PINLAC Gamit ng Wika sa Panlipunang Pangangailangan at Konteksto Ayon kay Malinowski (1923) Ipinapalagay ni Malinowski na ang wika ay repleksiyon ng panlipunang pangangailangan at konteksto (Haslett 2008). Ibig sabihin, ang silbi at tungkulin ng wika ay nalilikha alinsunod sa papel na ginagampanan nito sa isang partikular na kultura. Halimbawa, may mga salita sa Filipino na sensitibong ginagamit bilang konsiderasyon sa kultural na aspekto ng pakikipag-ugnayan. Gaya na lamang ng pag-uutos, gumagamit tayo ng "paki" bilang pagpapakita ng paggalang at mabuting pakikitungo. Gamit ng Wika sa Panlipunang Pangangailangan at Konteksto Ayon kay Malinowski (1923) Ang paggamit ng "po" at "opo" ay mga katagang nakabatay sa kultural na aspekto ng ating wika at walang kinalaman sa estruktura. Kultural din ang lohika sa paggamit ng "kayo" at "sila" na estruktural na tumutukoy sa maramihan ngunit sailang pagkakataon ay ginagamit bilang pananda sa pagpapakita ng paggalang. Maihahambing ito sa kultura ng mga Espanyol sa paggamit ng tu (pamilyar na ikaw) at usted (magalang na pagtukoy sa ikaw). Gamit ng Wika sa Sitwasyonal na Konteksto ng Pagpapakahulugan Ayon kay Firth (1957) Binibigyang-diin naman sa prinsipyo ng sitwasyonal na konteksto ni John Rupert Firth (1957) ang paglalarawan sa kahulugan na nakabatay sa paggamit ng wika sa tiyak na konteksto. Inilahad niya ang proseso ng pormal na paglalapat nito: (1) pagsusuri sa mga kalahok (kabilang ang kanilang mga makabuluhang berbal at di-berbal na pahayag); (2) makabuluhang bagay at di-berbal na pangyayari o pagkakataon sa isang tiyak na konteksto; at (3) epekto ng mismong mga pahayag. Gamit ng Wika sa Sitwasyonal na Konteksto ng Pagpapakahulugan Ayon kay Firth (1957) Halimbawa, may magkakaibang paraan ang mga tao sa pagpapahayag ng kanilang nararamdaman gaya ng pagkainis. Maaari itong ipahayag sa pasalitang pagsasabi ng "hindi ka na nakakatuwa" o "nakakasakit ka na," o sa paraan ng "pag-alis ng walang pasabi" o "aktong padabog." Kung susuriin, may kadikit na dahilan sa iba't ibang sitwasyon kung bakit ito ang pinipili nilang paraan sa pagpapahayag. Maaaring bunga ito ng umiiral na kumbensiyong pangkomunikasyon o impluwensiya ng sitwasyong kinasasangkutan ng mga kalahok. Gamit ng Wika sa Sitwasyonal na Konteksto ng Pagpapakahulugan Ayon kay Firth (1957) Kapag ang mga paraang berbal at di-berbal na pagpapahayag ng pagkainis ay inilagay sa isang tiyak na sitwasyonal na konteksto kung saan, kailan, at paano ito ginamit, maaari itong magkaroon ng bagong gamit at kahulugan. Ang pagpapahayag ng pagkainis sa paraang "padabog" sa harap ng napakaraming tao ay maaaring magpahiwatig ng kabastusan. Sa huling proseso, mahalagang indikasyon ang naging bisa o epekto ng mga pahayag na idinikit sa konteksto batay sa reaksiyon ng mga kalahok at kung nakatugon ito sa inaasahang panlipunang gamit ng wika sa partikular na sitwasyon at layunin ng komunikasyon. Gamit ng Wika sa Prinsipyo ng Dulog-Sa- Gamit (Functional Approach) Ayon kay M.A.K. Halliday (1973) Anumang wika ay may gamit na tumugon sa pangangailangan ng tao at lipunang kinabibilangan nito. Halimbawa, hindi lubos na mauunawaan ang baryasyon ng wika kung ang pag-aaralan lamang ay ang mga lingguwistikong estrukturang bumubuo rito, at isasantabi ang mga di-lingguwistikong pangyayari o pagkakataon na nagbunsod sa pag-iral nito bilang panlipunang gamit at produkto ng isang layunin sa komunikasyon. Sa ganitong diwa, mailalapat ang prinsipyong dulog-sa-gamit (functional approach) na pag-aaral sa wika na ipinanukala ni Michael Alexander Kirkwood (M.A.K.) Halliday (1973), mula sa pagpapalawak at pagpapaunlad ng mga naunang teorya nina Malinowski (1923), Firth (1957), at iba pa. Gamit ng Wika sa Prinsipyo ng Dulog-Sa- Gamit (Functional Approach) Ayon kay M.A.K. Halliday (1973) Sa obserbasyon ni Halliday, nabuo niya ang pitong gamit ng wika batay sa iba't ibang yugto ng pagkakagamit ng isang bata. Napansin niya na ang isang bata ay may hakbang-hakbang na yugto ng kakayahan sa paggamit ng wika samantalang ang nakatatanda ay may kakayahan nang ilapat ang maraming tungkulin na ito. Nagsisimula ang isang bata sa yugto na ginagamit niya ang wika upang magpahayag ng kaniyang pangangailangan, na tutungo sa pag-uutos at pagkontrol sa mga tao sa kaniyang paligid, hanggang sa may sapat na siyang kakayahan para magtanong tanong upang tumuklas. Gamit ng Wika sa Prinsipyo ng Dulog-Sa- Gamit (Functional Approach) Ayon kay M.A.K. Halliday (1973) Naniniwala si Halliday na may gampanin ang wika sa pagbubuo ng panlipunang realidad at mahalaga ang panlipunang gamit nito sa pagbibigay-interpretasyon sa wika bilang isang sistema. Ibig sabihin, ang wika bilang potensiyal sa pagpapakahulugan ay naisasagawa sa pamamagitan ng pagsusuri sa partikular na panlipunang setting ng komunikasyon. Pitong Gamit ng Wika Instrumental na Gamit ang Wika May instrumental na gamit ang wika kung layunin nitong makipagtalastasan para tumugon sa pangangailangan ng tagapagsalita. Ginagamit ang wika para tukuyin ang mga pangangailangan ng tagapagsalita. Instrumental na Gamit ang Wika Sa aktuwal na karanasan, karaniwang instrumental ang gamit ng wika para sa paglutas ng problema, pangangalap ng materyales, pagsasadula, at panghihikayat. Kailangang gamiting mabisa ang instrumental na gamit ng wika sa pamamagitan ng paglilinaw at pagtitiyak ng pangangailangan, naiisip, o nararamdaman sa partikular na gawain. Instrumental na Gamit ang Wika Halimbawa, alin sa dalawang pahayag sa ibaba ang naglilinaw ng mensahe ng ninanais na pakikipaghiwalay?
a) Sa palagay ko, kailangan na nating magpahinga muna.
b) Sa akin, gusto ko munang makipaghiwalay. Instrumental na Gamit ang Wika Sa unang pahayag, hindi mabisang nailapat ang instrumental na tungkulin ng wika sapagkat hindi ito naglilinaw ng tiyak na kagustuhan at pangangailangan ng tagapagsalita, hindi gaya ng ikalawa na may tiyak na paggamit ng pahayag na "gusto ko ... " upang sapat na makatugon sa hinihingi ng tagapagsalita. Sa kabilang banda, maaari ring ituring na mabisa ang pahayag kung ginamit ito sa angkop na sitwasyon at layunin sa pakikipagkapwa. Regulatori na Gamit ang Wika May regulatori na gamit din ang wika na may kakayahang makaimpluwensiya at magkontrol sa pag-uugali at kaasalan ng iba. Magagamit ng tagapagsalita ang kapangyarihan ng wika upang makapanghikayat, mag-utos, at humiling sa kaniyang kausap o sinoman sa kaniyang paligid. Madalas ay may negatibong konotasyon ang ideya ng pagkontrol, ngunit maaari namang isagawa ito sa positibong paraan na angkop sa paggamit ng wika Regulatori na Gamit ang Wika Kailangang maging malinaw na ang anumang uri ng komunikasyon ay makapangyarihan; maaaring positibo ngunit maaari ding maging negatibo ang implikasyon sa kapwa tagapagsalita at tagapakinig. Halimbawa, sa berbal na komunikasyon, maaaring gamitin ang regulatori na gamit ng wika sa pagpapahayag ng mga positibong salita para humikayat sa isang indibidwal na ipagpatuloy ang kaniyang mga kalakasan. Maaari din naming makasakit ito kung iinsultuhin ang isang tao dahil sa kaniyang mga limitasyon. Regulatori na Gamit ang Wika Kailangang maging malinaw na ang anumang uri ng komunikasyon ay makapangyarihan; maaaring positibo ngunit maaari ding maging negatibo ang implikasyon sa kapwa tagapagsalita at tagapakinig. Halimbawa, sa berbal na komunikasyon, maaaring gamitin ang regulatori na gamit ng wika sa pagpapahayag ng mga positibong salita para humikayat sa isang indibidwal na ipagpatuloy ang kaniyang mga kalakasan. Maaari din naming makasakit ito kung iinsultuhin ang isang tao dahil sa kaniyang mga limitasyon. Regulatori na Gamit ang Wika Maaaring gamitin ang regulatori na gamit ng wika sa mga aktuwal na karanasan ng pagbibigay ng panuto, batas, at pagtuturo. Halimbawa sa ideolohiya ng mga negosyante at entreprenyur, ginagamit nila ang wika sa mga patalastas upang makapanghikayat at impluwensiyahan ang mga konsyumer na bilhin ang produkto dahil nililikha nila sa isip ng kausap ang pangangailangan nila sa produkto (kailangan mo ito ... ) at nag-uutos na gayahin o gamitin ang kanilang produkto (gawin mo ito ... ) para sa interes ng kapital. Heuristiko na Gamit ang Wika Kapag ginagamit naman ang wika sa pag-aaral at pagtuklas upang makapagtamo ng kaalaman ukol sa kapaligiran, nagiging heuristiko ang tungkulin ng wika. Sumusulpot ang ganitong heuristikong gamit ng wika sa mga pagkakataong nagtatanong, sumasagot, o dumadaloy ang isang pamumuna bilang pagkilos ng isang bata o indibidwal. Maaari din na umusbong ito sa paraan ng pag-alam sa mga bagay-bagay, pagdududa, o palagay. Sa aktuwal na karanasan, maaaring makita ang gamit ng wikang heuristiko sa mga gawain ng imbestigasyon, pagtatanong, at pananaliksik. Representatibo na Gamit ang Wika Representatibo naman ang tawag sa gamit ng wikang ginagamit sa paglalahad ng impormasyon, datos, at nakalap na ideya na nirerepresenta sa iba't ibang paraan. Bagaman, kaugnay ng representatibo ang heuristikong gamit ng wika sa pagbibigay kahulugan sa realidad ng lipunan Representatibo na Gamit ang Wika Kung sa heuristiko nagaganap ang proseso ng pagtuklas, sa representatibong gamit naman nagsisimulang bigyan ng interpretasyon at ilahad ang mga natuklasang ideya, konsepto, at kaisipan. Halimbawa, ginagamit ang pag-uulat, paglahok sa forum, at paggamit ng mga estadistika upang ipaliwanag ang mga impormasyon at kaalaman. Representatibo na Gamit ang Wika Kung sa heuristiko nagaganap ang proseso ng pagtuklas, sa representatibong gamit naman nagsisimulang bigyan ng interpretasyon at ilahad ang mga natuklasang ideya, konsepto, at kaisipan. Halimbawa, ginagamit ang pag-uulat, paglahok sa forum, at paggamit ng mga estadistika upang ipaliwanag ang mga impormasyon at kaalaman. Interaksiyonal na Gamit ang Wika Kapag ginagamit ang wika sa pagbubukas ng interaksiyon o humuhubog ng panlipunang ugnayan, ang wika ay nagiging interaksiyonal. Ang wika ay may panlipunang gampanin na pag- ugnayin ang isang tao at ang kaniyang kapwa sa paligid. Ang "ako" at "ikaw" na tungkulin ng wika ay lumilikha ng mga panlipunang ekspresyon at pagbati upang bumuo ng interaksiyon at palakasin ang layuning makipagkapwa gaya ng, "Mahal kita," "Kumusta?" "Nanay," at "Mabuhay!" Interaksiyonal na Gamit ang Wika Mabisang matatamo ang mahusay na interaksiyon sa pamamagitan ng estratehiyang interaksiyonal gaya ng paggamit ng mga katangiang hindi gumagamit ng salita tulad ng kilos, tuon ng mata, at pagpapahayag gamit ang katawan (mga muwestra o galaw ng kamay, pagkiling-kiling ng ulo, at ibang mga kilos). Gayundin, nagpapatuloy ang epektibong interaksiyon kung paiba-iba ang ekspresyon, tono, at intonasyon na nagpapahiwatig ng interes sa pakikipag-usap. Pinalalakas ng interaksiyonal na gamit ng wika ang pagbubuo ng ugnayan sa isang lipunan. Personal na Gamit ang Wika Nagsisilbing gampanin naman ng personal na gamit ng wika ang palakasin ang personalidad at pagkakakilanlan ng isang indibidwal. Ginagamit ng isang tao ang wikang personal upang ipahayag ang kaniyang mga personal na preperensiya, saloobin, at pagkakakilanlan na hindi sumasaklaw sa kaniyang pangangailangan. Halimbawa, sa pagpapahayag ng pansariling paniniwala sa isyu at paggamit ng sariling paraan ng pangangatuwiran ay napatitingkad ang personal na gamit at layunin ng wika. Imahinatibo na Gamit ang Wika Mahalaga naman ang imahinatibong tungkulin ng wika upang ipahayag ang imahinasyon at haraya, maging mapaglaro sa gamit ng mga salita, at lumikha ng bagong kapaligiran o bagong daigdig. Sa pagsulat ng mga malikhaing komposisyon, gumagamit ng tayutay at ibang estratehiya upang matupad ang layon ng mapangakit na komunikasyon. Imahinatibo na Gamit ang Wika Ang paglikha ng popular na pick-up lines, halimbawa, ay nagpapakita ng malikhaing gamit ng wika upang magpatalas ng isang ipinahihiwatig na kahulugan at damdamin. Halimbawa: Password ka ba? 'Di kasi kita makalimutan. Ipapupulis kita! Ninakaw mo kasi ang puso ko.