Bionote

Ang isang bionote ay isang mahahalagang talata na nagpapaalam sa mga mambabasa kung sino
ka o ano ang nagawa mo sa iyong karera. Bilang karagdagan, ipinapakita dito ang karagdagang
impormasyon tungkol sa iyo na nauugnay sa paksang pinag-uusapan sa papel, ang trabahong inaasahan
mo, o ang nilalaman ng iyong blog o website. Nakasulat ito sa puntode bistang pangatlong panauhan.

Ang autobiography at bionotes ay iba. Ang autobiography at talambuhay ay mas mahaba at mas
detalyado, samantalang ang bionote ay maikli at siksik. Ang curriculum vitae at biodata ay may bionote
din. Mahalagang Ideya: Ang Bionote ay maaaring gamitin bilang isang tool sa marketing. Ginagamit ito
upang ipakita ang mga tagumpay at pagkilala ng isang tao.

Mga Paraan sa Pag-sulat ng Bionote

1. Dapat maikli ang nilalaman nito. Ang mga tao ay karaniwang hindi nagbabasa ng mga
mahabang bionote, lalo na kung ang mga karagdagang impormasyon ay hindi kahanga-hanga.
Ibig sabihin, mas babasahin ang bionote kung mas maikli ito.
2. Gumagamit ng pangatlong panauhangpananaw. Tandaan, laging gumagamit ng pangatlong
panauhang pananaw sa pagsulat ng bionote kahit na ito pa ay tungkol sa sarili.
3. Kailangang isaalang-alang ang mambabasa sa pagsulat ng bionote. Kung ang mga mambabasa
ay mga tagapamahala ng paaralan, dapat nilang hulmahin ang bionote ayon sa kanilang
hinahanap. Ang isang halimbawa ay ang iyong kategorya at kredibilidad para sa pagsulat ng
batayang aklat.
4. Gumagamit ng baligtad na tatsulok. Katulad ng pagsulat ng balita at iba pang obhetibong mga
artikulo, bigyang-priyoridad ang mga mahahalagang bagay. Ito ay dahil sa katotohanan na ang
karamihan sa mga tao ay karaniwang basahin lamang ang unang bahagi ng artikulo. Kaya, ang
pinakamahalagang impormasyon ay dapat na isulat sa simula.
5. Nakatuon lamang sa mga angkop na kasanayan o katangaian. Mamili lamang ng mga kasanayan
o katangian na angkop sa layunin ng iyong bionote.
6. Binabanggit ang degree kung kailangan. Kung may PhD sa antropolohiya, halimbawa, at
nagsusulat ng artikulo tungkol sa kultura ng Ibanag sa Cagayan, mahalagang isulat sa bionote ang
kredensyal na ito.
7. Maging matapat sa pagbabahagi ng impormasyon. Kung ito ay kinakailangan upang matanggap
sa inaaplayan o upang ipakita ang iyong kakayahan, walang problema kung minsan ay
magbubuhat ng sariling bangko. Siguraduhin lamang ang impormasyon. Huwag mag-imbento ng
impormasyon lamang upang mapalakas ang reputasyon at makakuha ng higit na kapangyarihan.
Maaaring makapinsala ito sa reputasyon dahil hindi ito etikal.

Mga Dapat Lamanin ng Bionote

a. Personal na impormasyon (pinagmulan, edad, buhay kabataan-kasalukuyan)
b. Kaligirang pang-edukasyon (paaralan, digri, at karangalan)
c. Ambag sa larangang kinabibilangan ( kontribusyon at adbokasiya)

Studocu. (2015). Pagsulat-NG- Bionote - Just go on with it - Group 5 PAGSULAT NG BIONOTE ANO ANG
BIONOTE? Ang bionote - Studocu.
https://www.studocu.com/ph/document/caraga-state-university/education/pagsulat-ng-bionote-just-go-
on-with-it/23561080