Paksa Ang likhang – sining ni Lualhati Bautista na “Dekada ’70” ay ukol sa mga tunay na pangyayari noong panahon ng panunungkulan ni Marcos o sa kasagsagan ng Batas Militar kung saan binigyan – diin sa pamamagitan ng pamilyang Bartolome. Ipinapakita nito ang kahalagahan ng pamilya para sa ikauunlad ng isang bansa sapagkat ito ang itinuturing na binhi ng kung anong klaseng mamamayan ang susunod na henerasyon. Ang nagku kuwento sa nobela ay isang asawa’t ina na sa una’y walang pakialam sa kapaligiran subalit sa kadahilanang nasasangkot na ang kapakanan ng kaniyang mga anak ay dahan –dahang naliwanagan at natuto na ring maging isang babaeng marunong magsalita’t maglabas ng nadarama habang umuunawa’t nakikinig na sa katotohanan. Mga o Tauhan Amanda Bartolome – ina ng limang anak na lalaki, asawa ng isang inhenyero o Julian Bartolome Sr. – asawa ni Amanda, maprinsipyong Ama at lalaki o Julian Bartolome Jr. (Jules) – panganay na anak, isang kabataang aktibista na sumapi sa rebeldeng New People’s Army (NPA) o Isagani Bartolome (Gani) – pangalawang anak, naging kambing ng pamilya, asawa ni Evelyn, ama ni Anna liza o Emmanuel “Em” Bartolome – pangatlong anak, pinakamatalino sa limang magkakapatid o Jason Bartolome – ikaapat na anak, kasintahan ni Bernadette, naging biktima ng salvaging o Benjamin Bartolome – bunsong anak, bata pa’y nagmamasid na sa mangyayari o Willy – matalik na kaibigan ni Jules o Evelyn – kabiyak ni Gani, o Anna liza – anak nina Gani at Evelyn o Domeng – nage – espiya sa kilusan o Mara – kasamahan ni Jules sa kilusan, naging kabiyak ni Jules o Rev – anak nina Jules at Mara o Rene – napasabak umano sa engkwentro sa pagitan ng militar at mga kasapi ng kilusan o Ronnie – kaibigan ni Jason o Lieutenant Liboro – isang militar sa detention career o Colonel Valderama – hiningan ng tulong ni Amanda o Colonel banal – colonel ng Judge Advocate General’s office o Marela – batang iniuwi ni Em Tagpuan o Sa Bahay ng Pamilya Bartolome - Sala - Library - Kwarto nina Amanda’t Julian o Presinto Buod Nag – umpisa ang nobela sa pagpapakilala sa mga tauhan at nabigyang – pansin na ang nagku kuwento na si Amanda ay isang uri ng asawang alipin ng makalumang paniniwala sa tungkulin ng babae at laaki. Una’y di niya binigyang pansin ang mga pangyayari sa kaniyang kapaligiran subalit ng magsimula nang manaig ang damdaming aktibista ni Jules at ang pagka – mapusok ni Gani ay nabahala siya ng lubusan. Unti – unti ay nagkaroon siya ng kuryosidad kung ano nga ba ang dahilan ng ipinaglalabang prinsipyo ni Jules na katagalan nga’y tulungan nang sumapi sa kilusang kalaban ng pamahalaan. Bunga nito’y nagkaroon ng lamat ang relasyong magpapamilya. Pati na rin ang iba pang anak na sina Em, Jason at Bingo ay nakaranas ng suliranin bunga ng batas militar. Kinalaunan, dumaluhong ang iba’t – ibang pagsubok sa pamilya Bartolome tulad ng pagkakakulong ni Jules, pag – aawa’t maagang ‘paghihiwalay ni Gani at Evelyn, pagbubulakbol ni Jason sa pag – aaral, pagtatanong ni Bingo sa nangyayari at ang pagiging mapusok na manunulat ni Em. Katagalan di’y di inaasahang namatay si Jason, biktima ng salvaging kaya nagkaroon ng pagtatalo sina Amanda at Julian na halos umabot pa sa puntong nakikipaghiwalay siya dito. Salamat naman at di natuloy ang binalak gawin ni Amanda at dahil doon ay patuloy na hinarap na magkasama ng mag – asawa ang lahat ng suliraning bunga ng batas militar. Sa huli, tagumpay na nalagpasan ng pamilya Bartolome ang mga pagsubok na nananatiling buo ang uganaya’t samahan sa isa’t – isa. Nakita natin kung gaano kahalaga ang pagiging matibay ng pundasyon ng isang pamilya upang makayanan ang lahat ng banta ng problema. Nagsilbi ang nobla na magandang halimbawa ng pamilyang Pinoy na kayang lagpasan ang lahat, na atin pa ring maiuugnay sa kasalukuyang panahon kahit na nangyari ito noong Dekada ’70. Aral oPag mamahal sa bansa. oPagmulat ng isip sa realidad na mayroon ang isang bansa at pamahalaan nito. o Pahalagahan ang pamilya sapagkat kayo kayo din ang magdadamayan sa lahat ng unos ng buhay. Unawain niyo ang isa’t isa dahil ditto niyo makikita ang lipunang inyong ginagalawan.