Professional Documents
Culture Documents
KULTURA
Ito ang kabuuang pamamaraan ng pamumuhay ng isang pangkat ng mga tao sa isang teritoryo.
Binubuo ito ng mga paniniwala, tradisyon, pag-uugali, umiiral na Sistema sa lipunan at politika,
relihiyon at wika.
KOMUNIKASYON
WIKA
Ang tanging paraan upang maisalin ang kaalaman, karanasan, at alaala ng isang lahi o lipi at lipunan
sa iba.
Ay nagmula sa wikang MALAY, habang ang salitang LENGGUWAHE naman ay umusbong mula sa
wikang LATIN at isinalin sa wikang Ingles at ito’y nakilala bilang LANGUAGE. Ang iba’t ibang salitang
ito ay tumutukoy sa konsepto ng DILA. Ang DILA bilang aparatu sa pagbuo ng makabuluhang tunog
at salita, ang mekanismo ng tao sa pakikipagtalastasan.
Sa makatuwid, ang wika ang pinakadetalyadong kakayahan ng tao na ginagamit upang maipahatid
ang kaisipan, hangarin, at/o mithiin ng tao.
HENRY GLEASON
Ayon sa kanya, ang wika ay masistemang balangkas ng sinasalitang tunog na pinipili at isinasaayos sa
paraang arbitraryo upang magamit ng mga taong kabilang sa isang kultura.
Ang kultura ay kabuuan ng isip, gawi, damdamin, kaalaman at karanasan na nagtatakda ng angking
kakanyahan ng isang pangkat ng tao. Walang kulturang hindi dala ng isang wika na bilang sandigan at
kaluluwa ay siyang bumubuo, humuhubog at nagbibigay diwa sa kulturang ito.
VIRGILIO ALMARIO
Ang wika ang una at pangunahing pamanang pangkultura ng sangkatauhan. Ito ang nagbibigay
artikulasyon sa ating nakaraan sa ating kasaysayan ng mga tagumpay at pagkabigo. Nasa wika ang
yaman ng ating nakaraan na hitik sa katutubong karunungan. Kung hindi natin ito aalagaan,
manganganib ito, at kung ating pababayaan maaring maglaho pa nang tuluyan. Kapag naglaho ang
isang wika, tila may isang tahanan o isang bodega ng ating mga alaala at tradisyon ang mawawala at
di na mababawi kalian man.
LINGUA FRANCA
Tulay ng komunikasyon upang magkaintindihan ang dalawang taong magkaiba ang wika o tulay para
magkausap at magkaunawaan ang iba’t ibang grupo ng taong may kani-kaniyang wikang ginagamit.
Ayon sa kanya, napakayaman ng wikang Filipino, sa katunayan ito ang pinakamabisang midyum natin
upang makilahok sa komunidad na ating ginagalawan. Sa pamamagitan ng wikang ito, naipararating
natin ng buong linaw at husay ang malawak na imahinasyon, mensahe, paniniwala, maging ang ating
hinanakit at tuligsa. Ito ang ating identidad at pagkakakilanlan ng kasapi ng isang lipunan.
WIKANG PAMBANSA
Isang wikang daan ng pagkakaisa at simbolo ng kaunlaran ng isang bansa. Ito ay dapat nasa estado
ng pagiging LINGUA FRANCA o malawakang sinasalita at nauunawaan ng sambayanan na isang
dimensiyong heyograpiko, ito ang salalayan ng pambansang pagkakakilanlan at nararapat na bukas
sa lahat ng panghihiram mula sa katutubo at banyagang wika upang patuloy na umunlad at maging
ganap na wikang panlahat. Kaugnay ng pag-unlad ng wikang Pambansa ay may magandang
mungkahi si Dr. Michael L. Tan.
Aniya, kung nais nating may tawaging pambansang wika at maiangat natin ang respeto sa
lengguwahe na mayroon ang Pilipinas. Dapat itong yakapin ng kabataan hindi lamang sa pang-araw-
araw na pakikipagkomunikasyon kundi pati sa usaping siyensya, ekonomiko, at sining. Sanayin ang
sarili at gawing parte ito n gating kaisipan n gating buhay.
FILIPINO – ang magiging tulay na wika sa pakikipag-ugnayan ng iba’t ibang pangkat sa kapuluan na
may kani-kanilang katutubong wikang ginagamit.
Filipino – pambansang daluyan ng komunikasyon tulad ng telebisyon, radyo, at mga pahayagan,
kilalang politico, komentarista, manunulat at makatang gusting maabot ang buong bansa.
Ang wikang opisyal ng Pilipinas ay Filipino, hangga’t walang ibang itinatadhana ang batas, Ingles.
WIKANG PANTURO
Nauukol sa wika ng pagtuturo at pagkatuto ng mag-aaral. Kaya dito nakasalalay ang pagiging literado
ng sambayanan.
Ang wika ay sistematikong balangkas ng mga sinasalitang tunog na pinili at isinaayos sa paraang
arbitraryo upang magamit ng mga taong kabahagi sa isang kultura.
Ang Wikang Pambansa ay isang daan ng pagkakaisa at simbolo ng kaunlaran ng isang bansa.
Ang Opisyal na wika ang itinadhana ng batas na maging wika ng komunikasyon, transaksyon, o
makikipag-ugnayan ng sambayanan sa pamahalaan.
Binubuo ng mga tunog o sinasalitang tunog ang wika. Kailangang maipagsama-sama ang mga
binibigkas na tunog upang makalikha ng mga salita.
Nasusulat ang wika. Bawat tunog ay may sumasagisag ng mga titik ng alpabeto. Ang tunog na /bi/ ay
sinasagisag ng titik na ‘b’.
Masistemang balangkas ang wika. May proseso o estrukturang sinusunod sa paggamit ng wika tulad
ng:
Sintaksis – pag-aaral ng sintaks – ay ang tawag sa pormasyon ng mga pangungusap sa isang wika.
Semantiks – pag-aaral ng relasyon ng salita sa bawat isa sa iisang pangungusap o kahulugan ng iba
pang salita sa pangungusap upanb maging malinaw ang nais ipahayag.
May kanya-kanyang kakanyahan ang wika. Lahat ng wika ay may sariling set ng palatunugan,
leksikon at istrukturang panggramatika.
Magkabuhol ang wika at kultura at hindi maaaring paghiwalayin. Bilang bahagi ng kultura,
mahalagang irespeto natin ang likas sa bawat lugar.
Nanghihiram ang lahat ng wika. Gawa ng hindi pagiging likas sa kultura ng isang bansa ang bagay na
iyon, kakailanganin niyang manghiram.
Halimbawa: tinanggap na sa talasalitaang Filipino ang mga salitang washing machine, sim card, cell
phone, emoticons, kimbap, sushi, fettucini
Hindi mapaghihiwalay ang wika at kaisipan. Wika ang humuhulma sa kaisipan ng tao sapagkat
naipakikita ng tao kung paano niya nakikita ang mundo maging ang lipunang kanyang kinabibilangan
gamit ang wika.
Buhay o dinamiko ang wika. Patuloy na nagbabago at yumayaman ang wika. Nagbabago-bago ang
kahulugan ng isang salita na dumaragdag naman sa leksikon ng wika.
Namamatay ang wika. Namamatay ang wikang hindi ginagamit. Ganoon din ang nangyari sa ilang
wika gawa ng kakulangan marahil sa pagpapaunlad.
Halimbawa: Phyrigian
KAHALAGAHAN NG WIKA
Wika ang dahilan kung bakit nagkakaisa o nagkakaiba-iba ng paniniwala ang bawat tao sa lipunan.
Kapag may sariling wikang ginagamit ang isang bansa, nangangahulugang ito ay malaya at may
soberanya.
Pamahalaan
Nakasulat sa papel ang mga batas na galing sa pamahalaan at maari nating mabasa, sa Ingles man o
sa Filipino.
Wika ang nagiging gabay at nagbibigay ng kaalaman sa kung ano ang katanggap-tanggap o hindi.
Samantala, wikang Filipino rin ang pinakamadaling tulay ng mga politiko upang maabot ang masa o
ang karamihan ng Pilipino sa ating bansa.
Bagamat unang nabubuo ang batas sa wikang Ingles ngunit kapag ito ay naisalin na sa wikang Filipino
ay higit na nagiging madali ang pagkakaintindi ng mga Pilipino sa batas.
Edukasyon
Tulay sa pagkikipagkomunikasyon sa pagitan ng guro at mga mag-aaral ang wika- mula sa pagbibigay
ng mga tungkulin, proseso ng pagkatuto, pagpepresinta at pagtataya ng aralin, presentasyon ng
talino at kakayanan,maging pagtataguyod ng buhay sa silid-aralan ay may napakalaking papel na
ginagampanan ang wika.
Media at Entertainment
Kung wala nito, papaano mapapahayag nang nasa likod ng media at entertainment ang ibig sabihin
nila kung lahat ay nakatahimik?
Ito rin ay ginagamit para sa mga teleserye o mga pelikula na tinatanaw natin.
Pang-araw-araw na pamumuhay
Isipin mo isang araw na magising ka ay wala nang wika. Paano mo kaya ipahahayag sa iyong Nanay at
Tatay ang pagmamahal mo sa kanila? Paano ka maglalambing sa kanila upang mabili mo ang
ninanais mong bilhin? Paano ka makikipag-usap sa iyong kapatid at ikukuwento ang napakaganda
mong panaginip kagabi?
Ganoon kahalaga ang wika. Kung pagkakaunawaan at pagkakaisa lang ang usapin ay talaga namang
hindi matatawaran ang napakahalagang papel ng wika.
Walang saysay ang sangkatauhan kung wala ang wika sapagkat walang hiraman ng kultura at/o
paraan ng pamumuhay, walang kalakalang magaganap, walang pagbabahagi ng tuklas at imbensyon,
walang talino at kalaman, walang diplomatikong pagkakasundo ang bawat pamahalaan at walang
paglinang ng siyensiya at teknolohiya kung walang wika.
Pormal. Ito ang mga salitang istandard dahil kinikilala, tinatanggap at ginagamit ng higit na
nakararami lalo na ng mga nakapag-aral ng wika.
Pambansa.
Pampanitikan o Panretorika.
Di-pormal o Impormal. Mula sa salitang di-pormal, mahihinuha na ang antas na ito ng wika ay
karaniwan, simple, gamitin o palasak na wika sa araw-araw na pakikipag-usap. Ito ay mayroong
tatlong antas ng wika.
Lalawiganin.
Balbal.
Halimbawa;
Ermat – ina
Erpat – ama
Tomguts – gutom
Dehins – hindi
Keribels – kaya
MILENYAL SLANG
SHARKS – Pating – k
SHOOKT – Nilalarawan ang ekspresyon ng pagkagulat, maaaring Mabuti o masama ang kahulugan
depende sa sitwasyon
UNANG WIKA
IKALAWANG WIKA
Tawag sa iba pang mga wikang matututuhan ng isang tao pagkaraang matutuhan ang kanyang unang
wika.
BILINGGUWALISMO
Kung nakapagsalita ang isang tao ng dalawang wika na may pantay na kahusayan.
MULTILINGGUWALISMO
REGISTER
Tawag sa mga salita o espesyalisadong salita na nagtataglay ng iba’t ibang kahulugan sa iba’t ibang
larangan o disiplina.
Halimbawa:
Larangan o Disiplina
Ekonomiks
Literatura
Konsumo
Akda
Kalakal
Prosa
Puhunan
Awit
Pamilihan
Mitolohiya
Pananalapi
Awtor
Produkto
Salaysay
VARAYTI/BARAYTI NG WIKA
DAYALEK
Wikang rehiyonal at kadalasang sinasalita sa mga lalawigan o pook, malaki man o maliit.
SOSYOLEK
Halimbawa nito, wika ng mga estudyante, wika ng matatanda, wika ng kababaihan, wika ng mga
preso, wika ng mga bakla, at ng iba pang pangkat.
ETNOLEK
Halimbawa: wika ng mga Badjao, wika ng mga Mangyan, Wika ng mga Tiboli at iba pa.
EKOLEK
Taglay nito ang kaimpormalan sa paggamit ng wika subalit nauunawaan ng mga gumagamit nito.
PIDGIN
Ito ay mga wikang walang pormal na estruktura at nabubuo lamang dahil sa pangangailangan ng
mga tagapagsalita.
Umaasa lamang sa sila sa mga “make-shift” na salita o mga pansamantalang wika lamang.
Suki ikaw bili akin ako bigay diskawnt – Suki, bumili ka ng paninda ko
bibigyan kita ng diskawnt
CREOLE
Ito ang mga barayti ng wika na nadedebelop dahil sa mga pinaghalo-halong salita ng indibidwal,
mula sa magkaibang lugar hanggang sa ito ay maging pangunahing wika ng partikular na lugar.
Halimbawa dito ay pinaghalong salita ng Tagalog at Espanyol (ang Chavacano), halong Arican at
Espanyol (ang Palenguero), at ang halong Portuguese at Espanyol (Annobonese).