ARALIN B : Iba’t Ibang GENRE na nakasulat sa TEKSTO LAYUNIN :
1. Nalalaman ang kahulugan at kahalagahan ng ibat-ibang
Genre ng panitikan. 2. Natatalakay ang ibat-ibang akdang pampanitikan tulad ng pabula, alamat, maikling kweno, parabula, nobela at iba pa. 3. Nakagagawa/nakabubuo ng pansariling talambuhay at talambuhay ng iba. 4. Nakapagtatanghal ng isang talumpati. Sinasabing noon pang ika-anim na siglo bago isilang si Kristo naririnig na ang mga pabula. Sa mga panahong iyon naging bukambibig ang Griyegong pabulistang nagngangalang Aesop o Esopo. Si Aesop ay kinikilala sa pagsulat ng mahigit anim na raang pabula, na mga maikling kwento na nagtuturo ng moral o aral. Ang mga tauhan ay mga hayop na may katangian ng tao. Ang ilan sa kanyang mga sikat na pabula ay ang The Ant and the Grasshopper at The Hare and the Tortoise. Ang pabula na simpleng kwento ng mga hayop ay binabasa sa buong daigdig sapagkat nakapagtuturo ito ng kabutihang asal. Binabanggit ito ng mga pari at pastor sa pulpito; ng mga guro at propesor sa klase; ng mga brodkaster at host sa radyo at telebisyon; ng mga kolumnista at editor ng pahayagan at ng mga puno ng bansa sa kani-kanilang talumpati. Alamat ang tawag sa pasalitang literatura na ipinamana pa sa atin ng ating mga ninuno. Mga simpleng istorya ito na nagsasalaysay kung saan nanggaling ang maraming bagay bagay sa ating kapaligiran. Karaniwang nagsasalaysay ang mga ito ng mga pangyayari hinggil sa tunay na mga tao, pook, at mayroong pinagbatayan sa kasaysayan. Ang ilan sa mga sinaunang tao sa Pilipinas ay naniniwala na ang mga alamat ay totoong nangyari samantalang ang iba naman ay sinasabing kathang-isip lamang ang mga ito. Ilan sa klasipikasyon ng alamat ay tumutukoy kay Bathala, sa kalikasan, sa kultura, at sa pinanggalingan ng mga hayop 10 Pinakasikat na Alamat sa Pilipinas 1. Alamat ng Pinya 2. Alamat ng Pilipinas 3. Alamat ng Saging 4. Alamat ng Ampalaya 5. Alamat ng Mangga 6. Alamat ng Sampaguita 7. Alamat ng Lansones 8. Alamat ng Rosas 9.Alamat ng Bayabas 10. Alamat ng Butiki • Ang maikling kwento ay isang anyo ng panitikan na may layuning magsalaysay ng mga pangyayari sa buhay ng pangunahing tauhan. Nag-iiwan ito ng isang kakintalan sa isip ng mga mambabasa. • Ayon kay Edgar Allan Poe, ang tinaguriang Ama ng Maikling Kuwento, ay isang akdang pampanitikang likha ng guniguni at bungang – isip na hango sa isang tunay na pangyayari sa buhay.Ito ay nababasa sa isang tagpuan, nakapupukaw ng damdamin, at mabisang nakapagkikintal ng diwa o damdaming may kaisahan. SALIK o SANGKAP NG MAIKLING KUWENTO Ang epiko ay tulang pasalaysay na nagsasaad ng kabayanihan ng pangunahing tauhan na nagtataglay ng katangiang nakahihigit sa karaniwang tao na kadalasan siya’y buhat sa lipi ng mga diyos o diyosa.
Ang paksa ng mga epiko ay mga kabayanihan ng pangunahing tauhan sa kanyang
paglalakbay at pakikidigma.
Ang salitang epiko ay galing sa Griyego na epos na nangangahulugang ‘awit’
ngunit ngayon ito’y tumutukoy sa pasalaysay na kabayanihan. - ito ay mga salaysay na mula sa mga likhang-isip na mga tauhan na kumakatawan sa mga uri ng mamamayan tulad ng hari, isang marunong na lalaki, o kaya sa isang hangal na babae. - ito ay kadalasang kaugnay sa isang tiyak na pook o rehiyon ng isang bansa o lupain. Ito ay katulad rin ng mga alamat at mga mito. Ang mga akdang ito ay karaniwang may ibinibigay na mensaheng ubod ng kaalaman katulad ng salawikain. - Ang Batik Ng Buwan mula sa Bayan ng Bisaya - Ang kahulugan ng sanaysay ay "essay" sa Wikang Ingles. Ang sanaysay ay isang uri ng sulatin nanagpapahayag ng pananaw o opinyon ng nagsulat nito. Ang isang sanaysay ay may pokus sa iisang diwa at paksa. Ang mga sanaysay ay may layong magbahagi ng impormasyon, magpahayag ng nararamdaman,magbahagi ng opinyon, manghikayat ng ibang tao, at iba pa. - Ito ay isang uri ng sulatin o komposisyon na naglalayong maibahagi ang saloobin ng nagsulat nito. Ito rin ay maaaring magbahagi ng impormasyon, magpahayag ng nararamdaman, magbahagi ng opinyon o damdamin, manghikayat ng ibang tao, at iba pa. Ang isang sanaysay ay maaaring tumalakay ng iba't ibang paksa gaya ng pag-ibig, kapaligiran, pamilya,lipunan, mundo, at iba pa 2 Uri ng Sanaysay 1. Pormal Tumatalakay ito sa mga seryosong paksa na nagtataglay ng masusing pananaliksik ng sumulat. Kadalasan itong nagbibigay ng impormasyon tungkol sa isang tao, bagay, lugar o pangyayari. Ang tono nito ay siryoso at walang halong biro. Isang uri ng pormal na sanaysay ang editoryal sa mga pahayagan. Ito ay tungkol sa opinyon ng sumulat sa mga maiinit na balita. 2. Di-pormal Ito naman ay tumatalakay sa mga paksang karaniwan, personal at pang araw-araw na nagbibigay- lugod o mapang-aliw sa mga mambabasa. Binibigyan diin nito ang mga bagay-bagay at karanasan ng may akda sa isang paksa kung saan mababakas ang kanyang personalidad na para bang nakikipag-usap lamang siya sa isang kaibigan kaya naman ito ay madaling maintindihan. Sa madaling sabi, tungkol sa damdamin at paniniwala ng may akda ang paksa ng di-pormal na sanaysay. Talambuhay ay ang pagsasalaysay tungkol sa kwento ng buhay ng isang tao. Ang salitang talambuhay ay nagmula sa Greek "bios " Ano ang ibig sabihin "habang buhay"Y"graphein”Na nagpapahiwatig "magsulat ng", para sa kung ano ang ibig sabihin nito "sumulat ng buhay". Ang talambuhay ay isang Ika-17 siglong uri ng panitikan, isinalaysay sa ikatlong tao at nagpapaliwanag sa isang maikling buod, ang buhay ng isang tao, sa pangkalahatan, ay isang publiko at tanyag na tao, kung saan ang ibang tao, alinman sa isang mamamahayag o ng ibang propesyon, ay nagsusulat ng buhay ng indibidwal sa pamamagitan ng pagkolekta ng data at, kung maaari, sa pamamagitan ng direktang pakikipanayam sa biographer o sa kanyang pamilya o mga kaibigan. Saklaw ng talambuhay ang kapanganakan, pamilya, pagkabata, kumusta ang kanyang pagbibinata, pag-aaral, propesyon, mga kaugnay na gawa, katangian ng kanyang pagkatao, kung minsan isang maikling buod ng oras kung saan siya nabuhay o nabuhay, ang kanyang pang-adultong buhay, ang kanyang pamana, bukod sa iba pang mga punto na isinasaalang-alang ng manunulat na mahalaga o kawili-wili upang makuha. Sa kaso ng namatay na tao, ang dahilan ng kanyang pagkamatay ay iniulat, kung saan saang lugar siya ay natakpan, mga taong dumalo, bukod sa iba pang mga bagay na nauugnay sa paksa. Kung hindi man, iyon ay, kung ang indibidwal ay buhay, nakasulat ito hanggang sa kasalukuyang oras o hanggang sa isinasaalang-alang ng biographer na may kaugnayan. Talumpati ay isang buod ng kaisipan o opinyon ng isang tao na pinababatid sa pamamagitan ng pagsasalita sa entablado para sa mga pangkat na mga tao. Layunin nitong humikayat, tumugon, mangatwiran, magbigay ng kaalaman o impormasyon at maglahad ng isang paniniwala. Isang uri ito ng komunikasyong pampubliko na nagpapaliwanag sa isang paksa na binibigkas sa harap ng mga tagapakinig. Sining ito ng pagpapahayag ng isang kaisipan tungkol sa isang paksa sa paraang pasalita sa harap ng tagapakinig. Ang panandaliang talumpati (extemporaneous speech) ay ang agarang pagsagot sa paksang ibinibigay sa mananalumpati at malaya siyang magbibigay ng sariling pananaw. Maaaring may paghahanda o walang paghahanda ang talumpati. Tinatawag na impromptu sa wikang Ingles ang talumpating walang paghahanda kung saan binibigay lamang sa oras ng pagtatalumpati. Sinusubok ang kaalaman ng mananalumpati sa paksa. Maaaring binabasa, sinasaulo o binabalangkas ang talumpati. Sa binabasang talumpati, inihanda at iniayos ang sinusulat muna ang talumpati upang basahin nang malakas sa harap ng mga tagapakinig. Samantalang ang sinaulong talumpati, inihanda at sinaulo para bigkasin sa harap ng mga tagapakinig. Habang naghahanda ng balangkas ng kanyang sasabihin ang binalangkas na talumpati kung saan nakahanda ang panimula at wakas lamang.