ანა არველაძე 2020 წლის შემოდგომის სემესტრი კურსის მიზნები:
1. ქართული ენის ფონეტიკის ძირითადი პრინციპების გაცნობა;
2. თანხმოვანთა და ხმოვანთა სისტემების შესწავლა; 3. თანხმოვანთა და ხმოვანთა მართებულად წარმოთქმის წესების, მათი დარღვევის შემთხვევებისა და კორექტირებსათვის საჭირო ხერხების შესწავლა ;
სამეტყველო აპარატის სწორად განვითარებისათვის საჭირო ცოდნისა და უნარების გამომუშავებაში. ფონეტიკის საგანი: სამეტყველო ბგერები
1. ფიზიკური ბგერები: შრიალი, ჭრიალი, ჩუხჩუხი, წკარუნი, რახუნი ...
2. ბიოლოგიური ბგერები: ყეფა, წრიპინი, ზმუილი, კვილი, სტვენა, ხველა ... 3. სამეტყელო ბგერები - წარმოიქმნა ბიოლოგიური ბგერებისაგან და თითოეულ ენაში მხოლოდ რამდენიმე ათეული გამოიყენება სიტყვიერი ურთიერთობისათვის .
სამეტყველო ბგერები სოციალურად ღირებული ბგერებია.
სამეტყველო ბგერას მეორენაირად ეწოდება ფონემა სამეტყველო ბგერა - ფიზიოლოგიურ -აკუსტიკური თვისებები; ფონემა - სოციალური დანიშნულება. მაგ: ბ
სამეტყველო ბგერა: ფონემა:
წყვილბაგისმიერი; სიტყვისთვის მნიშვნელობის მიცემა; ხშული; სიტყვისთვის მნიშვნელობის შეცვლა. მჟღერი. სიტყვათგანმასხვავებელი ანუ დისტინქტური ფუნქცია. ოლი - ბოლი; ალი - ქალი - ბალი ტერმინი ფონეტიკა წარმოიშვა ბერძნული სიტყვისაგან ფონე (φωνή) - „ხმა“. არსებობს კერძო და ზოგადი ფონეტიკა. კერძო ფონეტიკის დანიშნულებაა: ცალკეული ენის (ამ შემთხვევაში ქართულის) ბგერითი ფორმის შესწავლა - რამდენი ბგერაა და როგორ წარმოითქმის თითოეული მათგანი; როგორ ერთდებიან ბგერები ერთმანეთთან სიტყვებში; როგორია დღეს ქართულის ბგერათსისტემა ; როგორ ენაცვლებიან ბგერები ერთმანეთს ცოცხალ მეტყველებაში და ემორჩილებიან თუ არა ისინი ბგერათშენაცვლების რაიმე კანონზომიერებას და ა .შ . ისეთი ფონეტიკური საკითხების შესწავლა, რომლებიც სცილდება კონკრეტულად მოცემული ენის ბგერითი ფორმის ფარგლებს, შეადგენს ზოგადი ფონეტიკის საგანს. ზოგადი ფონეტიკა სწავლობს: საწარმოთქმო ორგანოების ანატომია -ფიზიოლოგიას ; წარმოთქმის ელემენტების აკუსტიკურ თვისებებს; წარმოთქმის ელემენტების ტიპობრივ ცვალებადობას დროთა განმავლობაში. არსებობს აღწერილობითი და ისტორიული ფონეტიკა:
აღწერილობითი ანუ სტატიკური ფონეტიკა შეისწავლის წარმოთქმის ელემენტებს
დროის გარკვეულ მონაკვეთში(მაგალითად ქართული ენის განვითარების რომელიმე კონკრეტულ პერიოდს): როგორია ენის ბგერითი შედგენილობა და როგორ წარმოითქმის თითოეული ბგერა, როგორია ბგერათსისტემა და როგორი დისტინქტური შინაარსი აქვს თითოეული მათგანს, როგორია მასში მოქმედი ბგერათშენაცვლება და ა.შ. ისტორიული ანუ დინამიკური ფონეტიკა შეისწავლის იმავე ფაქტებს განვიტარებსი პროცესში, წინა საფეხურის გათვალისწინებით და მათთან დაკავშირებით. რაში გვეხმარება ფონეტიკა?
გრამატიკის მრავალი საკითხი შეიძლება გაგებულ იქნეს მხოლოდ ფონეტიკის
დახმარებით; უცხოური ენის შესწავლისას გვეხმარება სწორი წარმოთქმისა და ორთოგრაფიის წესების დადგენა-გაგებაში; ეხმარება ლოგოპედებს მეტყველების შეფერხების მიზეზების დადგენასა და აღმოფხვრაში; სმენის პრობლემის მქონე ადამიანებს ეხმარება ბგერითი მეტყველების განვითარებაში.