Professional Documents
Culture Documents
ქალაქები
ქალაქები
ამავე დროს აღსანიშნავია, რომ ზოგიერთმა ქალაქმა დაკარგა თავისი მნიშვნელობა. მაგალითად,
წუნდას მხოლოდ საფორტიფიკაციო მნიშვნელობა დარჩა და შემდეგ ის მხოლოდ ციხედ მოიხსენიება.
იგივე ბედი გაიზიარა უჯარმამ, რომელიც როგორც ციხე–სიმაგრე ფუნქციონირებდა XVIII საუკუნემდე.
ხელოსანთა ნაწილი „ღირსეულ“ პირად იყო მიჩნეული და საზოგადოებაში საპატიო ადგილი ეკავა.
ბექა ოპოზარი ზოგიერთ მინაწერში „ღირს ოქრომქანდაკებლად იხსენიება“ ივარაუდება, რომხელოსნობის
გარკვეული დარგები და ზოგი ხელოსანი სათანადო უფლებებით სარგებლობდა და ზოგჯერ ისინი
გლეხებზე მაღლა იდგნენ. წყაროებიდან ირკვევა, რომ ხელოსანთა შრომა დანაწილებული იყო და
არსებობდა გარკვეული გაერთიანებები სპეციალობათა მიხედვით. ამას ადასტურებს შემდეგი ტერმინები:
„გალატოზთუხუცესი“, „მკერვალთუხუცესი“, „მხატვართუხუცესი“, „მზარეულთუხუცესი“, და სხვ.
ხელოსნები მუშაობდნენ როგორც ბაზრისათვის, ისე შეკვეთით.
დიდი სავაჭრო ცენტრი იყო ასევე ქუთაისი, სადაც ნაპოვნია ბიზანტიური, ტრაპიზონური,
სელჩუკიდების და ილდიგიზების მონეტები. თბილისის და დმანისის გარდა ქუთაისშიც არსებობდა
ზარაფხანა. აღმოსავლური მონეტების გარკვეული ნაწილი აღმოცენილია დასავლეთ საქართველოს სხვა
ქალაქებში, მაგალითად ბიჭვინთაში, თუმცა აქ უფრო სჭარბობს ბიზანტიური მონეტები. სურამის ქედზე
მდებარე ალში 1925 წელს იპოვეს 480 წვრილი მონეტისაგან შემდგარი განძი, რომელშიც შედიოდა
აღმოსავლური, ტრაპიზონული და ქართული მონეტები. ქართული მონეტები ასევე აღმოჩენილია
სომხეთში, შარვანში, ჩრდილოეთ კავკასიაში.
ყაზან ყაენმა თავისი რეფორმებით ყურადღება მიაქცია ქალაქების აღდგენას, მათ კეთილმოწყობას,
ვაჭრობის გაცხოველეობას. მაგრამ ახალმშენებლობები ძირითადად სატახტო ქალაქებს შეეხო და სხვები კი
კვლავ აოხრებულ–გაპარტახებული დარჩა. ვაჭრობა და ხელოსნობა მონღოლთა აოხრებას გადარჩენილ
ქალაქებში ყვაოდა მხოლოდ: თავრიზი, იეზდი, ისფაანი, შირაზი, არდებილი, ყაზვინი, ჰამადანი, ქაშანი,
ურმია და სხვ.