ANG

PANANALIKSIK
 MGA LAYUNIN
Sa katapusan ng aralin, ang mga mag-aaral ay inaasahang
1. nakapagpapaliwanag ng kahalagahan ng pagbubuo ng isang
sulating pananaliksik;
2. Nakauuri ng mga pananaliksik batay sa layunin at kategorya;
3. Nakagagamit ng mga batayang etika ng isang mananaliksik; at
4. Nakabubuo ng makabuluhang tanong sa pananaliksik bilang
simula sa pagpili ng paksang sasaliksikin.
Suriin ang talahanayan at
sagutin ang mga tanong kasunod
nito
1.Ano ang nais patunguhan ng sarbey?
2.Bakit kaya kailangang isagawa ang
ganitong mga estatistika at pag-uulat?
3.Paano isinasagawa ang ganitong pag-
aaral?
4.Ano ang maidudulot sa tao o lipunan ng
kaalamang makukuha mula sa pag-aaral
na ito?
Ano ang pananaliksik?
Ang pananaliksik ay isang
sistematikong pag-iimbestiga at pag-
aaral upang makapagpaliwanag at
makapaglatag ng katotohanan gamit
ang iba’t ibang batis ng kaalaman.
Bakit isinasagawa ang
pananaliksik?
Isinasagawa ang pananaliksik
bilang isang lohikal at
organisadong batayan ng mga
karagdagang kaalaman tungkol
sa tao, kultura, at lipunan.
Paano ginagamit ang mga
pananaliksik sa ating buhay
akademya?
 Ginagamit ito bunsod ng
pangangailangang palawakin o
palalimin ang kaalaman sa isang
larangan lalo na sa mga
intitusyong pang-akademiko.
 Bakit mahalaga ang Pananaliksik?
Sa pagsasagawa ng pananaliksik,
nahahanapan natin ng sagot ang mga
katanungang bumabagabag sa ating
isip, naisasakatuparan ang interes sa
isang bagay, at nililinang ang
kakayahang makahanap ng solusyon.
Nagsisimula ang pananaliksik sa
pamamagitan ng mga tanong sa
pananaliksik
research question). Sinasaklaw
ng mga tanong na ito ang
pinakaubod o sentro ng
pananaliksik.
Nag-uumpisa sa pagbuo ng mga tanong
sa pananaliksik ang tutugunang
suliranin ng pananaliksik. Tumutukoy ito
sa isang paksa, usapin, o pangyayari na
nais siyasatin, at kailanagang alamin;
mga kondisyong dapat baguhin; o mga
hamon na dapat bigyan ng solusyon ng
isang mananaliksik.
Ang pagsagot sa suliraning
tutugunan ng pananaliksik ay
sinusundan ng pagbuo ng kuro-
kuro (Hypothesis).
Paano bumuo ng isang maayos na
pananaliksik?
Ayon sa Duke Writing Studio, kailangang
gawin ang sumusunod:
1. Pumili ng paksang kinawiwilihan at
magbasa ng mga kaugnay na pag-aaral na
naisagawa tungkol dito.
2. Isaalang- alang ang iyong
mambabasa.
Mga Katangian ng Magandang Tanong sa
Pananaliksik
1. Tiyak, espesipiko, at maliwanag ang
paggamit ng mga termino.
Nakakabuti ba ang 4P’s Paano napapabuti ng
ng gobyerno? 4P’s ang kalagayang
pang-ekonomiya ng
mga nakatanngap nito?
2. Tumatalakay sa mahalaga at
makabuluhang isyu.
3. Hindi pa naisasagawa ngunit
posibleng maisakatuparan.
4. Nagtataglay ng malinaw na
layunin at kahalagahan.
Madalas gamitin sa
pananaliksik ang
pamamaraang pasaklaw at
pabuod (Babbie, 1998).
Pasaklaw – sinusuri ang mga detalye at
obserbasyon upang matukoy at
mapatunayan ang pangkalahatang kaisipan
at prinsipyo.

Pabuod- unang inilalahad ang

pangkalahatang kaisipan na pinatutunayan
sa pamamagitan ng mga detalye at
obserbasyon.
Samakatuwid, ang
pamamaraang pasaklaw ay
ginagamit upang maghanap ng
paliwanag, habang ang
pamamaraang pabuod ay
ginagamit upang patunayan ang
paliwanag.
KAHALAGAHAN NG
PANANALIKSIK
Ipaliwanag ang kasabihan sa
wikang Ingles, “Necessity is the
mother of invention.”
Dahil sa pangangailangan,
napipilitan ang tao na gumawa
ng paraan upang
maisakatuparan, makamit, o
masolusyonan ang nasabing
pangangailangan.
Ano-ano ang Gamit ng
Pananaliksik?
1. isinasagawa ang pananaliksik
upang tumuklas ng mga bagong
kaalaman at impormasyon na
magiging kapaki-pakinabang sa
mga tao.
2. Maaaring gamitin ang
pananaliksik upang bigyan ng
bagong interpretasyon ang
lumang impormasyon.
3. Nagagamit ang pananaliksik
upang linawin ang isang
pinagtatalunang isyu.
4. Nagsasagawa ng
karagdagang pananaliksik
upang patunayan ang bisa at
katotohanan ng isang datos o
ideya.
Bilang isang Gawain sa
akademya, kailangang taglayin
ng isang mabuting pananaliksik
ang sumusunod na katangian:
1. kailangan itong gumamit ng mga
ebidensyang hango sa isinasagawang
eksperimentasyon. Dapat itong
nakabatay sa mga datos mula sa mga
obserbasyon at mga aktuwal na
karanasan sa halip na teorya lamang
o kaisipan.
Halimbawa: Komparatibong
pag-aaral tungkol sa epekto ng
musika sa pagkatuto ng mga
mag-aaral sa ikalawang antas ng
Matti National High School.
2. Kailangan itong maging
sistematiko at may proseso o
pamamaraan.
BAKIT?
Lahat ng aspekto ng
pananaliksik ay kailangang may
sinusundang proseso upang
maiwasan ang
misrepresentasyon, pagkiling, at
pagdududa sa kinalabasan ng
pananaliksik.
3. Kailangang kontrolado ang
pananaliksik.
Lahat ng pananaliksik ay may mga
elementong maaaring mabago at maiba
(variable). Sa mga elementong ito
nakabatay ang lahat ng sanhi at kalalabasan
ng pananaliksik. Samakatuwid, mahalagang
matukoy ang mga pagbabatayan lamang ng
pag-aaral upang makontrol at maipokos
ang direksyon ng isinasagawang pag-aaral.
Halimbawa: Komparatibong
pag-aaral tungkol sa epekto ng
musika sa pagkatuto ng mga
mag-aaral sa ikalawang antas ng
Matti National High School.
Batay sa halimbawang
pananaliksik, ang dalawang
elemento na tututukan ay ang
musika (sanhi) at pagkatuto
(bunga).
4. Kailangan itong gumamit ng
matalinong kuro-kuro
(hypothesis) na siyang magiging
gabay sa buong proseso ng
pananaliksik.
5. Kailangang ang pananaliksik
ay masusing nagsusuri at
gumagamit ng ankop na
proseso upang maiwasan ang
anumang kamalian.
6. Kailangang ang pananaliksik
ay makatwiran at walang
kinikilingan.
7. Kailangang ang pananaliksik
ay gumagamit ng mga dulog
estatistika.
8. Kailangang ang pananaliksik
ay orihinal.
9. kailangang ang pananaliksik
ay maingat na gumagamit ng
mga pamamaraan sa
pangangalap ng
mapagtitiwalaang datos.
10. Kailangang ang pananaliksik
ay hindi minadali.
May iba’t ibang
dimensiyon ang
Pananaliksik
DIMENSIYON NG
PANANALIKSIK
1. Ang pananaliksik ay
naglalayong tumuklas ng mga
bagong kaalaman at
magpatunay ng mga umiiral na
kaalaman.
DIMENSIYON NG PANANALIKSIK
A. Ang pananaliksik na naglalayong
tumuklas ng makabagong kaalaman
ay nagsasagawa ng imbestigasyon
at pagsusuri tungkol sa mga bagay
o ideya na hindi pa ganap na
nauunawaan o hindi pa saklaw ng
kaalaman.
DIMENSIYON NG PANANALIKSIK
B. Ang pananaliksik na
naglalayong magpatunay ng
mga umiiral na teorya ay batay
sa mga nakuhang datos.
DIMENSIYON NG PANANALIKSIK
2. Pananaliksik na nagtataya o
nagsusuma ng mga datos at
pananaliksik na nag-uuri ng
mga datos.
A. Ang pananaliksik na nagtataya o
nagsusuma ng mga datos ay gumagamit
ng numero o estatistika upang masukat
ang mga elemento. Isang halimbawa
nito ay ang pagsasagawa ng sarbey sa
mga grupo ng mamamayan at ang mga
gagawing batayan sa pagbubuo ng
kongklusyon o rekomendasyon.
B. Ang pananaliksik na nag-uuri ay
nakabatay sa direktang
obserbasyon o bunga ng mga
panayam mula sa iba’t ibang batis.
Ang pananaliksik na ito ay
naglalarawan ng mga katangian ng
paksang sinasaliksik.
DIMENSIYON NG PANANALIKSIK
Maaaring ang pananaliksik na
nagpapatunay ay nagsusuma ng
resulta, habang ang
pananaliksik na tumutuklas ay
nag-uuri.
ETIKANG
ISINASAALANG-
ALANG SA
PANANALIKSIK
 Dahil ang pananaliksik ay
bunga ng matiyagang
pagbabasa at pagsusuri ng mga
nauna nang pananaliksik,
mahalagang malinang sa bawat
mag-aaral ang mga etika sa
pananaliksik.
Dahil dito, mahalagang
iwasan ang sumusunod:
a. Paggamit ng teksto ng ibang
manunulat o mananaliksik
(Plagiarism)
Ayon sa www.plagiarism. Org
(nasa Atanacio, et.al., 2013)
may iba’t ibang anyo o paraan
ang plagiarism:
1. pag-angkin sa gawa ng iba

2. pangongopya ng mga salita

o ideya nang hindi kinikilala ang
orihinal na sumulat
3. Hindi paglalagay ng panipi sa
mga siniping pahayag
4. Pagbibigay ng maling
impormasyon tungkol sa
pinagmulan ng siniping pahayag
5. Pagpapalit ng mga salita
ngunit pareho lamang ang
estruktura ng pahayag
B. Pagreresiklo ng mga
material (recycling)
 Ito ang muling paggamit ng
mga nailathalang material o
mga papel na naipasa na sa
ibang kurso.
c. Agarang pagbibigay ng
kongklusyon nang walang
sapat na batayan
 Ito ay pagbuo ng akademikong
papel nang hindi pinagtuunan ng
masusing pag-aaral ang mga datos
at mabilisang nagbigay ng
kongklusyon nang hindi sapat ang
mga datos na pagbabatayan.