagkalipas ng isang linggo, nagulat si Vina noong sinumbatan sya ni Julio habang nag-
aayos siya sa harap ng salamin at ang asawa naman ay nagbabasa ng dyaryo sa
higaan nila.

“Akala ko ba binilhan mo ng bagong sapatos si Kulas kaya naubos ang sweldo mo.
Bakit mukhang luma yata yung nabili mo,” sabi ni Julio.

Nagulat si Vina sa sinabi ng asawa. Idiniin niya bumili talaga siya ng bago at mahal iyon
kaya humiram pa siya ng pera sa may-ari ng tindahan.
Pagdating ng tanghalian, nakarating na ang mga bata. Tama si Julio at luma na ang
sapatos na suot ni Kulas. Nagulat ang ina at tinanong ang anak.

“Nak, binilhan kita ng bagong sapatos, e, bakit luma pa rin iyang sinusuot mo?” tanong
ni Vina sa anak.

Nagdahilan si Kulas na nakalimutan niya raw na may bago na pala siyang sapatos.
Inutusan siya ng ina na kunin iyon at dalhin ito sa kanya. Ilang minuto na naghintay si
Vina pero hindi bumalik si Kulas.

Pinuntahan niya ito sa kwarto at nadatnan niya palakad-lakad si Kulas at balisa.

Tinanong ulit ni Vina ang anak tungkol sa sapatos niya. Pang-apat na pares ng sapatos
na iyon na binili para sa kanya ngayong taon.

“Mama, patawad po. Binigay ko po sa kaibigan ko sa labas ng paaralan ang bagong

sapatos na bili niyo para sa akin,” pagtatapat ng bata.

“Ano? Binilhan ka ng bago tapos ipamimigay mo lang pala? Walang mali sa pagbibigay
anak pero sana, inisip mo rin na binili namin ng papa mo iyon para sa iyo. Nag
sinungaling ka pa,” sabi ni Vina sa anak.

Pinuri ng ina ang bata sa pagiging mapagbigay nito pero pinaalalahanan rin niya na
mali ang magsinungaling kahit ano pa ang dahilan. Inihayag niya rin kay Kulas na sana
ay pahalagahan nito ang mga binibigay nila ng ama niya dahil pinaghihirapan nila ito.

Humingi ng patawad si Kulas at nangako sa ina na pahahalagahan na niya ang

susunod na mga sapatos at mga gamit na ibibigay sa kanya ng mama at papa niya.
Nangako rin siyang hindi na siya magsisinungaling.

Uri ng tekstong naratibo: Maikling Kwento

Elemento:
Paksa: Ang kwento ng “Ang Mga Nawawalang Sapatos ni Kulas” ay tumatalakay sa
karanasan ni Kulas at ang kanyang pagpapahalaga sa mga bagay na ibinibigay sa
kanya ng kanyang mga magulang.
Banghay: Nag-umpisa ang kwento sa pagtuklas ni Vina na ang lumang sapatos ang
suot ni Kulas kahit binili na sila ng bagong sapatos para sa kanya. Ipinakita rin ang
pangyayari kung paano nahatid sa kanilang bahay ang bagong sapatos at ang
pagkabigo ni Kulas na pahalagahan ito.
Panahon at Tagpuan: Ang kwento ay naganap sa kasalukuyang panahon, partikular sa
tahanan ng pamilya ni Kulas sa Kalye Sampaguita.
Tauhan: Kulas (Nicholas Cruz), pangunahing tauhan, sampung taong gulang na bata na
nagkaroon ng bagong sapatos. Julio, ama ni Kulas, nagtatrabaho sa isang pagawaan
ng mga kasangkapan sa bahay. Vina, ina ni Kulas, kahera sa isang tindahan. At Leon,
nakababatang kapatid ni Kulas.
Tunggalian: Ang pangunahing tunggalian ay ang pagkakaroon ni Kulas ng bagong
sapatos na hindi niya naipahalaga ng maayos, na nagresulta sa pag-alala ng kanyang
mga magulang.

Katangian at kalikasan:
 Paglalarawan ng mga pang-araw-araw na kaganapan sa isang pamilya.
 Pagtuturo ng halaga ng pagpapahalaga sa mga bagay at pagiging mapagbigay
sa kapwa.
 Pagpapakita ng pagtuturo ng mga magulang sa kanilang anak ukol sa pagiging
tapat at pagpapahalaga sa mga binibigay sa kanila.

Mga sangkap:
 Kwento ng isang pamilya at ang pagkawala at pagpapahalaga sa sapatos ni
Kulas.
 Deskriptibo at may mga dialogo.
 Pagbibigay-aral at pagpapahayag ng mensahe ukol sa pagpapahalaga sa mga
bagay at pagiging tapat sa mga pangako.