Reaksiyong papel, at Rebyu PAMANAHONG PAPEL • Kilala rin ito bilang term paper. Tuntungan ito upang bumuo pa ng mas malawak na papel pananaliksik. Laman ng akademikong sulating ito ang pag diskurso sa isang napapanahong isyu. Mainam na mahimay- himay ang paksa upang palitawin ang kahalagahan upang ito ay pag-usapan. Ang masinop na pananaliksik ukol sa kaligiran ng paksa ang magpapalinaw sa tunguhin ng pamanahong papel. • Mahalagang malinaw ang paglalahad ng layuning pangkalahatan na palalakasin ng mga tiyak na layunin. Kailangan ding mayroong paglalahad ng kahalagahan kung bakit marapat na talakayin ang napapanahong isyu o paksa na tiyak na magbibigay ng kaalaman upang imulat ang mamamayan. • Magkaugnay ang pagbuo ng lagom, konklusyon, at rekomendasyon sa paglikha ng makatuwiran at mapagkakatiwalaang pamanahong papel. Sa tulong ng pagtalakay sa isang napapanahong isyu, nagiging malinaw ang penomenong nangyayari sa ating lipunan. POSISYONG PAPEL • Laman ng akademikong sulating ito ang opinion, saloobin, pananaw na pinagyaman upang maging matibay na paninindigan. Sa akademikong sulating ito mamamalas ang matibay na paglalahad ng katuwiran. • Mahalagang inilalatag ng posisiyong papel ang mga posibilidad ukol sa panig na pinaninindigan. Malinaw na ipinakikita ang sanhi at bunga ng mga panig upang Makita ang maaaring kahinatnan ng ibinibigay na posisyon. • Mahalagang kasangkapan sa posisyong papel ang pagtitimbang-timbang ng iba’t-ibang perspektiba upang ang ipinapahayag na paninindigan ay makaimpluwensiya at katigan ng ibang mambabasa o mamamayan. Mangyayari ang isang matatag na posisyon sa pamamagitan ng komprehensibong pagsasalansan ng mga impormasyon, datos, at patunay na dapat isiwalat sa posisyong nais ipahayag. REAKSIYONG PAPEL • Laman ng akademikong sulating ito ang reaksiyon sa napapanahong isyu. Ang reaksiyon ay nagmula sa pinaniniwalaang panig ng manunulat. Masusi na tinimbang-timbang ang mga maaring maging bunga ng isyung iikutan ng reaksiyong papel. • Napapalawak ang lalamaning reaksiyon dahil sa dating kaalaman o iksema ng manunulat. Ang dating kaalaman ay bunga ng kabatirang ibinigay ng iba pang babasahin, napanood, napakinggan, at higit sa lahat mga naranasan. Madaling maisagawa ang pagbuo ng reaksiyong papel sapagkat nakasandig ito sa opinion ng indibidwal. • Madaling maipahayag ang opinyon lalo na kung ito ay interes ng manunulat. Kaya naman ang reaksiyong papel ay umiikot sa paninindigan o pananaw ng manunulat. Mas maigsi itong maituturing sa ibang akademikong sulatin. Subalit, hindi matatawaran nag bisa nito bilang akademikong sulatin sapagkat mababakas ditto ang kaalaman, kasanayan, at paninindigan sa usapin ng pagsulat ng may akda. REBYU • Laman ng rebuy ang masusing pag-iisa-isa ng mga bahagi ng anumang nais suriin o rebyuhin. • Mahalagang mapalutang ang mga puntos na nais bigyang diin sa mensaheng nais iparating o palutangin sa rebyu. Bukas ang anumang rebuy sa iba’t-ibang pagsipat o perspektiba batay sa kakayahan ng manunuri ng pelikula, programang telebisyon, o akda. • Dahil pagsasalaysay ng nilalaman ng may akda o materyal ang rebuy, marapat na maiparating ng maunuri ang sariling pananaw mula sa ideolohiya o perspektibang nais pagtuunang pansin at bigyan ng angkop na diin. Pagsulat ng rebyu ng isang Pelikula • Pangunahing sangkap sa makabuluhang rebyu ang pagtukoy ng iba’t-ibang elemento tulad ng banghay at aspektong sining at teknikal ng buong pelikula. Mainam na isa- isahin ang sumusunod na elemento bilang gabay sa pagsusuri o pagrerebyu: - Kuwento o banghay - Iskrip- Kabuuang direksiyon at - Tema at Isyung Panlipunan - sinematograpiya Produksiyon - Karakter: Bida at Kontrabida - Musika - Aral at pagpapahalaga - Pagganap - Costume - Rekomendasyon - Tagpuan at Panahon - Editing • Dapat ipakita dito ng sumusulat na may katibayan ang kanyang mga puna o impresyon. Maaaring mang-iwan ng pangungusap o tanong na pag- iisipan ng mga mambabasa sa pagtatapos (conclusion) EPEKTIBONG PAGSULAT NG POSISYON, PAMANAHON, REAKSIYONG PAPEL, AT REBYU
Kaalaman at kasanayan sa:
- Pagtukoy sa isyu - Pag-alam sa sanhi at bunga - Pagsusuri sa suliranin at solusyon - Pagbuo ng konlusyon at rekomendasyon
Ang talas ng isip at pandama ay
magdudulot ng mga mabisang sangkap sa pagsulat tulad ng: - Opinyon - Pananaw - Paninindigan