Walang Kapantay na Pagmamahal

Ni: Myrna S. Elegarco

Iling Elementary School
San Jose South District

Siyam na buwan, iyong dala-dala

Sa sinapupunan mo inang sinta
Siyam na buwang di alintana
Maisilang,masilayan mundong kaaya-aya

Sa unang taon, inaruga at kinalinga

Pinamalas pagmamahal mong kusa
Sa paglaki, ika’y kasa-kasama
Humubog, gumabay, makatayo ng kusa

Sa aming paglaki, ikaw ang siyang gabay

Sa murang gulang, tumayo kang tatay at nanay
Sa aming magkapatid haligi at ilaw ang taglay
Kahit kapos, masaya yaring buhay

Naging matatag sa hamon ng buhay

Natutong suungin hirap at lumbay
Pangarap at edukasyon sa anak ibinigay
Sukdulan pang maging kasambahay

Dumating ang araw ating pinakahihintay

Labing-apat na taon sa pagkakasikhay
Natupad na pangarap, nakamtan nating sabay
Tuwa sa mukha, bakas na tunay

Subalit sadyang kay lupit ng tadhana

Ikaw sa amin, kinuha ni Bathala
Pinaghirapan na siyang bunga
Hindi man lang tumagal na tinamasa

Saan ka man naroroon Oh! aking Inay

Laging baunin pagmamahal naming tunay
Maligaya man sa piling ni itay
Umaasa pagdating ng araw, magkasama tayo
Sa pangalawang buhay……