Professional Documents
Culture Documents
134
134
లి పోయాక...
చిత్రకావేరి
అరుణ పప్పు
‘యూ.......’
ఆ మాట అనేశాక... కావేరి మొహంలోకి చూశాక... అప్పుడర్థమైంది తానెంత
తప్పు చేశాడో!
తన చెంప మీద తానే గట్టి గా కొట్టుకున్నట్టయ్యిందతనికి.
ఏం చేశాడు తను!
ఆంతరంగిక మందిరంలోకి ప్రవేశమున్న ఒకే ఒక చెలికత్తె రాకుమారిని
ఒడుపుగా పొడిచేసినట్టు కావేరిని తాను పొడిచేశాడు.
ఒంటరి ద్వీపం నుంచి బయటపడటానికి తనకున్న ఒకే ఒక వంతెనను తాను
కూల్చేశాడు!
చిట్ట చివరి ఆసరా జారిపోయి, కొండకొమ్ము నుంచి చీకటి లోయలోకి పడిపోతూ
ఆమె మనసు చేసిన ఆక్రందనాన్ని తాను విన్నాడు!
దెబ్బ తిన్న దూడలా, వలలో చిక్కిన చేపలా కావేరి చూపు – దాన్ని తనెప్పటికీ
మర్చిపోలేడు.
* * *
‘సాయంత్రం ఐదు గంటలికి. మా ఇంట్లోనే... హేమచంద్ర చూస్తుంటాడు...
ఎవరైనా చెప్పిన సమయానికి రాకపోతే కాలుగాలిన పిల్లిలా ఇంట్లోకీ బయటకీ
తిరుగుతుంటాడు... నీకు తెలుసుగా...’ ప్రసూన గబగబా చెప్పింది.
‘హేమ సంగతి నాకెందుకు తెలీదూ? వస్తానొస్తాను...’ అన్నాడు సోమయాజులు.
అతన్నంటుంది కాని, ఈవిడా అంతే. అంత ఇష్టంతోటే కట్టుకున్న ఇంటికి
‘పాట’ అని పేరు పెట్టుకున్నారు. నెలకోసారయినా స్నేహితులూ కుటుంబసభ్యులూ
కూర్చుని కబుర్లు చెప్పుకోవడం తప్పనిసరి. ‘కబుర్లు’ అని పేరేగాని, అసలు దాన్ని